اني خائفة...

[samia90hbb]

لم اتحصل على الباك هذا العام ومباشرة تقدم الى خطبتي استاذ عمره 30 سنة من عائلة محافظة و متوسطة الحال

فانصحوني ماذا افعل لاني صغيرة على الزواج وتحمل المسؤوليات

مع العلم انه قبلها تقدم لخطبتي طبيب و اشخاص لا يرون فيا غير الجمال الذي اعطاه لي الله عز وجل وهم من عائلات ميسورة و ثرية

[سارة البوسعادية]

انتي وش حابة لازم كل خطوة ديريها بقناعه
اذا شايفة ومقتنعه انو مكوثك في المنزل وزواجك من انسان صالح ذو خلق ودين افضل من اكمال دراستك
ام انك ترين انه من الضروري اكمل مسيرتك الدراسية ثم التفكير في الزواج
لازم كل خطوة ديريها بقناعه
مش تتزوجي وتندمي على دراستك وتمريلو عيشو صباح وعشية تغنيلو اغنيه حبست قرايتي وتزوجتك والعكس
انك تكملي وتوصلي لمرحلة تحسي بندم

استخيري يا اختي

[TOKYO]

لا خوف ولاشئ هذه هيا الدنيا اللازم نمر على كل مرحلة باش نكون خبرة ونظرة على الدنيا واذا بقينا خايفين ما نديرو والو
اما لتقدم لك انت و اش تشوفي الدين اخلاق تربية
صلي صلاة استخارة

[ايمان نور الجزائر]

صلي استخارة اختي في الله
واستشري اخواتك او امك
وان ارتاح قلبكي ففكري بالموضوع انتي صاحبة قرار نفسك
اخبركي فقط انه لا داعي للخوف والمسؤولية تتعودين عليها بعد الزواج
وكيما يقولو الطفلة بنت ناس ماشي بنت ماليها مرجوعك لبيت راجلك
ربي يسر لك

[نجمة ساطعة]

مليح نعمة من ربي .... ربي يدومها

استخيري و اذا شفت نفسك ممكن تتأقلمي و عقلك كبير على بركة الله ربي يهنيك يا رب

[Lydia istanboul]

عندي رأي و إن شاء الله ما نتعرضش للهجوم الجماعي....يا أختي أولا لازم الايستخارة ثانيا إستشارة والديك ثالثا إستفتي قلبك اما عن رأي الشخصي شوفي اذا كان هاد الاستاذ يقريك و خطبك سامحوني لكن انا نتقزز من الاستاذ لي الأباء باعثينلو بناتهم امانة و هو يشلل في عينيه و يخير و ينظر ليهم نظرة الرجل للمرأة و يشوف لي تستهويه منهن.....حكاية الاخلاق و الدين اولا اهلا يسألو على الطبيب و الاستاذ و كل من تقدم ثم لا تعولي عليها كثيرا...راهم شياطين و ممثلين الدور مليح يعني تبانلي خيري الطبيب لي ممكن يخليك تكملي درااستك ويكون قادر على معيشتك ...هذا رأي و لا أريد أي تجريح و احترم من خالفني....حكاية لعاقل و لمدين و من بعد يظهر كيفو كي غيرو و ممكن يكون اسوأ و تكوني ضحيتي في خاطر ذيك العقالة المزعومة...و في الأخير ربي يجيب لك لي فيه الخير