افيدوني ارجوكم

[مشكلتي]

السلام عليكم و رحمة الله تعالى و بركاته
قصدتكم اخوتي في الله لتعط
وني ارائكم في الحالة التي اعيشها
انا فتاة تعرفت على شاب منذ سنتين و عندما علم اخوتي بالامر قرروا ايقافي عن الدراسة لانه بفضل من الله سبحانه بعد ان تبت اليه عدت و اتممت دراستي
الان تقدم الي هاذا الشاب و هو على خلق و دين و كل عائلتي استفسرت عن سيرته و اخلاقه و كل الناس والله شهدو له بالخير
مشكلتي تكمن في ان اخوتي الذكور يعترضون على زواجي منه ليس لاي سبب الا لانني كنت على علاقة به اما والديا فالحمد لله لم المس منهم الرفض الا ان فكرة رفض اخوتي لزواجي منه ترهقهم كما ترهقني
ارجوكم ماذا افعل الان
هل اتزوج الانسان الذي احببت و بنيت معه كل احلامي و اضرب راي اخوتي عرض الحائط و هم من لحمي و دمي
ام ارفض الزواج رغما عني فقط لارضي اخوتي فنظراتهم لي تقتلني
احيانا اقول المهم رضى والدي هو الاهم وفاخوتي غدا او بعد غد سيتزوجون و يبنون حياتهم بعيدا عني و احيانا اخرى احس انه لم يعد في راسي عقل
فما رايكم و جزاكم الله خيرا

[فيفان]

يا اختي مادام انسان هذا تقدم يطلب يدك من اهلك و هو على دين و خلق اين المانع بالعكس هذا انسان اثبت حسن النية و مادام الاهل نتاعك موافقين و انتي موافقة خلاص هذي حياتك و انتي تقرري
بالتوفيق

[arc en ciel]

مادام حابك فالحلال و حاب يسترك فما المانع ؟؟

تصرف اخوتك هو من الغيرة عن عرضهم .

اتكلي على ربي موافقة الولي هي الاهم

[ناصرالدين الجزائري]

اذا كان اخوتك قد سامحوك على فعلتك الماضية فهذا لا يعني أنهم نسوا ما حدث .. فذلك الشاب في نظرهم شخص اعتدى على شرفهم و هتك حرمتهم و لو يقبلون به زوج لك فهذا يعني أنهم سيتذكرون كلما رأوه قصتك معه .. فهم لا يحترمون أصلا و لا يستطيعون و لن يستطيعوا احترامه مستقبلا ...
إذا أردتي أن تجعلي جو من التوتر و قطيعة الرحم في أسرتك فعليك بالقبول بهذا الشاب .. و حتى لو التزموا الحياد و تركوك تتزوجين به فسيعتبرونك خائنة لهم و سيحملون هذا الشعور ما بقيت لهم من كرامة و عزة نفس ...
باختصار .. أنت أهنتهم بفعلتك السابقة فلا تجعليهم يحسون بالاهانة طول حياتهم ... لأنك ستخسرين اخوتك من أجل شخص غريب ..

لكن قد يكون هناك حل لمشكلتك إذا قابل هذا الشاب اخوتك على انفراد و تحدث إليهم و شرح موقفه و اعتذر لهم على ما فات و أبدى نيته اصلاح ما افسده .. ربما هنا قد يسامحونه و يفتحون معه صفحة جديدة ... أما تجاهل اخوتك فلن يأتي عليك إلى بالمشاكل و قد تصل الى درجة الطلاق ...

هذا رأيي و الله تعالى أعلم ..

[meriem hanin]

في رائي ان تصرف اخوتك هو بدافع الغيرة لاغير
مادام انسان مليح و اثبت حسن النية بالتقدم لخطبة فتوكلي على الله و كيما قلتي اختي غدوة خاوتك يتزوجو و يديرو دار و انتي كيفاش تكون حالتك
ربي يعينك اختي لاني و الله تقريبا اعيش نفس الموقف

[عُضو مُحترم]

حسب ما رايت في حياتي القصيرة

إذا تزوجتي بيه



1- تخسري اخوتك مش رايحين يعادوك ولكن يقاطعوك يعني سلام - سلام وانتهى و ستبقين منبوذة عندهم

2- حبيبك او زوجك هذا غير انساي باش يهدرو معاه او يستقبلوه او يقيّموه إذا جا عندكم للدار قبل اثناء و بعد الزواج

3- امك و ابوك تتعب اعصابهم بسبب الخلاف لي بينك و بين اخوتك

4- عائلة حبيبك او زوجك هذا لن يتعرفو على اخوتك لانهم سيرفضون اي شخص ياتي من عنده

5- ماتتوقعيش انهم يزوروك في بيتك في فرح او قرح او يوفقو بجنبك في حالة حدوث مشاكل معه مُستقبلا

6- موقفهم منك سيتحول إلى نسوانهم يعني زوجات اخوتك سيكرهنك او على ااقل يحتقرنك لانك اخوتك مش راضيين عليك


هذا واش شفت بعيني و سمعت بوذني

خصوصا إذا عندك اخوة من النوع التقليدي

( الرجل الجزائري الاصيل الذي لا يتسامح في قضية الشرف)

[meriem hanin]

حسب ما رايت في حياتي القصيرة

إذا تزوجتي بيه



1- تخسري اخوتك مش رايحين يعادوك ولكن يقاطعوك يعني سلام - سلام وانتهى و ستبقين منبوذة عندهم

2- حبيبك او زوجك هذا غير انساي باش يهدرو معاه او يستقبلوه او يقيّموه إذا جا عندكم للدار قبل اثناء و بعد الزواج

3- امك و ابوك تتعب اعصابهم بسبب الخلاف لي بينك و بين اخوتك

4- عائلة حبيبك او زوجك هذا لن يتعرفو على اخوتك لانهم سيرفضون اي شخص ياتي من عنده

5- ماتتوقعيش انهم يزوروك في بيتك في فرح او قرح او يوفقو بجنبك في حالة حدوث مشاكل معه مُستقبلا

6- موقفهم منك سيتحول إلى نسوانهم يعني زوجات اخوتك سيكرهنك او على ااقل يحتقرنك لانك اخوتك مش راضيين عليك


و في رايك اخي عضو محترم كيفاش تدير
لاني تقرييييبا اعيش نفس المشكل
رايك يهمني كثيييرا

[عُضو مُحترم]

و في رايك اخي عضو محترم كيفاش تدير
لاني تقرييييبا اعيش نفس المشكل
رايك يهمني كثيييرا

لا يوجد حل آخر




الزوج او الحبيب يوجد منه الآلاف .....يتعوض

اما خوك عندك واحد فقط

و ام واحدة فقط تلد لك اخوك

==============

والله يا اختي قضية اشرف غالية بزاف

و ماتتنساش ابدا

حتى لو مادرتي والو و ماغلطتيش بمجرد مشيتي مع شاب او تعرفتي بيه و هدرتي معاه

خلاص طحتي من قلوب خواتك و اعينهم

و ليس من السهل انهم يحبوك بعدما جرحتيهم و احرجتيهم امام الناس


الحل ادعي ربي يغفرلك خطأك


و يحنن قلبهم عليك



وحاولي تتقربي ليهم بالكلام و بالهدايا

و خليهم يحسو بلي انتي فتاة مسؤولة و فاهمة و عاقلة و( راتبة)

و بلي الشيء اللي كان ..... غلطة و ماتتعاودش و راكي نادمة عليها

[abdel02]

مادام الرجل جاء للدار فنيته باينة...شوفي والديك يهدرو معاهم ويخلو كل واحد يعيش حياتو...

[meriem hanin]

لا يوجد حل آخر




الزوج او الحبيب يوجد منه الآلاف .....يتعوض

اما خوك عندك واحد فقط

و ام واحدة فقط تلد لك اخوك




صدقت اخي الكريم
لكن لتعلم ان الامر ليس بالهين خصوصا امام من يطبقون مبدا
حلال علينا و حرام عليكم
يعني هو يدير رايو ايه و هي مستحيييييل

[عُضو مُحترم]

صدقت اخي الكريم
لكن لتعلم ان الامر ليس بالهين خصوصا امام من يطبقون مبدا
حلال علينا و حرام عليكم
يعني هو يدير رايو ايه و هي مستحيييييل
اصلا

انا و قلقني كلامك هاذا

فكيف لو كنت اخوك و قلتيهالي؟؟؟؟

[مريم الصابرة]

السلام عليكم اختي
شوفي اختي والدي راضيين وما رفضوش والسيد خرج راجل وجا خطبك على سنة الله ورسوله يبقى لو مشكل إخوتك عندهم الكلمة قبل باباك هذي حاجة اخرى لكن لو باباك هو الصح خلاص ما يديرو والو يا ختي لو انا مكانك بكل صراحة هذي فرصة تتزوجي بالراجل اللي تتحبيه وحبك وعلى سنة الله ورسواو لو أنا نقبل ونخليهم المهم والديك شوفي تنخطبي برك خلاص ما يبقاو يخمو في والو ومنين تتزوجي خلاص تولي عادي صدقيني نقولك اقبلي وزيدي كلمي امك تقنعهم كان ما قبلوش وباباك قابل خلاص الله غالب هوما اللي حبو هكذا المهم ننصحك تقبلي بيه موفقة

[عُضو مُحترم]

السلام عليكم اختي
شوفي اختي والدي راضيين وما رفضوش والسيد خرج راجل وجا خطبك على سنة الله ورسوله يبقى لو مشكل إخوتك عندهم الكلمة قبل باباك هذي حاجة اخرى لكن لو باباك هو الصح خلاص ما يديرو والو يا ختي لو انا مكانك بكل صراحة هذي فرصة تتزوجي بالراجل اللي تتحبيه وحبك وعلى سنة الله ورسواو لو أنا نقبل ونخليهم المهم والديك شوفي تنخطبي برك خلاص ما يبقاو يخمو في والو ومنين تتزوجي خلاص تولي عادي صدقيني نقولك اقبلي وزيدي كلمي امك تقنعهم كان ما قبلوش وباباك قابل خلاص الله غالب هوما اللي حبو هكذا المهم ننصحك تقبلي بيه موفقة

والله راكي غالطة تماما يا اختي مريم

لو كنتي رجُل

سيكون لك موقف آخر و ستفهمين مشاركتي السابقة


انا عشتها و شفت طوارها في أحد البيوت و مازلت نشوفها لحد الىن


والله عندما ياتي الزوج إلى البيت تلقاه الام فقط

الرجال في البيت و لكن لا يستقبلونه و لا يستقبلون اختهم

وكي نكلمهم يقولولي ان بالنسبة لهم اختهم تلك انتهت تلاشت مثل الدخان



==============
السيد هذا لو يتزوج بيها

اكيد بعد الزواج يصراو مشاكل

و ممكن يظلمها او يتعدى عليها

البنت هاذي لمن تشتكي و لمن تلجأ؟؟؟؟

إذا مش خاوتها في ظهرها وواقفين معاها

شكون يوقف معاها باباه الشيخ و لا يماها العجوز لي مش قادرين يوقفو مع ارواحهم؟؟؟

[oussama-30]

هو جاء من الباب كيما يقولو ومتربي ووليد عايلة اقبلي بيه وتزوجيه وربي يهنيكم ان شاء الله

[staifia]

نقلك حاجة اختي القصة تاعك نفس قصة بنت عمي ,,, خاوتهاالثلاثة رفضوه بشدة .... وابوها وافق مع ذلك تزوجاتو راه خرج معاها راجل وجاها للدارر وقصد لحلال ,,,
لكن مع مرور الوقت تقبلوا الامر الواقع ورجعو هما يروحو يزوروها ,,,, مع الوقت يحن قلبهم و ينساو ,,,صلي صلاة االاستخارة واطلبي ربي يطيحك في الصواب ... سلامي

[staifia]

والله راكي غالطة تماما يا اختي مريم

لو كنتي رجُل

سيكون لك موقف آخر و ستفهمين مشاركتي السابقة


انا عشتها و شفت طوارها في أحد البيوت و مازلت نشوفها لحد الىن


والله عندما ياتي الزوج إلى البيت تلقاه الام فقط

الرجال في البيت و لكن لا يستقبلونه و لا يستقبلون اختهم

وكي نكلمهم يقولولي ان بالنسبة لهم اختهم تلك انتهت تلاشت مثل الدخان



==============
السيد هذا لو يتزوج بيها

اكيد بعد الزواج يصراو مشاكل

و ممكن يظلمها او يتعدى عليها

البنت هاذي لمن تشتكي و لمن تلجأ؟؟؟؟

إذا مش خاوتها في ظهرها وواقفين معاها

شكون يوقف معاها باباه الشيخ و لا يماها العجوز لي مش قادرين يوقفو مع ارواحهم؟؟؟
عندك حق وكلامك صواب .. .لكن هما لو في نفس الموقف رايحيين ياخدوا راي اختهم لو رفضت البنت ؟؟
ميقدروش يشوفو اختهم تتحقر وتتذل ويسكتوا عليها
تحياتي

[miwa26]

لو كنت مكانكي للا تزوجت بيه وتركت اخواتي في نهاية الكل سيعيش حياته

[عُضو مُحترم]

لو كنت مكانكي للا تزوجت بيه وتركت اخواتي في نهاية الكل سيعيش حياته

كي اليوم ان شاء الله

[نبراس الصداقة]

أخي الفاضل عضو محترم فعلا معك حق
أوافقك الرأي في كل كلمة و حرف
فأنا كفتاة أوافقك الرأي لأن هذه القصص لا تنتسى بسهولة على الأقل
ومثلما سامحوك أول مرة فلا تجرحيهم بقبولك به
ليست القضية قضية تحليل أو تحريم بل حكاية أسرة نشأت فيها
وأخوة وجدتهم في ظهرك في كل وقت
أخوة يخافون عليك لأنك أختهم عرضهم من لحمهم و دمهم أنت
يحبونك عزيزة مكرمة عند زوجك
حتى ولو كان أحسن الناس ففي النهاية قد أذاهم قبلا
والأذي يحتاج لوقت ليمحى
أنا لست مستعدة بأي حال من الأحوال أن أخون أخوتي أو أفكر يوما في أحراجهم أو أقامة علاقة مع أي كان حتى ولو كان أروع انسان
لست ألومك أختاه لكنهم لا يستحقون أن أجازيهم هكذا و هم من يخافون علي و يحمونني و يقلبون الدنيا رأسا على عقب لأجلي

أنا أختهم التي يخافون عليها من نسمات الهوى
وما جزاء الاحسان الا الاحسان
علاقتك بزوجك تنتهي مع كلمة طالق لكن أخوتك بينك و بينهم الدم لا ينقطع
لا أحد في الدنيا يستحق أن تخسري لأجله عائلتك و أخوتك بالتحديد
ضعي في الميزان هذا الشخص و ضعي اخوتك كل في كفة و لتري كفة من سترجح
صلي أستخارة و استشيري ربك و أكيد أن رأى فيها الخيرسيوجهك له و يلين قلب أخوتك فيتحقق مرادك من الاثنين
لا تخطئي و تتزوجي غصبا عنهم فمن سيقوم لك أن حدث في يوم مشاكل بينك و بين زوجك و تكون المشاكل دوما
وأصلا الرجل مش الكل بالتأكيد يحقر مرتو أذا كانت متعاركة مع أخوتها
لأنهم هم عزها و يفكر مليون مرة قبل ما يقيسها حتى بكلمة
أختي رايي قلت لك يعني لو كنت في مكانك لأخترت أخوتي
بدون أي تفكير بعد أستخارة ربي أكيد
أنتظر منك خبرا بأن تكوني بخير أختاه و قد حلت مشكلتك و أرتاح بالك
أعذري أطالتي
أخي عضو محترم بارك الله فيك فكلامك واقعي حقا

[meriem hanin]

اصلا

انا و قلقني كلامك هاذا

فكيف لو كنت اخوك و قلتيهالي؟؟؟؟





اخي عضو محترم
و القلق علاه انا لم اقل الا رايي فقط و ما يحس بالجمرة غير الي كواتو
على كل مشكور كثيرا على كل كلمة خطتها يمناك و جعلها الله في ميزان حسناتك
و الاخت صاحبة المشكل ان شاء الله ربي يفرج عليها و علينا اجمعييييين ياااارب

[نورالحياةسوف]

انصحوكي اختي الا تخسري اخواتك لان الرجل يروح ويجيك غيروا اما الاخ لما يروح ما يرجع فالاخوة احسن
واقول لكي كلام هذه وجهة نظري:
ان كثير من تزوجوا عن طريق صداقة اي يتعرف عليها قبل الخطوبة ينزع الخاطب او الزوج ثقة من الخطيبة او الزوجة
فيقول لها كيما خدقتي والديك واخواتك قادرة على انك تخدعيني انا ايضا

[محب الحكمة]

اذا وافق والديك يعني أمك و ابوك...تزوجي..باسكو مع الوقت تشوفي خوتك غاية..غدوة يتزوج و شوف معاملتهم معاك كيف تكون....هذا لوفات جاء لداركم...راجل.....قبلي اذا كان على خلق.....

[saydek xxo]

يا اختي الراي الصواب انو الشاب يحاول يتكلم مع الاخوة ويدردش معهم ويعتذر ....يا جماعة ربي يسامح عباده على اكبر الخطايا علاه راكم هك ....غلطة سبحان الله ماكانش عبد معصوم من الخطأ ****اقنعيهم واجهيهم تحدثي اليهم بلطف وبادب ...وانا نزيد نقولك امر اذا كان نصيبك وربي شايفهولك يصرا واش يصرا ستكونين زوجة له ... و ايضا صلي صلاة استخارة ولي فيه الخير يقدمو ربي

[عُضو مُحترم]

اخي عضو محترم
و القلق علاه انا لم اقل الا رايي فقط و ما يحس بالجمرة غير الي كواتو
على كل مشكور كثيرا على كل كلمة خطتها يمناك و جعلها الله في ميزان حسناتك
و الاخت صاحبة المشكل ان شاء الله ربي يفرج عليها و علينا اجمعييييين ياااارب

لانك تبررين غلطتك بغلطة خوك

انتي واش يهمك في خوك حلال و لا حرام

المهم انتي اهتمي بالنصف في فرضو عليك ربي

( حرام عليا)


و مايهمكش في غيرك حلال عليه او مش حلال

خوك يمشي و لا ما يمشيش خوك عندو و لا ماعندوش

شوفي روحك و راقبي روحك فقط

و إذا كل فتاة خوها يغلط و يمشي مع وحدة

هي ثاني تروح تمشي مع الشباب


تحت بند ( حلال عليك حلال عليا انا ثاني)

خربت الدنيا