مشكلة زواج ...............

[مشكلتي]

السلام عليكم ورحمة الله وبركاته

قصتي مع الزواج انو ابي ماهوش حاب يزوجني حتى تزوج اختي الاكبر مني


انا كنت نظن انو مبقاوش ليخممو هكذا لكن صدمت عندما عرفت انو ابي يخمم هكذا


حابة نهدر معاه ونفهمو بلي مايش عقلية

راني في السن الزواج ........... عمري 22 سنة والله هذا العام برك تقدملي 7 يخطبوني
وكل مرة نقولهم لالا وندير حجة بقرايتي ومع العلم اني هذا العام كنت ليسانس

وكما نمدلهم عذر بقرايتي يقولولي راني هذا العام تخلصي ماهوش عذر والله حتى نحشم

يعني هاهو جارنا والله كان عندو 3 بنات كبار وحدة 32 و وحدة 30 ووحدة 28

مد تاع 28 لولة والله العام لمنبعد تخطبوا بناتوا لخرين دخلوا في صيف واحد


اذا مكانش مكتوب لختي نحبس انا منزوجش
من بين لخطبوني استاذ قراني والله عام كامل وهو يحاول وانا نقولو لالا
حتى المرة الاخيرة وليت قتلوا على عقلية بابا تشوكا


وانا صراحة كرهت وعييت من نظرات الناس ليا وليت نحشم

وكل راجل يكون خير من الاخر وكون نكمل هكذا ميزيد حتى واحد يجي

في الاسبوعين الاخيرين تقدملي استاذ اخر وهو استاذ ما شاء الله وكل يشهدلو بالخلق الحسن

وانا قتلو منقدرش تجي تخطب ذرك قلت حتى الدخول الجامعي القادم يعني في سبتمبر ولا اكتوبر
على امل اني نقنع ابي في العطلة يبدل رايوا

بصح حتى الان مقدرتش نهدر معاه ومعرفتش لمن نروح باه يهدر معاه

امنيتي كما اي طفلة تزوج ودير دار

بصح والله راني نشوف في هذاك نهار بعيد

اعطوني رايكم ولا حل

راني كرهت

[اميرة زماني]

ادا اجاك انسان متدين ومليح

حاولي تقنعيه

وذكريه بحديث الرسول الكريم عليه الصلاة والسلام

وربي يرزقك بولد الحلال

حاولي تخلي يماك تهدر معاه

واكيد ف اي حاجة لازم رايو

لانو رضا الوالدين لازم خصوصا ف مثل هاد المواضيع


ب

[abdel02]

....ولأنه لا حول لكي ولا قوة...فلابد لكي من وسيط في القضية...توسطي أمك أو خالك أو اي انسان ثقة ممن هو أفصح لسانا وأقوى برهانا وربي يلين قلب أبيك وأكثري من الدعاء لنفسك ولأختك عسى الله ان يجعل لها سبيلا...

[ايمان فلاور]

مشكلتك مثل مشكلتي يعني القراية+ الاخت الكبرى مجهاش المكتوب ...ولكن انت راكي كملي هدا العام ومعند حتى حاجة تشدك على الزواج حاولي تحكي مع امك باش تقنعو بالامر وكذلك اختك اذا مكانش عندها اعتراض

[محمد جديدي التبسي]

حاولي تزوجي أختك قبل وأعطيها واحد من الخطاب السبعة اللي جاوك وهكذا يتحل المشكل
أمزح طبعا لكن عليك توسيط والدتك في الأمر والله المستعان.
استغربت من حديثك مع أساتذتك وخطابك قبل أن يأتوك للخطبة احترسي أختي ولا تتمادي في الأمر
اللي حب يخطبك يروح للدار ويقنع والدك وهناك طرق كثيرة لذلك من أهمها تدخل كبار العائلة أو إمام الحي
ربي يرزقك الزوج الصالح

[- بصمة خير -]

بالتوفيق لك و لـــها

و لجميع البنات

[Sirine nour]

والله نفس المشكله انا تاني عندي اختي اكبر مني وراني نستنى فيها هي تتزوج لانو بابا رافض كل الخطاي الي يجيوني للدار ويقلهم بنتي مازالت صغيره راهي تقرا مازال الوقت
دركا احنا واش نديرو غير الدعاء باه يجي ولد الحلال ليخطب خياتنا الكبار

[mimi-dz]

اختي تحدثي مع اختك التي هي اكبر منك لكن ليس مباشرة اولا حسسيها بحبك لها وبانك تتمنين زواجها قبلك ولكنك ايضا تتمنين الزواج وتكوين عائلة اخبريها بان الزواج مكتوب ومن يدري فقد تخطب بعد زواجك فربما ستقتنع وحينها ستخبر والدك بانهاراضية بزواجك قبلها وهو سيقتنع بدوره لأنه ربما لا يريد ان يجرح مشاعرها
اختي اقول لك هذا بحكم انني البنت الكبرى واختي الاصغر مني تزوجت قبلي وانا من اقنعت والدي بالخطبة من نفسي ولم يطلب مني احد ذلك رغم ان اختي كانت جاحدة وجرحتني اكثر من مرة بعد خطبتها
اختي ليس من السهل على اختك تقبل الأمر وبما لن تفهميها لأنك لم تعيشي موقفها فانا تقبلت الامر لأني لم ارد تعطيلها معي ولاني مؤمنة بان الزواج مكتوب ولكن ربما اختك ليست مثلي
لكن انت لا تكوني انانية فانت تفكرين في نفسك فقط وربما انت الآن تحقدين عليها لأنك ترينها عائقا امام زواجك ضعي نفسك في مكانها وجدي حلا فهي ستكون محتاجة لحنانك وقربك منها حتى تفضلك على نفسها
انا قبل ان تخطب اختي تمنيت ان تأتي وتكلمني وان تطلب مني ان اسامحها واقنع والدي بدلا من اخبار كل الناس بان والدي يرفض تزويجها بسببي بكيت كثيرا وانا اسمع الكلام هنا وهناك ولم تحس هي يوما بما عانيته ولكني رغم ذلك رضيت واقنعت والدي

[Crazy lazy Girl]

"إذا جاءكم من ترضون دينه وخلقه فزوجوه ....." وش هادي العقلية نتاع بكري ....قوليلوا واحد مايدي نصيب غيره و نوصيك ما نحقديش على اختك ما دخلهاش

[أم البشائر]

لازملك وسيط من اهلك يكون صووته مسموع من ابيك

[karimblida]

لازم وسيط عاقل يقنع باباك

[محمد...عبد النور]

أسأل الله أن يهدي الوالد نتاعك و يبعد عليه هذه الافكار
كل واحد و مكتوبوا
و الله لمست هذا المشكل لدى العديد من الناس يقول الوالد لا زواج حتى نزوجوا الكبير
و الله قلة فهم و جهل
اللي جاه مكتوبوا ربي يسهل
ادعي ربي يهدي الوالد نتاعك و ادعلي لاختك ربي يجيبلها مكتوب و تتزوج و تتهناي من العراقيل
ربي يهنيك و يفتح عليك أختي الكريمة
ســــــــــــــــــــــــــلام

[صُبح الأندلس]

ولم تفترضين البلاء قبل وقوعه ؟على رأي أهل مصر
ما أدراك لعله إن خطبك هذا أو ذاك يشرح الله صدر أبيك
دعيهم يأتون للدار و سيمل أبوك من الرفض بل ستكون حجة عليه و سيخشى أن يظلمك خاصة إذا تدخل شخص ثالث ونصحه

[nacer ben]

تكلمي مع امك او احد اخوالك او اعمامك يهدرو معاه وربي يفرج عليك

[da3dou3]

هدا راه بباك و متقدريش تهدري معاه هك حنا في عادتنا الجزائرين غدا الشي عيب و لي تقولك روحي اهدري مع بباك و فهميه نقوللها ادا انت تحطيتي ي موقف كيما هك تنجمي تهدري مع الوالد تعكم . يالاخت متنسايش رضايت الولدين وانت مزلتي صغيرة راكي 22 سنة فقط و الزواج مسؤولية كبيرة (منيش قاصد بلي راكي مزلتي صغيرة على المسؤولية) و زيد الزواج مهوش فرصة العمر لي مالزمش تفوت . الزواج مكتوب . والله وليت نحير في لبنات درك يهدرو على الزواج كلي تجيك الفرصة خطرة وحدة في حياتك انا واحد من الناس راني نشوف في بنات يتزوجوا في الصيف و يطلقوا في الشتاء . ربي يفرج عليك و على جميع لبنات.

[لؤي02]

أستعملي أحد أقربائك والمفضلين لدى أبوك و إلا هل المانع الحقيقي هو أختك ؟

[انغام المنى]

على العموم انا في دارنا معندناش مشكل تخطبت انا واختي الي اكبر مني مزالت متخطبتش بصح غايضتني ودايما ندعيلها بالزوج الصالح اختي تريثي قليلا مزالك صغيرة خلاص زيدي اصبري عام اخر قادر يجي مكتوب اختلك وما يولي حتى مشكل باباك ماوش حاب يبني سعادتك على حزن اختك وخصوصا اذا كان الفرق بيناتكم كبير في العمر اصبري يا اختي وربي يجيب الي فيه الخير

[صالح القسنطيني]

السلا عليكم

لم تذكري في كلامك هل من خطبك قصدوا داركم أم كانوا يحدثونك دون الاقدام على الخطبة امعروفة و قصد البيت و عليه فنصيحتي لك أن تعقد الخطبة على ما هو معروف عرفا أي يقصد الخاطب داركم مه اهله و يكلمون والدك و اذا رفض اقصدي من اهلك من تعرفين ان والدك يحترمهم و يجلهم

و هذا الحل هو عينه الذي سرنا به مع اختي لما رفض والدي تزويجها فما كان منه الا القبول لما وجد نفسه محاصرا من اسرته و اهل الخاطب و اعمامه و عماته و قد كانت له عمة يحترمها

[نهال الجزائرية]

أتمى لي أبوك الهداية مزال في عقلية بكري رانا 2012 كيفاش يقولك لالا حتى ختك تزوج كل واحد ومكتوبو حاولي إقناعه من طرف عمك وأتمى لك توفيق وإن شاء الله عن قريب يتحل المشكل

[**د لا ل**]

على حسب كلامك لم ياتي احد للمنزل لخطبتك رسميا كله مجرد كلام خارج اطار شرعي

ربما كثرة العدد التي ذكرتها قد تخجل والدك وتجعلها يغير رايه

توكلي على الله واطلبي ممن تقدم لك ِبالمجيء لمنزلكم ومحادثة والدك لعل وعسى قلبه يحن ويقبل

فمن يدري ؟؟؟؟؟؟

و الجئي الى الله سبحانه وتعالى فهو خير ملتجأ لكِ

وربي يوفقك اخيتي

[faty05]

و لي جاو يخطبوك وعلاه يهدرو معاك
شوفي لي يحب يخطبك ما تخبريهش على العقلية
ابعثيهم طول للدار يحكو مع باباك
و في نفس الوقت خبري واحد من اهلك يخبر باباك و يقنعو