راني رايح لارمي بمادا تنصحونني يا اخواني

[النجم السطايفي]

غادي نفوت العامين كيما يقولو ارجو من كل من اداها او لديه معلومات و خبرة عن الخدمة الو.
ان يفيدني و ينصحني باية نصيحة لعلها تفيدني و اريد سؤالكم هل تقبل الشهادة الطبية كملف طبي او يرمونها مع اني دفعت فيها اموالا كثيرة؟
ارجو افادتي اخواني .

[samou dadou]

خويا كتدخل مديرش الثقة في حتى واحد وإذا وصلك كاش واحد أضربو ومتخافش إذا خفت يطلعوا فوقك وخليهم يهابوك متخلهمش يدسروا عليك

[جندع]

هيه ادي معاك ملف طبي وكي تفوت على الطبيب نعتهولو ضرك يحطك اونانستونس يعتي تسنى حتى تجي اللجنة من الناحية العسكرية لي راك فيها ويدرسو الملف شوف كان قدرت شوية معريفة بلاك تجيبها بلاما تفوت

[bakoissi]

اعظم الله أجرك ورزقك الصبر

[المارد الجنوبي]

واش نقولك خويا كون راجل وكون صبار +واحد مايعمرلك راسك تعرف قدرك تعيش في لارمي

ربي يسهلك

[mefteh28]

والله نصيحة لخويا غير شوف كيفاش تجيب الروفورم

[وتر الأمنيات]

يا خويا ما تخلعك حتى حاجة انا دخلت مارس لي فات وراني قريب نكمل الستاج وفي ديجا الميتاصيون تاعنا واجدة راك بقدرك وين تروح مادامك جامعي صح تتعب من بعض الامر المتعلقة بالستاج كالنهوض الصباحي واعملها لكنها اصبحت ككأس الماء وتنتهي سريعا .... خير من تبقى الاعصاب حاكماتك وانت تنتظر الاعفاء وفي الاخير قد لايشملك او لا يخرج اساسا .... بخصوص الملف الطبي ادفعو كي تدخل ولكان مريض صح والله لا حكموك ونعاود نقولهالك والله لا حكموك ... نحنا دفعت مارس مثلا كنا 158 ولينا 92 والباقي خرج ريفورم بسبب الملفات الطبية ... والراجل وين يروح راجل كلمة للاخ لي مازال ماشي بعقلية الستين كي قلك اضرب ودير الخ ... ميخلعك والو جامعيين مع بعضاكم مكان والو .... موفق

[صالح القسنطيني]

السلام عليكم

ادع الله أن ييسر لك أمرك و يعقد ل الخير حيثما كنت و يوفققك و يسددك خطاك فما خاب من رفع يديه إلى ربه

و بعد:

هي ست أشهر ستقضي منها الأيام الأولى في مرحلة التصفية و الانتقاء و القبول ثم بعد ذلك تأتي مرحلة التدريب و أقصاها 45 يوما و لكن غالبا ما تكون أقل ثم بعدها مرحلة الدراسة و في بداية الأمر ربما ستكون لك الأمور صعبة لكن صدقا ستعتاد عليها و تبدو لك عادية خاصة عندما تعرف المداخل و المخارج و كما يقال بلسان العامة ( تعرف الفيس vis

و في مرحلة 45 يوما تكون جميع العقوبات معنوية أو جسدية و كل ذلك في مجال تكوينك و تدريبك و تهيئتك و لا يراد بالعقوبة الاحتقار و الاذلال و بعد 45 يوما و حفل الانتساب للجيش الوطني الشعبي تضاف عقوبة أخرى و هي التوقيف الذي يسمى الحبس

و في نهاية الست أشهر تكون اختبارات شكلية لتصنيف الطلبة على حسب المعدلات و منه تكون رتبهم من ملازم احتياطي أو مرشح و العادة أنه كل من كان له معدل 14 من 20 فما فوق فهو ملازم احتياطي بنجمة صفراء و ما دون ذلك فهو مرشح بنجمة بيضاء

فهذا مجمل ما سيكون..........


و أما من حدثك عن الضرب و الاشتباك فذلك خطأ لأن جيش اليوم ليس كجيش الأمس و صدقا فأنت الذي تصنع مكانتك فيه بنفسك و كما يقال (( كون تشد قدرك ليك و الله واحد ميلحقك )

و أنصحك أيضا بعدم مخالطة القيادة كثيرا و الاشتباك معهم لأن ذلك لن يخدمك و أنت احتياطي فبمخالطتك لهم سيستغلونك في مصالحهم و باشتباكك معهم سيرهقونك بمشاكلهم ..........

و أما عمن سيكون معك في دفعتك فالناس معادن كمعادن الذهب و الفضة و القصدير فاختر المعدن الغالي و اترك الرخيس فإنه لن ينفعك

[mizouhamza]

السلام عليكم

ادع الله أن ييسر لك أمرك و يعقد ل الخير حيثما كنت و يوفققك و يسددك خطاك فما خاب من رفع يديه إلى ربه

و بعد:

هي ست أشهر ستقضي منها الأيام الأولى في مرحلة التصفية و الانتقاء و القبول ثم بعد ذلك تأتي مرحلة التدريب و أقصاها 45 يوما و لكن غالبا ما تكون أقل ثم بعدها مرحلة الدراسة و في بداية الأمر ربما ستكون لك الأمور صعبة لكن صدقا ستعتاد عليها و تبدو لك عادية خاصة عندما تعرف المداخل و المخارج و كما يقال بلسان العامة ( تعرف الفيس vis

و في مرحلة 45 يوما تكون جميع العقوبات معنوية أو جسدية و كل ذلك في مجال تكوينك و تدريبك و تهيئتك و لا يراد بالعقوبة الاحتقار و الاذلال و بعد 45 يوما و حفل الانتساب للجيش الوطني الشعبي تضاف عقوبة أخرى و هي التوقيف الذي يسمى الحبس

و في نهاية الست أشهر تكون اختبارات شكلية لتصنيف الطلبة على حسب المعدلات و منه تكون رتبهم من ملازم احتياطي أو مرشح و العادة أنه كل من كان له معدل 14 من 20 فما فوق فهو ملازم احتياطي بنجمة صفراء و ما دون ذلك فهو مرشح بنجمة بيضاء

فهذا مجمل ما سيكون..........


و أما من حدثك عن الضرب و الاشتباك فذلك خطأ لأن جيش اليوم ليس كجيش الأمس و صدقا فأنت الذي تصنع مكانتك فيه بنفسك و كما يقال (( كون تشد قدرك ليك و الله واحد ميلحقك )

و أنصحك أيضا بعدم مخالطة القيادة كثيرا و الاشتباك معهم لأن ذلك لن يخدمك و أنت احتياطي فبمخالطتك لهم سيستغلونك في مصالحهم و باشتباكك معهم سيرهقونك بمشاكلهم ..........

و أما عمن سيكون معك في دفعتك فالناس معادن كمعادن الذهب و الفضة و القصدير فاختر المعدن الغالي و اترك الرخيس فإنه لن ينفعك



تبع نصائح الاخ لأنه شرح لك كل شي بالتوفيق أخي

[خورزمي123]

رحم http://lojainiat.com/thumb.php?src=/uploads/2010/12/rew22.jpg&h=400&w=400&q=99

[ghir_mansoub]

يأخي توكل على الله...........ستتحمل بعض المتاعب في البداية..وهو أمر طبيعي..ولكن بعد خروجك..ونهاية المدة تكون قد أكتسبت..خبرات..كثيرة تساعدك في حياتك المدنية..وسقل شخصيتك..وأتساع أفق وعيك..وتفكيرك..فقط جهز نفسك نفسيا..انها فترة وتنقضي..وتأقلم مع الوضع الجديد..وستجد حتما من يساعدك..ويشجعك الى نهاية الطريق.............والله من وراء القصد//

[hicham.28]

نصيحتي لك ان تاخد معك ملف طبي انشاء الله يرجعوك ........مع اني لم افهم ما هي الفائدة من هته الخدمة ...ربي يفرج عليك

[jearrane]

واش نقولك خويا كون راجل مع صحابك

[morad81]

السلام عليكم أولا أخي ما تعمرش راسك رايح كي تدخل تلقى ناس بزاف كيما أنت ولا أنت خير منهم يعني فاهم الأمور و تنجم تنساجم بسرعة ...

وما راكش أنت الأول ولا الأخير ....ايامات من اللي كتبهم ليك ربي تدخل تدخل ما تدخلش يدير ربي السبة اللي ما تدخلش عليها.



النصيحة اللي نقولهالك : كيما يقول المثل الشعبي : ما ديرش ما تخافش.

يعني كونك راجل ولد فاميليا تتلاقا بالرجال ولاد الفاميليا ....وما كان علا ه تخمم وتكبر الحالة ..........ربي يكون في العون

[hicham.28]

ربي يسهلك.........

[cheria12]

بالتوفيق ان شاء الله

[fr95]

rabi ysagel khooooooo

[anouar0771]

السلام عليكم
نتا حاول قدر المستطاع تلقى عفسة باش ما تجوزهاش
وإذا ماكتبش ربي وحكموك للخدمة كونك فحل وشجاع ورجل مقدام
الهدرة بزاف خليها بجانب
المداسرة + ماتتلاحش على حاجة ماتعرفهاش
ماتبينش روحك بزاف حتى وراك قادر على هاذاك الشيء
والأفض والأروع تتمسك بصلاتك وكتاب الله عز وجل فذلك يعطيك احتراما وقدوة رائعة
بالتوفيق

[jojo1990]

غادي نفوت العامين كيما يقولو ارجو من كل من اداها او لديه معلومات و خبرة عن الخدمة الو.
ان يفيدني و ينصحني باية نصيحة لعلها تفيدني و اريد سؤالكم هل تقبل الشهادة الطبية كملف طبي او يرمونها مع اني دفعت فيها اموالا كثيرة؟
ارجو افادتي اخواني .
نعطيك نصيحة ادا تحتاج ورقة العسكر اي باش تخدم في الدولة اي ادا كنت في الجامعة روح فوتها ...بصح لكان رايح تفوتها غير هاك...نقلك ريح راهم غير ولاد الزواولة الي يعقبوا العسكر........ادا تحتمت قاجي ومت تفوتهاش غير هاك.

[كوكو الجزائر]

ربي يكون معاك يا خويا عام و نص تتهنى منها و
تتحرر من قيودها و تكمل حياتك خدام ربي معاك

[الصادق الناصح]

كونك راجل برك و ماتخافش انا تاني راني رايح في سبتمبركيما انت

[mohamed sadek 1992]

سلام عليكم الواحد مين يكمل قرايته ويعيطوله للخدمة الوطنية ويكملها ممكن يدير طلب باش يخدم معاهم فالجيش

[الصادق الناصح]

سلام عليكم الواحد مين يكمل قرايته ويعيطوله للخدمة الوطنية ويكملها ممكن يدير طلب باش يخدم معاهم فالجيش
لا ما تقدرش ولات تكمل تروح لدار غير اذا اجتزت مسابقة

[mohamed sadek 1992]

شكرا لك اخي واللله راه باحرتلي بين نكمل القراية ولا ندخل للجيش نخلوها علي الله وصاي

[النجم السطايفي]

شكرا اخواني ربي يجازيكم بالخير راني رايح للاغواط افلو لكن مانعرف عليها والو

[farid2809]

أحفظ الميم تحفظك

[djoseph]

شوف نعطيلك نصيحة شابة صاحبي دارها و خرج لكن بالحرف

الاسبوع الاول خليه يفوت نورمال ما تدير والو كي فوت الاسبوع التاني ما تاكلش لمدة 2 ايام و اشرب كل يوم باكي ريم ايا تفشل و تولي تكح كي يدوك للعيادة يسقسوك بعد ما يديرولك التحاليل ادا كنت تاكل او لا لا قلهم كنت ناكل
في ذي الحالة يسقسوق عندك مرض السكر قلهم لا لا
في ذي الحالة هما يحسبو عندك مرض السكر لانو لي ما ياكلش لمدة 2 ايام يخصلو نقص في السكر في الجسم
بعدها يحولوك للمستشفى العسكري قبل ما يحولوك كول نورمال
في اليوم لي يحبو يحولوك فيه ما تاكلش و كي تروح للمستشفى تاني يعتاقدو نفس الشي قبل شهر تكون في داركم و كل واش بغيت و كول واش بغيت

[louis113]

انا تاني رايح ان شاءالله لشرشال جاتني لورد دابال حاجة حطها في بالك دير ربي في بالك أو حسن الظن بالله لانو واش جاء من ربي سبحانو مرحبا بيه انا 22 رايح و ربي يوفقنا و السلام عليكم

[BigM60]

السلام عليكم حتى انا رايح يوم 22 سبتمير نفوتها ان شاء الله نفوتها بعون الله و نهناو منها

[hachemi_17]

الله يرحمك
خلص الديــــــــــــــن لي فيك و اطلب السماح من النــــــــــــــــــاس

[kemis]

سلام خويا تروح وترجع بالسلامة

نقولك كلمة وحدة كونك راجل هذا واش كاين
والراجل يبان في الشدائد

والله ردود مخجلة لبعض الإخوة هنا

واش حابين ترجعوا الرحال بابيشات

نقولك حاجة أنا جوزت العسكر وفي التسعينات وبعد العسكر تكونت وأخذت 3 شهادات من التكوين و الحمد لله رانا خدامين

وما ندمتش على العسكر عرفنا ناس وأصدقاء من كل الولايات

بالتوفيق

[mohamed ett]

السلام عليكم
أخي واش حاب نقولك اتكل على الله و دي معاك ملف طبي و كي تدخل عند الطبيب تمارض تمارض قد ما تقدرو الا عندك شي معريفة هدا احسن.....أما ادا ماصلحتش المهمة و ربي كتبلك باش تفوتها
نحكيلك عليها بالمراحل اخي العزيز
المرحلة الولى...مرحلة التكوين (المدة 6 اشهر)

- عند الالتحاق بالمدرسة يخليوكم بالسيفيل و فيها تكون مرحلة الانتقاء و الفحص الطبي(ملاحظة هنايا الطبيب يعرف يفوت برك الا الحالات الباينة زائد اصحاب العرف) ممبعد يلبسوكم الكومبا و تدخلو في مرحلة تدريب شاق تتعلمو فيه مختلف الحركات العسكرية(الاستعداد -الاستراحة-التحية-المراوحة-السير العادي...زائد تتخللها بعض العقوبات.....هههه كيباداشي و وضعية البطة و الزحف و ....صدقني مالقري هد المرحلة صعيبة بزاف الا انها فيها دكريات جد رائعة ما تتنساش) و تدوم هده المرحلة مدة شهرين تقريبا 45 يوم بالطبع ما تخرجوش فيها من الثكنة ممبعد يعطيولكم اجازة لمدة 10 ايام
-المرحلة الثانية تبداو فالدراسة في الاقسام على مختلف العلوم العسكرية(الاسلحة -القتال-تعليم الرمي-و مواد التخصص حسب المدرسة اللي راك فيها)و تتخللها حصص رمي بالاسلحة سيمينوف-كلاشينكوف-اف ام-البيا........ممبعد تديرو حفل التخرج و تولي ضابط في الجيش
ملاحظة بالطبع كي تكو ن عاد طالب في هد المرحلة تخدم كلشي الكورفي و القاريتا و جميع الخدمات منها نزع الحشيش بيدك و تنظيف محيط المدرسة و....مانحكيلكش خير ههههههههه(wc)
مالقري هد المرحلة صعيبة و فيها ضغط بزاف الا انها حلوة و فيهادكريات روعة صدقني

المرحلة التانية مرحلة الخدمة (المدة عام واحد)
وممبع فيها الميتاسيون هنا يوزعوكم على الوحدات و هنا انت و زهرك الا رسلوك للبلاسة شابة راك تفوتها بقدرك و الا بعتوك للمناطق الصحراوية النائية (تندوف-اليزي-ادرار-تمنراست.و لا بلايس تاع مكافحة الارهاب فالجبال راك تسوفري حبيبي.....و في الاخير هي مرحلة وتفوت مالغري السوفرونس تاعها تتعلم فيها امور و تتعرف فيها على ناس وتكتشف عقليات لمختلف مناطق بلادك و تتعرف على بعض الولايات اللي بعيدة عليك و صراحة تعاونك باش تكون شخصيتك المستقبلية لتحمل المسؤولية...
و في الاخير نصيحة ليك خويا العزيز الا عندك شي حل باش تديها يعني كفالة و لا سبب طبي ولا اي حل سواء كان بالطرق الشرعية اوالا شرعية غير اكتيفي على روحك و ادا ضاقت بيك الحلول اكتيفي و اتكل على الله و فوتها و قلعها من طريقك مادامك صغير

ملاحظة انا راني فوتها و الحمد لله(البداية كانت من بجاية و النهاية في تندوف و االحمد لله) ادعيلي ربي يوفقنا للعمل ان شاء الله
و في الأخيرما عليا غير نقولك ربي يسهل عليك ان شاء الله
تقبل تحياتي و رايي المتواضع

[general major]

كما لاحظتم اوامر الالتحاق كلها بيوم السبت فما هو احسن يوم للالتحاق بالثكنة
ومتى تغلق الثكنة ابواب الالتحاق (هل في 01 اكتوبر)

[hamza000]

ربي يوفقك انشاء الله نفوتوها بالصحة والعافية

[ياسين ياسين]

يااخي انا تاني رايح نعقب نتكلو على ربي ونفتوها وخلاص ماهيش الحاجة الي يقدروا ينساوك علها راهي الدولة نتاعنا عمية واديدها طوال عقبها بقدرك ولوكان جندي خير من تكون روشارش وتعقب للحبس زائد مدة الخدمة

[النجم السطايفي]

راني رحت و تم اعفائي و الحمد لله

[جمال الدين]

هذا الشخص دخل الثكنة و قد خرج بسبب طبي منها