توجيه لشعبة رياضيات و انا حابة نقرا علوم تجريبية [الأرشيف] - منتديات الجلفة لكل الجزائريين و العرب

مشاهدة النسخة كاملة : توجيه لشعبة رياضيات و انا حابة نقرا علوم تجريبية

khawla-b

2012-07-11, 21:05

اليو جبت لبلتن ودارةلي توجيه لشعبة رياضيات و انا حابة نقرا علوم تجريبية راني حايرة يا جماعة انصحوني وش نقرا وندير طعن و اللا لا وشرايكم انا مليحة في المات مي الشعبة واعرة ياسر نقرا علوم تجريبية هيا ساهلة شوي على المات تعيشو عاونوني راني حايرة و راح نهبل و مانيش عارفة وش حابة نقرا انصحوووووووووني عاونو اختكم راني محتاجتكم

khawla-b

2012-07-11, 22:03

يا ناس عاونوووووووووووووووووني

falfoula.dz

2012-07-11, 22:10

ادا راكي مليحة في الماث ديري مات و خلاص

falfoula.dz

2012-07-11, 22:23

خاولة وين راكي

نجمة و هلال

2012-07-11, 23:27

دمتم سالمين ورعاكم الله

ZINA DZ

2012-07-12, 05:39

نعم اختي تثدري تبدلي

اذا كنت انت درت علوم تجريبية و هوما يلي دارولك رياضيات فهو خطأهم و يبدلولك

و اذا كنت انت يلي تراجعت و حابة تبدلي فيجب عليكي ديري طلب في أول العام و يغيروك إن شاء الله

A.maroua15

2012-07-12, 10:59

نفس المشكل تاعي انا اليوم جبت البيلتا و انا خيرت شعبة رياضيات لكن لقيتهم داروني علوم راني رايحة نهبل قولولي واش ندير

khawla-b

2012-07-12, 11:10

انا والله راني حايرة لضرك ما فهمت فيها والو

A.maroua15

2012-07-12, 11:13

ايه والله انا المورالي حبطلي وراين قاعدة نبكي والله

alsouri

2012-07-12, 18:43

مام حنا في الليسي تاعنا دارو شعبة رياضيات لاول مرة لجماعة رفضوها و راهم كامل يجريو باش يبدلو مي قالولهم منقبلوش

الاساتذة يمدحو بزاف شعبة رياضيات

دارو فيها غير تاع 15 و 16 مي هادو خيرو علوم
جاب ربي لباولي رغبتي لانو حنا لباو فقط ل 7 الاولئل في الثانوية هدا مكان

الباقي خلطولهم الدعوة

ختي اذا تكرهيها ديري طعن مي اذا تحبي رياضيات و فيزياء اقبلي بيها لانو المستوى تاعك ممكن يتحسن كي تعودي تقراي غير فيهم

و بالمقابل من ايجابياتها انها عندها اولوية في الاختيارات تاع الجامعة

و السلبية انك في الباك كون مجيبيش في مات و لا فيزيك نقطة مليحة نساي الباك
لانو معاملهم غير 6 و 7

انا عطاوني سيونس و رح نكمل بيها نشالله

راني قتلك اذا تكرهي المادة ردي بالك تقبلي بيها لانو مستحيل تقدري تقرايها

و شكرااااااااااااااااااااااااااااااا متنسايش الاستخارة

Prince-Yasser

2012-07-14, 14:44

khawla-b

2012-07-14, 17:25

شكرا لك اخي ياسر في الحقيقة انا مترددة في تحديد مصيري اي مستقبلي بين اختيار شعبة العلوم التجريبية او اختيار شعب الرياضيات .انا حقيق مادة الرياضيات هي مادتي المفضلة هي و الفيزياء بدرجة اقل لكن المشكل الذي وقعت فيه هو ان لو درست شعية الرياضيات فانا لا استطيع ان اتحصل على معدل بتقدير جيد او جيد جدا في شعبة الرياضيات اما لو درست شعبة العلوم التجريبية فهي شعبة بمتناول اي تلميذ نجيب اما انا اكره مادة العلوم جداااااااااا وهي المادة الاساسية في شعبة العلوم التجريبية بالرغم من انني اتحصل على علامات بتقدير 14 و 15 .و لكن بمقدري ان اتحصل في هذه الشعبة و في البكالوريا بتقدير جيد او جيد جدا.
لذا اخي الكريم انا محتارة هل اختار شعبة الرياضيات و نرتاح من المادة لي نكرها ونجيب معدل ممكن 12 او11 في الباك او نقرا علوم تجريبية و نجيب 15 او 16 في الباك وشرايك خويا وشراح ندير انصحني .
مع العلم انا جيدة في الرياضيات و سيئة في العلوم كما انني لا اعلم لو تحصلت على معدل 11 في شعبة الرياضيات في الباك وش هي الاختيارات لي يقدرو يمدوهالي وانا حابة نقرا في الجامعة ان شاء الله مهندسة معمارية.
طولت عليك خويا اسمحلي الله غالب راني حايرة

khawla-b

2012-07-14, 17:27

انا ايضا اخترت رياضيات

اختي اللي يقول رياضيات صعبة انسان يدفعك الى الفشل . هي ليست صعبة وانما تحتاج مجهود كبير و حل الكثير من التمارين و الثقة بالنفس
اذا كنتي تاكلا على روحك في رياضيات و الفيزياء عليك بشعبة الرياضيات , و تذكري دائما انه لم يبقى لك سوى سنتين في الثانوية أي انك ستبذلين مجهودات خلال سنتين فقط و ترتاحي بعدهما باختيار ما تريدين من تخصص في الجامعة .
وهذه بعض المعلومات عن شعبة الرياضيات و العلوم :

علوم تجريبية هده الشعبة تعتمد خاصة على العلوم الطبيعية(معامل 6 في البكالوريا) و الرياضيات(5) و الفيزياء (5)

من مساوئها يجب الدراسة في الموادكلها و برنامجها طويل. يلزمك معدل مرتفع نسبيا في البكالوريا لإختيار ما تريد
من محاسنها عند النجاح في البكالوريا تتيح لك الكثير من الإختيارات ان لم نقل كلها
رياضيات هده الشعبة تعتمد على الرياضيات (معامل 7في البكالوريا) فيزياء (6) علوم (2)
من مساوئها تحتاج بذل مجهود طوال الموسم الدراسي
من محاسنها مستوى الرياضيات و الفيزياء في هده الشعبة هو تقريبا نفسه في شعبة العلوم التجريبية رغم اختلاف المعاملات. المواد التي يجب التركيز عليها قليل مادتين فقط. و الأولوية تعود اليهم في الإختيار عند النجاح في البكالوريا و يمكنهم أختيار الطب و الصيدلة

اي استفسار انا هنا أختي

سلام

prince yasser

شكرا لك اخي ياسر في الحقيقة انا مترددة في تحديد مصيري اي مستقبلي بين اختيار شعبة العلوم التجريبية او اختيار شعب الرياضيات .انا حقيق مادة الرياضيات هي مادتي المفضلة هي و الفيزياء بدرجة اقل لكن المشكل الذي وقعت فيه هو ان لو درست شعية الرياضيات فانا لا استطيع ان اتحصل على معدل بتقدير جيد او جيد جدا في شعبة الرياضيات اما لو درست شعبة العلوم التجريبية فهي شعبة بمتناول اي تلميذ نجيب اما انا اكره مادة العلوم جداااااااااا وهي المادة الاساسية في شعبة العلوم التجريبية بالرغم من انني اتحصل على علامات بتقدير 14 و 15 .و لكن بمقدري ان اتحصل في هذه الشعبة و في البكالوريا بتقدير جيد او جيد جدا.
لذا اخي الكريم انا محتارة هل اختار شعبة الرياضيات و نرتاح من المادة لي نكرها ونجيب معدل ممكن 12 او11 في الباك او نقرا علوم تجريبية و نجيب 15 او 16 في الباك وشرايك خويا وشراح ندير انصحني .
مع العلم انا جيدة في الرياضيات و سيئة في العلوم كما انني لا اعلم لو تحصلت على معدل 11 في شعبة الرياضيات في الباك وش هي الاختيارات لي يقدرو يمدوهالي وانا حابة نقرا في الجامعة ان شاء الله مهندسة معمارية.
طولت عليك خويا اسمحلي الله غالب راني حايرة

mimi311

2012-07-14, 19:12

انا علوم تجريبية ومترددة ندير مات قالولي كيفك واعرة
مي ناس لي قراوها قالولي نفس الدروس الى بعض الوحدات محذوفة يعني لي تقرايه في العلوم تقرايه في المات والله اعلم
الحاجة الوحيدة لي تختلف المعامل
لتحسي روحك مليحة في المات ديري ماتيلام
ولتحسي روحك تقراي سيونص يري سيونص
شوفي وين تلقاي راحتك

تالية القرآن

2012-07-14, 19:38

هذا سوف يكون راج الى قرارة وارادتك

اما ان الآن ليست عندل اية معلومة

استطيع افادتك بها لا اعلم

Prince-Yasser

2012-07-16, 14:38

السلام عليكم
اختي انصحك بشعبة الرياضيات ما دمت تحبين الرياضيات و الفيزياء ومن قال انك لا تستطيعين الحصول على معدل جيد او جيد جدا في هذه الشعبة ستحصلين على معدل جيد جدا ان شاء الله مادمت تحبين المادتين الاساسيتين ولا تملين من دراستهما
ومالذي يدفعك لشعبة لا تحبين مادتها الاساسية اقصد العلوم اذا كنت فعلا لا تحبينها فحذاري من شعبة العلوم لانك ستملين منها و ينخفض مستواك لقدر الله
ملاحظة الاولوية تعود لحاملي باكالوريا رياضيات في الهندسة المعمارية اي اذا كان معدل القبول في الهندسة المعمارية بالنسبة لشعبة العلوم 14 سيكون 12.5 او 13 بالنسبة لشعبة الرياضيات
كل هذا يبقى وجهة نظري اختي انت صاحبت القرار الاول و الاخير انصحك بصلاة الاستخارة و فكري جيدا قبل اتخاذ اي قرار
اتمنى لك النجاح
سلام

lili*

2012-07-16, 16:27

اهلالا حنونة ان شاء الله راكي بياان؟؟؟
مااردت قوله لكي هو انتيا شوفي واش هو طموحك في المستقبل اي مادا تريدين ان تكوني او تعملي مستقبلا وحددي هذا اولا
وثانيا شوفي انت فواش راكي متفوقة علووم او رياضيات مع اخد العلامات بعين الاعتبار وليس ماتحبيه فقط لان بزااف لي قالو انا نحب رياضيات لكن علاماتهم معتبرة وفشلو وهناك العكس فاحيانا لايجب ان نفعل مانحب دااائما للنجاح بل ان نحب مانفعل !! وذلك لن يتحقق الا بالممارسة والايام ستجعلكي متفوقة وناجحة خاصة لو كانت ارادتكي قوية ولا شيء يقف امامكي =))
يعني tu dois étre logique راكي فوور فيها روحي ماث لاهاذا ولا ذاك يعني من كل النواحي perfect
علبالك حنونة كنت مثلكي وصلت لدرجة انني لم اعد استطيع التمييز او الاختيار ذات مرة قلت انا نحب رياضيات راح نتبع حلمي ونروح ماث +نكره ميدسين ملا كنت نظن العلوم صورة مصغرة عن لاميدسين لذلك كنت نكرررره العلوم خاصة في الثلاثي الاول شفتي واش كننا نقراو على النباتات والحشايش خخخ يعني كان كرهي لها يزيييد ويزيد اما الرياضيات على العكس كان حبي لها يزيد ويزيد
ملا مرة قررت خلالالالاص لامجال للتراجع راح ندير ماث قلت لماما قالتلي اوكي القرار قراركي وكان اااخر يوم لتسليم الاوراق الا انا مامديتش باسك كنت مترددة ملا كتبت اختياري توكلت على الله ورايحا نمد الورقة ومع ذلك مازلت غير مقتنعة بالقرار الصحيح فتوجهت عند المستشارة لازيل الشكوك زادتهملي اكثر ههه ايه سقسيتها ماهو افضل ماث او سيونس تفلسفت تفلسفت عليا لكن التمست من كلامها بطريقة غير مباشرة ان العلوم افضل لانها تفتح لك ابواب كبييييرة ولانهي معها النقاش قلتلها لو مثلا اخترت ميدسين مستقبلا هل المعدل هو نفسه في الماث والسيونس قالتلي تقريبا متساوي او احيانا متساوي !! يعني تخيلي تروحي ماث تثقبي راسك بالقرايا باه في الاخير تاع الماث والسيونس كمابعضهم او لي سيونتيفيك افضل منهم ؟؟؟
ملا توجهت للقسم تاعي وانا مازاااال نخمم سيونس ولا مااث ؟؟ (ومازاال ماسلمت الورقة تاع الشعب )
عندما رحت للدار تذكرت انو عندنا بروفيسورة لاادري فواش بالضبط لكن رتبتها عااالية وعندها تخصص في الماث الخ المهم سقساتها ماما شوفي واش قالتلها :
مع انها جدددددد عبقرية والله هذا الاسم قليل عليها قالتلها لو اتيحت لي فرصة للعودة بالزمن لتغيير شعبتي ماكنت لاختار شعبة رياضيات !!! انا قلت لالا هذي راها تخلط برك لكنها اقنعتني في الاخير قالتلي
باش تروحي ماث وتتحصلي على معدل ممتااااااز (وانا لن ارضى بغير ذلك) يجب ان تكوني عبقرية زمانكي
+لازم بزاف اشياء تحتاجي لتتفوقي في الرياضيات مثلا كما انا نكتب بالثقييييل يعني ماشي خفيفة في الكتابة وفي الباك لازمك كلما تسرع في الصلاح وتخيلي الماث , وتاني عندي الاخطاء التااااافهة بزاااف فوق ماتتصوري جدول الضرب ماحفظتوووش تخيلي ههه وتاني متسرعة مراات مانقراش السؤال ونروح نحل وتخيلي تروحلك في الماث غير قولي للباك باي باي +راكي تلاحظي ان لي فالماث ماكنش لي يجيب 18 او غيرها صحيح ان المعدل لا يهم المهم واش في الراس (هذي دائما مااحرب بها من حولي ههه ) لكن هي واش قالتلي نحن لسنا في زمن انشتاين لامانع في اكتساب العلم (وكما قيل العلم كالماء المالح كلما شربت منه كلما ازددت عطشاا) لكن ليس على حساب حياتكي وخاصة ونحن في زمن لايرحم لاالضعيف ولا القوي لذلك يجب وضع كل شيء في الحسبان
لكن هذا لايعني انني لن اهتم بالرياضيات ومستحيل نغير فيها رايي راح تظل المفضلة لدي لكن سامارس واطبق واحاول اكتشاف المزيد من خباياها لكن كهواية +شعبة العلوم التجريبية فيها المااااث ومعاملها في الباك 5 فهذا لايعني انني ساتخلى عنها
+العلوم ليست بالشعبة الصعبة او لي ماتقدرش تفهميها سهلة جداا شوياا فوصي برك توصلي بسهولة ولديها 3 مواد اساسية ومتقاربة في المعاملات وترتكز على كل المواد فحين الماث عندك الماث 7 والفيزيك 6 يعني تروحلك في هذو خلالات
+لنفترض انكي روحتي ماث واش رايحا تخدمي فيها ياك راكي تشوفي لي تخصصو في لي كومبيوتر وصوالح لي ماث كيفاه راهم قاعدين كامل بلاخدما pilote ...؟؟؟انت فتاة زيادة على ذلك ليست كل الابواب مفتوحة امامكي خاصة في الجزااائر ,حتى وان كان التوجه احيانا كما الرياضيات كما السيونسالا ان السيونس تبقى الافضل
الا اذا كنتي ستكملين تخصصكي وتعملي في الخارج هذي حاجة اخرى !!

ان شاء الله تكوني فهمتي كلامي
واسفة على الجريدة لي كتبتها للاسف اذا بدات الكلام او الكتابة حتى نجبد يدي من الكلافيي الله غالب ههه
ااه نسيت اذا اردت تغيير الشعبة يمكنكي ان تقومي بالطعن خاصة اذا كنتي خيرتي في ورقة الشعب مثلا علوم وهوما حطوك ماث يعني ماعلى الادارة الا الخضوع لطلبكي
ويبقى القرار قراركي يعني لايمكن لاحد منا ان يختار مكانك انت جمعي معلومات وشوفي امكانياتكي واحتياجاتكي وتوكلي على الله
ااه على فكرة لاتفهمي من ما قلته سايقا ان شعبة الماث ليست جيدة على العكس
+حنونة ماتنسايش قد يتغير ماتحبيه مع الوقت مثلا حاب تخدمي حاجة تقدري تغيريها مع الوقت خاصة بعد ماتتعرفي على اشياء جديدة لم تكوني تدركيها يعني تفكيرنا وحتى عالمنا يتغير ويتطور donc il faut viser le plus loin possible ^^

وان شاء الله تختاري the right thing
بالتوفيق
سلالام

alsouri

2012-07-16, 19:38

ختي نصيحة و الله كيعاد تكرهي العلوم متقدريش تواصلي

لازملها صبر بزاف و لازم تكوني متشوقة لدروسها و تبحثي بزاف فيها

اختاري رياضيات و طبقي لانو راكي تحبي المات اكيد تصيبي فيها مرادك

و زيد الهندسة لازملها مات و لا تقني واعرة على صحاب السيونس

تحياتي Amaaaaaaal

lamismissa

2012-07-16, 22:11

ربي يكون في العون
ختي انا تاني نحب بزاف المات انا يخرجو عليا في زوج مي بنت خالتي مدايرة مات قالتلي مادريش مات
علابالك صعيبة بزاف
انا نحب الموالد الاساسية الثلاثة
بصح الرياضيات لازملها تعب وحدها
يعني مليح يبدلو لفرع يخليو فيه غير المات والفيزيك بزايد
الرياضيات تقتلك وقتك بزااف
ديري الطعن انا درت لخيار الاول علوم تجريبية و الثاني مات
نتمنى يقبلولك الطعن

besma 16

2012-08-20, 21:04

نفس المشكل تاعي انا اليوم جبت البيلتا و انا خيرت شعبة رياضيات لكن لقيتهم داروني علوم راني رايحة نهبل قولولي واش ندير
التحويل من العلمي الى الرياضي سهل و ممكن ..متخافيش

الدرة المصونة‎

2012-08-20, 21:24

السلام عليكم ...

و الله عندي نفس المشكل بصح انا قلت نبدل علوم أحسن

خطرش المات صعبة بزااف وراني خايفة منها

بالتوفيق ان شاء الله ..