اسئلة لطلاب البيولوجي [الأرشيف] - منتديات الجلفة لكل الجزائريين و العرب

مشاهدة النسخة كاملة : اسئلة لطلاب البيولوجي

imene92setif

2012-07-19, 19:57

cascada_soumia

2012-07-19, 20:47

ih wallah meme ana haba na3rf wlalh dertha whssalt 9alouli mich mli7a bzf
gouloli s que fiha ta3 les radio wta3 te3yar ou nn?

hossam.m

2012-07-20, 12:01

oui ma soeur soumia kayne les radio wta3 te3yar

إيمان إيمي

2012-07-20, 12:43

السلام عليكم

الأخت إيمان حتى أنا طالعة سنة ثانية بيولوجيا .. متقلقيش روحك التسجيلات في سبتمبر .. والأوراق ساهلين عندك صور و تبرئة تاع لافاك

والباز ... وتوجدي ليكارت تاعك باه تبدليهم ... هذا مقدرت نعرف .. نزيد نتأكد ونقولك ..

وبالنسبة للأخت سمية جامي ديري حاجة وتندمي عليها .. والبيولوجيا ماهيش واعرة اللي قرا يلقى .. واذا حابة الخدمة اقراي ومبعد

خممي في الخدمة متقلقيش روحك قبل الوقت ..

والسلام عليكم

rania joi

2012-07-20, 16:09

les papiers ncit wechnou houma ; ana tla3t l 3éme khawti zayro rw7koum 1ére année trops faciiile dok tchoufou 2éme yelzamlek il fo ta9raw b1

nouha19

2012-07-20, 22:29

ممكن تقولونا شحال معدل القبول فيها؟

hossam.m

2012-07-21, 11:36

ممكن تقولونا شحال معدل القبول فيها؟
معدل القبول يتراوح مابين 10.90 الى 11.40 والله اعلم والموفق والعام لي فات 10.. فاصلة صغيرة دخلوها نورمال وان شاء الله تدخليها لانها شابة بزاااااف وانا راني باسيت لل2 بيولوجي وننصحك انك تقرايها ادا كان عندك النفس الطويل اي النهارات الاولى تجيك شويا صعيبة ومن بعد عادي

imene92setif

2012-07-21, 13:44

شكرا على الردود وانا نقولك اختي سمية متندمي على البيولوجي ماوالو مدام ربي كتبهالك يسمى فيها خير انا وحدة كنت هكذاك في الاول خطراكش انا من الاول كنت نقرى هندسة كهربائية وعندي عامين ماقريتش علوم وكي طلعت للجامعة نلقى روحي في البيولوجي مع انني خيرتها 7 بصح الحمد لله على واش عطالنا ربي وفيما يخص المعدل للاخت 11.67 معلبليش هذا خاص بالتقني برك ولا ثاني العلميين وربي يوفق كل عضو في قرايتو وسلام

asma biologiste

2012-07-22, 21:46

الحمد لله يا البنات راني توجهت ليها ممكن بعض النصائح؟خاكر ماراني عارفة والو

asma biologiste

2012-07-22, 21:47

معدل القبول يتراوح مابين 10.90 الى 11.40 والله اعلم والموفق والعام لي فات 10.. فاصلة صغيرة دخلوها نورمال وان شاء الله تدخليها لانها شابة بزاااااف وانا راني باسيت لل2 بيولوجي وننصحك انك تقرايها ادا كان عندك النفس الطويل اي النهارات الاولى تجيك شويا صعيبة ومن بعد عادي
انا هي nouha19 هههه هديك عضوية اختي و انا هداي عضويتي

imene92setif

2012-07-22, 22:49

مليح الله يبارك اختي نهى وفيما يخص السؤال نتاعك على حسب معلوماتي هي مليحة وزيدي سقسي اصحاب الخبرة لي كثرمني بلاك يفيدوك اكثر

douniazeriane

2012-07-22, 23:07

بلادي الجزائر

2012-07-24, 14:56

يا جماعة انا دارولي توجيه بيولوجيا على كل الحمد لله الا قدرتو يا اخوتي قولولي المصطلحات العلمية المتداولة في سنة اولى بيولوجيا على خاطرش انا ما نفهمش الفرنسية بزاف وهادا هو المشكل تاعي
الله يخليكم قولولي الحل

متقلقيش روحك ختي كي تبداي تقراي ويديرلها ربي طريق مام دك نعطوك المصطلحات بالفرنسية + بالعربية متفهميهمش كي تبداي تقراي راكي تفهميهم ومتخافيش من اللغة لان اللغة ماهية الا وسيلة

imily

2012-07-24, 16:24

معدل القبول هو من 11.59 وطلع و بيولوجي هايلة بزاف كيما الطب

lilas rym

2012-07-24, 21:32

la biologie est un mauvais choix à mon avis psq je ss biologiste.

mina soussou

2012-07-25, 11:31

يا جماعة انا دارولي توجيه بيولوجيا على كل الحمد لله الا قدرتو يا اخوتي قولولي المصطلحات العلمية المتداولة في سنة اولى بيولوجيا على خاطرش انا ما نفهمش الفرنسية بزاف وهادا هو المشكل تاعي
الله يخليكم قولولي الحل

اولا صح رمضانك يا أختي دنيا
ثانيا أنصحك من كل قلبي نصيحة أخت لاختها خاصة إذا راكي حابة تخدمي في المستقبل بعد تخرجك أنصحك إذا كنت لديك معدل في الباكالوريا أكثر من 11.30 فأنصحك تديري تحويل قبل فوات الاوان من شعبة البيولوجيا الى احدى اللغات او الى الاعلام الالي لان البيولوجيا ليس لها
لا مستقبل و لا قيمة في بلادنا .ثانيا قرايتها صعيبة و طويلة و في نفس الوقت حلوة و انتي خممي مليح وشوفي واش يخرج عليك
هذي نصيحتي ليك و إذا قريتي بيولوجي تاكدي بلي يجي نهار و تتفكري كلامي في هذي السطور

سلاااااااام صح فطوركم

حنان الهام

2012-07-25, 12:19

السلام لبنات انا تاني وجهوني لبيولوجيا انا حبيتها باسكو درته الاختيار التاني
قالولي صعيبة كاينا منها ؟؟
شحال من عام نقرا فيها ؟؟
واش هي التخصصات الموجودة فيها ؟؟

شكرا بنات صحا فطوركم

لينا لجين

2012-07-25, 14:07

لبنات تعيشو فيدونا انا تاني وجهوني للبيولوجي وانا حاصلة كاين اللي قولي بدلي و كاين الللي قولي مليحة والو مابيها واش رايكم

بلادي الجزائر

2012-07-26, 21:31

اولا صح رمضانك يا أختي دنيا
ثانيا أنصحك من كل قلبي نصيحة أخت لاختها خاصة إذا راكي حابة تخدمي في المستقبل بعد تخرجك أنصحك إذا كنت لديك معدل في الباكالوريا أكثر من 11.30 فأنصحك تديري تحويل قبل فوات الاوان من شعبة البيولوجيا الى احدى اللغات او الى الاعلام الالي لان البيولوجيا ليس لها
لا مستقبل و لا قيمة في بلادنا .ثانيا قرايتها صعيبة و طويلة و في نفس الوقت حلوة و انتي خممي مليح وشوفي واش يخرج عليك
هذي نصيحتي ليك و إذا قريتي بيولوجي تاكدي بلي يجي نهار و تتفكري كلامي في هذي السطور

سلاااااااام صح فطوركم

السلام عليكم
ختي وش هاد التشاؤم + كيعاد عندك هذي المعلومات كامل لاه راكي تقراي فيها............... منيش ضدك على خاطؤ جزء من هدرك صحيحة مي مش لهذا الحد
انا بالنسبة لي البيولوجي مليحة بزاف حاجة تهزي منها حوايج في الحياة وحاجة الخدمة والقيمة التخصصات كامل كيف كيف كلشي على القفازة ختي رانا نشوفو فيهم يخلصو طب وصيدلة وميديرو فيها والو دونك بركايمتخلعي فيهم من فضلك اوكي سلالالالالالالالام

asma biologiste

2012-07-27, 12:58

بشوشة على طول

2012-07-27, 14:44

السلام عليكم كيف الحال يا اخوات
انا ثاني نقرا بيولوجيا
هذا العام تخرجت سنة ثالثة
و بيولوجا قرايتها هايلة و فيها معلومات قيمة تتعلق بالانسان في حد ذاته
و عل الخدمة كل واحد و شطارتو
و مشكل اللغة ينحل في الاول صح صعيبة و لكن مع الوقت تهضميها و جيك ساهلة
ربي ينجحكم خاوتي
ونزيدكم كل تخصص و عندو قيمتو
صح فطوركم

mina soussou

2012-07-27, 15:04

قتلتينا بهاد التشائم

هذا ما هوش تشاؤم يا ختي هذي راهي الحقيقة و الواقع وما نقدروش نغطيو الشمس بالغربال

mina soussou

2012-07-27, 15:18

السلام عليكم
ختي وش هاد التشاؤم + كيعاد عندك هذي المعلومات كامل لاه راكي تقراي فيها............... منيش ضدك على خاطؤ جزء من هدرك صحيحة مي مش لهذا الحد
انا بالنسبة لي البيولوجي مليحة بزاف حاجة تهزي منها حوايج في الحياة وحاجة الخدمة والقيمة التخصصات كامل كيف كيف كلشي على القفازة ختي رانا نشوفو فيهم يخلصو طب وصيدلة وميديرو فيها والو دونك بركايمتخلعي فيهم من فضلك اوكي سلالالالالالالالام

أولا الاخت دنيا هي من طلبت نصيحة و رأي من يدرسون في البيولوجيا و انا جاوبتها و نصحتها حسب تجربتي و رأيي و كل واحد حر في رايو يعبر واش يحب و انا مانيش نخلع فيها

البيولوجيا صح قراية مليحة و ممتعة و تفيدنا في حياتنا كيما كامل العلوم لكن لي يحوس على مستقبل و خدمة مع البيولوجيا ناقصة بزاف و الحقيقة تقال البيولوجيا ما عندهاش قيمة في بلادنا كيما الشعب الاخرى و ربي يسهل على كل ولحد بيبدير واش يحب باه مبعد يكون مسؤول على قرارو و يتحمل مسؤوليتو

ويكو ن بعلمك انا لم تكن رغبتي ان ادريس البيولوجيا إذ تحصلت في البكالوريا على معدل 14.64 و وضعتها في الخانة 6 وبما أنهم لم يقبلوني في تخصصات الطب و الصيدلة والمدارس العليا التي طلبتها في دورة 2010 وجهوني للبيولوجيا و للاسف كانت عندي ظروف لم أستطع الذهاب للجامعة و اجراء التحويل الى شعبة اخرى
لكن الان الحمد لله انا راضية بقضائي و قدري لان الله هو من كتبها لي و الحمد لله على كل حال وأنا أدرسها بنجاح و الحمد لله

نصيحتي احترمي اراء الاخرين
سلام

marouko1

2012-07-28, 07:37

السلام عليكم انا طالعة لسنة ثانية جامعي فرع بيولوجي في جامعة سطيف حابة نسقسي وكتى يبداو التسجيلات في سطيف وشنهي الاوراق لي نخرجو وثاني حابة نعرف اسكو ساهلة شوية ولا لي قرى لكى ههههههه
السلام عليكم
أنا ثاني طالعة لل 2
إيمان ممكن نكون نعرفك لأني نقرا في سطيف وشمن section كنتي
؟؟؟؟؟؟؟؟؟

imene92setif

2012-07-28, 22:24

salam marouko1 ana kont sectio D et toi?

رملاك

2012-07-28, 23:52

السلام عليكم

البيولوجي مليحا انا عجبتني نقراها في جامعة البرج

+ مكنتش حابتها في الاول مي قريتها و مع الوقت عجبتني و قرايتها مليحا

أما عن فرص العمل و الله كل واحد و زهرو انت أقراي و الباقي علي ربي راهم عندهم شهادات عليا و راهم يخدمو بلانام كيما لي بيولوجيست

صح رمضانكم

سلااااااااااااااام................

عزيزعزيز

2012-07-29, 10:29

عجبا لمنقالت العلوم مافيهاش مستقبل؟؟؟ وهل باقي الشعب فيها مستقبل؟؟؟
ياو البلاد الكل مافيهاش مستقبل لانو العدل ماكانش والشباب صح ماكانش ، صرالنا كثر من الاندلس الشباب الكل يبكي على ظرفه الثاني ،
والذيابا يسيرو فيها كيما يحبو، على كل حال باه نخطي السياسة ن العلوم فيها متعة كبيرة ، ..........
.
.
ومشكل الفرنسية العام الاول انشاء الله يروح ، ننصحكم تمركيو الجامعة الليلية فرنسية أو دروس الدعم من الاول قبل مايكثر الضغط عليكم .
واللي حب المستقبل كيما سبق وقلت يحط الدكتوراه نصب عينيه ،
اقول الدكتوراه وليس الماستر لانني ماستر وماكان والو غير الخلايع هههه،..............^_^
السنين يجريو وكبما اليوم تلقاو رواحكم تودعو في الباز الا من كمل الدكتوراه ،
بربي ان شاء الله يبقى في جو البحث العلمي وفي الجامعة كاستاذ وهذا احسن حاجة تديروها في حياتكم...
.....كشما تحتاجو استفسارات راني هنا :mh92: ، سلام ... ^_^ if you want you can

QWER

2012-07-29, 10:34

السلام عليكم
انا تاني بعتوني بيولوجي....رغم اني درتها الاختيار الخامس.... لي جابو ربي فيه الخير
المهم..انا راني ضعيفة شوي في الفرنسية
نتمنى تقدرو تفيدوني بكاش موقع ولا كتب تقدر تعاوني.
.....رح نبدا ندير الاساس من درك..باه كي توصل لقرايا..نكون عندي فكرة وش رح نقرا..
انا نحب العلوم ....بزاااااااااااااف....و علابالي رح نحب بيولوجي......و لي يخمم على الخدمة...
انا نقول ليكم.....الارزاق بيد الله سبحانه...العبد يدير لي عليه..و يقرا و يتعب...و لي يجي من بعد...ربي و رحمتو

ارجوانكم تعاونوني..
و صحا بعد فطوركم

اختكم دلال

عزيزعزيز

2012-07-29, 10:52

الأخت دلال :mh92: ، علبالك الفترة الجامعية هاذي جد حساسة في حياتك
ياإما تخرج فيها برصيد علمي و شهادات ، يا غما تخرج فارغ وبديقات....
نصيحتي الاولى لك، إذا تقدري سجلي في الجامعة الليلية فرنسية او انجليزية ، لأنها من بعد تكون سلاح في يدك بعد التخرج و الله راح تستفادي كثير وفي نفس الوقت حطي بالك في تخصصك ، ماتخليش حاجة تفوتك بلا ماتسقسي عليها :confused: ، او تفهميها كوني قريبة من الاساتذة وخليهم يحسو بلي راكي حابة تهزي صح ، راح يفيدوك تلقائيا......واللغاتدرك كلش متوفر ، الكتب ، السيديات ، وحتى تلقاي معك صديقات ممكن يفهمو مليح اللغة وخصوصا القبايل هههه هزي من عندهم :sdf: ...العام الاول تبقى تابعتكم المات ، والفيزيكن والشيمي، والاحصاء وبيولوجيا حيوانية ونباتية هادو تكون عندك خلفية مسبقة عليهم :19: ، ومن بعد الام الثاني ان شاء الله تدخلو ميكروبيولوجيا ، بيوكيمياء، وراثة .... ، ومن بعد التخصص في العام الثالث....والعقوبة للماستر ان شاء الله ،دعواتكم

sali sanfoura

2012-07-29, 14:46

السلام عليكم
العيب مش في البيولوجيا العيب فيك اختي و متفهمينيش غالط
لانك لوكان حبيتيها متقوليش بلي البيولوجي ماش مليحة و كل واحد يدي واش كتبلو ربي
انا عن نفسي مكنتش نحبها مي كي قريت و فهمت قلت بلاك كنت نندم لوكان مقريتهاش
لانها فيها ياسر تخصصات مليحة
و في النهاية كل واحد و رأيو

samah20

2012-07-29, 15:32

سلام قوليلي المصطلحات المستعملة في البيولوجيا باللغة الفرنسية

samah20

2012-07-29, 15:34

:sdf:لخاطر راني منفهم والو فيها

samah20

2012-07-29, 15:36

اذا كنت موجودة انا انتظر الرد

samah20

2012-07-29, 15:37

:confused:لاني بزاف مقلقة

samah20

2012-07-29, 15:38

او اسئلك بعض الاسئلة عليها

marouko1

2012-07-30, 01:35

salam marouko1 ana kont sectio D et toi?

أنا ثاني section D
وشمن groupe

samah20

2012-07-30, 13:04

سلام هل من احد موجود

Soufiane2130

2012-07-30, 19:15

la biologie est un mauvais choix à mon avis psq je ss biologiste.

علاش موش مليحة؟ تقدري تفيديني ؟ اللي يتخرج بديبلوم نتاع البيولوجيا وين يقدر يخدم ؟ وهل فرص العمل موجودة ؟