راني في مازق عاونوني الله يجازيكم

[ايمااان]

ارجوووكم راني في وضع مقلق قولولي واش هما الوثائق اللي لازم نخدمهم باش ندير transfert راني حاب نحول الشعبة و الجامعة
و ارجوووكم قولولي ادا كاين منها ورقة حول حسن السيرة و السلوك

[سطايفية بكل فخر]

wach mn 3am ta9ray

[سطايفية بكل فخر]

التحويل كاين زوج
داخلي في نفس الجامعة يكون سهل لانو جامعة وحدة
والتحويل الخارجي بين الجامعات هنا تروحي للجامعة للتخصص لي راكي حابة تقراي فيها تجيبي الموافقة من عندهم بالقبول
ثم ترجعي للجامعة لي مسجلا فيها تسلميهم الموافقة يمدولك الدوسي تاعك وتروح للاخرى
في شوية جريات برك مي نورمال

[سطايفية بكل فخر]

اذا كنتي طالبة جديدة ادي معاك نسخة من شهادة الباكالوريا للفاكيلتي لي حابة تقراي فيها
واذا كنتي ديجا قارية فالجامعة ادي معاك رولفي دونت تاعك وروحيلهم
ونولهك الحاجة كاين ترونسفار لي يرجعك تقراي فالسنة الاولى جامعي

[ايمااان]

انا حابة ندير تحويل الشعبة الى جامعة اخرى و ارجو التوضيح و الاجابة عن السؤال التاني

[ايمااان]

و انا ربحت الباك السنة الماضية و لكن ماعجبتنيش الشعبة قررت نبدل هاد العام

[جزايرية و أفتخر]

اسفة اختي ما اعرف

[سطايفية بكل فخر]

انت حابة تبقاي في نفس الشعبة وتبدلي الجامعة ولا حابة تبدلي الجامعة
نقلك قوليلي وشا راكي تقراي وين حابة تروحي هكا باش نفهم

[ايمااان]

ياك راني كاتبة من الاول بلي حابة تحويل الشعبة و الجامعة مثلا من الفرنسية في تيارت الى انجليزية في مستغانم

[سطايفية بكل فخر]

تروحي للجامعة للتخصص لي راكي حابة تقراي فيها تجيبي الموافقة من عندهم بالقبول
ثم ترجعي للجامعة لي مسجلا فيها تسلميهم الموافقة يمدولك الدوسي تاعك مع شهادة حسن السير والسلوك لي تكاشيهالك الجامعة لقديمة وتروحي للاخرى تدفعي ملفك

[ايمااان]

شكرا يا اختي و لكن كي نروح للجامعة اللي نبدل فيها واش لازم ندي

[from13]

الجامعة تفتح ابوابها في اوائل ايام سبتمبر

روحي انسكري عادي في شعبتك القديمة

مي قوليلهم باغي نانسكري لانسكريبسون تاع التروسفار

اكي هنا يعطوك وحد الورقة تعمريها تاع الترنسفار من كلية لكلية من جامعة الى جامعة هل تحتاج اقامة نعم او لا

مهم ورقة تعمريها

تعاودي تديها وين انسكريتي يكاشولك عليها

كي تكملي هدا الصوالح عاد تمشي للجامعة جديدة و تحطي هداك الورقة

تنتظري وحد 3 جور ولا 4 جور عاود تروحي لنفس البيرو لي حطيتي فيه الورقة تاع الترونسفار

يقولولك راهم قبلوك ... و يعطوك ورقة

تولي لجامعتك القديمة .. تدي هديك الورقة الى دواين تاع الكلية نتاعك يسنييها و يكاشيها

اه هنا تولي للمكتب تاع انسكريبسون القديم يعطوك دوسيك في امفلوب مبلع و مكاشي و يقولولك جامي تفتحيه

تدي هداك الامفلوب للجامعة جديدة و تانسكري عادي في الجامعة الجديدة

كي تكملي يعطوك وحد الورقة تديهة للجامعة قديمة كونكوا سيبو انسكريت و كملت سيبريمو اسمي

و بالباركة عليك
================================================== =================

حاجة الي نوصيك عليها هي غادي يديروك كي البالون كل واحد يقيسك في جيهة من مكتب لمكتب

حتى تكرهي و تقولي يا ربي علاش رحت درت هذ الترونسفار قاع

و الله يسهل انشاء الله

ومكان لا ورقة تاع حسن السيرة لا والوا كاين ورقة تاع مدخلاش للكونساي ديسيبلين برك ... بسح غادي يهبلوك بالاستبراء تاع المكتبة تاع لا سيتي .....الخ

نشاله نكون كفيت ووفيت

[سطايفية بكل فخر]

الجامعة تفتح ابوابها في اوائل ايام سبتمبر

روحي انسكري عادي في شعبتك القديمة

مي قوليلهم باغي نانسكري لانسكريبسون تاع التروسفار

اكي هنا يعطوك وحد الورقة تعمريها تاع الترنسفار من كلية لكلية من جامعة الى جامعة هل تحتاج اقامة نعم او لا

مهم ورقة تعمريها

تعاودي تديها وين انسكريتي يكاشولك عليها

كي تكملي هدا الصوالح عاد تمشي للجامعة جديدة و تحطي هداك الورقة

تنتظري وحد 3 جور ولا 4 جور عاود تروحي لنفس البيرو لي حطيتي فيه الورقة تاع الترونسفار

يقولولك راهم قبلوك ... و يعطوك ورقة

تولي لجامعتك القديمة .. تدي هديك الورقة الى دواين تاع الكلية نتاعك يسنييها و يكاشيها

اه هنا تولي للمكتب تاع انسكريبسون القديم يعطوك دوسيك في امفلوب مبلع و مكاشي و يقولولك جامي تفتحيه

تدي هداك الامفلوب للجامعة جديدة و تانسكري عادي في الجامعة الجديدة

كي تكملي يعطوك وحد الورقة تديهة للجامعة قديمة كونكوا سيبو انسكريت و كملت سيبريمو اسمي

و بالباركة عليك
================================================== =================

حاجة الي نوصيك عليها هي غادي يديروك كي البالون كل واحد يقيسك في جيهة من مكتب لمكتب

حتى تكرهي و تقولي يا ربي علاش رحت درت هذ الترونسفار قاع

و الله يسهل انشاء الله

ومكان لا ورقة تاع حسن السيرة لا والوا كاين ورقة تاع مدخلاش للكونساي ديسيبلين برك ... بسح غادي يهبلوك بالاستبراء تاع المكتبة تاع لا سيتي .....الخ

نشاله نكون كفيت ووفيت

شكرا لك شهادة حسن السيرة والسلوك مطلوبة وحنا في جامعة سطيف يمدوها للطلبة تاوعنا لي دارو التحويل ويطلبوها من لي جايين

[from13]

شكرا لك شهادة حسن السيرة والسلوك مطلوبة وحنا في جامعة سطيف يمدوها للطلبة تاوعنا لي دارو التحويل ويطلبوها من لي جايين

اذن شهادة حسن السيرة = شهادة بلي مدخلش للكونساي ديسيبلين ههه

[سطايفية بكل فخر]

هههه نعم هي

[ايمااان]

شكرا ليكم بزاف بزاف شكر للاخ from13 و للاخت سطايفية

[hilme]

انا تاني باغية ندير تحويل وكنت مافاهمة والو شكرا ليكم على التوضيح

[سطايفية بكل فخر]

العفو واجبنا

[ايمااان]

بقالي سؤال واحد و هو وقتاش بالتحديد يبدا التسجيل بالنسبة للدين اعادو السنة يعني ماشي اللي حابين يتحولو فقط للدين يريدون التسجيل للسنة القادمة مع انهم اعادو السنة

[from13]

كل جامعة و عندها فترة تسجيلات و كل شعبة ...

الحل الاكيد هو في سبتمبر 2 ولا 3 روحي لافاك و سقسي وفالشك حتى اواخر سبتمبر

خطاش كاين لي رترباج ابري يقارعوا ريزيلتا .... عاد لانسكريبسيون

[سطايفية بكل فخر]

تقريبا كل الجامعات تفتح التسجيلات والتحويلات في شهر سبتمبر وتمتد حتى اكتوبر

[ايمااان]

والله عاونتوني بزااااف و ريحتوني ادعو يتحقق واش راني باغية
سمحولي ادا كترت عليكم

[سطايفية بكل فخر]

ان شاء الله اختي
العفو واجبنا

[from13]

لا شكر على واجب .. مي قوليلي مزال باقي فرصة الراتراباج

علاش متحاوليش من جديد ??

[sweet Giirl]

السلااام عليكم
أختي سطايفية شكرا على مجهوداتك
ارجو ان تفيديني
انا اخترت تخصص حقوق وانا متاكدة من اني ساقبل فيها لان معدلي 12.68 كما اني اخذت في هذه المادة 20/20
انا من المدية بعد استفسارات عديدة اتضح لي اني ادرس سنة اولى جذع مشترك وفي السنة الثانية اتخصص والتخصص الذي اريده لا يوجد في جامعة المدية بل في جامعة البليدة لهذا قررت اني ادرس من السنة الاولى في جامعة البليدة
انا دوكا يعطولي في المدية
واش ندير باش نحول للبليدة اين اسجل؟؟
وادا كان نسجل في المدية وندير تحويل للبليدة اشريحيلي واش ندير في هاذا التحويل لاني ما عندي حتى فكرة عليه ومتى يكون

[سطايفية بكل فخر]

سجلي فالمدية وحولي للبليدة
ادي معاك فوطوكوبي نتاع شعادة النجاح الموقتة وروحي لجامعة لبليدة جيبي الموافقة من عندهم ورجعي للمدية مديلهم الموافقة ودي دوسي تاعك فيها شوية جريات برك
+
ننصحك كي تروحي للبليدة ادي جميع لوؤراقي لي عندك باش ميهرجوكش تعرفي بلادنا من بيرو لبيرو

[ايمااان]

لا شكر على واجب .. مي قوليلي مزال باقي فرصة الراتراباج

علاش متحاوليش من جديد ??
واش نقلك يا خويا انا نستفسر من اجل واحد ...هو اللي حاب يبدل و وصاني باش نعاونو و انا وعدت نعاونو و هو ما هوش حاب يبق في الشعبة ديالو علخاطر مالقاش روحو فيها و الله راني حابة يتحقق واش راه حاب اكتر من واش نتمنى لروحي

[لالة مريومة]

هههههههه مليحة هاذي تاع نروح ونجي للجامعة لجامعة ومن مكتب لمكتب
اختي انا ايضا حبيت نسقسيك
انا راني حايرة بين الاسبانية ودرسة عليا موسيقى واحتمال كبير نروح للموسيقى لاخاطرش انا ادب وراني حابة ندير ترونسفار لكن الاقامة قالك ماكاش

[سطايفية بكل فخر]

الاقامة للطفلة يمدةهالها ادا كانت بعيدة على الجامعة ب30 كم ومعندهمش النقل

[سطايفية بكل فخر]

نصيحة المدرسة العليا للاساتدة احسن لانو عملها مضمون
+
الاسبانية مليحة ومطلوبة يقريو بيها فالثانويات لكن الاضمن هم المدارس

[ايمااان]

اختي راكي هنا؟

[سطايفية بكل فخر]

راني هنا احكي واش لي فاهمتو مخلط

[سطايفية بكل فخر]

عاودي اقراي الردود فالصفحة الاولى

[ايمااان]

اولا صح فطورك
شوفي انا نهدر على واحد كان يقرا حاجة بصح حاب يبدل امالا يروح ياانسكري نورمال في الجامعة القديمة و يقولهن حاب يدير ترونسفار و تم يعطولو ورقة يعمرها و مبعد يكاشوهالو و مبعد يديها للجامعة الجديدة و كي يقبلوه يعطولو القبول و يجيبو للقديمة و مبعد يكمل الباقي

[سطايفية بكل فخر]

وانت زدااختي
حنا في سطيف مايكلاشيوهالوش يروح ديراكت للجامعة الجديدة هادي قالك عليها from 13 بلي كاينة في جامعتو
يروج مصحوب بالوثائق لي حكينا عليه ا مبعد ميسجل في جامعة القديمة

لما يجيب الموافقة الباقي تعرفيه

[ايمااان]

فهميني يروح اولا للجامعة الجديدة ولا القديمة و هدوك الوثائق اللي فهمتيعملي يديهم للجامعة القديمة؟؟ والله اتخلطت

[سطايفية بكل فخر]

نعاودلك من الصفر

اولا يسجل عادي فالجامعة لقديمة ويقل لجاميعتو بلي رايح يدير ترونسفارلا بلاك هوما عندهم كاش ما ورقة تسهلو تحويلو ادا مكانش نورمال مكان حتى مشكل

ثانيا يتوجه للجامعة الجديدة ويدي معاه
الوثائق لي قتلك عليهم ولا نزيد نقلك واش هوما بالتفصيل

-نسخة من شهادة البكالوريا

-نسخة مصدقة من شهادة الدراسة أو شهادة التسجيل

-نسخة من كشف النقاط (للطلبة القدماء)

-بطاقة إقامة في حالة تغيير الإقامة

ثالثا لما يوصل ثما يطلب منهم استمارات تاع التحويل ويعمهم ويمدهملهم مع الوثائق

رابعا ادا وافقولو على التحويل يولي للجامعة القديمة ويسحب ملفو منها ويجيب معاها شهادة حسن السيرة والسلوك ويروح للجامعة الجديدة يسحل روحو
ومبروك عليه التحويل

[ايمااان]

يعني الاوراق نتاع التحويل يجيبهم من الجامعة الجديدة
2- لازم يروح يسجل في القديمة؟؟؟

[سطايفية بكل فخر]

اوراق التحويل راهم عندو البيلنان تاعو لي خردج بيها عامو ونسخة من باكو فالجامعة الجديدة يمدولو غير الاستمارات

[ايمااان]

الاوراق راني نقصد بيهم الاستمارات
جاوبيني على السؤال التاني من فضلك

[سطايفية بكل فخر]

اه نعم من الجديدة
+
نعم لازم يسجل في جاميعتو

[ايمااان]

روحي انسكري عادي في شعبتك القديمة

مي قوليلهم باغي نانسكري لانسكريبسون تاع التروسفار

اكي هنا يعطوك وحد الورقة تعمريها تاع الترنسفار من كلية لكلية من جامعة الى جامعة هل تحتاج اقامة نعم او لا

مهم ورقة تعمريها

تعاودي تديها وين انسكريتي يكاشولك عليها

كي تكملي هدا الصوالح عاد تمشي للجامعة جديدة و تحطي هداك الورقة

هاد الكلام قلهولي الاخ بصح مافهمتش .................هو نفس الكلام اللي راكي تقولي فيه؟؟

[سطايفية بكل فخر]

هوما في جامعتكم هكا
حما هادي معدناش
+
الاخ مصطفى قالنا بلي رايح يدير مضووع نمفصل لانو يخدم فالجامعة وهو لي رايح يفضل فالامر
انا لي في جاميعتي قلتولكم

[ايمااان]

و علاش واش هو الفرق بين هدرتك و واش يقول الاخ from

[سطايفية بكل فخر]

الفرق بيناتنا هو قالك بلي كاينة استمارة نعمروها فالجامعة القديمة ونديوها للجامعة الجديدة
حنا لا معندناش نروحو نعمرو تاعا لجامعة الجديدة

[ايمااان]

ايه صح
اختي راكي عارفة بلي راني بزاف محتاجة هاد المعلومات .....ارجووكي تحوسي على الصح و تجاوبيني والله محتاجة بزاااااف المساعدة

[سطايفية بكل فخر]

ختي انا لي عندي قلتولك استناي الاخ مصطفى هو يعطيك الرسمي

[ايمااان]

يا اخ مصطفى التحويل من تيارت الى مستغانم ....وينها جامعة نجيب منها الاستمارات تاع التحويل الجامعة القديمة او الجديدة؟؟
ارجو التوضيح

[سطايفية بكل فخر]

هههههه هدرنا عليه جا

زاد علي نائب المدير هادي معلومة نضيفها لمعلوماتي
بارك الله فيك اخي خيرك منناهش طول عمري

[wissem setifienne]

الى سطايفية حابة نبدل من تكنولوجيا اللى رياضيات و اعلام وش يلزم في جامعتنا؟؟

[.صفاء.]

اختي اايمان لقد قرأت نداءك لي في موضوعي الخاص في قسم النقاش الجاد :

لنرتقي بمستوانا لدى تفاعلنا في المنتديات ... عبر عن رأيك
(http://www.djelfa.info/vb/showthread.php?t=1049621)
لكن انا اسفة فأنا لا املك اي معلومة عن التحويلات الجامعية........

[ايمااان]

حسنا اختي شكرا و الله حسبت بلي لقيت اللي يعاوني و لكن شكرا

[سطايفية بكل فخر]

ايمان اكيد الاخ مصطفى يجاوبك ادا دخل ليوم متقلقيش روحك

[mostafa31]

يا اخ مصطفى التحويل من تيارت الى مستغانم ....وينها جامعة نجيب منها الاستمارات تاع التحويل الجامعة القديمة او الجديدة؟؟
ارجو التوضيح

اختي سمحيلي لبارح خرجت
الأستمارة تجيبيها من الجامعة القديمة اللي راكي تقري فيها دروك

[سطايفية بكل فخر]

حنا عدنا نجيبوها من الجاكعة لي رايحين ليها
راك متاكد اخي؟

[سطايفية بكل فخر]

بلاك في وهران برك هما
مام في تلمسان تمدها هي للطلبة لي جايين يحولو ليها
رجاء جاوبني قبل متخرج

[ايمااان]

والله مافهمت نجيبها من الجامعة القديمة و لا الجديدة ارجوك اخي جيبلي الخبر الرسمي

[سطايفية بكل فخر]

هو قالك من القديمة وانا على حد علمي من الجديدة
وزيد زاش الفرق لقديمة ولا جديدة ياخي نفس المعلومات نلقاوهم فيهم في زوج
فقذ اسم الجامعة من فوق

[mostafa31]

يا اختي انا استقبلت العام الماضي بعض الطلبة وكانو جايين يقرو لوهران وهوما من معسكر جابوا الاستمارة من معسكر هدا مثال برك
ونتي جيبيها من تيارت ما كي خاسرة والو وكي تروحي لمستغانم ادا طلبوهالك صحا ما طلبوهاش يمدوهالك
ونقولك حاجة انا السنا مديت ل 3 طلبة جدد باك 2012 سجلو عنا صيانة وامن صناعي مع العلم انهم من سطيف قالولي بعيدة وهران قلتلهم جيبولي الموافقة من سطيف وررواحو تدو الباك هاكة نورمالمون راكم فاهمين

[mostafa31]

فيهم اسم الجامعة مبدل وتاني رمز الجامعة

[سطايفية بكل فخر]

انا واش فهمت ماشي لازم نجيبوها من الجامعة لقديمة
نقدرو نجيبوها من الجديدة كيما راهم مدايرين عدنا وراك قلتها خويا تاع سطيف يمدوها لجايين ليهم ماشي لي رايحين
وعلى ال_عموم راني لقيت نمود ج عليها وطرك نحطولكم
وزيد بما انك معندكش الانترنت انا ظرك نحل المضووع تاع التحويلات في بلاصتك ونخليلك الرابط تاعو هنا فيريفيه باش كاش ماخاصو قولي نزيدولو
وشكرا ليك

[سطايفية بكل فخر]

النمودج لي عندي هو تاع جامعة تلمسان مداتو لطالب جاها من بشار يحول ليهاذ
يعني مداتولو الجامعة الجديدة كيما سطيف يخدمو كيفكيف

[ايمااان]

امالا هاد الاستمارة نديها من تيارت ماشي شرط من مستغانم؟؟
و تاني قولولي لازم شهادة التسجيل تاع هاد العام .............يعني لازم نعاود ن انسكري في تيارت و لا نروح ديراكت لمستغانم

[mostafa31]

ما دام رايحة تبدلي الشعبة من جديد ف ما راحش يطلبو منك شهادة التسجيل خاطر نتي رايحة تبدلي التخصص كامل
ونقول للأخت السطايفية حنا اللي يجي يقرا عنا فوهران كيفاش نعرفوه من اي جامعة لازم يجيبلنا الأستمارة تاع جامعتهم باش نعطوه الموافقة على عكس اللي راه حاب يخرج من عنا حنا نمدولو الأستمارة تاعنا و يجيبلنا الموافقة باش نمدولو الدوسي
هادي هي العملية السليمة كل جامعات الغرب تخدم كيفنا

[ايمااان]

الجمهورية الجزائرية الديمقراطية الشعبية
وزارة التعـليم العـالي والبحـث العـلمي



نيابة مديرية الجامعة المكلفة بالتكوين العالي و التكوين المتواصل و الشهادات


طلب تحويل داخلي
لحاملي شهادة البكالوريا 2011

الاسم و اللقب............................................. ..............................................
تاريخ الميلاد:....................................... مكان الميلاد...................................
رقم الهاتف النقال:........................................... ..........................................
رقم شهادة البكالوريا........................................ .....سنة البكالوريا:...................
شعبة البكالوريا :.........................................المعدل العام:....................... \20
مسجل(ة) في السنة الأولى ، شعبة / ميدان : ............................. رمز ................
بجامعة ابن خلدون.
أطلب التحويل إلى:
شعبة / ميدان : .................................................. ............... رمز ................



رأي نائب مدير الجامعة المكلفة بالتكوين العالي و التكوين المتواصل و الشهادات





الوثائق الواجب تقديمها مع طلب التحويل:
نسخة من شهادة التسجيل للسنة الحالية مصـادق عليهـا.
نسخـة مـن شهـادة البكالوريــا مصـادق عليهـا.

أتعهد بصحة المعلومات المقدمة وأتحمل المسؤولية الكاملة عن أي معلومة غير صحيحة.

التاريخ ............................................إمضاء الطالب....................................

يا اخي هادي صورة عن المعلومات اللي في الاستمارة و راه مكتوب التحت بلي لازم يكون نسخة من شهادة التسجيل للسنة الحالية ارجوك فهمني؟؟

[سطايفية بكل فخر]

الاستمارة اخي مرفوقة بشهادة التسجيل او دراسية وهي لي فيها واش من جاكعة يقرا
يعني الاستمارة فيها معلومات تاعو وباقي الوضائق المطلوبة تاكد واش يقول
المهم انا الان راني نكتب فالموضوع كي نكملو شوفولي

[سطايفية بكل فخر]

ايمان هدا تحويل داخلي هتي انت راكي تحويل خارجي هاكي النمودج
http://imageshack.us/photo/my-images/14/photo006ih.jpg/

[mostafa31]

الله غالب نحوسلكم ف هاد الأيام عل استمارة تحويل تاع جامعتنا ونبيبليها
ما تتقلقوش مازال الوقت حتى لسبتمبر وراح تفهمي انشاء الله شولا ما تتقلقيش
هاد الأستمارة راهي تاع تحويل داخلي اي من شعبه لأخرى الأستمارة فيها )استمارة تحويل (
فيها 6 خانات 3 من اليمين ونفسهم من اليسار
راي مدير المعهد
راي عميد الكلية
راي نائب المدير

[ايمااان]

اخي انا عندي 2 اسئلة نحتاج لجواب
1- هل لازم نعاود نسجل في الجامعة القديمة ؟؟ و ندفعها مع الوثائق المطلوبة
2- مين نجيب الاستمارة؟
و الله يحليك يا اخي جاوبني و عطيني الرسمي

[wissem setifienne]

بالنسبة لاستمارة التحويل الداخلي منين نجيبوها؟؟

[سطايفية بكل فخر]

وسام راني فتحت موضوع خاص بالتحويل روحي ليه تفهمي

[mostafa31]

اخي انا عندي 2 اسئلة نحتاج لجواب
1- هل لازم نعاود نسجل في الجامعة القديمة ؟؟ و ندفعها مع الوثائق المطلوبة
2- مين نجيب الاستمارة؟
و الله يحليك يا اخي جاوبني و عطيني الرسمي


اولا انت رايحة تبدلي الشعبة كامل يعني علاش تسجلي من جديد ومع العلم ان التسجيلات حتي بداية اكتوبر على ما اظن
تدي شادةالتسجيل تاع العام الماضي حنا ما كناش نطلبوهالهم
و تانيا
الأستمارة جيبيها من جامعة تيارت
اختينزيدنقول و نعاود حنا في جامعة وهران نخدمو هكدا الجامعات الأخرى قد تكون مثلنا والله اعلم