عادة مازالت في مجتمعنا و بين شبابنا

[روح متمردة]

حاجة ما حبتش تدخل راسي عندي أخي في البيت ما يحبش يوقف و لا يقعد ولا حتى يكون في نفس الغرفة مع زوجتو مع أبي بالرغم من أنو أبي متفتح و ما عندوش اشكال في هاد الموضوع و لي جيبلي الجلطة :mad: يسكن هو زوجتو معانا في الدار يعني مضطرين نعملولو عشاء وحدو و في المناسبات دايمن فرحتنا ما تكملش يا ما يكونش هو في الجماعة يا هي ما تكونش في الجماعة
أنا رحت و سألت أخي و قالي أنا نحشم من أبي :confused: ما فهمت والو و لي ستغربت منو هو انو كاين فعلا بزاااف شباب يفكرو بنفس طريقتو ممكن اذا سمحتو تقولولي اذا عندو الحق ولا لالا
أذا سمحتو رأيكم مهم

[بلسم الجراح]

عادات تاع بكري ماتقدريش تلوميه تبانلو بلي راح يحتارمو بحذيك الطريقة
انا تاني اختي كانت مع بابا هكذا بصح ماما قلعتلها هذي الطبيعة ولات تلقاه نورمال

[jackin]

و لله في خلقه شؤون

[موح الحراشي]

عادة جميلة تاع بكري

[amoros]

عندو الف حق الحشمه زينة الراجل يا مرا انا نعرف واحد مايرفدش ولادو قدام باباه

[nadia mimi]

عادة جميلة تاع بكري

[الجليس الصلح]

السلام عليكم ورحمة الله
عادة قديمة لكنها أصيلة يا أختي الكريمة لا بد من الحشمة أمام الكبار خاصة الأب
مع الأم لا بأس لكن المبالغة في ذلك احيانا غير مرغوب فيها عموما مجرد عادة
شكرا على الموضوع

[halouma92]

عادة قديمة و اصيلة انا ابي ما يحكيش لا معانا لا مع ماما قدام جدي كون نموتوا قداموا و جدي معاه ما يتحركش خلاه يحشم منوا و يقولنا باللي هذا راهوا قدر لازمني نقادروا

[حنين40]

حاجة مليحة الحياء شعبة من شعب الايمان واش تحبي تعيشيه اوربي خليه على راحت مادام يحشم فيه الخير

[عماد الدين2]

السلام عليكم
ساكون صريحا معك
لبست بمشكلة كبيرة ان لا يجتمعا على العشاء معكم
وخاصة اذا علمنا ان الدافع نبيل و هو الحياء و الذي نعلمه كلنا
انه شعبة من الايمان و انه لا ياتي الا بخير
و لكن الغير طبيعي هو انفعالك لدرجة """ تجيبي لروحك جلطة """
الا تعتقدين انك تتدخلين كثيرا في اخلاق غيرك ؟؟؟؟؟؟؟؟
تقبلي تدخلي و شكرا

[ام مهدي 03]

السلام عليكم
ساكون صريحا معك
لبست بمشكلة كبيرة ان لا يجتمعا على العشاء معكم
وخاصة اذا علمنا ان الدافع نبيل و هو الحياء و الذي نعلمه كلنا
انه شعبة من الايمان و انه لا ياتي الا بخير
و لكن الغير طبيعي هو انفعالك لدرجة """ تجيبي لروحك جلطة """
الا تعتقدين انك تتدخلين كثيرا في اخلاق غيرك ؟؟؟؟؟؟؟؟
تقبلي تدخلي و شكرا

لا يا اخ ليس كذلك. هى فتحت لنا قلبها وبيتها والنصيحة لا تكون هكذا. اختى اتركى اخاك على راحته.فالحياء نعمة احسن من ان يكون عكس ذلك

[الوجہ البَشوش]

طبعا أخيك على خلق فضيل
ولكن يتمدى قليلا

[little smile]

أول مرة نسمع حاجة هك

[دزيري ا]

ايه هادي عادة اصيلة و الكبير عندو الحرمة ديالو عيب واحد يقعد مع مرتو و باباه معاه

[zahra96]

هذا يستحي والاستحاء خلق مليح

[miloud4u32]

يقولو ناس بكري إذا راحت الحشمة و الحيا راح الدين ...ونزيد نقولك اللمة و الجمعة نتاع العايلة ماشي في الطابلة راهي في القلوب والعشرة و المعيشة .... كاين وين تلقى 2 خوت في سجل العائلة (قانونا) بصح ثاني تلقاهم في المحكمة متخاصمين عل ى المراث ... الله ما أجرنا...آآآآآآآميننننن ....وصح فتوركم ...رمضام كريم

[abdoustar]

مبالغة ليست في محلها

[الاستاذة رجاء]

الامر جد عادي و ليس باشكالية .......اذا لم يكن اخوكي منزعجا من الامر و كذلك زوجته فلما تنزعجين انت
قد ترين الامر مبالغا من اخيك و لكن هذا هو الحال
يوجد الكثير من هذه الحالات

[اسم مرا]

هذيعادة نتاع بكري انا خويا ثاني كيما خوك

[bellal_mohamed]

السلام عليكم ورحمة الله
عادة قديمة لكنها أصيلة يا أختي الكريمة لا بد من الحشمة أمام الكبار خاصة الأب
مع الأم لا بأس لكن المبالغة في ذلك احيانا غير مرغوب فيها عموما مجرد عادة
شكرا على الموضوع



نعم اوفقك

[salma zayna]

يستحي والاستحاء خلق مليح

[sara nissa]

العادات الشابة تاع ناس زمان ربي يخليها في المجتمع تاعنا

[المنصور3]

الإستحياء من الكبار و احترامهم خاصة الوالدين خلق رفيع لكن أن تصل درجة الإستحياء إلى أن لا تجتمع العائلة كلها هذا أمر مبالغ فيه