نصيحة من فصلكم [الأرشيف] - منتديات الجلفة لكل الجزائريين و العرب

مشاهدة النسخة كاملة : نصيحة من فصلكم

selma07

2012-07-18, 15:59

السلام عليكم
من فضلكم خاوتي الي نجح الباك العام الي فات وعاود هاد العام يقولي اسكو كمل قرايتو في الجامعة والا بلوكا العام و عاود ؟؟؟؟؟
انا جبت الباك 2012 ب 14.54 وعلىبالي مليون ف المية ما يميدوليش طب
وحبيت نعاود الباك وكاين الي قالي ما تضيعيش عامك واقراي كاش تخصص ساهل وعاودي في نفس الوقت وكاين الي قالي ابلوكي العام و حضري غير للباك
واش تنصحونــــــــــــــــــــــــــــــــــــــــي
؟؟؟؟؟؟؟؟؟؟؟؟؟؟؟؟؟؟؟؟؟؟؟

عـآلية الهــمةَ

2012-07-18, 16:04

مادام انت راكي حابة الطب
و هذفك هو الطب
نظن انك تبلوكي العام خير
باش تتفرغي للباك برك
هكذا تحطي راسك و بقوة عزيمة و ارادة ان شاء الله تجبيه العام الجاي و تديري تخصص طب

rimiana

2012-07-18, 16:06

السلام عليكم
اختي انا من رايي تبلوكي العام الدراسي و تحضري للباك اذا كانت لديك حقا رغبة في اعادته اما انو تدرسي في الجامعة و تعاودي في نفس الوقت ماتقدريش مستحيل .انا نعرف ناس عاودوا الباك و قراو في الجامعة في نفس الوقت ما نجحوا لا في دراستهم و ضيعوا العام و الباك جابوه بمعدل اقل.
و الله اعلى و أعلم .ربي يوفقك

أمينة1994

2012-07-18, 16:09

رأيي من رأي الإخوة الأفاضل

تفرغي للبكالوريا كي تنجحي بمعدل يؤهلك لدراسة الطب

موفقة بإذن الله

souha619

2012-07-18, 16:12

انا نظن قراي احسن شكون ضمنلك راح تديه بمعدل احسن مبعد يقدر ربي المرض و بزاف حوايج
متضيعيش عام كامل و ثاني بالنسبة ليا واحد كيمايكونش نظامي يعيا يقرا وحدو
ومن جهة اخرى قولي بالاك ربي شافلك الخير في انك تقراي حاجة اخرى غير الطب
و كلامي لايعني ماتعاوديش لكن اقراي فكل التخصصات لها فائدة حتما
بالتوفيق

سطايفية بكل فخر

2012-07-18, 16:12

لا كملي وعاودي
صديقاتي قراو معايا وعاودو الباك ودارو فارماسي

أم الشهداء

2012-07-18, 16:15

السلام عليكم و رحمة الله تعالى و بركاته
فقط اريد ان اشير الى امر ما
ان اعدت البكالوريا فقد يصادف يوم امتحان الشهادة مع يوم الامتحانات في الجامعة
فايهما ستختارين اجتياز شهادة البكالوريا و بالتالي خسارة العام الدراسي الاول من الجامعة
ام امتحان الجامعة ؟!

على العموم القرار النهائي يعود اليك

وفقك الله
و السلام

@ أمـينـة-94 @

2012-07-18, 16:16

اختي سلمى انت عندك فكرة في راسك وما شكيتش رد وزوج يبدلها

اذن ضعي الله نصب عينيك وامض فيما انت ماضية إليه

واستخيري ربك فما خاب من استخار

selma07

2012-07-18, 16:36

شكرا على افادتكم ونصائح ويارب يجعلها في ميزان حسناتكم

selma07

2012-07-18, 16:38

اختي سلمى انت عندك فكرة في راسك وما شكيتش رد وزوج يبدلها

اذن ضعي الله نصب عينيك وامض فيما انت ماضية إليه

واستخيري ربك فما خاب من استخار
شكــــــــــــــــــــــــــــرا جزيلا
ونعم بالله فحقا ما خاب من استخار

selma07

2012-07-18, 16:47

لا كملي وعاودي
صديقاتي قراو معايا وعاودو الباك ودارو فارماسي
يعطيك الصحة عزيزتي
حبيت نسقسك اختي
صديقاتك الي عاودوا واش داروا التخصص بالباك الاول ؟؟؟
لانو عندي بنت عمي العام الي فات نجحت ب15 ودارت التخصص رياضيات واعلام الالي وعاودت البك وجابت هاد العام 13
وتاني دخلت راطراباج لانو هاد التخصص صعيب
وصديقتي جابت العام الي فات 14 ودارت فرنسية وكي عاودت هاد العام جابت 15.59 حسب قولها لانو التخصص ساهل