للبنات فقط

[مشكلتي]

السلام عليكم ورحمة الله تعالي وبركاته

مرحبا كيفك الحال

البنات حبيتكم تعطوني رايكم انا اريد شاب وهو يريدوني في الحلال وكل ما يقولي نجي نخطبك انا نتردد لانو خايفة من اهلي انو يرفضوه ومانيش حابة نخسروا لانى اولا مزال مكملتش قرايتي ثانيا هو اقل منى في المستوي التعليمي هو ماشي مكمل قرايتو والله مارانى عارفة كيفاش ندير وحشمانة باه نخبر ماما وراني شبه متاكدة لو اتى لخطبتي رايححين يرفضوه اهلي

فما العمل

[أم لجيـن]

وعليكم السلام ورحمة الله وبركاته

كي وليتي شبه متأكدة اهلك يرفضوه (اقل منك في المستوى التعليمي) رابطة ولد الناس معاك علاش؟

هذا كامل دليل على انك مش دايرة في بالك بلي العلاقة حرام الي بينك وبينه

ايا قوليله يجي يقدّم اتقبل ولا اترفض ..... واحد حابك في الحلال على قولتك وتخمميلي في مستواه التعليمي الي ميرضيش اهلك

+ كي وليتي مش حابة تخسريه كبْري بيه بينك وبين نفسك اولاً قبل متخممي في اهلك

ربي يجيب الخير

[عُضو مُحترم]

ماام راكي عارفة يرفضو

اقطعي عللاقتك به و انتهى الامر هنا

مادام العلاقة هاذي لن تتوز بزواج

لا اظن انه من العقل و الحكمة ان تبقي معه؟؟؟

............

[abdel02]

إقطعي الشك باليقين...لأن الوقت كلما مر تزيدو تتعلقوا ببعضاكم أكثر وهو يضيع في وقتو...وما أروع أن تكون الأمور في ظلال رضوان الله.

[Malva]

أختي الكريمة المستوى التعليمي ليس مشكل إذا كان الشاب متدين خلوق..متفهم ولديه عمل مستقر..إذا كنت تعتقدين أنه الرجل المناسب لك ماعليك إلا أن تقنعي أهلك ليقبلوا بهذا الشخص.

[سارة البوسعادية]

يا اختي من الحكمة انك تبداي تمهدي في الطريق لداركم بطريقة غير مباشرة وتبينيلهم انو اختيارك لشريك حياتك قائم على الخلق والدين بغض النظر عن المظاهر الاجتماعيه الباليه
واطلبي يتقدم في اقرب فرصة ولو رفض ينتظر قليلا ويويزيد يتقدم يبين لاهلك اصرار منو وانتي تاني حاولي تساعديه
ولو رفض اعرفي بلي ماكانش مكتوب

[ناشدة السؤدد]

يتقدم

اذا والدك وافق اللهم بارك

اذا لم يوافق فالأسباب التي ترين أنه سيرفض بسببها لن تتغير اذا ماطل و لم يتقدم الى بعد حين

وفي جميع الأحوال و قبل أي شيء اقطعي العلاقة التي تجمعكما

السبب الأول لأنها محرمة من رب العباد
فاتركيها لله و سيعوضك خيرا

السبب الثاني الكثير من الشباب يوهمون الفتاة أنهم يريدونها في الحلال أول ما تطلب هي ذلك و تنهي العلاقة المحرمة يبحثون عن أخرى في الحرام أيضا

فاخطي أختي الكريمة خطوة ايجابية في حياتك و تحرري من الأوزار و الذنوب و الآمال و الوعود و تأكدي ستكون خطوتك نحو الأفضل و لن يخيب الله من ترك شيءا لأجله

[amiramira2012]

السلام عليكم

يا أختي كي راكي متأكدة بلي راه مرفوض علاه راكي طولي فيها

ألهاي في قرايتك و ربي يرزقك بالزوج الصالح

[lilou f lilou a]

خلي وليد الناس يشوف حالووووووووووووووو

[عُضو مُحترم]

اتقي الله.. إن بعض الظن إثم:mad:

اللهم اجعلني من المتقين

احيانا القسوة مليحة

حتى تعرف صاحبة السؤال ماذا تفعل؟؟

[staifia]

شوفي اختي مدام راكي تحبيه وهو راه ناويك للحلال ... علاش ماتخليهش يتقدملك للدار وخرجيها للضو خير من تخليها هكدا ... وكيما يقولو سبب بيا عبدي وانا نعينكـ ادا كان من كتوبك مبروك عليك وادا كان العكس ربي يجيبلك ولد الحلال ...... وتاني الرجل كي يجيك للدار يكفيه شرف المحاولة ...
اما المستوى التعليمي مش مشكل .... المثل يقول : ( اعطيهلي فاهم والله لا قرا ) ,,, ياما داوهم قاريين بصح هما فارغين في راسهم ... المهم لازم يكون الرجل محترم فاهم يقدركـ و يعطيك قيمتكـ كإمرأة ... وتكون المودة والرحمة بيناتكم ....
وزيدي صلي صلاة الاستخارة ... وربي يكون في العون

[MaX32Dz]

يا الاخت اسمعي مليح
ذكري والديك بالحديث ان اختيار الزوج للطفلة يعود الامر ليها اللي ترضى به هي طبعا بعد ان يكون ذو خلق و دين كما قال عليه الصلاة و السلام
و ثانيا اقنعي والديك به بكل الطرق

[عاشقة الفرقان19]

والله كونو صريحات برك زعمة كامل ما عندكمش علاقات

اما نصيحتي ليك خليه يقرب المهم يكون فحل علا خاطر ماكيش رايحة تتعشاي ديبلوم على الاقل تعرفي راي اهلك بلاك حبو يبينو برك

[حقائب فرح]

اختي الكريمة من راي ليس المهم المستوي الدراسي بل حسب العقلية وانت حاولي مصارحة امك حتي تقنع اباك خير من هذه العلاقة التي تعتبر من المحرمات

[Mireya]

السلام عليكم ,,
أنت راكي خايفة والديك ميحبوش ؟؟ يا أختي هذه حاجة تع ربي و ما فيها حتى عيب لا تعقدي المشاكل مدام الطفل راهو ناويك للحلال و حاب يبني معاك بيت انت اطرحي الاور على والديك و اكيد مرحينش يرمو بنتهم فل بحر يسألو على الولد اذا شفوه وليد فاميليا و يناسبك ممكن يقبلو و اذا رفضو مافيها والو لان كل شيء بالمكتوب و المهم متخليه الطفل معلق و انت متعقديش المشكلة و ارضاي بنصيبك و كل شيء فيه الخير و فالحلال ربي يبارك فيه إن شاء الله

[الجزائرية 2010]

برأي مادام هو طالبك في الحلال وناوي يتقدملك خلاص
احمدي ربي انو ماشي من هدوك الشباب اللي يتمسخر بالبنات وكي تقولو اخطبني يرفضها
نتي درك فاتحي ماماك في الموضوع اصلا علاقتك بيه مادام مخبيتها على ماماك ماشي مليح
حسب رأي ماماك هي الاقرب ليك وتحكيلها على اسرارك
اعلم انها رايحة ترفض الفكرة من الوهلة الاولى لكن بعدما تصارحيها وتحكيلها عليه تتقبل الامر

اما من ناحية المستوى التعليمي

يا اختي نصيحيتي ليك قولي لوالديك مايشوفوش من ناحية المستوى التعليمي لازم يشوفو المستوى الاخلاقي قبل كل شي

لانو هناك من لديه مستوى دراسي عالي
اما مستوى الاخلاقي تحت الصفر

وربي يوفقك لما فيه الخير

اما اذا كنتي ماشي متأكدة فنصيحتي ليك ماتكمليش معاك باش ماتجرحيش المخلوق وماتعبيهش معاك وماتكملوش في حاجة تاع حرام

[صًبح الأندلس]

إذا كنت أختي غير مقتنعة به فكيف يقتنع به والداك؟

[bouchra hakerz]

قومي بصلات الاستخار و ان شاء الله الي في الخير يقدمولك

[اريج16]

خليه يتقدم ويفهم ولديك بلي راه يحس عليك ويقلهم بلي راه قابل يستناك تكملي قرايتك ونهار لي تكمليها هو يكون وجد روحو وان شالله تتزوجو واذ رفضو ماتياسيش قوليلو يبقى يصر عليهم

[**نعم أطيعك ياربي**]

الله ينورلك طريقك

[manal89]

صلي استخارة