التشراط قبل الزواج هل هو مشكلة ام حل ؟

[sihem30]

قبل الزواج هل من الافضل على الفتاة انها تتشرط و تحط الشروط نتاعها و النقط على الحروف ام انها تقول ماكالاه و ما تتشرطش و تدخل بالنية خيير ؟؟؟

التشراط الي نقصدو في كل حاجة مثلا الخدمة القراية زيارة الاهل .................الخ
و في الوقت الي رانا فيه للاسف ولاو يقولو بلي البنت يلا اتشرطت يعني ماراهيش مليحة و ماراهيش مولات النية ؟؟ علاش ؟؟ ياك ربي عطاها حق باش تتشرط ؟؟ و زيد بزيادة سيدنا موسى عليه السلام نهار حب يتزوج مع بنت هاداك النبي ؟ واش قالو باباها ؟ " النبي " : قالو سأزوجك احدى ابنتي على ان تأجرني ثماني حجج ؟؟ يعني حط الشرط نتاعو باش يقبل يزوجلو بنتو ؟؟؟؟؟؟؟

درك حبينا نعرفو هل من الافضل ان البنت تتتشرط قبل الزواج باش تحط النقاط على الحروف للراجل و ما يصراوش مشاكل مور الزواج ؟

ولا ماكالاه تتشرط و هكدا يلا صرى كاش مشكل يبدا الراجل يجيب الاسباب بلي ماكاش شروط الي تجبرو باش يقبل بطلبات زوجته ؟ و بالتالي تتحصر البنت ؟؟؟؟


مادابينا تعطو ارائكم و شكراااا

[حنيني24]

الســـــــــــــــــــــلآآآآآآآآآآآآآآآآآآآم عليكم
أنا لا أسميه تشراط،،،، إنما أسميه تفاهم على شروط العيش مع الزوج،،،، ويجب أن تكون المفاهمة قبل الزواج،،،
يعني في فترة الخطوبة،،،
وليس من الجيد،،، أن توافق الفتاةعلى شروط الزوج،،،
مثلا السكن مع الأهل،،، أو منعها من العمل،،،
وبعد الزواج،،، ترفض شروطه هذه،،، وتُطالب بسكن،،
أو عمل،،، وهذا ما هو منتشر في زماننا هذا،،

[arc en ciel]

انا مع ان البنت تشرط على زوجها او بالاحرى كيما قالت الاخت يتفاهمو و يحطو النقط على الحروف
يبينو كلشي من البداية و مايخلوش اللامور مبهمة و بالتالي مايصراوش مشاكل و يخيب ضن كلا الطرفين

لازم تكون كل الامور واضحة قبل الاقدام على عقد القران من سكن و عمل ,,,,,,,,,,,,,,,,,,,,,,,,

[**نعم أطيعك ياربي**]

والله مشكلة وحل

[وردة أمل]

في رأيي توضيح البنت لمواقفها اتجاه مسائل معينة لزوجها المستقبلي أكثر من ضرورة و هذا تفاديا لأي خلافات قد تنجر عنها بعد الزواج و التي قد تؤدي إلى طريق مسدود

فمثلا البنت إذا أرادت أن تعمل فمن الواجب إخبار شريكها بالأمر حتى تتبين لها وجهة نظره و تستطيع في حال رفضه أن تتفاهم معه و لا تصدم بعد الزواج

فالتفاهم و الثقة المتبادلة و الصراحة أساس لنجاح العلاقات الزوجية



شكرااااااااااااااااااااااااااااا لك على الطرح

[طيبة نفس]

مانسموهمش شروط قد ما تسميهم البنت أولويا ت عندها وترتب هذه الاوليات من الاهم للمهم حتى واذا تنازلت ماتتنازلش عليهم

قاع هاك ماتحسش بلي رمات روحها اما فيما يخص القصة لي ذكرتيها هي قصة سيدنا موسى و العمل نتاعو كان بمثابة مهر الفتاة حتى أن هناك من يقول انه النبي الوحيد الذي ذكر مهره في القرآن وكاين فرق بين الشروط والتشراط

سلام

[سعاذ]

السلام عليكم
لازم من الاول يكون كلشي باين سواء بالنسبة للمراة و الرجل
خاصة الخدمة. ولقرايا
باش من بعد مايعودوش في حل وربط

[الواثق]

بالنسبة لي شروطي ستوضح لها ما اريد فان وافقت اللهم بارك .......وان لم توافق فاسال الله ان يرزقها الزوج الصالح................وكاين شروط قابلة للنقاش وكاين شروط غير قابلة للنقاش عليها احيا او موت ههه.................وهذا كله من اجل ان لا اظلمها ولا تظلمني.................والله الموفق

[جسور المحبة]

كيما قالو اوله شرط اخره نور ولي ما تفاهموش على شروط تفرت فيه مالا الشروط لازمة بش يكون كل طرف مخير اما يواصل او ينسحب

[soso sirin]

كاين شي حوايج لازم يتفاهمو عليهم منقبل و كيما هو ومن حقو يهدر و يقول واش باغي واش يقبل واش هي ظروفو حتى هي لازم تاني تهدر اذا تفاهمو اللهم بارك ماتفاهموش كل واحد ربي يجيبلو مكتوب وخدخر سوغتو كاين شي حوايج لازم يهدرو عليهم كيما الخدمة السكنة و حتى على شي حايج هوما يبانو تافهين مي والله يخلقو مشاكل عندك غير المجي للدار ماليها راه يصراو مشاكل كبار سوغتو اذا تزوجت خارج ولايتها و تاني حتى اللبسة و نوعية الحجاب و الله كاين ناس طلقو على جال هاذو الحوايج.النية وحدها في هذا الوقت ماولاتش تنفع و هي مكانش كيما كلشي شبان النهار الاول باه الواحد يايفيتي المشاكل .

[hayet04]

انا نشرط الخدمة و الدار و لي ماعجبوش شرطي بسلامة السوق مليان ههههه

[اسلام انس]

التشـــــراط قبل الـــــــــزواج خير من بعـــــــــده حل...........اما بعد الــــــزواج فهــــــو مشكـــــــــــل

[sarl02]

انا نشرط الخدمة و الدار و لي ماعجبوش شرطي بسلامة السوق مليان ههههه

اتبركاي مالقباحة ولا لالا؟

[hayet04]

اتبركاي مالقباحة ولا لالا؟

غادك الحالللللللللللللللللللللللللللللللللللللللللللللل للللللل

[sarl02]

غادك الحالللللللللللللللللللللللللللللللللللللللللللللل للللللل

قتلك اقعدي عاقلة يا طفلة.

[hayet04]

اني غاقلة نهبل مايغيدكش الحال هداك راييييي

[sihem30]

بالنسبة لي شروطي ستوضح لها ما اريد فان وافقت اللهم بارك .......وان لم توافق فاسال الله ان يرزقها الزوج الصالح................وكاين شروط قابلة للنقاش وكاين شروط غير قابلة للنقاش عليها احيا او موت ههه.................وهذا كله من اجل ان لا اظلمها ولا تظلمني.................والله الموفق
بصح انت راجل ما لازمش تتشرط ؟ انت تختار الزوجة الصالحة لدينها او لنسبها او لمالها او لجماللها و هي الي تتشرط ؟؟؟ هههههههه الراجل ما يتشرطش المراة هي الي تتشرط و اذا الراجل ما قدرش على الشروط ما يتفاهمووش ....... لقد خلق الرجل ليسعد المرأة

[دكتورة بإذن الله]

السلام عليكم و رحمة الله و بركاته

اختي الكريمة فرق كبير بين التشراط و الشروط التي هي تفاهم بين الطرفين

التشراط هو طلب التعجيزات احيانا و طلب اشياء غير معقولة

اما الشروط فهي موضوعه منذ البشرية

و عقد الزواج هو عقد ابدي و ميثاق غليظ

كل شخص حسب ظروفه يضع شروط و كل شرط يضعه الشخص لا يصلح للاخر ...

لذل كل يشترط حسب ضروفه و حسب رؤيته و يشترط حسب مقدوره و استطاعته

و هاته الشروط تكون مادية و اخرى معنوية

و المثل يقول لي اولو شرط اخره خير

و الشروط هاته هي شروط كل شخص يسنها حسب شخصيته ونفسه و عائلته و حسب بيئته ...

و حين يلتقي بالشخص الاخر

المراة تضع شروطها

و الرجل شروطه

يوجد شي و هو تنازل عن بعض الشروط و دائما ما يتم التنازل عن الشروط الثانوية و تبقى الشروط

الرئيسية بالنسبة للشخص

حين يجد اي شخص الاخر يناسبه يناسبه و شروطه لا تتوافق معه مكن يحدث تنازل عن شرط او شرطين او اكثر

من شروطه و الفتاة كذلك تتنازل عن شرط او شرطين او ثلاث يعني يحصل التفاهم

هذا ما يسمى التضحية

و بالتالي يحصل اتفاق

و بالتالي زواج و يتنبأ له بالاستمرارية و السعادة

اما ان بقي كل منهم مصر على شرطه هنا لا يحصل اتفاق

و بالتالي كل يذهب لحال سبيله

او بقي شخص مصر على شرطه و الاخر قدم تضحية هنا نسميه انانية

و بالتالي زواج فاشل ان تم فيه القبول

..........الخ

اما التشراط هو وضع شروط مبالغ فيها و حين يراها العاقل يجدها غير منطقية

اتمنى انني اوصلت الرسالة

و ربي يجيب الخير

[سارة البوسعادية]

انا اره انه حل اذا بودر بقلوب سليمة خالية من الخبث
لانه هناك من يقول او تقول انه بعد الزواج سيغير رايه
فتنصدم بواقع مرير

[Rose19]

كيمي نقولو : ما تشرط غير الي تتكبر
ما كانش تشراط و انما كاين الاتفاق على نقاط للطرفين قبل الزواج و بعد الاتفاق يجب اعلام العئلتين لتفادي تغيير الرأي للاثنين بعد الزواج (و هذا هو احد أسباب المشاكل)

[sihem30]

كيمي نقولو : ما تشرط غير الي تتكبر
ما كانش تشراط و انما كاين الاتفاق على نقاط للطرفين قبل الزواج و بعد الاتفاق يجب اعلام العئلتين لتفادي تغيير الرأي للاثنين بعد الزواج (و هذا هو احد أسباب المشاكل)

ايه هدا صح لازم تحط المرأة النقاط على الحروف قبل الزواج و بعلم الاهالي هكدا واحد ما يدور على الاخر و يكون التزام من الطرفين ................