يقولون لكم ..قاطعوا اللحوم لاسبوع...هههههه [الأرشيف] - منتديات الجلفة لكل الجزائريين و العرب

مباركة 1961

2012-07-10, 22:40

سلام...
اليوم وانا اتصفح الجرائد اليومية قرات موضوعا يطالبنا اصحابه بمقاطعة اللحوم ___نظرا للغلاء الفاحش لها __ وبما اننا ندرك قيمة العمل الجماعى ...يد الله مع يد الجماعة نادت فيدرالية المستهلك فى الجزائر بالتعاون مع مجموعة من اهل الخير للمقاطعة نتاع اللحوم بانواعها من 10 الى 16 جويلية 2012 ويمكننا تعويض البروتينات بالخضر والبقول الجافة حتى تنزل اسعارها

ضحكت ضحكا لم اضحكه منذ مدة ...يا للنداء الابله..
نقاطع اللحوم من ....الى ......هههههههههههههههههههههه رانا مقاطعينها من العيد الكبير وان كان على القطع اللى نشريها كى يجو الضياف راها تنزف فى القدر قبل ماناكلوها...
وراهم يقولولكم ثانى تقدروا تعوضوها هذا الاسبوع بالخضر ههههههههههههههههههههه كللى الخضر رخيسة....باطل

مانيش عارفه هاذو الناس وين ساكنين ...اذا كان اكثر من نصف الجزائريين تحت خط الفقر واش يزيدوا يقاطعوا ...مازال الماء

............................_قاطعوه لا يقطعوه __................................................ ................
ياخى ناس يخى ...
على كل انا رانى دخلت المقاطعة من ذرك ....فمن يسلم يسلم

Dj BoBo

2012-07-10, 22:49

:1::1::1::1:

طرح جميل و في وقته

عن نفسي و عن العائلة رانا مقاطعينها منذ مدة

أحيانا فقط نشتري الدجـــــــــــــــــــاج

والله اصبحت الأسعار غالية جداجدا

فوق المعقووووووووووووووووووول

BAROUD

2012-07-10, 23:03

القابلية للاستغباء سمة نجدها عند المتفيهمين ف السلطة فقط
و علاش لحم الهند تاع العام الفايت منين كان الشعب يقول ما ناكلوه غير تعبوا رواحكم

هل السلطات كانت لها اذاااااااااان تسمع بها او اعين تبصر بها او قلوب تعي بها

ياك كان غير الشعب يوجه ف النظام و يقول هذا حرام و هذا حلال وووو

اواااااه النظام هنا ف دزاير غير هف و سرقة نهب ووو

مباركة 1961

2012-07-10, 23:04

سلام......
اذا النداء راه يقول زيد قاطع الدجاج........واشرى قطع جمبو ياسر فيكم

♛ ♛T Alcapnon

2012-07-10, 23:09

وعليكم السلام

مثل ما يقولو هذا غيض من فيض ... فعلا اسال الكثير من الحبر هذا الموضوع بالذات
النار تلهب في السلع لاسيما اللحوم و الخضراوات
وهذا لقروب الشهر الفضيل ...ربي يصلح الاحوال
اختي مباركة ... المجتمع الجزائري انا مقسمو الى 3 اصناف
الاول يشري اللحم ولوكان يسوا الملاين ...
والثاني اللي ياكل اللحم في المناسبات مايشريهش ديما كيما حالتنا
والثالث اللي هو الزوالي ما يكلش اللحم ...كاين اللي غير يشم فالريحة
الله غالب عليهم مساكن فالعيد ومالقاوهاش ...
لاتستغربي اذا لقيتي ناس تشري فاللحم و الخضرا ناس ماتقاطع ما والو
وكيما قلتي ناس تعوض بالبقوليات و اللي كاين ...
المجتمع الجزائري من يعتبر من الاعقد في العالم
تركيبة مايفهمها غير اللي خلقها
دمتم ...

gomplayer

2012-07-10, 23:11

الدولة دارت تدعيم للشعب و قامت بإشعال المفرقعات بالملايير و الشعب رقص و زهى تاع الصح في 05 جويلية ، و قدمت الملايير لأشباه الفنانات ............ و زيد .......... و زير المالية قالكم زيروا السنتورة باسكو اسعار البترول انخفضت و رايحة تصرا أزمة كما في أوروبا ........................و في الاخير يقولوا قاطعوا اللحوم !!!

لي فهم كيفاش راهي تمشي هذي البلاد يفهمنا يرحم الوالدين !!!

شكرا الاستاذة مباركة على الموضوع

مباركة 1961

2012-07-10, 23:12

القابلية للاستغباء سمة نجدها عند المتفيهمين ف السلطة فقط
و علاش لحم الهند تاع العام الفايت منين كان الشعب يقول ما ناكلوه غير تعبوا رواحكم

هل السلطات كانت لها اذاااااااااان تسمع بها او اعين تبصر بها او قلوب تعي بها

ياك كان غير الشعب يوجه ف النظام و يقول هذا حرام و هذا حلال وووو

اواااااه النظام هنا ف دزاير غير هف و سرقة نهب ووو

سلام...
راك تتذكر العام اللى فات قالو نجيبولكم اللحم من الهند ماتخافوش راه يوصل اللحم فى رمضان ل400 د.ج ثم قالولنا راه حرام
ومن بعد قالولنا خلاص فريناها نجيبوه من السودان راه بنين وراعى من الخلاء ماهوش ماكل الخبز اليابس ......ثم قالونا... (نسيت واش قالونا الله لاتربحهم ) ....وعقب رمضان باللتى وهذا العام راهم يوجدو فى كذب جديد قالك نديرو التقشف .....احنا اللى حياتنا كلها تقشف نزيدوا نتقشفوا وهوما يكبرو لبروتالات نتاع كروشهم ............
اللهم بلغنا رمضان برك وقدرنا نصوموه ونقوموه ومن بعد نتفاهموا.........

مباركة 1961

2012-07-10, 23:23

وعليكم السلام

مثل ما يقولو هذا غيض من فيض ... فعلا اسال الكثير من الحبر هذا الموضوع بالذات
النار تلهب في السلع لاسيما اللحوم و الخضراوات
وهذا لقروب الشهر الفضيل ...ربي يصلح الاحوال
اختي مباركة ... المجتمع الجزائري انا مقسمو الى 3 اصناف
الاول يشري اللحم ولوكان يسوا الملاين ...
والثاني اللي ياكل اللحم في المناسبات مايشريهش ديما كيما حالتنا
والثالث اللي هو الزوالي ما يكلش اللحم ...كاين اللي غير يشم فالريحة
الله غالب عليهم مساكن فالعيد ومالقاوهاش ...
لاتستغربي اذا لقيتي ناس تشري فاللحم و الخضرا ناس ماتقاطع ما والو
وكيما قلتي ناس تعوض بالبقوليات و اللي كاين ...
المجتمع الجزائري من يعتبر من الاعقد في العالم
تركيبة مايفهمها غير اللي خلقها
دمتم ...

سلام....
ذرك الجرائد تبدا تكتب فى الموضوع وتملا الصفحات بالكلام الفارغ نتاعهم والبيانات واجهزة الرقابة اللى نشرتها الوزارة ...هذه الرقابة اللى من بعد تتفق مع التجار على المشترين وتستمر الحياة فى دزاير الباهيه وننساو وتمر الايام ...
التركيبة ياخى راها واضحة كاين 2 طبقات طبقة علوية عندها وتاكل وما علابالهاش بمشاكل السوق لان الخدام عندها هو اللى يصرف ...وطبقة ثانية فيها غير الفم تبرد قلبها غير فى الهدرة _لان ماعندها ماتدير _كيما حنا _
وتصبروتزير وربي معاها..

مباركة 1961

2012-07-10, 23:27

الدولة دارت تدعيم للشعب و قامت بإشعال المفرقعات بالملايير و الشعب رقص و زهى تاع الصح في 05 جويلية ، و قدمت الملايير لأشباه الفنانات ............ و زيد .......... و زير المالية قالكم زيروا السنتورة باسكو اسعار البترول انخفضت و رايحة تصرا أزمة كما في أوروبا ........................و في الاخير يقولوا قاطعوا اللحوم !!!

لي فهم كيفاش راهي تمشي هذي البلاد يفهمنا يرحم الوالدين !!!

شكرا الاستاذة مباركة على الموضوع
سلام..
ربي يشعل افئدتهم بالنار... اما الشعب مسكين راه ضايقة روحو وحاب يتلم ويفرغ غيضة لاشته بالرقص وكرعيه فى الطين......
والنهار اللى نفهم كيفاش راه ماشية البلاد ........... نفهم انا برك ومن بعد نقولك.....

الواثق

2012-07-11, 00:23

دائما استحضر مقولة ...........أوكلما اشتهيت اشتريت .؟؟...............والناس تشري كلش وتاكل كلش ................جابلهم اللحم من فنزويلا والهند كلاوه وقالو بنين بصح بشيشتو خشينة ههه ..................ومانعرف باه مذبوح وباي طريقة بل ما الشيء المذبوح ؟؟؟..........................هو افضل الحلول ربي الغنم وخلاص كل ما تلحق مناسبة او رمضان تكي واذبح ...............

النجمة القطبية

2012-07-11, 00:32

راكى غالطة يا استاذة
الفقراء هم اكثر الناس شراءا
شوفى الفقير يقول انا معنديش معنديش يعنى وعلاش نخبى هههه يروح يشريهم لاولاده
باش يدعولو بالخير
يعنى لوكان ماشافوش بلى كاين الشراء بزاف ميطلبوش المقاطعة

محمد جديدي التبسي

2012-07-11, 11:16

عندك الحق أستاذة مباركة
الخضرة وما لحقناش عليها بالصح كيما قالت النجمة أغلب من يظهر عليهم الفقر اللحم ما يخطاهمش والجزار ديما عندو الغاشي
حتى في بيتنا أحتار في الوالد أحيانا ما نلقاوش الخضرة وحاجة ما كان في الدار ونلقاه جايب اللحم وحدو !! ويقولي جيب انتا حاجة نطيبوها معاه :)

djfr

2012-07-11, 13:34

بارك الله فيك

ميرثا

2012-07-11, 14:18

سبحان الله ومن قال اننا لم نقاطعها وننتظر منهم الاشارة

اللحوم قاطعناها من زماااااان وليس حتى هدا اليوم

karim.dz

2012-07-11, 14:25

سلام...
اليوم وانا اتصفح الجرائد اليومية قرات موضوعا يطالبنا اصحابه بمقاطعة اللحوم ___نظرا للغلاء الفاحش لها __ وبما اننا ندرك قيمة العمل الجماعى ...يد الله مع يد الجماعة نادت فيدرالية المستهلك فى الجزائر بالتعاون مع مجموعة من اهل الخير للمقاطعة نتاع اللحوم بانواعها من 10 الى 16 جويلية 2012 ويمكننا تعويض البروتينات بالخضر والبقول الجافة حتى تنزل اسعارها

ضحكت ضحكا لم اضحكه منذ مدة ...يا للنداء الابله..
نقاطع اللحوم من ....الى ......هههههههههههههههههههههه رانا مقاطعينها من العيد الكبير وان كان على القطع اللى نشريها كى يجو الضياف راها تنزف فى القدر قبل ماناكلوها...
وراهم يقولولكم ثانى تقدروا تعوضوها هذا الاسبوع بالخضر ههههههههههههههههههههه كللى الخضر رخيسة....باطل

مانيش عارفه هاذو الناس وين ساكنين ...اذا كان اكثر من نصف الجزائريين تحت خط الفقر واش يزيدوا يقاطعوا ...مازال الماء

............................_قاطعوه لا يقطعوه __................................................ ................
ياخى ناس يخى ...
على كل انا رانى دخلت المقاطعة من ذرك ....فمن يسلم يسلم

ههههههه يعني على حساب فهامتهم رمضان هذا العام نصوم الليل مع النهار
على اعتبار ان الاسعار ستلتهب في هذا الشهر ....
فعلا شر البلية مايضحك .....

arbodar

2012-07-11, 14:26

ههههههه ضحكتني خويا يعطيك صحة
لكن متنساش الجزائريين في رمضان يخرف عليهم الصيام يشرو برك مهما غلت الاسعار هههههه

عربية الهوية

2012-07-11, 15:20

السلام عليكم
معك حق
بلاد ميكي
انا عن نفسي مقاطعاتو كامل مناكلوش متهنية منو

soso sirin

2012-07-11, 15:41

حنا في الدار تقدري تقولي علينا نباتيين و الصح نموتو غير على البطاطا برك مي باه مانكذبش عليك حنا مااكلوهش بزاف مي نشروه الصح والفت نطيب بيه يا لوكان ندير غير شوية برك .و زيد الجاج هكاك و ناكلو و مرات يجيني على القوسطو مي اللحم والله ماعلابالي بيه كامل .و زيد شكون من الجزايريين الي ماراهش دايرلو المقاطعة كاين ناس مساكين ماهمش صايبين الخبز باه يشروه و هوما يقولولهم قاطعو اللحم ربي يهديهم والله الواحد الما و راه يشريه و كون غير راه يجي مليح خصنا نولو نشرو الهوا و هي كملت علينا

عربية الهوية

2012-07-11, 15:43

خليهم راهم يشيخو بالشعب مسكين

سيفاو

2012-07-11, 15:52

بالعكس مبادرة حميدة من شأنها تكريس ثقافة المقاطعة لدى المواطن
لايوجد دخان بلا نار
سبب التهاب الاسعار هو الاستهلاك الواسع للحوم
علينا بتشجيع المبادرة بدل التهكم