هل نصيحتي صحيحة

[fafou12]

السلام عليكم و رحمة الله
عندي صديقة عزيزة عليا بزاف و هي زميلتي من ايام الدراسة تزوجنا تقريبا في نفس الفترة و هي عندها مشكل مع زوجها و المتمثل في انه يشاهد المواقع الاباحية وهي تعرف هذا الامر من العام الاول من زواجها لكن محبتش تعمل مشاكل معاه و كانت اتابع فيه و مرة على مرة تزيد تكتشف بلي مزال على طبيعته انا كيحكاتلي نصحتها انها تبينلو بطريقة غير مباشرة انها على علم و تحاول تنصحه و كي عملت وش قلت تجاوب و ابتعد عن هذا الذنب و لكن في الفترة الاخيرة جاتني مهدودة و هي تبكي بطريقة هستيرية و قاتلي منفع معاه والو زادت عرفت بلي راه يشوف في مواقع اباحية و لقات في موقعه الكتير من الصور و الفيديوات الفاضحة اللي مقدرتش تتصور انه يوجد انسان له ذرة من الحياء من الله يقدر يشاهدها و طلبت مني النصيحة و هي تفكر جديا في الطلاق و متقدرش حتى تشوف مع وجهه انا راني معاها و بصراحة لو كان زوجي كان من هاته الفئة منظنش اني نقدر نصبر معاه و صاحبتي انسانة مليحة و متربية و ميخصها والو متستهلش انا قلتلها زيدي اصبري و ادعي ربي بلاك يهديه محبتش تسمع مني والو و قاتلي انا عندي عشرة سنين و انا صابرة المرة هدي راح نفريها معاه و اللي يكون يكون منيش حبتها توصلها للطلاق مع العلم ان لديها 4 اولاد معاه واش رايكم انتم كيف يمكن ان انقض الموقف و نحللها مشكلها

[fleure rouge]

ya khti li fih tbi3a welah ma yetbedel ana rani mjarba l kelb hachakoum li dilou a3wej ma yesseguemch

[سارة البوسعادية]

تدعيلو بلهدايه انا ارى انها تؤجل فكرة الطلاق علاجال ولادها

[عُضو مُحترم]

قوليلها تزوّجه

[ترنيمة الأمل]

اخيتي

يجب عليك ان تقنعي صديقتك بالعدول عن فكرة الطلاق

وأن تكرس جهودها في سبيل إصلاح زوجها

4 اولاد .. راها عشرة عمر

ومش سهل أنها تفكها في دقيقة

وزيد الإصلاح فيه أجر ليس بالهين ..

أولا : عليها ان تدعو الله في كل وقت أنو يهدي زوجها ويغير حالوو

ثانيا : قولها تجرب تحمل برامج تمنع ولوج المواقع الإباحية خفية عن زوجها ( يعني لما يكون زوجها برا الدار )

واذا فاقلها .. تواجهووو

وثالثا : أنها تمسح جميع الفيديوهات والصور ..

وتتوكل على الله

وأيضا أنها تحاول تأنيبه بطريقة لطيفة يعني عتب خفيف مثلا تقلل كلام معاه وغيرها من الاساليب

وتحاول قدر المستطاع أنها تقلل من وقت جلوسه امام الكمبيوتر


وفي الأخير .. إنك لا تهدي من أحببت ولكن الله يهدي من يشاء

_____________________



هدانا الله وإياكم إلى سواء السبيل

باركك الله

[نورسين.داية]

قوليلها تزوّجه

يعطيك الصحة ................هههه احسن الحلول

[سليلة الغرباء]

في هذه الحال إن عجزت الزوجة عن النصح بكل الأساليب فعليها أن تتوجه لسؤال المشايخ يعني تطلب فتوى في أمر زواجهما وهذا أفضل من اي اقتراح مني أو من أي أحد آخر ،، وأسأل الله لها ولزوجها الاستمرار والصبر والهداية لزوجها عاجلا

[fafou12]

اخيتي

يجب عليك ان تقنعي صديقتك بالعدول عن فكرة الطلاق

وأن تكرس جهودها في سبيل إصلاح زوجها

4 اولاد .. راها عشرة عمر

ومش سهل أنها تفكها في دقيقة

وزيد الإصلاح فيه أجر ليس بالهين ..

أولا : عليها ان تدعو الله في كل وقت أنو يهدي زوجها ويغير حالوو

ثانيا : قولها تجرب تحمل برامج تمنع ولوج المواقع الإباحية خفية عن زوجها ( يعني لما يكون زوجها برا الدار )

واذا فاقلها .. تواجهووو

وثالثا : أنها تمسح جميع الفيديوهات والصور ..

وتتوكل على الله

وأيضا أنها تحاول تأنيبه بطريقة لطيفة يعني عتب خفيف مثلا تقلل كلام معاه وغيرها من الاساليب

وتحاول قدر المستطاع أنها تقلل من وقت جلوسه امام الكمبيوتر


وفي الأخير .. إنك لا تهدي من أحببت ولكن الله يهدي من يشاء

_____________________



هدانا الله وإياكم إلى سواء السبيل

باركك الله



شكرا لك اخي على هدا الرد بصح نقلك حاجة هي عملت كل شيء معاه و راهي سنين و هي تحاول تصلحو تصور تنصحو بالصلاة في وقتها و تاني تجيبلو المصحف و تقلو نحبك نصلي معاك ركعتين و تانيك تقلو ادي وليدك للمسجد خليه يتعلم و هو صغير و ساعات متتكلمش معاه الا للضرورة و تفتعل الاسباب لدالك و مقدرتش تواجهو لانها تشوف ان الا واجهاتو خلاص مبقى بيناتهم حتى احترام لكن الفترة الاخيرة ولات تمتنع منه يعني هي تبات في مكان غير غرفتها و كي يطلبها متحبش قالت خلاص ماهوش راجلي و انا راني ام اولاده

[fafou12]

قوليلها تزوّجه

المشكل ان ميلقاش وحدة في مواصفات زوجته راني صحبتها و نعرفها مليح عاشت معاه الفقر و عاناته كيكان مريض ودايما تشجع فيه حتئ ولئ خير من قبل ولله انا نحير في انواع هدو الرجال النعمة بين يديهم يرموها و يحوسو
على الحرام

[fatehbougaa]

rabi yahdih mais lazem tog3oud m3ah wtfahmou
hadi haja binha wbinou
lazem 3lihom yfahmou ba3dahom
nchallah rabi yahdina

[faty05]

قوليلها تزوّجه

هذا يزوج 10 و ما عندوش الحل
تتكلم مع زوجها او تروح و تطلب يقطعولهم الإنترنيت
و تزيد تصبر و ما تخربش دارها
و تدعيلو بالهداية
ربي يهديه

[عُضو مُحترم]

المشكل ان ميلقاش وحدة في مواصفات زوجته راني صحبتها و نعرفها مليح عاشت معاه الفقر و عاناته كيكان مريض ودايما تشجع فيه حتئ ولئ خير من قبل ولله انا نحير في انواع هدو الرجال النعمة بين يديهم يرموها و يحوسو
على الحرام

هو لا يبحث وحدة مثل صديقتك او افضل منها


هو يريد وحدة مثل اللواتي يتفرج عليهن في الفيدوات

اذا صديقتك لا تستطيع ان تعطيه ما يشاهده في المواقع تلك

فليتزوج بمن تلبي له رغباته

و هي تحافظ على بيتها

[karimblida]

لازمو طبيب نفساني
نعلرف واحد كان هكدا
ديما نشبعو بخايس
و نقولو مانيش ماتزوج و نهرب على هاد الامور قدر المستطاع
و نفعو معاه شويا لبخايس
مادم هاد الراجل ندم في المرة الاولى معناه انو مازال عندو حشمة في قلبو برك لازم تخرجهالو بالمواجهة المباشرة و باستمرار
هذا تقديري و احسن حل هو هو اقتراح حلول من طرف الاخصائيين لانو عندو علاقة بالماصي و المراهقة
مع التزام الزوجة بالشخصية القوية و احياء الوازع الديني
ربي يفرج عليهم

[fafou12]

[QUOTE=faty05;10866179]هذا يزوج 10 و ما عندوش الحل
تتكلم مع زوجها او تروح و تطلب يقطعولهم الإنترنيت
و تزيد تصبر و ما تخربش دارها
و تدعيلو بالهداية
ربي يهديه[/QU
علاه اختي كي تقطع الانترنات مراحش يحوس عليهم في اماكن اخرى غير البيت بالعكس راح يلقى راحتوهو برا البيت و مكانش اللي يعس عليه و تانيك الصبر له حدود هو الان راه ببات عيلة في الحق هو يعس على اولاده ماشي هو الي يعسو عليه راه في عمره 46 سنة و الا اكتر بشويا و العام اللي فات عمل عمرة في رمضان و هداك الشيء اللي زاد قتلها كانت دائما تدعيلو ربي يهديه و كي راح للعمرة انا نتذكر كيفاه فرحتلو و قالت الله استجاب دعائي و لكن الله غالب ماشي حب ايغير من روحو راهي عندي و ملي جات و هي تبكي قاتلي شوفي بلاك يعطوني حبابك في المنتدى فكلرة تلقى بيها حل

[mabrahim]

يااخي

ان ابغض شي عند الله هو اطلاق

حاول معها قدرة المستطاع

[fafou12]

هو لا يبحث وحدة مثل صديقتك او افضل منها


هو يريد وحدة مثل اللواتي يتفرج عليهن في الفيدوات

اذا صديقتك لا تستطيع ان تعطيه ما يشاهده في المواقع تلك

فليتزوج بمن تلبي له رغباته

و هي تحافظ على بيتها

انا نقل حاجة هو ميحوس يتزوج للعلم هو يحب زوجته لان من المواقف اللي يديرهم معاها واحد يحبها و هي تاني تحبه لكن الموضوع هدا خليها تدعيلي بالهداية و الا يموت احسن مخلاهاش تبقى تحبه بالعكس هي الان تحتقرو مدابيها متراش وجهه مهي حابة تخرب دارها و تاني مشي حابه يقترب منها لكن حابتو يحس بلي هد الحرام هو اللي خلاه يحرمو من الحلال هي كانت قبل تلبيلو رغباتو لكن الان راهي متقدرش تتجاوب معاه لانها تحسو راه قاعد يطبق في امور شافها ماشي معاشرة مع زوجتو