هل أنت مع أو ضد إمتلاك البنات لهاتف نقال "السؤال موجه للجنسين"

[THECHIMIST]

هل أنت مع أو ضد إمتلاك البنات لهاتف نقال قبل الخطوبة "السؤال موجه للجنسين"

[imene12]

ما هذا السؤال؟؟؟
إذا كنت تقصذ البنات المراهقات فأجيبك بأني ضد إمتلاك البنات و الأولاد في سن المراهقة لنقال لعدم جدواه يعني في واش راح يحتاجوه؟؟
لكن إذا كان محتاجينو في سبب جدي لازم المراقبة نتاع الوالدين حتى لا يستعمل سلبيا
بصح تعيش فهمني في سؤالك و الله غريب؟؟؟ لماذا خصصته للبنات فقط

[THECHIMIST]

ببساطة لأنهم الحلقة الأضعف و التي تتعرض للخسارة الأكبر في حالة الإستخدام الخاطئ

[اريج16]

ممكن صيغة السؤال خاطئة لماذا فترة الخطوبة
في الحقيقة انا ضد امتلاك سواء البنت او الولد هاتف نقال وهم صغار ممكن الولد لما يكون في 18 سنة اما البنت لما تحتاجو انا بالنسبة لي لم احصل على الهتف الى لما نجحت في البكلوريا وذهابي للجامعة وبالتالي ضروري اني نحصل على الهاتف النقال لانو الجامعة بعيدة عن مقر سكني
خصوصا البنت لازم متحصلش على هتف نقال الا لما يحس الولدين انها فعلا بحاجة له

[السَّحابة البيضاءْ]

السلام عليكم

علاش سؤالك محدد ؟

يعني وكأن البنت لما تخطب تولي مؤهلة باش تتحدث في التليفون ؟!!!!!





بمفهموم آخر لطرحك البنت لما تتخطب حتى ولو كان عمرها 18 سنة دير تليفون

ولي ماجاش مكتوبها وهي بالغة 40 سنة ماديروش !!!!!!!!!

تمّ التصويت بنعم :1::1::1::1::1::1:

[THECHIMIST]

لهذا أضفت إقتراح ثالث " نعم لكن في حالات خاصة و بشروط " و الإبتعاد عن البيت للدراسة من ضمن هده الحالات هذا بشرط أن تكون المؤسسة تبعد بمسافة لا تقل عن 30 إلى 40 كلم بمعنى عدم وجود إمكانية للدراسة و العودة إلى البيت في نفس اليوم
أما في ما يخض الدكور فيجب أيضا فرض الرقابة عليهم لتجنب و قوعهم في علاقات مشبوهة

[THECHIMIST]

السلام عليكم

علاش سؤالك محدد ؟

يعني وكأن البنت لما تخطب تولي مؤهلة باش تتحدث في التليفون ؟!!!!!





بمفهموم آخر لطرحك البنت لما تتخطب حتى ولو كان عمرها 18 سنة دير تليفون

ولي ماجاش مكتوبها وهي بالغة 40 سنة ماديروش !!!!!!!!!

تمّ التصويت بنعم :1::1::1::1::1::1:

إذا كانت ماكثة في البيت فلماذا تحتاج الهاتف النقال
يخي باباه و يماها و ليتقلقو علاها تشوفهم كل يوم و لكان على صحاباتها لتحب تشوفها تزورها في بيتها
أمالا تستنا يجيها مكتوبها بالحلال خير ما تحوس عليه فالبورطابل و تهدر مع لي يسوى و ما يسواش و إدا ما لطفش ربي راح تزيد تخرج معاه و يحدث ما لا يحمد عقباه

[السَّحابة البيضاءْ]

نحيت كامل الايجابيات ، وشفت غير السلبيات


إمالا المخطوبة ثاني يغرها خطيبها وتقع فيما لايحمد عقباه


أخي أنا كان ردي لاني شفتك اعتمدت التخصيص { مخطوبة } وكانت اجابتي من هذا المنطلق لا اكثر ولا اقل

[THECHIMIST]

سا محيني أختي لكان قلقتك هذا مجرد نقاش لا أكثر ولا أقل و أسمحيلي أن أسألك مرة أخري
ما هي الإيجابيات ؟

[soso sirin]

بالنسبة ليا الهاتق النقال ولا من الظروريات في حياتنا انا وحدا من الناس مانقدرش نعيش بلابيه لانو انا من الناس الموسوسين معنتها واحد خرج وطول في الزنقة عندي كيفاه نعيطلو الواحد راه طريق نعيطلو نشوف وين راه انا خرجت و طولت يعيطولي فيه.الوقت راه صعيب انا ماشي معنتها عندي باه نريح عقلي و نقعد مشلوشة و مانديروش لانو الناس راهم يديرو بيه ليزافار.شوف خويا نقلك حاجة الي تبغي دير حاجة والله و مايكونش عندها بورطابل و ديرها امالا المشكل ماراه لا في التيليفون و لا في الانترنت و لا في التيليفيزيو المشكل راه في الي راه يستعملهم و انا ضد الفكرة تاع نديرو سواء لبنات و لا لولاد الصغار لما الانسان يروح للجامعة يديرو لانو راح يبعد على الدار و يا لوكان يكون يقرى قريب من الدار .و علاه الطفلة حتا تتخطب و ديرو انت في رايك كامل المخطوبات راهم يهدرو غير مع الي راهم خاطبينو و لا المخطوبة تولي معصومة عى الاخطاء.خويا ربي بنتك ولا اختك مليح و مدلها البورطابل و خليها في النت وحدها و اشريلها تيليفيزيو في لاشومبغ تاعها و انا نضمنلك انو ماراهيش رايحة تغلط و انا نعرف بنات ماعندهمش ليبورطابل لانو والديهم قالولهم يخسر العقلية تاع الطفلة و تتخيل انو كانت دايرا علاقات في البورطابل تعرف كيفاه كانت شارية بيس بالسرقة و انت في رايك هذا حل انا نشريه لبنتي و نعرف واش دير بيه و مانخليهاش تكذب عليا

[السَّحابة البيضاءْ]

يا أخ وعلاش نتقلق


نظن بلي راك مقتنع بان للهاتف سلبيات جمّة

يعني البنت متحتاجشش للهاتف لان هاتف الوالد موجود والا كان الوالد غائب هذا تغقيب بسيط فقط

ونظن الاخت سيرين سوسو وصلت الميساج { بلا تليفون } خير مني :1::1::1:

شكراً على الموضوع

[THECHIMIST]

هدا إذا قدرتي تعرفي وش قاعدة تخدم بيه خاصة البنات في سن المراهقة من طبايعهم يخبو أمورهم على والديهم و ما يصارحهمش إضافة أنه و لضعف خبرتهم في الحياة يشوفوا بلي الحرص تاع الوالدين و النصائح تاعهم تضيق عليهم و إنتقاص من حريتهم لدا فهم يلجؤون لكتم أمور كثيرة حتى على أخواتهم الأقرب منهم سنا
إضافة إلى ذلك فإننا في زمان كثرة فيه الملهيات و أسباب فساد الشباب و كذلك رفقاء السوء من الذكور و الإناث لذلك فإن كثرت مسببات الفساد تجعل مهمة مراقبة الأبناء صعبة و خاصة منها مراقبة الهاتف النقال و الإنترنات " الفيسبوك و و سائل التعارف"
ما تنسايش بلي هاذ الزمان مشي كيما زمان بكري
بكري كانت الطفلة و الطفل كانوا يقراو مع بعض و كل واحد في قدرو أما ضرك الزملاء من جنسين مختلفين يحكيو في كل الأمور حتى الشخصية و التي يستحي الواحد يحكيها مع صاحبو راحو القدر طاح بين الجنسين يا الأخت و لا حبيتي تتأكدي روحي شوفي الثاناويات تاعنا تشوفي العجب العجاب ما كان لاه نزيد نكمل

[soso sirin]

انت خويا تقرى في الليسي امالا و غدوة تروح للجامعة واش تقول ايا نطالبو بقانون جديد يمنع منعا باتا دخول الفتياة للجامعة.شوف يا خويا انت راك كيما خويا الصغير امالا سمعني مليح الطفلة يحكمها عقلها وحتى الطفل ماتقدرش تقول انو البورطابل هو الي راه يفسد و لا حتى اي وسيلة من وسائل الاتصال الطفلة كي تتربى صح و تتعلم تخاف على والديها ماشي تخاف منهم راح تحترم روحها. و انا شفت انو جل لبنات الي راك تهدر عليهم انت و انهم مايحشموش اكثريتهم كون تسقسي عليهم تلقى والديهم فارضين عليهم حصار شديد حتى خانقينهم و التشدد الي يكون فوق الازم تاني يضر و ماينفعش.الوقت الي رانا فيه مكانش كيما الي يصاحب ولادو خير معنتها كون الطفلة لقات امها تحكي معاها و لا اختها الكبيرة ماكانتش رايحة تحكي لوخدخر الطفلة اذا لقات الحنانة في دارهم و الرعاية و الاهتمام من باباها و خواتها الذكور ماراحش تروح عند اول راجل هدر معاها كلمة مليحة لانو تكون عندها تشبع عاطفي من جهة الوالد و ماتستحقش راجل وخدخر .

[imene12]

الأخ الكريم صاحب الموضوع متأكد و متيقن و مقتنع بنسبة ملياااااااااااااااااااااااااااااار في المئة أن الهاتف النقال له سلبيات للبنات و هو لذلك طرح الموضوع لعل و عسى أن يقتنع أحدكم بفكرته...
يا أخي الفاضل نحي من بالك هذه الوساوس و تأكذ بأن الأخلاق مجموعة من القيم والمبادئ تحرك الأشخاص إناثا كانوا أم ذكورا....
نحن الآن نستهلك حاجة علمية و تكنولوجية ملحة ولكني بلا جدل أعارض وبشدة أن تساء استخدامات التقنية وليس معنى وجود حالات شاذة و فرديةفي المجتمع أن نجعلها قاعدة عامة...

[THECHIMIST]

في الحقيقة أنا جامعي و متخرج و الحمد للله لكن عندي إحتكاك ببعض طلاب الثانوية الذكور
أما فيما يخصص التربية ما تنسايش بلي المحيط الخارجي عندو تأثير كبير على شخصية المراهق إضافة إلى أني لاحظت بأنو هذا الجيل بالعامية "راسو خشين " يعني يحب يطبق و ش يقولو راسو دون إعتبار لرأي العائلة و حاط في بالو بلي الكبار ديما متخلفين وما همش متحضرين و كومبليكسي و ............

[THECHIMIST]

الأخ الكريم صاحب الموضوع متأكد و متيقن و مقتنع بنسبة ملياااااااااااااااااااااااااااااار في المئة أن الهاتف النقال له سلبيات للبنات و هو لذلك طرح الموضوع لعل و عسى أن يقتنع أحدكم بفكرته...
يا أخي الفاضل نحي من بالك هذه الوساوس و تأكذ بأن الأخلاق مجموعة من القيم والمبادئ تحرك الأشخاص إناثا كانوا أم ذكورا....
نحن الآن نستهلك حاجة علمية و تكنولوجية ملحة ولكني بلا جدل أعارض وبشدة أن تساء استخدامات التقنية وليس معنى وجود حالات شاذة و فرديةفي المجتمع أن نجعلها قاعدة عامة...

المشكل أنوا هدي الحالة تطورت من شاذة إلى شبه العامة و لو كانت شاذة لما لاحظنا هذا الكم الهائل من "le couple " في شوارعنا إضافتا إلى أن البورطابل سهل هده الأمور إلى درجة أنها أصبحت أسهل من شرب الماء
تخيلي أنوا أحد أصدقائي المراهقين إستطاع الحصول على رقم هاتف إحدى الفتايات بمجرد نظرة و هدا أمام عيني كون حكالي بالاك نكدب
أما على الفيسبوك فذاك هو الطامة الكبرى فقد سهل هذه الأمور أكثر من البورطابل

[soso sirin]

في الحقيقة أنا جامعي و متخرج و الحمد للله لكن عندي إحتكاك ببعض طلاب الثانوية الذكور
أما فيما يخصص التربية ما تنسايش بلي المحيط الخارجي عندو تأثير كبير على شخصية المراهق إضافة إلى أني لاحظت بأنو هذا الجيل بالعامية "راسو خشين " يعني يحب يطبق و ش يقولو راسو دون إعتبار لرأي العائلة و حاط في بالو بلي الكبار ديما متخلفين وما همش متحضرين و كومبليكسي و ............
الله يبارك كنت حاسبك تقرى في الليسي سمحلي على هذا الخطئ. صح راسو خشين و حاسب روحو غير هو الي يفهم و المحيط الخارجي راه يفسد مي المحيط الخارجي اذا قدر ياثر معنتها كاين حاجة في تربية الطفل ماشي نيشان .و هنا ماشي غير تربي و تقيس للمجتمع و تقول خلاص انا ربيت. الطفل صاريلو كيما الشجرة لما تغرسها تقعد دايمن طل و عليها و تتهلى فيها حتا و كون تكبر تقعد تشرب فيها و تشوف اذا كاش حشاوش ماشي ملاح لازم تنحيهم الطفل تاني لازملو رعاية و اهتمام حتى و يكبر لازم تقعد دايمن موراه

[سارة البوسعادية]

باش مانكونوش جايحين ومانعرفوش نميزو الهاتف النقال عندو ايجابيات وسلبيات
وبحكم اني خالطت بنات في الجامعه وشفتهم في اوقات الفراغ يتحرشو بارقام شباب ورجال كبار
نقلك الهاتف مثل الكاس تمام تحب تشرب فيه خمر وتحب تشرب فيه عصير
يعني الفكرة ليست مرتبطة بلشئ بقدر ماهي مرتبطة بالانسان واخلاقو ودينو
وحاليا الهاتف ولا ديمودي دركي تقدر تسقسي اذا مسموح للطفلة تشري لابتوب او لا وبوركت

[THECHIMIST]

أنت معذورة الأخت soso sirin لكن أليس من الأحسن أن نقضي على الأسباب أو نحد من تأثيرها أحسن من أن نعالج النتائج بعد فوات الأوان و كما يقول المثل "درهم وقاية أحسن من قنطار علاج" كما أن الحد من الأسباب سيجعل التربية و العناية و مراقبة الأبناء أسهل بعض الشيئ

[THECHIMIST]

باش مانكونوش جايحين ومانعرفوش نميزو الهاتف النقال عندو ايجابيات وسلبيات
وبحكم اني خالطت بنات في الجامعه وشفتهم في اوقات الفراغ يتحرشو بارقام شباب ورجال كبار
نقلك الهاتف مثل الكاس تمام تحب تشرب فيه خمر وتحب تشرب فيه عصير
يعني الفكرة ليست مرتبطة بلشئ بقدر ماهي مرتبطة بالانسان واخلاقو ودينو
وحاليا الهاتف ولا ديمودي دركي تقدر تسقسي اذا مسموح للطفلة تشري لابتوب او لا وبوركت


هذا وان حبيت نوصل
لكن عندي تعقيب
متنسايش بلي حتى الناس لي عندهم أخلاق و تربية قادر يتأثروا بالمحيط لي داير بيهم خاصة لي تلقاهم ضعاف الشخصية من الجنسين كاين ياسر ناس كانت أخلاقهم مليحة و من بعد لسبب من الأسباب تحولو 180° خاصة عند البنات و أحد هذه الأسباب رفقة السوء فإدا وضعت الفتات أو الفتى و سط مجموعة من الرفقاء السيئي الأخلاق راح يتأثر بيهم و حتى و لم يتأثر بهم في الأشهر الأولى فإن ذالك سيحدث مع الوقت لأنوا يشوف في روحوا عنصر شاذ في وسطهم و الزم يسايرهم و كاين منهم حتى لأثر عليه و يستفزوا بعض الكلمات مثل "و شبيك معقد أو راهي الناس كل دير كيما هاك ....إلخ"
و في هذا الخصوص راح نحكيلك حادث شفتو بعيني
وحد النهار كنت ماشي في الطريق و قدامي وحد زوج بنات عمرهم بين 16 و 18 سنة قاعدين يحكو بصوت عالي واحد منهم قاعدة تقنع في لخرة باه تخرج مع واحد صاحبها تخيلي واش قالتلها " أو راح يخرج معاك برك ماشوا راح --------يا ---------" أستحي من ذكر الكلمات أنا راجل و ما نقولهمش

[ANWAR 11]

السلام عليكم

و ماذا سنستفيد من هذا الاستطلاع
سواء كانت الاجابة بنعم او لا هل تستطيع تغيير الامر؟
يا اخي كل واحد حر في اولاده و هو اللي يتحاسب عليهم اذا ما عرفش يربيهم

مع انني لا احب المناقشة في هكذا مواضيع لكن ................اريد ان اقول لك

البنت اذا كانت متربية لا تحتاج لاي مراقبة .....و لا اتفق معك ان الاخلاق تتأثر بالظروف الخارجية ...من شب على شيء شاب عليه مهما كانت الظروف ............ اما اذا مارباوهاش تستطيع فعل ما تريد حتى لو لم تكن تملك هاتفا

تقبلوا مروري

وفقنا الله و اياكم لما يحبه و يرضاه

[staifia]

انا ضد امتلاك الهاتف النقال للصغار ,,,,

[THECHIMIST]

شكرا على مرورك أما بعد
فيا أخي على عكس ما تقول فإننا نستطيع التغير و إن لم نستطع تغير الحاضر فإنه بإمكاننا تغير المستقبل و التنسا أننا ستنكون بإذن الله أباء و أمهات المستقبل
ما ارمي إليه من هذا الإستطلاع هو التنبيه من الخطر الداهم التي صارت تشكله هذه الظاهرة على شبابنا و بالأخص المراهقين و الإناث منهم و ضرورة إيجاد حلول جدرية للتعامل معها
كما أن التربية وحدها لا تكفي في هذا الزمان الذي كثر شره و قل خيره إنما على الأباء المتابعة الدائمة لكل المستجداد و في جميع المجالات حتى يكون مدركين لكل خطر يتهدد أبناءهم و كي يجيدو التعامل معه إدا وقع خلل ما

[النجمة القطبية]

وكل واحد ينظر من الزاوية التى تريح عينيه
شخصيا ارى ان متى ما كانت البنت او الولد على حد سواء مؤهلين ومصدر ثقة فلاباس
وارى ان الولد فى الوقت الحالى يحتاج للرقابة مثله مثل البنت وربما اكثر لكونه الاكثر خروجا فى
ولكون فى عصرنا الحالى ظهر فيه ما لم يكن فى قبله وبالتالى الولد معرض اكثر
اما البنت ففى كل الاحوال تكون تحت نظر الام واكثر رضوخا

[THECHIMIST]

أشكركم على المشاركة في الإستطلاع و إثراء النقاش

[ri.b]

كل وحدة وكيفاه تستعملو
انا عندي بورطابل وهاكاك مستاعملاتو فالصح عندي غير صحاباتي كل وحدة وتربيتها انا نعررف جارتي قدي ماعندهاش الوبرطابل مي عندها بيس شراهالها
انا مانديرهاش والله لاتوصلني لهادي
كما قالت الاخت سوسو كما تخرج برا وتبطا لازم الطمنهم عليك ولاكيفاه
والبنت اللي فالدار تاني تحتاجو حتى هي تقلق ماتقولوليش انتاع بوها ولامها على خاطر كل واحد ومستقل
لازم كل واحد ويكون في محل ثقة والديه