كيما نديرو منسلكو [الأرشيف] - منتديات الجلفة لكل الجزائريين و العرب

اسعى لرضى الله

2012-07-16, 01:25

سلام عليكم ورحمة الله وبركاته

انا من طبعي منيش اجتماعية ومنحبش ندسر بزاف مي ليام اللخرين وصلتني حكايات بلي راني متكبرة ووو مي والله مي قضية تكبر ولا نحقر الناس واش هي قضية منحبش نحكي بزاف ونحشم كي نحكي ومنشتيش نحكي في الفيد

ايا اسيدي قلنا نبدلو شوي العقلية واللي قالو بلي متكبرة ونحقر قلنا اسيدي نذوبو الثلج اللي بيناتنا تالمون والله منتكبر ماوالو

ايا تلاقيت معاهم مرة ومنيش مالفة نبدا نحكي ايا حكيت معاهم ايا زمان نشوف فيهم يهزو في رواحهم

هيا فهموني دك كيفاش بكري بغاو نحكي معاهم وكي حكيت هزو رواحهم ؟

سما كما دير تحصل

هدي من جيهة ومن جيهة اخرى كي تقول كلمة ميفهموهاش كما هي يفهموها حاجة اخرى

هيا نخليكم تعلقو شوي

بلسم الجراح

2012-07-16, 07:10

انا تاني عندي نفس المشكلة مانلقاش فاش نهدر معاهم راسهم محصور في موضوع واحد برك

soso sirin

2012-07-16, 14:23

لالا انا ماعنديش هذا المشكل مي في الاول نبغي نفهم العقلية و منبعد ساهل نهدر و مانسكتش مي الحاجة الي تضر في الراس ولات اي كلمة لازم ديريلها شرح ولا يفهموها بالمقلوب تقول ريسانهم مبرمجينهم على حسابهم برك معنتها كون تكوني معاهم و تقولي النهار تاع اليوم سامط يقولولك امالا حنا سامطين و روحي انتي و حليها معاهم امالا نقلك حاجة وليت ناس كيما هاذو نشد لساني على قدما نقدر

اسعى لرضى الله

2012-07-16, 14:28

انا تاني عندي نفس المشكلة مانلقاش فاش نهدر معاهم راسهم محصور في موضوع واحد برك

هيه هديك ونص حكاياتهم تمنشير الواحد ناقصو ذنوب حتان يزيد ذنوب الغاشي

اسعى لرضى الله

2012-07-16, 14:29

لالا انا ماعنديش هذا المشكل مي في الاول نبغي نفهم العقلية و منبعد ساهل نهدر و مانسكتش مي الحاجة الي تضر في الراس ولات اي كلمة لازم ديريلها شرح ولا يفهموها بالمقلوب تقول ريسانهم مبرمجينهم على حسابهم برك معنتها كون تكوني معاهم و تقولي النهار تاع اليوم سامط يقولولك امالا حنا سامطين و روحي انتي و حليها معاهم امالا نقلك حاجة وليت ناس كيما هاذو نشد لساني على قدما نقدر

هيه شتي يا اختي هههه

قالك

اذا كان الكلام من فضة فالسكوت من ذهب

الواحد يسكت خيرلو

sarl02

2012-07-16, 14:55

والله ليست مشكلتك لوحدك ...ذرك راكي عارفة كيفاش ..الاعتقاد الاول الي كان عندهم عليك يبقى راسخ في عقولهم وتاكدي مهما اديري سواء اتروحي لعندهم بزاف ولا اتعيطيلهم بزاف ولا اتحبي تحكي معاهم بزاف تبقاي دائما في اعينهم متكبرة ...واتولي عندهم عقدة ومركب نقص من جيهتك ....وانا شخصيا حدث معي هذا الامر .

Rose19

2012-07-16, 19:10

ارضاء الناس غاية لا تدرك
اذا ما تكسريش راسك و تحوسي عليهم الي يعرفك يعرفك و الي ما يعرفكش ما يهمكش.

سعاذ

2012-07-16, 20:44

السلام عليكم
انا تاني يقولوا عليا متكبرة و سريوا بزاف وممعياش تمسخير
خاطر مظهر خارجي تاعي يعطيني هذوا الصفات
بصح انا ماجتنيش مشكل عادي
ومابدلتش عقلية
خليتهم هما يكتشفوا حقيقتي مع الوقت

سَلْسَبِيّلْ

2012-07-16, 21:33

و الله نفس المشكل نتاعك و تاني قالو بلي متبكرة بصح ميهمنيش وش يقولو عليا و مانيش محتومة نبدل روحي علاجال باه يرضاو انا هكذا منحبش نحكي بزاااف مش معناه انو متكبرة الي يهدر معايا نهدر معاه ما يهدورش منهدرش
متعمريش راسك مره لخطراكش كيما قلتي كيما ديري ما تسلكي يا مرضي متغيريش روحك

اسعى لرضى الله

2012-07-16, 21:42

ملاحظة فقط كي حكيت معاهم على وجه ربي فقط مش على جالهم مي الله غالب كما قالت الاخت ارضاء الناس غاية لا تدرك بارك الله فيكم على المشاركات الطيبة

سعاذ

2012-07-16, 21:49

السلام عليكم
اختى كوني انت مهما يكون
باه على الاقل ماتخسريش روحك
مليح واحد يكون اجتماعي بصح الاجتماعي مايعنيش
انك نهار كامل وانت جغبلي و تهدري مع لي يسوى ولي مايسواش
و ظلي تنممي خاطر هذوا هما مواصفات الشخص الاجتماعي
في وقتنا هذا
دمت في رعاية الله و حفظه

اسعى لرضى الله

2012-07-17, 02:21

السلام عليكم
اختى كوني انت مهما يكون
باه على الاقل ماتخسريش روحك
مليح واحد يكون اجتماعي بصح الاجتماعي مايعنيش
انك نهار كامل وانت جغبلي و تهدري مع لي يسوى ولي مايسواش
و ظلي تنممي خاطر هذوا هما مواصفات الشخص الاجتماعي
في وقتنا هذا
دمت في رعاية الله و حفظه

اكيد اختي انا صدقيني حكيت معاهم باش ميقعدوش حاقدين منحبش يحقد عليا مش على جالهم على وجه ربي برك مي هوما الله غالب

يا اختي انا نلقا راحتي في الدار ووحدي مي مع الناس نتخنق صراحة عدا اسرتي وشخص عزيز هكا بلا هدو ملقيتش وصف هههههه