الى كل محترفات في الكروشي

[fati z]

http://hh7.an3m1.com/Sep/an3m1.com_542730446b1.jpg (http://hh7.an3m1.com/)مساء الخير حبيباتي عندي طلب اليكم جميعاالمتمثل في باترون هاد التلايق الله يخليكم عييت باش نلقى الباترون ديالو الي عندها فكرة عليه تشرحلنا كيفاش يجي و الفائدة تعم الجميع مشكورين مسبقا:mh31:

[fati z]

37 مشاهدة و لا رد واحد و الله حرام عليكم:confused::mad:

[عايدة عربية]

أنا راني نحوس عليه مرة شفت هذا الرشام

[لميس حواء]

ما طلعتليش الصورة كاملة و مع الأسف ماعنديش الباترون نتاعها لكن يلا طلعت الصورة واضحة ممكن نقولك كيفاش ينخدم

[لميس حواء]

راهي واضحة الصورة ضرك و إذا تحبي نشرحلك كيفاش تنخدم بصح ما نعرف يلا نقدر نوصلك الفكرة بالكتابة و إذا لالا

[rahmani fatma]

السلام عليكم
كل شيئ في هذا المنتدي جميل و راقي بالأفكار البنائة في جميع المواضيع سواء أكانت ترفيهية أو علمية أو ثقافية
أشكركم على هذا المنتدى العظيم
...............

[نُـون]

كنت حابة نقلك نجرّب ونرجع لك بالخبر ولكن للأسف لا وقت عندي
ربي يكون في العون

[amira79]

اضم صوتي الى صوتك نرجو مساعدة الخبيرات و لو بالشرح كتابيا

[fatimabouche]

أين أنتم -
أعجبني المودال بزاف لكن الصورة لم يكتمل ظهورها


نرجو الباترون

[fati z]

:mh92:, اسفة على تاخيري في الرد لاني مشغولة باعمال الكروشي مشكورين حابيباتي على المبادرة يلا الشرح يكون كتابي او مرسوم باليد المهم نفهموه و يكون واضح انا على العموم كتابي يكفيني بصح لازم مانكونوش انانيين شويةعلاخاطر كاين اخواتنا مايفهموش الا بصورة او طريقة اوضح انا في انتضاركن حبيباتي:19:

[fati z]

:sdf:يعطيك الصحة اختي لميس حواء انافي انتضار الشرح يكون كتابي اوباي طريقة تساعدكانا عندي مشكل فالحاشية فقط الي جي فيها الوردة اما الوردة ساهلة

[لميس حواء]

أشكركم أخواتي كيما قلتلكم ما عنديش الباترون لكن راني نخدم فيه حسب نا يبالي في الصورة و غادي نشرحلكم واش طلع معايا في البداية نتفق على الرموز لي تخدمو بيهم مثلا:
bride = br و هو عمود
maill série=ms
maill en l'air =ml
يلا تفهمو بهذا الرموز قولولي باش نكمل معاكم الشرح لكن كيما قلتلكم راني نخدم في نفس الوقت و ما نعرفش يلا راح نتوفق في الشكل كيما لي في الصورة إبه بالنسبة للصور ما عنديش كاميرا مع الأسف ما نقدرش نحط صور

[موسى2207]

الصورة لم تظهر كاملةلكن انظن انه سهل ديري سطر بري 2سلسلة
سطر 2 ديري بريدسلسلة بريدسلسلة بريد سلسلة وديري غرزة الحشو
سطر3 ديري بريدسلسلة بريدسلسلة بريد سلسلة ديري سلسلةبين 6-8 ديري بريدسلسلة بريدسلسلة بريد سلسلة
وهكذا الدبلة تدخلفي الفراغ نتاع السلسلة المكونة من 6-8
http://im30.gulfup.com/2012-07-17/1342473636171.bmp (http://www.gulfup.com/show/X11h7mu8i5mq8cs)
ما تضحكوش على رسمتي راني غير نتعلم

[fati z]

يعطيكم الصحة اخواتي على الردودالرموزنتفاهو عليها ولكن ممكن اخواتنا ما يفهموهاش انا معنديش مشكل اما بالنشبة لاختي موسى 2207بارك الله فيك مشكورة على الجهد المبدول و نزيدك حاجة مندحكوش على الرسم او اي حاجة توصلنا للفهم انا نحاول نبدا فيه ادا طلعت معايا النتيجة راح نحاول نضع الصورة و الشرح لتعم الفائدة

[wafa34]

أين هي الصورة

[لميس حواء]

أشكر الأحت موسى 2207 الشكل لي راني نخدم فيه يشبه كثير رسم الأخت بصح أنا ما رانيش ندير سلسلة ما بين البريد و البريد عملي كالتالي:
نقسم العمل إلى ثلاثة أقسام : الشكل الدائري - الشكل المموج و الشكل المستقيم
1 الشكل المموج:
بديت بــ 40 سلسلة ml و من بعد خدمت 3 سلسلة (تعادل بريد) و سلسلة و بريد 4 مرات ثم كامل بريد (ما كانش سلسلة ما بين البريد و البريد) حتى قريب نكمل السطر و في الأخير بريد سلسلة و برسد 3 مرات
السطر الثاني بديت كيما السطر الأول بصح ما خدمتش فوق البريد الأول و الثاني حتى البريد الثالث و بديت 4 بريد بناتهم سلسلة و الباقي كله سلسلة حتى الأخير 3 بريد و سلسلة بيناتهم ( هنا نكمل السطر حتى الأخير يلا لاحظتو كاين 2 جهات الجهة الي تلصق في الدائرة يكون شكلها ما شي منكسر و الجهة الأخرى تكون منكسرة)
هذا واش خدمت لحد الآن لكن على فكرة خدمتي راهي تبانلي كبيرة شوية على الصورة (الدبلة لي راهي في الصورة شحال يكون عرضها يلا افترضنا 1 سم 40 سلسلة لي بديت بيها راهي تجي كبيرة يعني الدبلة في الوسط و يبقى شوية كروشي يبان في الجهتين ايه و ما ننسش نقولكم بلي الخيط لي راني نستعمل فيه غليظ رقم 5 )
نتمنى تكونو فهمتوني و غادي نرسم الشكل و نسكانيه و نحطو

[لميس حواء]

السلام عليكم أين أنتن با بنات اليوم حاولت أرسم جزء من الصورة و هو الجزء الحلزوني لي راني نخدم فيه ان شاء الله تطلع الصورة
http://www.lamst-a.net/dldq1E40182.jpeg.html

[لميس حواء]

محاولة أخرى باش تبان الصورة
http://www.lamst-a.net/dldq1E40182.jpeg.html

[لميس حواء]

مع الأسف ما طلعليش الرسم لي وجدتو نحاول غدا ان شاء الله

[fati z]

:mh31:يعطيك الصحة بوركتي اختي لميس حواء و جعلها الله في ميزان حسناتك كان عندي عطل في الجهاز و الان صلحتو والله فهمت شوي مي بالرسم يكون اوضح انا في الانتضار

[لميس حواء]

مبروك رمضانكم أختي fati z ظنيتك مليتي و خليتيني وحدي مليح لي رجعت باش هكا نكملو مع بعض
http://www.lamst-a.net/dldjIM39134.jpeg.html

[لميس حواء]

أتمنى هذه المرة تصل الصورة
http://hh7.an3m1.com/Sep/an3m1.com_985d1900091.jpeg (http://hh7.an3m1.com/)

[لميس حواء]

كنت نحاول نوصلكم الرسم و نسيت الشرح هذا الجزء هو الجزء الحلزوني ما قدرتش نرسمه حلزوني لكن نقولكم كيفاش يجي حلزوني مثلا أنا بديت كيما قلتلكم بــ 40 سلسلة ml وعندنا جهتين جهة فيها 4 بريد بيناتهم سلسلة و جهة 3 بريد بيناتهم سلسلة يعني من الطرفين عندنا 12 سلسلة ثابثة لا تتغير (نخدمها دايما بنفس الطريقة) و يبقالنا 28 سلسلة أيضا ثابثة دايما نخدمها بنفس الطريقة (سطر 28 سلسلة و سطر 28 بريد) و بما أننا كل سطر ندخلو بالخدمة أو نقصو من الجهة لي فيها 4 بريد كيما في الشكل و نحافظو على عدد 28 بريد فإن الشكل يصبح منحني (نصف دائري) نتمنى نكون وضحت الفكرة

[fati z]

رمضانك مبارك اختي لميس حواء لالا حبيبتي ما تقوليش خليتك وحدك عندي بعض اشغال في البيت تعرفي الام مع الاولاد و الخياطة و الكروشي لوكان عندي صوارة صورتلكم اعمالي:m مشكورة على الجهود الي راكي تبدلي فيها من اجل توصلي الفكرةh::dj_17::mh31::19::):24::p صح فطورك مسبقا

[لميس حواء]

ربي يخليلك الأولاد و يقدرك على الأشغال لي عندك و بالنسبة للجهود ما راني ندير والو أختي ياك رانا خواتات و صح فطورك

[www84]

ما شاء الله ...جميل

[fati z]

بالطبع رانا خواتات و احنا الجزائريات ديما هكدا نساعدو البعض صح فطورك:mh31:

[wafa34]

شكراااااااااااااااا

[HODHOD HADAHID]

هيل راني بديت نتعلم الكروشي كي نولي محترفة نخدمو ان شاء الله

[سميرة د]

الله يعطيك الصحة اختى والله رانى غير نحوس على الى وريلى بصح انا شوية فهمى تقيل الله يخليك ورلى الله يطولك فى عمرك

[سدرةالمنتهى]

http://www.djelfa.info/vb/showthread.php?t=1171360

اختي ماشي انت اللي قلتي اليوم راني كملت تطبيقي التلايق نتاع وحد العروسة خرجو شباب و ظرك نسيتهم ؟؟؟؟؟؟؟؟؟؟؟؟؟؟؟؟؟؟؟؟؟

[kakpop]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟