فقد الامل

[مشكلتي]

كيفاه نبدلكم مشكلتي ممكن تشوفها صغيرة مي انا نشوفها كبيرة
انا خسرت في لباك ومجبتوش برغم انني فتاة جيدة والكل كان يتوقع ان افوز به ولكن خسرت خسرت اهم حاجة تمنيتها هي لباك
و الصدمة صدمتين لانوكنت نطمح نجيب معدل عالي وكان همي الوحيد هو نجيبو بمعدل عالي
ولكن مجبتوش حتا !!!! وثقتي بنفسي راحت وطموحي طحطم واعيش حالة اكتئاب
حابة نخرج منها باش نوض من جديد ونبدى بداية جديدة واحقق مالم احققه هذه السنة ولكن كل ما نفكر انو كامل لنعرفهم جابوه
حتى صحبتي الي كانت متقراش ابدا جابتو وانا ل ا الوم نفسي ونقول انا مقريتش وادا منجحتش سنة كيفاه ننجح السنة القادمة و يزيدو يقوليلي انو العام الجاي النسبة راح تكون منخفظة واخرمرة يجي ساهل حاسة روحي ضيعت فرصة مع انني قريت وقريييت وشقيت ولم احصد شيء فلمادا
كيف
استطيع ان انهض مجددا
كيف اصبر نفسي
كيف ارجع ثقتي بنفسي

[malak achark]

لا يا اختي لاتجعلي رسوبكي هذا العام سبب في تحطيم مستقبلك
توكلي على الله واجعلي من هذا السبب ارادة اقوى لتتحصلي عليه العام القادم بمعدل جيد ليست نهاية العالم
لا تسمعي من يقول لك النسبة ستكون قليلة
اقراي وركزي وتوكلي على ربي راح تتحصلي عليه بمعدل جيد ان شاء الله وترجعين لهذه الصفحة وتقولي باركووووووووووووووووووووولي

[staifia]

كيفاه نبدلكم مشكلتي ممكن تشوفها صغيرة مي انا نشوفها كبيرة
انا خسرت في لباك ومجبتوش برغم انني فتاة جيدة والكل كان يتوقع ان افوز به ولكن خسرت خسرت اهم حاجة تمنيتها هي لباك
و الصدمة صدمتين لانوكنت نطمح نجيب معدل عالي وكان همي الوحيد هو نجيبو بمعدل عالي
ولكن مجبتوش حتا !!!! وثقتي بنفسي راحت وطموحي طحطم واعيش حالة اكتئاب
حابة نخرج منها باش نوض من جديد ونبدى بداية جديدة واحقق مالم احققه هذه السنة ولكن كل ما نفكر انو كامل لنعرفهم جابوه
حتى صحبتي الي كانت متقراش ابدا جابتو وانا ل ا الوم نفسي ونقول انا مقريتش وادا منجحتش سنة كيفاه ننجح السنة القادمة و يزيدو يقوليلي انو العام الجاي النسبة راح تكون منخفظة واخرمرة يجي ساهل حاسة روحي ضيعت فرصة مع انني قريت وقريييت وشقيت ولم احصد شيء فلمادا
كيف
استطيع ان انهض مجددا
كيف اصبر نفسي
كيف ارجع ثقتي بنفسي

سلام أختي ,,,,
لا تيأسي ولا تفقدي الامل ... كل عطلة فيها خير .. حتى لو قريتي مليح و سهرتي الليالي بصح ديري في بالكـ ربي مزال مكتبلكش باش تنجحي في الباكـــ .... عسى ان تكرهوا شيئا وهو خير لكم ... والله يا ختي ربي ما فيه غير الصلاح
صح تجيب صدمة وصعيبة انك تشوفي صحباتك نجحو وانتي منجحتيش . خلي في بالك انو ربي كبير ,,, وخلي ايمانك قوي ويدري ربي في قلبكـ وصلي ركعتين واحمديه وادعي انك العام الجاي تجيبيه ان شاء الله بمعدل كبير وبامتياز العام دقيقة يفوت والله
اجعلي فشلك بداية جديدة لنجاحكـ وفكري ايجابيا وكوني متفائلة
الخوف من أي محاولة جديدة طريق حتمي للفشل والثقة بالنفس هي الطريق الامثل للنجاح والتقدم ...
متشوفيش للناس انهم نجحوا وانتي لا ,, خليك قوية ومستمرة ..
سؤل نـــابليـــــون :

كيف استطعت أن تولد الثقة في نفوس أفراد جيشك .؟!

فأجاب : كنت أرد على ثلاث بثلاث ؟؟

- من قال لا أقدر ... قلت له ... حاول .

- من قال لا أعرف ... قلت له ... تعلم .

- من قال مستحيل ... قلت له ... جرب


والله ولي التوفيق نتمنالك النجاح وعدم الفشل من اول محاولة ,,,
ربي يكون في العون أختي

[كوثر1984]

لا حياة بدون امل مهما عاكستنا الدنيا

[Lam!ne]

يقول الشيخ الشعرواي


عندما لا تنجح في أمر ما

فاعلم أن الله سبحانه وتعالى يعلم أن هذا خير لك

إما لأنك غير مستعد له بعد

أو لأنك لن تقدر على تحمله الآن

أو لان هناك قادم أفضل لك

فارضى بما كتبه الله لك

وابتسم و لا تعجز

[nasser26]

أختي حذاري أن يتسلل اليكي الفشل

لا تتركي لليأس طريق اليكي

أ نا خرجت من الثانوية أولى ثانوي أداب في 2003

وفي 2007 قررت بداية المشوار الدراسي من جديد

سجلت بالمراسلة اولى ثانوي علوم تجريبية و درست جميع السنوات رسبت في البكالوريا

مرتين أحسست بطعم الرسوب و كم كانت صدمتي كبيرة حين لم انجح لأاني و بكل بساطة الجمبع كان بنتظر نجاحي لكن الله لم يكتب النجاح في ذاك الحين
لكن هذا العام بالاصرار تحصلت على البكالوريا و الحمد لله

لا تيأسي واصلي حاولي النهوض من جديد

مع تحياتي

[مريم الصابرة]

السلام عليكم يا ختي اولا ما ننجحوش في كل حيتنا رسبت فالباك ليس نهاية الكون صح تغيضك لكن عادي وجدي للعام الجاي وماكانش العام اللي بعدو عادي اختي ديريه هذف حتى توصليلو تكشب فالطريق وطحت تبقاي وإلا تنوضي تمشي اكيد تنوضي هكذاك الباك اختي ربي يوفقك تجاوزي الأامر عادي ترفعي معنوياتك لما تبداي توجدي العام الجاي اقراي من ضرك راكي قاعدة ورمضان جاي فوتي الوقت فالمراجعة موفقة ما تقنطي ما والو

[hayet04]

يا اختي احكمي في ربي والله مايخيبك و ما تفقديش الامل و ديري الباك هدف و ان شاء الله تديه و تقولك انا فوتو 3 مرات و في 4 ديتو ما فقدتش الامل ولا مرة و قريت في الجامعة و تخلاجت وراني خدامة و الحمد لله كي درت فبالي نديه توكلت غلى ربي ديري الثقة في نفسك و ان شاء الله تديه

[الجواهر]

لا تفقدي الامل فالفرصة متاحة لك لاخذه العام المقبل
نصيحتي لك هي ان تراجعي اوساخ البكالوريا لتتعرفي على اخطائك و تتجنبيها مستقبلا و حاولي دراسة اللغات " الفرنسية - الانجليزية " خلال رمضان لترفعي مستواك فانت بحاجة لهما لما تدخلين الجامعة
بالتوفيق

[جلناار]

لا حبيبتي ما تقطعيش الامل الباك مرحلة و تفوت و كي تربحيه تقولي ما هوش هو الحاجة اللي تعجز انا شخصيا خسرتو و صرالي كيفك بصح

غير بدات السنة الدراسية زاد الامل معاها و قدر ربي و ربحت و ضرك راني خدامة. هي قضية استراتيجية يعني المواد اللي تكوني قوية فيهم

ركزي عليهم و اللي تكوني ضعيفة فيهم لحقي علامة متوسطة و بربي العام الجاي في هاذ الوقت نباركولك.............

[أم البشائر]

النسبة اذا ما ارتفعت ماراح تنخفض


واذا زيرتي روحك مايهمكش النسبة المهم تكوني من بين الناجحين ولو كنت الوحيدة


ثم بنية


غيري طريقة مذاكرتك

تعلمي فنون المذاكرة فلم يقصر الخبراء في النت فيها

ابدئي ولا تلتفتي

وتاكدي انو مذلة العلم اجمل مذلة

وربي ربما يباركلك احسن ممن نجحو قبلك

المهم جددي النية بانك تطلبين العلم لا بحثا عن الوظيفة فقط

وربي يوفقك

والعام جاي بشرينا بنجاحك

[miwa26]

par éxpirience ليس مجرد كلام ادا صح تعبتي هدا العام فا اكيد العام جاي تكونين من الناجحين بمعدل عال ..............انا فشلت في البكالوريا مع انني كنت من المتفويقين لكن بعدها تحصلت على معدل 16 الدي امكنني الدخول الى كلية الطب وعرفت انني لو تحصلت عليه قي مرة الاولى لما تمكنت من تحقيق ما اريد ........عليك الاخد با الاسباب

[أم عبد النور]

par éxpirience ليس مجرد كلام ادا صح تعبتي هدا العام فا اكيد العام جاي تكونين من الناجحين بمعدل عال ..............انا فشلت في البكالوريا مع انني كنت من المتفويقين لكن بعدها تحصلت على معدل 16 الدي امكنني الدخول الى كلية الطب وعرفت انني لو تحصلت عليه قي مرة الاولى لما تمكنت من تحقيق ما اريد ........عليك الاخد با الاسباب



هاذا خير على أننا نفشل مرة معناها راح نفشل دائما


أنا هاذ العام اجتزت شهادة البكالوريا و كانت معانا

امرأة في نهاية الأربعينات واجتازت الشهادة لمدة


25 عام من ثمانينيات وكل مره كانت تفشل وهاذا

المرة تاني فشلت ولما هاتفتها لكي أواسيها

وسألتها أستعيدين المحاوله قالت لي نعم سأحاول حتى ننجح

ان شاء الله عام هاذا تنجحي وبمعل يرضي طموحاتك ربي يوفقك

[أكوام الورد]

أختي هاد الدنيا مافيهاش غير الربح فيها حتى الخسارة
أنت قريتي و شقيتي و ماجبتيهش شقاك مامشاش على باطل حقا ماديتيهش بصح تعلمتي و ديتي خبرة و جربت
باش العام الماجي ان شاء الله تستافدي مهاد التجارب و تزيدي شوية مجهود معندك وتحققي اللي محققتيهش
أستافدي من هاد العطلة وريحي مخك شوية وربي ينجحك أختي
عطي نفسك فرصة وحدخرا و ديري بين عينيك النجاح و ماتخممي يلا ساهل و يلا واعر المهم أنك تعرفي كيفاش تحضري نفسك و الباقي على ربي ان شاء الكاتبة تلحق
هاد الحالة النفسية اللي راكي فيها ماتردلكش الباك نتاعك غي راكي تمرضي في روحك و تفاءلي

[hafsa1994]

أختي انا ايضا رسبت هاد العام لكن قدر الله ما شاء فعل وكنت ادرس ايضا حكايتي شبيهة بحكايتك بل أنا أري روسوبي هو دافعي إلي الإقدام أكتر والعلايمة أكتر
وأنا راني مقلقة ندخل نقرا ونحارب من جديد ونديه أن شاء الله (لقد خسرت المعركة لكن لم أخسر الحرب ) مديري والوا في خاطرك ىبي حب يجتبر صبرك
فعليك بالصبر وإنسي الماضي الدي يضايقك وإحتفظي بالمهم فقط والله ينجحنا كامل أختي

[لقرع بوكريشة]

كيفاه نبدلكم مشكلتي ممكن تشوفها صغيرة مي انا نشوفها كبيرة
انا خسرت في لباك ومجبتوش برغم انني فتاة جيدة والكل كان يتوقع ان افوز به ولكن خسرت خسرت اهم حاجة تمنيتها هي لباك
و الصدمة صدمتين لانوكنت نطمح نجيب معدل عالي وكان همي الوحيد هو نجيبو بمعدل عالي
ولكن مجبتوش حتا !!!! وثقتي بنفسي راحت وطموحي طحطم واعيش حالة اكتئاب
حابة نخرج منها باش نوض من جديد ونبدى بداية جديدة واحقق مالم احققه هذه السنة ولكن كل ما نفكر انو كامل لنعرفهم جابوه
حتى صحبتي الي كانت متقراش ابدا جابتو وانا ل ا الوم نفسي ونقول انا مقريتش وادا منجحتش سنة كيفاه ننجح السنة القادمة و يزيدو يقوليلي انو العام الجاي النسبة راح تكون منخفظة واخرمرة يجي ساهل حاسة روحي ضيعت فرصة مع انني قريت وقريييت وشقيت ولم احصد شيء فلمادا
كيف
استطيع ان انهض مجددا
كيف اصبر نفسي
كيف ارجع ثقتي بنفسي


سبحان الله ان البشر كلما تعثر مرة فقد الامل....وهل الحياة كلها ورود ومسرات؟؟؟
الاخت الكريمة ....اسالك هل الذين وصلو الى اعلى الرتب والشهادات لم يتعثرو مرة ومرتين وثلاثة ؟؟....روحي اسالي اساتذتك...اسالي معلميك ...اسالي اطبائك الذين تزورينهم اسالي اصحاب الشهادات الكبرى.....هل اخفقو مرة ام مرات ؟؟ هل تعثرو يوما ؟؟.....فبالتاكيد....فيهم من يقول لك لم احصل على الباكلوريا الا في المرة الثانية...او الثالثة....او الرابعة...فيهم من يقول لك انني اعدت السنة الفلانية كم مرة...والسنة الفلانية كم مرة...........اختي الكريمة لكل جواد كبوة....هاته الحياة نتعثر فيها لنستمر...فلولا الامل لهلكنا في اول مطب سقطنا فيها......الله يرحم من قال......الفشل هو بداية النجاح....احمدي ربك انك الان انسانة ذات عقل وراشدة وبصحة جيدة....احسن من الملايين الملايين من اترابك.....ففيه الالاف الالف من البشر الان تريد ان ترى النور فقط....وفيه الكثيرات والكثيرين ممن هم لا يستطيعون الدراسة الا بالاستعانة بغيرهم..بسبب عاهات انت تعرفينها...........ويا الله شمري على سواعد الجد ..والحمد لله انه لك قاعدة من المكتسبات في المواد اخذتيها باجتهادك هاته السنة ولا يخصك الا صقلها فقط لتنالي الشهادة العام المقبل...وهو ليس ببعيد...ارفعي من همتك...واشحذي عزمك...يكون الله في عونك...............المثل عندنا يقول....اضرب ذراعك تاكل لمسقي........

ومن لا يحب صعود الجبال ...يعش ابد الدهر بين الحفر


اخوك الاقرع نال هاته الشهادة بعد محاولتين..اتعثر ثم انهض ثم اتعثر ثم انهض...فوالله لو لم انالها لبقيت وراءها وراءها حتى يقضي الله امرا كان مفعولا.....لكن الحمد لله نلتها مرتين.....................ربي يوفقك

[الشلفاوية]

ستخرجين من هذه الحالة صدقيني...انا اعدت اليكالوريا ونجحت في السنة الاصعب بعدها وكلما كتبه الله لنا خير فاطمئني ستعيشين احلى ايام عمرك السنة القادمة ان شاء الله