الــتويــزة [ twiza ] .

[BAROUD]

سلااااااااااااام

كيف احوالكم ... ان شاء الله فـ تمام الصحة و العافية !!!

~ التويزة الموروث الثقافي الاجتماعي ~

تنتشر فـ الجزائر هاته الظاهرة الاجتماعية الايجابية و التي يعتبرها الكل ميـزة تضامنية ضاربة فـ عمق المجتمع كيفـ و لا انها استطاعت ان تصمد لمئات السنين فلم تحركها رياح العصرنة و لم تغير ذهنيات الافراد فيها بالرغم من التقدم الحضاري الحاد

اكيد الكل يعرف التويزة رجال و نساء الا ان نشاطها يختلفـ من منطقة لاخرئ

• فـ موضوعي هذا حبذا لو كل زائر او عضو يعطينابطاقة فنية بسيطة عن اعمال التويزة فـ جهته •

http://www11.0zz0.com/2012/02/26/17/836108967.png
http://www11.0zz0.com/2012/02/26/19/672564997.jpg
http://www7.0zz0.com/2012/02/26/18/336444905.jpg
http://www7.0zz0.com/2012/02/26/18/652730537.jpg

• فــ نهاية اعمال التويزة الكل مدعــوا الئ طنيجرة كسكسي علئ الارض •

http://www7.0zz0.com/2012/02/26/18/729292749.jpg

بصحتكوووووووووم


[ فقــط اردت اطراء الموضوع بالمشاركات و الصــور المعــبرة ]



سلامتكم









baroud

[وردة أمل]

انا نعرف بلي التويزة نشاط تقليدي و اجتماعي و هو من مظاهر التآزر الإجتماعي,,,,,,,و يكون في المناطق الريفية خاصة في موسم الحصاد

أما في منطقتنا بصراحة لا يوجد يمكن لأن طابعها ليس ريفي بدرجة كبيرة

احييك على هذه المواضيع الثقافية .,ففي كل مرة تأتينا بالجديد المميز

شكرااااااااااااا جزيلاااااااااااااااااااااااااااااااااااااا لك

بارك الله فيكم

[رؤيا الظلام 48]

انا جدي فلاح كليت عندو الكسكسي يوم الاربعاء بمناسبة التويزة ........جا هايل

[assia81]

وعليكم السلام ورحمة الله وبركاته
عندما قرات العنوان ظننته اكلة تشتهر في الجزائر
في الحقيقة انا لم تمر هذه الظاهرة من قبل ربما كانوا يفعلون ذلك على كل شكرا على المعلومة

[سعاذ]

السلام عليكم
شكرا اخي على الموضوع
حنايا عندنا نقولو لوزيعا
وهنيا عندنا ثلاث انواع من لوزيعا و في ثلاثة يمثلوا نوع من انواع التضامن الاجتماعي
الاولي : في الريف كي يكون واحد عندوا الاغنام والابقار وتكون كاشي بقرة ريحا تموت بلاك تكون تكسرة و مستحيل تبرى يقوموا بضبحها ويقسموا هذاك اللحم على الناس لي قادرين يسلكوا (مبلغ رمزي ) وماينساوش الفقراء وهما بهذي يعاونوا صاحب البقرة ولو بجزء ويفرحوا الفقراء

الثانية : كي عام يتلموا اهل المنطقة ويشريو البقر ويضبحوهم ويوزعوهم على اهل المنطقة باثمان رمزية و ماينساوش الفقراء وهنيا يركزو على المناسبات مثل المولد

الثالث : ان يتفاهموا اهل المنطقة باش يديروا وليمة لسكان المنطقة و كذالك لعابري السبيل

دمت اخي في رعاية الله و حفظه

[BAROUD]

انا نعرف بلي التويزة نشاط تقليدي و اجتماعي و هو من مظاهر التآزر الإجتماعي,,,,,,,و يكون في المناطق الريفية خاصة في موسم الحصاد

أما في منطقتنا بصراحة لا يوجد يمكن لأن طابعها ليس ريفي بدرجة كبيرة

احييك على هذه المواضيع الثقافية .,ففي كل مرة تأتينا بالجديد المميز

شكرااااااااااااا جزيلاااااااااااااااااااااااااااااااااااااا لك

بارك الله فيكم

شكرا جزيلا لك امل انت اشرت الئ انو التويزة تكون ف المناطق الريفية بكثرة صح لكن حتئ بعض المناطق الحضرية نلقاوا ناس مثلا يتعاونوا ف بناء مسجد او مركز يهم سكان تلك المنطقة او حتئ ممكن غرس اشجار و الا تنظيف المحيط من كاش صوالح مضرة اما التويزة فهي تذل علئ كل عمل جماعي يقوم به فئة من الاشخاص يفوق عددهم العشرات
اولا باش تكون باب الاجر لكل شخص
ثانيا يكون اجر و مستحقات العمل المراد قيامه ارخص بكثير يسمئ معاونة ف سبيل الله لصاحب المشروع
ثالثا انو الدور يكون علئ كل واحد يعني اليوم عندي غدوة عندك و هي ماشية
وووووووو
اغلب اعمال تويزة تكون مجانية و عفوية حتئ و ان كانت ف مناطق متحضرة مش بالضرورة ف الريف و الدشور

[BAROUD]

انا جدي فلاح كليت عندو الكسكسي يوم الاربعاء بمناسبة التويزة ........جا هايل

ممممم justement حطيت الموضوع علئ جالك لاني كنت فايت من جهة الغابة تع جدك لقيتكم تاكلوا ف الكسكسي و كلمني جدك قالي ارواح تاكل قلت له لالا بصحتكم ربي يقنعكم قالي يحاسبك قلت له لالا البركة فيكم انتم هكذا حنين
لكن لو كان حكيتي لنا مادام كنت ف وسط الريف و قريبة من التويزة و اعمال الارض هكذا تكون شهادتك مفيدة و ممتعة ترجعينا ايامات للوراء
بصحتكم و عقوبة لايام اخرئ حنين هكذا
الله يبارك

[BAROUD]

وعليكم السلام ورحمة الله وبركاته
عندما قرات العنوان ظننته اكلة تشتهر في الجزائر
في الحقيقة انا لم تمر هذه الظاهرة من قبل ربما كانوا يفعلون ذلك على كل شكرا على المعلومة

ممكن و ممكن التويزة كلمة مشهورة جدا ف الجزائر هي عمل تضامني مجاني للمساعدة لا اكثر
اما الناس اللي راهم يعملوها صح اصبحوا قلال جدا و ممكن انت لم يسعفك الحظ تشوفيها قدامك لكن اسالي من هم اقرب اليك ياخدك الحنين لما تسمعيهم يحكوا علئ التويزة و تتمناي تعيشي هذيك اللحظات بكل تفاصيلها
ايمالا ابقاي علئ اطلاع بالموضوع باش تعرفي خصائص و عادات و تقاليد كل منطقة و هكذا تكوني اقرب للواقع
هكذا اختنا اسيا

الله يبارك

[BAROUD]

السلام عليكم
شكرا اخي على الموضوع
حنايا عندنا نقولو لوزيعا
وهنيا عندنا ثلاث انواع من لوزيعا و في ثلاثة يمثلوا نوع من انواع التضامن الاجتماعي
الاولي : في الريف كي يكون واحد عندوا الاغنام والابقار وتكون كاشي بقرة ريحا تموت بلاك تكون تكسرة و مستحيل تبرى يقوموا بضبحها ويقسموا هذاك اللحم على الناس لي قادرين يسلكوا (مبلغ رمزي ) وماينساوش الفقراء وهما بهذي يعاونوا صاحب البقرة ولو بجزء ويفرحوا الفقراء

الثانية : كي عام يتلموا اهل المنطقة ويشريو البقر ويضبحوهم ويوزعوهم على اهل المنطقة باثمان رمزية و ماينساوش الفقراء وهنيا يركزو على المناسبات مثل المولد

الثالث : ان يتفاهموا اهل المنطقة باش يديروا وليمة لسكان المنطقة و كذالك لعابري السبيل

دمت اخي في رعاية الله و حفظه

وعليكم السلام
الاخت سعاذ موسوعة تحكي عن كثب صح شكرا جزيلا لك
ممكن انا لوزيعة فهمتها انو لما تكون حاجة كبيرة يقوموا علئ توزيعها و منها جات كلمة لوزيعة بشكلها العفوي و العامي هكذا خير و هي عمل ايجابي بكل تاكيد
انت خديتي جانب من عمل التويزة و هو تقسيم العطية بمعنئ واحد عنده شي بكثرة يعمل علئ حصول مبلغ رمزي و هو يعطي الباقي من اجل باش الاخرين يستفاذوا من هذاك الشي و كانه يقول من عندي كل شي يعني ف سبيل الله
طبعا من منطقة لاخرئ يتغير الكلمة لكن اللب و المعنئ هو واحد
ممكن تكون هذه اللمة مرة ف السنة او عدة مرات بحسب تواجد الافراد و الممتلكات لكن ف الاول و الاخير
هي عمل تضامني اجتماعي تكافلي بينهم الفقير كما يقولك ما يبانش و يحس روحوا عضو فعال و مساهم

هكذا سعاااااذ

الله يبارك

[Mireya]

السلام عليكم
جزاك الله خيرا الموضوع بزااف شباب و على حساب الصور و التعاليق هذه العادة جميلة أنا نسمع بها و لكن مع الاسف في ولايتنا معندناش هذه العادة
في امان الله

[ام احمد الغالي]

انا نتفكر كانوا النساء يعملوا تويزة يعاونوا فيها اي امراة راح تفتل الكسكسي في الصيف يتلموا من الصباح ويجيو عندها ويبداو يفتلو وممكن يكونوا يغنين اغاني شعبية وما يجي المغرب الا يكونوا كملوا ونشروا الكسكسي على السطح وممكن يتعشاو الكل من الكسكسي الجديد

[مريم الصابرة]

السلام عليكم يا اخي والله ذكرتنا في عادات زمان في منطقتي إنقرضت العادة هذي ماكانش خلاص زمان كانو النسا يديرو الكسكس كل الجيران ويتلمو عليه كامل الأاولاد في جهة والرجال في جهة والنسا في جهة ويصدقو للجامع كانت عادة من موسم لموسم نديروها كلن الآن ماكانش راحت وراحت معاها البركة نتاع زمان شكر

[وردة أمل]

شكرا جزيلا لك امل انت اشرت الئ انو التويزة تكون ف المناطق الريفية بكثرة صح لكن حتئ بعض المناطق الحضرية نلقاوا ناس مثلا يتعاونوا ف بناء مسجد او مركز يهم سكان تلك المنطقة او حتئ ممكن غرس اشجار و الا تنظيف المحيط من كاش صوالح مضرة اما التويزة فهي تذل علئ كل عمل جماعي يقوم به فئة من الاشخاص يفوق عددهم العشرات
اولا باش تكون باب الاجر لكل شخص
ثانيا يكون اجر و مستحقات العمل المراد قيامه ارخص بكثير يسمئ معاونة ف سبيل الله لصاحب المشروع
ثالثا انو الدور يكون علئ كل واحد يعني اليوم عندي غدوة عندك و هي ماشية
وووووووو
اغلب اعمال تويزة تكون مجانية و عفوية حتئ و ان كانت ف مناطق متحضرة مش بالضرورة ف الريف و الدشور

ok الآن فهمت المعنى الحقيقي للتويزة

بارك الله فيك على التوضيح

شكرااااااااا جزيلااااااااااااااااااا

منتظرين جديدك

[soso sirin]

انا هاذي الكلمة ماهيش مشهورة عندنا بزاف في البلاصة الي عايشة فيها مي نعرفها من السويام قريناها بلاك في الويتيام في وحد النص المادة تاع الفرنسية والله وحنا ماعرفناهاش و شرحهانا الشيخ تاع الفرنسي.مي حنا يديروها من جهتنا كي يديرو من الدالات و يجو الجوارين يعاونو بعضاهم و نديرو الطعام و نقسمو كامل على الجوارين ديجا نهار الي درنا الدالة في دارنا انا الي طيبت الطعام و هاذيك كانت اول مرة ندير كونتيتي كبيرة كيما هكا و كنت شادة قلبي اذا مايخرج بنين مي جاني مليح . و تاني من جهتنا يديرو عيش لالا حليمة ماعلاباليش اذا تعرفوه كي تصرا كاش حاجة ماشي مليحة و لكاش واحد و ربي يسترها معاه يطيبوه و يمدو للذراري الصغار ياكلوه .مي في الجهات لخرين في ولايتنا يديرو الوعدات و الناس كامل يديرو الطعام و يديرو فيهم لعواد و الناس كامل يحضرو حتا الي ماشي من هاذيك البلاصة مي انا والله مازالني مانحضرها .مي كاين عندنا عادات والله ملاح بزاف

[سعاذ]

السلام عليكم
هنيا عندنا واحد العادة معلبليش اذا كانت في ولايات اخرى ولا
يقولولها ازرار ازرار
اذا كنا نعنيو من قلة المطر
يتلموا لولاد تاع المنطقة و يدورو على ديار ويجمعوا دقيق من كل دار ويغنيو
ماشفيتش على لغنى كامل بصح شفيت على هذى المقطع
* السيار فوق الدار ياربي و قوي لمطار*
ومن بعد يديو هذى الدقيق لكاشي مراة من المنطقة و تفتللهم بربوشا
وطيبها ويتلموا كل لولاد تاع المنطقة و يكلوها ومن ذاك يصدقوا للجامع
و تمنوا بربي انا حضرتلها خطرى و الله بعد مادروا ازرار ازرار
غير صبت المطر الله يبارك
دمتم في رعاية الله و حفظه

[اريج16]

شيء جميل اتمنى ان يستمر لكن نحن لاسف معدناش هذه العادة

[جسور المحبة]

بما انك من المنطقة لايخفى عنك هذا الامر
ففي منطقتي تحديدا تتمثل التويزة في فتل الكسكس بالنسبة للنساء ورفع اعمدة المنسج وتركيب خيوطه
اما بالنسبة للرجال فمؤخرا في منطقتنا تم تدشين مسجد في الحي الذي اسكن فيه حيث تم عمل وليمة فقام الرجال بالذيح والتبرع بالخضار والفواكه والدقيق ومختلف المواد الازمة والنساء قمن بالطبخ والغسيل
وصراحة ارى ان هدا التقليد هام جدا ويلعب دور اساسي في ربط اواصر المحبة والاتحاد

شكرا جزيلا على الموضوع الهادف

[BAROUD]

السلام عليكم
جزاك الله خيرا الموضوع بزااف شباب و على حساب الصور و التعاليق هذه العادة جميلة أنا نسمع بها و لكن مع الاسف في ولايتنا معندناش هذه العادة
في امان الله

شكرا جزيلا الاخت ميريا الصور هي مشهورة و اعتقدت انها ف كل مكان متواجدة لكن ممبعد الردود لقيت انو كلمة تويزة مش مشهورة او لها اسم مرادف اخر هكذا
ابقاي متابعة ممكن تعرفي اكثر و اكثر علئ التويزة و تبحثي انت كذلك و تفيدينا

الله يبارك

[BAROUD]

انا نتفكر كانوا النساء يعملوا تويزة يعاونوا فيها اي امراة راح تفتل الكسكسي في الصيف يتلموا من الصباح ويجيو عندها ويبداو يفتلو وممكن يكونوا يغنين اغاني شعبية وما يجي المغرب الا يكونوا كملوا ونشروا الكسكسي على السطح وممكن يتعشاو الكل من الكسكسي الجديد

ام احمد متشرفين بك و مادام انت ام اكيد هذ الكلمكة سمعتيها و لما لا عشتيها بتفاصيلها حتئ انا كنت حاب نوضع صور لنساء يفتلوا ف الكسكسي لكن لا يحق ذلك
و الاكثر من هذا يكون هذاك العمل هايل علئ ايقاع كلمات و اغاني قديمة و ممكن حتئ السيدات ما يفهموش هذيك الكلمات الا بواسطة تفسير و شرح والله غير صح ايام زمان ك يحكوا لك عليها ياخدك الحنين و الشوق و تقول كفاش كانوا عايشين ناس زمان
لكن للاسف كل شي راح مع مواليه و اصبحت تويزة غير اسم فقط
شكرا لك الاخت علئ اطلالتك الطيبة معنا

[BAROUD]

السلام عليكم يا اخي والله ذكرتنا في عادات زمان في منطقتي إنقرضت العادة هذي ماكانش خلاص زمان كانو النسا يديرو الكسكس كل الجيران ويتلمو عليه كامل الأاولاد في جهة والرجال في جهة والنسا في جهة ويصدقو للجامع كانت عادة من موسم لموسم نديروها كلن الآن ماكانش راحت وراحت معاها البركة نتاع زمان شكر

البركة ف الباقين يا مريم اكيد انا تفكرت هذيك الايام و حبيت نعيشها من كل شخص و عضو ف المنتدئ لا نها لن تعود مهما كان الثمن ببساطة كانت الناس نية و صافية و متحابة من القلوب للقلوب علئ هذيك بقات الناس يد وحدة واش نقولك جيلنا تحرم من كل العادات و التقاليد تاع زمان و ربي يجيب الخير يا مريم و تشفاي و تسعدي ف حياتك و حياة اللي يحبوك ان شاء الله و تفرحينا بالاخبار السعيدة و السارة
هكذا اختنا مريومة لالا مريومة تاع وحد كبيرة انت غير مريم برك لانك مازال ص غ ي و ر ة

سلامتك

[فتـ حييةـاة]

احنا نديرو التويزة نهار نبغو نخدمو الصوف يعني اللي تكون رايحة تخدم صوفها يجو عندها النسا يعاونوها فيها وهي ماتخدمش معاهم تكون نييرلهم فالغداء يتغداو وتعطيهم دراهم الحمام ويروحو ومع الحكايات والجمايع تاع النسا اللي ماتكملش يكملو الخدمة بلا مايحسو بالتعب

ولا ثاني كي يكون عرس يديرو النسا التويزة ويتعاونو على الفتيل

انا هذا ماشفت وهذا مانعرف::::::::لسلام عليكم

[BAROUD]

انا هاذي الكلمة ماهيش مشهورة عندنا بزاف في البلاصة الي عايشة فيها مي نعرفها من السويام قريناها بلاك في الويتيام في وحد النص المادة تاع الفرنسية والله وحنا ماعرفناهاش و شرحهانا الشيخ تاع الفرنسي.مي حنا يديروها من جهتنا كي يديرو من الدالات و يجو الجوارين يعاونو بعضاهم و نديرو الطعام و نقسمو كامل على الجوارين ديجا نهار الي درنا الدالة في دارنا انا الي طيبت الطعام و هاذيك كانت اول مرة ندير كونتيتي كبيرة كيما هكا و كنت شادة قلبي اذا مايخرج بنين مي جاني مليح . و تاني من جهتنا يديرو عيش لالا حليمة ماعلاباليش اذا تعرفوه كي تصرا كاش حاجة ماشي مليحة و لكاش واحد و ربي يسترها معاه يطيبوه و يمدو للذراري الصغار ياكلوه .مي في الجهات لخرين في ولايتنا يديرو الوعدات و الناس كامل يديرو الطعام و يديرو فيهم لعواد و الناس كامل يحضرو حتا الي ماشي من هاذيك البلاصة مي انا والله مازالني مانحضرها .مي كاين عندنا عادات والله ملاح بزاف

متشرفين بك سيرين هي كما قلت من قبل تويزة تشبه الوعدات ف التحضير و الصوالح لكن الوعدة تكون من عام لعام اما التويزة راهي ف كل وقت مش كما الوعدة مثلا واحد حب يبني دار و الا يحرث ارض و الا يحصد يجوه الناس ثمة و يعاونوه باطل علئ حساب شحال يستغرق ذاك الشغل و ك يكملوا الشغل ف الاخير يتلايموا باش يتغداو و الا يتعشاوا و ممكن يصلوا و يديروا الدعاء لانو اكيد فيهم المقبول لانهم اجتمعوا باش يرفدوا الغبينة علئ بعضاهم و ف الاخير يتفرقوا فرحانين و هكذا كل مرة واحد يحتاج هذيك الجماعة يلقاهم حداه
اما عمل النساء كما انت هو الكوزينة و التوجاد و الطياب بالقدور الكبيرة و الطابونة الكبيرة و ابريق الشاي الكبير اواااااه سيرين و قيلا غادي نزعفوا منك لازم توالفي الطياب للضياف الكبار ههههههه
ياي سيرين سلامتك و نشكروك علئ الرد الطيب

[BAROUD]

السلام عليكم
هنيا عندنا واحد العادة معلبليش اذا كانت في ولايات اخرى ولا
يقولولها ازرار ازرار
اذا كنا نعنيو من قلة المطر
يتلموا لولاد تاع المنطقة و يدورو على ديار ويجمعوا دقيق من كل دار ويغنيو
ماشفيتش على لغنى كامل بصح شفيت على هذى المقطع
* السيار فوق الدار ياربي و قوي لمطار*
ومن بعد يديو هذى الدقيق لكاشي مراة من المنطقة و تفتللهم بربوشا
وطيبها ويتلموا كل لولاد تاع المنطقة و يكلوها ومن ذاك يصدقوا للجامع
و تمنوا بربي انا حضرتلها خطرى و الله بعد مادروا ازرار ازرار
غير صبت المطر الله يبارك
دمتم في رعاية الله و حفظه

هههههه سعاذ السلام عليكم هذيك العادة موجودة نظن ف كامل دزاير لكن احنا ف منطقتنا نسموها (عنجة ) يعني كنا نغنوا غنجة غنجة يا ربي اعطينا الماء ;;; ك كنا صغار نلبسوها لبسة قديمة ت شرت و سروال مقطع و مرات شاش هي تجي كما هذيك اللي يعلقوها ف الغابات باش الزاوش ما يقرب للشجر المهم و نبقاوا ندوروا بها من دار لدار كل دار واش يعطوك دقيق سكر زيت قهوة بطاطا ووو و ف الاخير نلموا هذيك الصوالح و نروحوا بيها بعيد مثلا للجبل و نطيبوها اك تعرفي حالتنا كنا صغار مرات يتحرق الماكلة و مرات واحد يهرب بالسكر و الاخر بالبطاطا و الاخر طماطيش وووو
المهم تفوت رووووووووعة
لكن الشي اللي يحير غير نكملوا تبدا المطر تصب و الله
من بدينا نكبروا كل شي راح و تغير الحال وووو
مشاركتك تعتبر موروث ثقافي قل بزاف لانك حتئ لو تسقسي ناس هذ الوقت مش راح يعرفوا العادات الققديمة
يعني
كنا محظوظين شي ما وقبضنا عادات و تقاليد ناس زمان من الاخير لكن عشناها بنياتنا

[BAROUD]

شيء جميل اتمنى ان يستمر لكن نحن لاسف معدناش هذه العادة

السلام عليكم و رحمة الله معليش اذا كنت من الجيل الجديد اكيد ما تعرفي هذ العادات لكن يكفي تسالي من هم اكبر منك و تعيشي ايام زمان ف حنين تتمناي لو ما تغير الوقت و بقي ثابت لا تحركة عجلة الايام
ايمالا ابقاي متابعة باش تعيشي معنا و تتفكري كفاش كانوا عايشين خير منا اليوم
شكرا اريج

[BAROUD]

بما انك من المنطقة لايخفى عنك هذا الامر
ففي منطقتي تحديدا تتمثل التويزة في فتل الكسكس بالنسبة للنساء ورفع اعمدة المنسج وتركيب خيوطه
اما بالنسبة للرجال فمؤخرا في منطقتنا تم تدشين مسجد في الحي الذي اسكن فيه حيث تم عمل وليمة فقام الرجال بالذيح والتبرع بالخضار والفواكه والدقيق ومختلف المواد الازمة والنساء قمن بالطبخ والغسيل
وصراحة ارى ان هدا التقليد هام جدا ويلعب دور اساسي في ربط اواصر المحبة والاتحاد

شكرا جزيلا على الموضوع الهادف

سالي كيف احوالك
اكيد المنطقة غنية بهذ العادات و التقاليد لكلا الجنسين النساء و الرجال
اعمال النساء فتل الكسكسي و كما قلت صوالح المنسج لانو الوالدة غير البارح ( قطعت ) ههههه والله العظيم و كذلك مرات ينظفوا الشوارع وووو اعمال الرجال مختلفة و متنوعة الغابات السقي الحصاد الزرع البناء ووو
كلها اعمال مجانية لانو ممكن يكون الدور علئ كل واحد لاحقا و هكذا باش الفقير و الا اللي ماعندوا معين يلقي روحوا مرتاح بلا ما يحشم يعيط للناس الناس وحدهم يجوه يعاونوه ف سبيل الله هو يفرح و الاخرين يفرحوا
ك يكملوا ف الاخير اكيد يتلايموا علئ قصعة طعام و شاي كما تاعكم قالوا لي غير بكاس واحد يفتح المخ لانو عندي صحابي من جيهتكم شربت من عندهم كاس تاع تاي خلاوني ساهر و ندمت شربت من عندهم ههههه
المهم المهم التويزة بين الاصالة و المعاصرة انا نظن تبقئ ارث حظاري و موروث مادي غني عن التعريف و هنا يظهر كلام ربي ف التعاون و التاخي و الاخد بيد السائل و المحتاج
نشكروك اختنا سالي علئ الاطلالة الطيبة و ابقاي متابعة ربما يجد الجديد
هكذا

الله يبارك

[BAROUD]

احنا نديرو التويزة نهار نبغو نخدمو الصوف يعني اللي تكون رايحة تخدم صوفها يجو عندها النسا يعاونوها فيها وهي ماتخدمش معاهم تكون نييرلهم فالغداء يتغداو وتعطيهم دراهم الحمام ويروحو ومع الحكايات والجمايع تاع النسا اللي ماتكملش يكملو الخدمة بلا مايحسو بالتعب

ولا ثاني كي يكون عرس يديرو النسا التويزة ويتعاونو على الفتيل

انا هذا ماشفت وهذا مانعرف::::::::لسلام عليكم

السلام عليكم فتاة احنا لما كنا صغار كنا نصماطوا مرات ك يجيوا النساء للدار لكن ثم ثم عقلنا و لينا نهربوا من الدار ك يجيوا النساء
و ممبعد عرفنا انهن يجيوا يعاونونا ف صوالح كما قلت تاع الفتل الكسكسي و الا صوالح الصوف و الغزل و النسيج و ممكن يغنوا و تعم الفرحة و تزهي الدار بهن و ممكن تجي عجوز كبيرة ف السن نقادروها و نشدوها من يديها باش ندخلوها للدار و تدعي لنا بالخير و مرات تعطينا دراهم و لما يكملوا يتغداو و يصلوا و ممبعد حتئ العشية يطيبوا القهوة و الا الشاي و قبل المغرب يتفرقوا بالفرح و السرور
هكذا هذا نوع من اعمال تويزة خاص بالنساء و انت عطيتينا مشهد خاص و رجعتينا سنوات للوراء
سنوات حنين و شوق ياليتها ترجع غير ف المنام مرة علئ مرة
ان شاء الله خير و البراكة ف اللي جايين
هكذا اختنا فتاة

الله يبارك

[اريج16]

السلام عليكم و رحمة الله معليش اذا كنت من الجيل الجديد اكيد ما تعرفي هذ العادات لكن يكفي تسالي من هم اكبر منك و تعيشي ايام زمان ف حنين تتمناي لو ما تغير الوقت و بقي ثابت لا تحركة عجلة الايام
ايمالا ابقاي متابعة باش تعيشي معنا و تتفكري كفاش كانوا عايشين خير منا اليوم
شكرا اريج
شكرا اخي بارود لكن نحن اصلا مكنش هذي العادة عدنا حتى في القديم مكنتش كاينا في منطقتي

[ام احمد الغالي]

فعلا اخي عشتها وانا عمري 6 سنوات اي في الثمانينات وكانت امي رحمها الله يجيو عندها حباباتها يفتل معها وهي ثاني نفس الشي تفتل معاهم وبابا ربي يرحموا كي يحصدوا الارض في ذلك الوقت كانت الحصادة غالية كانوا جيرانه في الارض يحصدوا معه وهو ثاني فعلا الاشياء التي نراها في الطفولة تبقى راسخة في الاذهان خاصة انه في الارض يكون احد الرجال يغني باغاني تراثية جميلة بالصح نظن راحت هذا المظاهر الجميلة تاع التكافل الاجتماعي

[soso sirin]

متشرفين بك سيرين هي كما قلت من قبل تويزة تشبه الوعدات ف التحضير و الصوالح لكن الوعدة تكون من عام لعام اما التويزة راهي ف كل وقت مش كما الوعدة مثلا واحد حب يبني دار و الا يحرث ارض و الا يحصد يجوه الناس ثمة و يعاونوه باطل علئ حساب شحال يستغرق ذاك الشغل و ك يكملوا الشغل ف الاخير يتلايموا باش يتغداو و الا يتعشاوا و ممكن يصلوا و يديروا الدعاء لانو اكيد فيهم المقبول لانهم اجتمعوا باش يرفدوا الغبينة علئ بعضاهم و ف الاخير يتفرقوا فرحانين و هكذا كل مرة واحد يحتاج هذيك الجماعة يلقاهم حداه
اما عمل النساء كما انت هو الكوزينة و التوجاد و الطياب بالقدور الكبيرة و الطابونة الكبيرة و ابريق الشاي الكبير اواااااه سيرين و قيلا غادي نزعفوا منك لازم توالفي الطياب للضياف الكبار ههههههه
ياي سيرين سلامتك و نشكروك علئ الرد الطيب
حتا انا متشرفة بمعرفتك خويا والله انا تعجبني مواضيعك و نقرالك مي ماجاتش الفرصة برك باه نكتبلك رد مي ماعليش الجايات خيرمن الرايحات.و نقلك حاجة خويا والله انا مانزوخش و نهدر نيشان الطيابات كي تكون مناسبات كبيرة والله خاطيني انا غسيل تاع القازالات و الجفن و القدور الكبار والله نكرهم مي كي يكونو ضياف قلال نقدر نلهى بيهم و نقوم بيهم .لا شكر على واجب خويا