محتارة و ارجو منكم المساعدة

[مشكلتي]

السلام عليكم و رحمة الله

انا تلميذة اجتازت البكالوريا و نجحت و الحمد لله ،،درست دروس اضافية عند احد الاساتذة و أعجب بي بشدة و بعد انتهاء امتحانات البكالوريا طلبني للزواج ،،هو متزوج و يكبرني ب21 سنة
اخلاقه عالية جدا و الكل يشهد بحسنها و هو عطوف و حنون جدا و لا يبخل على الناس بمساعدتهم و الصدقة
يقول ان الله حلل 4 و انه وجد ضالته عندي و اني ناضجة

أنا في حيرة لأني لا اريد ان اعكر صفو حياة هذه الاسرة و في نفس الوقت معجبة بالشخص و بحسن اخلاقه و هو يريدني في الحلال و أمثاله قليلون

ارجو منكم ان تنصحوني ماذا افعل ؟؟؟

و بارك الله فيكم

[سارة البوسعادية]

21 سنة ومتزوج؟؟؟؟؟؟؟؟؟؟؟؟؟؟؟؟؟؟؟؟؟
وانتي اكيد 18 او 19
الفارق كبير يا اختي والله اعلم
وبغض النضر عن الفارق العمري هو متزوج وانتي عارفة حال الي يتزوج على مرتو يا يطلقها يا يهملها وتعشي تدعي عليكي لانك خربتي بيتها اخطيك

[arc en ciel]

انتي ترضاي ادا زوجك وبعد عشرة يتزوج عليك ثانية و قد بنتو؟؟؟؟؟؟

اختي الجامعة راح تفتحلك افاق اخرى و راح يتطور طموحك الدراسة العمل و لم لا الزواج بالانسان المناسب

اخطيك
هادا رايي و دبري راسك

[أم لجيـن]

حاجة باينة حنون وناضج لانو في عمر والدك ...اخطيك منه..........خليه مع زوجته واولاد ه .................يرحم بااباك اقطعي علاقتك بيه .........مدمريش عائلة ....تاكدي انك ادمريهااا

اتخيلي والدك يدير هكا واش تكون ردة فعلك ؟؟؟

[ولد حمد الباتني]

هل ه\ا جاد ام هازل ؟؟؟
سبحان الله الأنانية أين تصل
الله يخزيهم ها\ النوع من الرجال
في عمرو 45 سنة اولا 40 ويبحث عن وحدة 18 سنة ويزيد يخدعها انو وجد الضالة تاعو فيها ؟؟؟؟؟؟؟؟؟؟
هل يرضى يمد بنتو لواحد اكثر منها ب 10 سنوات فضلا ان يكون أكثر بمنها ب 21 سنة ؟؟؟
يبحث عن نفسو فقط وحاب يعيش بنت الناس مع واحد نتيج باباها
الله يخزيهم هاد النوع
........... يخدع فيك بكلامو
وعلاه انقطع في الدنيا الرجال المخلصين ألي يشهدولهم بالخير وألي أكثر منك بسنوات قليلة فقط ؟؟؟
ام ان الرجولة والخلاق حبست عند هذا....... فقط ؟؟؟؟
ثم هل والديك مجانين يمدوك لواحد كثر منك ب 21 سنة ثم فوق \لك متزوج من امرةأة اخرى ؟؟ظ
عليها الإسلام جعل للولي الحق في منع بنتو من الزواج وك\ا جعل الرأي الأخير له لا لها
لنها لو خطبها مجنون لقبلت
اتوقفي عن الكلام معاه.............

[~ ســارة ~]

شاوري امليك خيرلك هذا لعاب .........و خليك من الفستي و كان جا فيه الخير و كان شد في مرتو .......هذا مراهق

[- بصمة خير -]

مازلك صغيرة باش تقدري تقرري انت

[hayet04]

روحي حنونة للجامعة لتم يكبر عقلك و يجمل و خطيك من هدا التفكير الدنيا مزال قدامك و لي يدير 2 يدير 3 و 4 قوليلو اتقي ربك في اولادك و زوجتك و راتي متاكدا عندو بنت قدك الله يهدي مثا هاد العباد انتهالاي في قرايتك و بالاك تغبني روحك و تندمي

[j-med]

21 سنة!!!!!! هذا ماشي انسان طبيعي

[نور اليقين جيداء]

مازلكي صغيرة و هو راه عندو خبرة فالنسة و حاجة باينة يجبدك بحنانتو

[فتـ حييةـاة]

يقول ان الله حلل 4 و انه وجد ضالته عندي و اني ناضجة



بغيت نفهم واش هي الضالة اللي لقاها عندك؟؟ هو استاذك كان يقريك دروس خصوصية ولا كان يفتش على ضالتو عندك ؟؟؟؟


سقسي والديك هم ادرى بمصلحتك

[malak achark]

لا يا اختي صحيح ان الشرع حلل 4 لكن ضعي نفسكي مكان زوجته لا يا اختي
وان وافقت وزوجته لم تتقبل الامر وطلبت الطلاق ما مصير اولاده اترضين لنفسك ان تاخذ اباك امراة اخرى وتعيشين يتيمة
لااااااااااااااااااااااااااااااااااا تهدمي اسرة ربما تكون سعيدة
لااااااااااااااااااااااااااااااااااا تحرمي اطفاله من دفء حنانه
انت لازلت صغيرة والاف يتمنوك ولازال مشوارك طويل واكيد مادام انك قلتي انكي ناضجة ستلتقين بمن هو احسن ويكون لكي وحدك لاتشارككي اي واحدة فيه
فكري جيدا حتى لاتندمي اختي

[الملهمة]

سلام الله عليك مادمت محتارة فانت بين امرين : 1/ تعلقت به 2/ الفارق بينكما وزوجته واولاده .... المهم قبل ان اعطيك رايي هناك من اعرفهم تزوجو في سنك مع من هم في سنه ( حالتين ) الاولى تزوجت باستاذ جامعي زوجته تعمل معه اتهمها بانها لا تطيعه ولا توفر احتياجاته فارادها ليستعيد حياته : كانت نهايتها خادمة لزوجته واولادها ولم تتحمل فتطلقت .... اما الثانية فكانت تدرس سنة اولى جامعي وهو صاحب محل ... تزوج بها ثم بعد ثلاثة اشهر طلقها بصبي ... الاثنتان خسرتا حياتهما .اما عن رايي بغض النظر عن زوجته ... لما لا تتزوجين من هو شاب دون مشاكل مسبقة صدقيني هو راهو عاش حياتو وانت مازالكي صغيرة رايحة تعاني بزاااااااااااااااااااف بزاااااااااااااااااااف ربي يكون معاك

[mohaa47]

لا تهدمي بيتا سعيدا ........................ستندمين ...................................تشردين أطفال أبرياء................عار عليك.............حذار ثم حذار ...........

[سحلية.]

هل ه\ا جاد ام هازل ؟؟؟
سبحان الله الأنانية أين تصل
الله يخزيهم ها\ النوع من الرجال
في عمرو 45 سنة اولا 40 ويبحث عن وحدة 18 سنة ويزيد يخدعها انو وجد الضالة تاعو فيها ؟؟؟؟؟؟؟؟؟؟
هل يرضى يمد بنتو لواحد اكثر منها ب 10 سنوات فضلا ان يكون أكثر بمنها ب 21 سنة ؟؟؟
يبحث عن نفسو فقط وحاب يعيش بنت الناس مع واحد نتيج باباها
الله يخزيهم هاد النوع
........... يخدع فيك بكلامو
وعلاه انقطع في الدنيا الرجال المخلصين ألي يشهدولهم بالخير وألي أكثر منك بسنوات قليلة فقط ؟؟؟
ام ان الرجولة والخلاق حبست عند هذا....... فقط ؟؟؟؟
ثم هل والديك مجانين يمدوك لواحد كثر منك ب 21 سنة ثم فوق \لك متزوج من امرةأة اخرى ؟؟ظ
عليها الإسلام جعل للولي الحق في منع بنتو من الزواج وك\ا جعل الرأي الأخير له لا لها
لنها لو خطبها مجنون لقبلت
اتوقفي عن الكلام معاه............. صحيت اخي الفاضل..هاذو هما العباد الي هلكونا ............لوكان نحكيلك وحد القصص راسك صح يحبس.

[سحلية.]

لا تهدمي بيتا سعيدا ........................ستندمين ...................................تشردين أطفال أبرياء................عار عليك.............حذار ثم حذار ...........
بارك الله فيك..صحيت.

[رانيا3]

لااا والف لااااااا واياكي و التلاعب بمصير عائلة باكملها هد ا قد باباك اول حاجة وتاني حاجة حطي روحك بلاصة مرطو راح تقبليها !!!!!!!
مستحييييل و زيد راح تفسدي الدراري مساكن وتعقديهم باباهم يدي وحدة قريب قد خوهم ولا ختهم لكبيرة لااا اختي ما تخميش هكا خلاص
ومادام لقا ضالتو عندك هدا خاين لمرطو وكيما خانها قادر يخونك و كي توصلي 30 سنه يبدلك بوحدة قد بنتك
اختي راجعي نفسك مليح

[أكوام الورد]

أختي خممي بعقلك ماشي بقلبك كبير عليك ب 21 سنة و زيد متزوج علاش عليك هاد الزواج
شاورت والديك ؟ واش رايهم ؟
أختي على ما أتوقع فوتي الباك عندك 18 ولا 19 ولا قاع 20 سنة راكي عاد صغيرة و مازال الدنيا قدامك و مزال يتقدمولك ناس تبارك الله
ماتتقلقيش و ماتتسرعيش الزواج ماشي لعبة وباش تكوني زوجة ثانية ماشي ساهلة راكي عاد في بداية شبابك ومن حقك تعيشي مع إنسان في سنك فالحلال
أختي خممي قبل ماتندمي

[aissa2008]

السلام عليكم

اختي حتى والسيد راه ناوي في الحلال مي لو كان جيتي اختي وطلب يتزوج منك مستحيل نقبل

لانوا كبير وبعائلتوا وثاني ممكن تصرالك مشاكل مع مرتوا الاولى وراح تندمي وانت الخاسرة في لافار ومازالك صغيرة

لذا ما تغامريش وتتزوجي

[ناشدة السؤدد]

شوفي كي يجي يخطبك من الوالد أو العم أو الخال

كي يقلو راني متزوج و عمري 40 ينتهي كل شيء فلا داعي لأن تفكري أصلا

أما عن مسألة الحنان ففي المرة المقبلة أخبرينا رجاء ان كان والدك حيا ؟ يعيش معكم ؟ و عن علاقتك به
أما عن الأخلاق فمن كانت أخلاقه عالية على قولك يتجه مباشرة الى الباب و لا يتحدث مع بنات الناس أنه وجد ضالته فيها

أوصيك ثم أوصيك لا تتحدثي معه مرة أخرى خليه يجي يخطب

اذا وافق أهلك - الاحتمال الذي لا يمكن ان يتحقق الا بنسبة 1 بالمئة - عندها فكري ان كنت أنت ستقبلين

[*سيرتا *]

ما هدا التناقض....يقولون ربي حلل 4 ومن اجل القضاء على العنوسة لا بد من النساء ان يرضين بشرع الله ثم يجرون وراء بنات 18 ...رجال اخر زمن....انت في عمر الزهور و سياتي نصيبك ان شاء الله فلم العجلة

[lilou f lilou a]

مازلك صغيرة باش تقدري تقرري انت