غلطت

[مشكلتي]

السلام عليكم ورحمة الله
انا شابة دخلت للانترنت فلفيسبوك نحوس برك
صدفة صادفت صورة نتاع واحد شفتو من قبل وبقى في بالي
ضفتو وشغلت معاه تطورت العلاقة بيناتنا
راهي واصلة للخطوبة
هو من نفس مدينتي وقريب بزاف للحي نتاعي
درك السؤال المطروح بدا يدخلني التوسويس من راسي ودارنا تاني راهم وراي
على الطريقة هدي نتاع لانترنت اسكو نوغمال ؟ ماعندهاش عواقب
ولزوج ماعندنا ماخصنا يعني انا كون نصبر نقدر ندي لمخير وبلا لانترنت وهو تاني عدنو معجبات فوق اللازم
يعني نكمل والا نحبس مافهمتش ؟؟؟؟
شيرو عليا

[aissam .3820]

الاسباب متعددة والمكتوب واحد......

..

وانت من زهرك راهو قريب ليك....
..

يعني من السهل تسقسي عليه مليح...

..

[Benmed]

سقسي عليه مليح ، إذا كان ما يخصو والو اتكلي على ربي ، وربي يهنيك

[ايمان نور الجزائر]

يا ختي كي يكتب ربي هذاك هو
ديري الاستخارة نتاعك وتاني سقسي عليه مليح
ومادام انو ناوي الستر وانتي ايضا ف ربي سبحانو ييسر الحلال

[دنيا الافراح]

ما كانت بدايته حرام فنهايته حرام و مع هذا ربي يقدم لي فيه الخير

[المارد الجنوبي]

طرق التعارف كثيرة والانترنت واحد منها

مدام قريب لك يمكنك السؤال عنه

بالتوفيق لك

[z.abdo]

وعلاش أختي هذا التوسيس

أنتم درت خطوة هي الخطوبة واكيد استخرتي ربي المهم يكون تكونو صرحين مع بعض مش تخبو حقيقتكم

ربي للموفق اختي ةابتعدي عن التوسويس انتم الآن درتو خطوة رسمية وهي الخطوبة ولا يهم طريقة التعارف

[مريم الصابرة]

السلام عليكم اختي اولا ربي يكملك وثانيا علها تشوفو فالإنترنت باللي حاجة عيب وعار يا اختي الإنترنت وسيلة من وسائل الإتصال وراكي تقدري تسقسي عليه وبما انو خطبك نظن اختارك بكل ثقة وإنت ايضا من رأي كملي للاخير شكرا وبارك الله فيك وموفقة اختي

[noornina]

اختي مادام جا خطبك معنتها راه معاك بنيتو غير توكلي على ربي واستخيري و ما يكون غير الخير ان شاء الله

[ولد حمد الباتني]

مادام القضية خرجت من العالم الوهمي وولات في الواقع خليها تمشي وعادي وسقسي ويسقسيو والديك ووو

[faty05]

خليكم ترتقوا بعلاقتكم للحلال

[جرح الماضي]

ياختي العزيزة المكتوب هو اللي لاقاكم ديري استخارة وربي يجيب اللي فيه الخير،اعرفي كيفاش تتعاملي معاه خليها في اطار العائلة فقط ولا تكثري الحديث معه حتى لا يحسبك فتاة سهلة والله نصحتك مثل اخت لي والف الف مبرووووووووك مسبقا.

[*سلامة*]

صدق من قال من بني على باطل فهو باطل

الله اعلم ، درك انت حوستي عليه وكي لقتيه حابة تهربي ؟؟؟

[تفـღـآؤل ツ وردٍ✿]

لآأإ خَــأإبَ منِ اسْتَخَـآأإر ،

عَ ــلَيْكٍ بِصَلأإأةِ الإسْتٍخَــآإأرَهـ


وَفّقَكٍـ الله

{ ؛

[نهال الجزائرية]

شوفي لا راه ناوي لحلال كملي ولاراهووووو يلعب غير بعدي وخطيك من لفايس خخخخخخخخخ كلشي كذب ف كذب

[أم البشائر]

اذا خطب استخيري وكملي

واذا مازال علاقة اقطعيها وتهناي

[غروب الشجن]

السلام عليكم اختي والاخوه , النت هو وسيلة من وسائل الاتصال مثلها مثل الهاتف ...لا جرم اذا كان مودع هده المعرفه في الحلال.........وفضاء نلتقي فيه بالصالح كما فيه الطالح ولكن كل شخص مسؤول عن نوعية الناس التي يحتك بها ومادام هذا الشخص كان حسن النية وتقدم لخطبتك فاستخيري اذا كان فيه خير لك سهل الله امركما واذا كان فيه غير ذلك ابعده الله عنك وعن نفسي ارتبطت بالشخص الذي هو زوجي مدنيا وشرعيا وان شاء الله الدخول بعد رمضان بالنت والحمد لله تقدم لخطبتي وتمت كل المراسيم ولكن مثلما قلتي شخص ليس ببعيد السؤال عنه وعن كل مايخصه عمله اخلاقه عائلته والحمد لله حتى عائلته لها علم بطريقة التعارف اذا كان فيه خير فاعزمي الزواج ولا تترددي وذلك بعد السؤال طبعا موفقه باذن الله

[مبروكة الصحراء]

ربي يكمل بيناتكم في الخير

[جلناار]

مش مهم كيفاش تلاقيتو المهم حاليا شا تعرفي عليه و شاهي شعورك من ناحيتو هل راكي مرتاحالو ولا لا و صمعتو بين الناس اذا كان انسان

مليح ماكان حتى مشكل...

[abdel02]

يعني انا كون نصبر نقدر ندي لمخير وبلا لانترنت
يالها من ثقة كبيرة في النفس...فهمت من هذه العبارة أنكي تقلقتي واديتي ماهو دونك...
ربي يسهل.

[dolph05]

السلام عليكم رمضان كريم تقبل الله منا ومنكم الصيام والقيام وصالح الأعمال وتجاوز الله عنا تقصيرنا


استخيري الله
لا خاب من استخار الله
ورب يكون اللي فيه الخير ورب يجمع بينكم بالخير ان شاء الله

[achwak.1993]

بالتوفيق وربي يهنيك

[teacher60015]

الله اعلا واعلم و نسال الله العافية

[*أمنيآت لآمتنآهية*]

رغم اني لا أؤممن بهكذا علاقات،الا انه مادام قد تقدم لخطبتك فا داعي للتفكير كثيرا،قد نواك للحلال ووافق ان تشاركيه حياته ،ربي يهنيكم ويسعدكم ولو هو مكتوبك صح كون متعرفتيش عليه بواسطة النت كان رايح المكتوب يجمع بيناتكم بطريقة اخرى،مانوصيكش على الاستخارة استخيري واسألي عنه مادام قريبا من مقر سكناكم
وفقكم الرحمان وجمع بينكما على خير