كل شي بالمكتوب

[مشكلتي]

السلام عليكم
أنا وحدة عمري 20 سنة تعرفت في التليفون على واحد جادارمي ولد عمة صاحبتي عندي عامين و انا معاه علبالي بلي كان مع وحدة 7 سنين كي سقسيتو علاه ماكملتوش مع بعضاكم قالي مكتوب مبعد عرفت بلي هي كانت تحكي معاه في الجامعة فرات وكي تكون في دارهم ماتهدرش معاه’ العام الأول كي حكيت معاه اكتشفت بلي مازال يعيطلها و كان يكدب علي كيما عيطلو هزت علي هي وكي فاكت بيا خلاتو و الن ماقدرتش نخليه كنت نحكي معاه ب 70 ومبعد دارلي 61 درك يروح يخليني و بعد مدة يرجع يعيطلي بزوج كلمات ننسى واش صرا’حابة نسقسيكم نكمل معاه ولا لا؟ أنا نقرا 1 جامعي وهي عمرها 21 و خلصت ماستر 2 هاد العام يعني يكون مازال يحبها ماتنساوش كان 7 سنين معاها وهي أول وحدة في حياتو.......ساعدوني ربي يخليكم

[ولد حمد الباتني]

أجبدي روحك يا ختي الصغيرة
هادا مخلطها وحاكم بيكم يدو في زوج
ونتي صغيرة وماخصك والو مازال الخير قدامك

[aissam .3820]

واش جاب 7 سنين لعامين......

....



مادام داير 0661.....

..


راه عندو 4 نوامر بريفيري باطل h 24....


....

اخطيك خير المكتوب يدخل من باب الدار...


..

[imene12]

أخطيك منو باين عليه إنسان يحب يلعب ببنات الناس.... جربيه في حاجة واحدة راح تعرفي نواياه الكل... أطلبي منو يجي يخطبك... أغلب الظن راح يهههههههههههههرب

[محمد جديدي التبسي]

أخطيك من هاذي العلاقات والمكتوب يجي للباب مش يحكي معاك في التليفون ويفوت في الوقت
راه جاي رمضان استغليه وتعلمي أمور دينك وربي يوفقك لكل خير

[أم البشائر]

اختي

اولا هي علاقة محرمة


ثم الجوندارم معظمهم يحبو يفوتو الوقت

والدوله دايره ليهم تخفيض

يعني المواطن العادي يخلص اشتراك هوما يخلصو نصفه

اربع خطوط قراتوي


يعني على الاقل معاك 3

وزيد معظمهم خدمتهم صعيبة

اغلبيتهم ياجلو زواجهم الى ما بعد التقاعد او نصفه

معناها راكي تعمري في بيدو مثقوب اختي

اتركيه لوجه الله ومازلتي صغيره وربي يعوضك خير منه

وما تتحججيش بالحب لانو قاع الناس حبت وفارقت وواحد ما قتلو فراق من احب

[عُضو مُحترم]

زواج التيليفون ........... ما يكون


خافي ربي

و حافظي على شرف عائلتك

[بلسم الجراح]

ياختي غير اخطيك منوا باينة عليه بلي داير 100 وحدة موراك وين راهي كرامتك
وزيد قلتي مانقدرش نبعد عليه هذا كلام تافه والله غير تقدري تبعدي عليه وتنسايه نورمال وبدلي النيميرو تاعك

[وردة أمل]

كي شيئ واضح قدامك ,,,كان معاها سبع سنسن و مازالوا معاها و انت تقولي واش ندير ,,,,,,,راه غير يفوت في الوقت معاك كي يتزاعف معاها يجي ليك انت و زيد راهوا خالعك بزوج كلمات برك,,,,,,,,,لوكان جينا نسمعوا لكلام الشباب ماتفراش

رمضان راهو جاي اعزمي و توكلي على ربي

[soha1987]

اجبدي عليه هادا راهو تاع بنات وماتخيهش يقول عليك مسكينة حابة زواج عليها شادة فيا بينيلو بلي عندك كرامة وهاد النوع غير هوما فهاد لوقت قليل ما تلقاي راجل ولد حلال ويخاف ربي اجبدي روحك وما تزيديش تعاوديها كون جات كل بنت دير هاك راهم رجال ترباو

[Crazy lazy Girl]

اخطيك منو لي ناوي الخير يدخل من الباب نشي من التاقة=و لا التيليفون =

[lilou f lilou a]

أخطيك منو باين عليه إنسان يحب يلعب ببنات الناس

[جسر الأمل]

قيسي الحبوبة غاااااااااااااااااااادي عليك راه يلعب بيكم
الهي بقرااااااااااااااااااااااااااااااااااااااااايتك هاخلادار شرك ومن بعد ساهل الحاااااااااااااااال
ورمضان كريم

[العوادي]

أنا نقولك أنسايه راهو مازال يحبها ما تنسايش راهي عشرة عمر 7 سنين و ثاني حاجة الحب الأول.........راني متأكدة بلي ماترجعلوش كي عرفاتو على حقيقتو

[جلناار]

غير خطيك منو القصة باينة لو كان جا ناوي نية تاع خير مايهدرش معاك و معى اخرى في نفس الوقت ماهو ليك ماهو ليها

هذا مازال مانضجش و مازال ماهوش مستعد للزواج على بيها راه غير يزعق ببنات الناس....و يجي لوقت اللي تفهمي بلي هاذ

العلاقات راهي غير كذب بكذب و ماكاش كيما لحلال

[FAN2013]

السلام عليكم يا أختي أولا هذه ليست طريقة تعارف عبر الهاتف سيظن أنك تريدين تمضية الوقت و بما أنك مازلت صغيرة إبتعدي عنه فهو يكذب عليك بإستمرار يعني أنه ليس بصافي النية موفقة

[كبسولة الاحلام]

وشكون هذا الجدارمي وش اسمو ووش من ولاية

[noornina]

يا اختي غير بعدي عليه و توبي و دعي ربي باش يعاونك و تنسايه هادا ماهوش سيريو وربي يعوضك بما خير ان شاء الله

[صالح القسنطيني]

اشد عضد كل من قال لك ابتعدي عنه

و ابتعدي عنه اليوم قبل غد و قبل ان تقرعي سن الندامة و لا ينفعك بعدها شيئا

[abdel02]

"حب التاقة ما يتلاقى"

[جمال 31]

صح فطروكم و إن شاء لله يكون في مزان الحسانات