مشكلة

[مشكلتي]

لسلام عليكم
انا مخطوبة واحب خطيبي جدا وهو كذالك فانا لا لن اتخل عنه او هو يتخلى عنى فحبنا مر بضغوطات كبيرة برهنت لنا تمسكنا وبرهنت لاهلنا انهم لن يفرقو بيننا
زوجى بما انو فتحنا يعنى عقد شرعي عندما خطبنى لم يكن يملك فرنك في جيبو هو خدام ولباس بيه مي معندوش دراهم لانو كان داير كريدي ودارهم تاع الخلصة كامل يروحو للكريدي
فتحنا لم يكن يملك مهري فقررت انو نعطيلو مهر من دراهمى قدام اهلنا على اساس انو هدى مهري وتفهمنا انو كل مايخلص يعطيني
فاصيليتي بمعنى عبارة وهاد شي عادي عندى لانو حبنا اكبر من ماديات واصلا دينا ماقالش حددو المهر وهاد شيئ رمزي وانا لولا انو هدرة تاع ناس نقلو ديرلي خاتم برك
خطيبي عندو مشكل وهو انو يحبنى يكون اول في حياتى وهدى من حقو وحق اي رجل عربي عندو رجلة بصح انا كان عندى ماضي شيئ بسيط يعنى تعرفت على واحد برك وحكينا لمدة شهر ونص وتركنا بعضنا وامام لبنات واش يديرو انا مادرت والو مهم
خطيبي يقلي كون نعرف بلي عرفتى ولا خبيتي عليا نقتلك انا راجل وعندى نيف
انا قلتلو انو هو اول واحد في حياتى وصح والله عظيم هو اول واحد
هو كي يزعف يحكى بزاف ويبدى غير يخليط يعنى يسبنى وكي نزعف منو يقلي سمحيلي وانو الله غالب عليه هو تربى هكدا وانو راح يغير العادة هادى
دروك انا مانيش نقدر نستحمل كل ماندابزو يسبنى انا نعرف بلي يحبنى ودار كل شي على جالي وهدى شي فوق راسي وعلى عيني بصح على اقل يكون احترام في علاقة وحب بلا احترام راح يجي نهار وين ينهار وانا مانيش حبا نصل معاه لهدى درجة انا ستحملت كل شي على جالو وراح نستحمل في حياة زوجية لانو انا عارفة انو مراحش نعيش حياة رفاهية ورغد وراح نتاقلم بما انو قبلت بيه وقلت نعم راح نستحمل قراري
حب نغيرلو عادة تاعو
وشي تانى لم عرفنى كان في عندى صديقات كيما لبنات تاع دروك يحكو في تليفون مع لي جات يقلي رانى خايف انتى كنتى منهم
كيفاش ندلو هدى
هو يقلي نعرفك بنت فاميلا على هدى خطبتك ونويتك تكن زوجتى بصح كون نعرف بلي خبيتي عليا راح ننقلب عليك
واش ندير نصحونى وانا والله مادرت والو هي علاقة دامت شهر ونص وكل واحد راح في طريقو
نصحونى ربي يخليكم

[طيبة نفس]

عفا الله عما سلف اذا غلطت وتبتي بالمعنى ملي زدتي عرفتي خطيبك ما حكيتي حتى مع واحد ماكان لاه تحكيلوا على خاطر يحس بلي كذبتي عليه ويولي يشك فيك

اما حاجة حبا تبدليلو طبايعو بلاك وحدوخرين يقدرو ينصحوك خير من ربي يهنيك

[جسر الأمل]

اختي مادام حكيت شهر ونص هداك ماضي ومادام ربي سترك ماكالاه تفضحي روحك وتحكيله باسكو هكا غادي تحطي روحك في موقف ربي العالم بيه
زيدي حباباتك هدو اجبدي عليهم وقوليله بلي بعدتي عليهم علاجاله باش يحس بالامان، بيناتنا عنده الحق يشك باسكو صحاباتك يهدرو مع كل من هب ودب
في مسالة السب فهميه وقوليله لازم يضبط اعصابه ولا يكوبي عليك خير من السب
مسالة تغيير الشخصية والله مانقد نفيدك لخاطرش كل راجل وكيفاش والاغلبية لازم تعامليه بالحنانة والظرافة يعني تكسبيه وتصبري عليه
وربي يحفظك
صافي بليزير نلقو وحدة تخمم كيفك ياو انا نعرف مخطوبات راهم يظلو مجمعين مع ناس غرباء
ربي يهدينا

[محمد جديدي التبسي]

قلت باللي راه عندو النيف
وسلّف من عندك دراهم مهرك!!
النيف هنا كان معطل مؤقتا لكن في قضية العلاقات السابقة ظهر عندو النيف
كما أن الحب قبل الزاوج -إذا كان الشخص عديم الأخلاق- فلا معنى له "ومررنا بصعوبات وبرهنت لنا تمسكنا ..." وما إلى ذلك كلها تفاهات من وجهة نظري

زواجك من شخص يقلل احترامك في كل مرة يغضب فيها ولأسباب تافهة يجب أن تعيدي حساباتك وربي يوفقك لكل خير

[arc en ciel]

ربي يهنيكم
باين عليك تحبيه بزاف و حتى هو كيفك
كيما قالولك مادام تبتي على هاديك العلاقة علاه تعاودي تجبدي الماضي ؟؟؟
اما انك تبدليلو شخصيتو واش نقولك
استمري عامليه بالحسنى و ادعي ربي

[عُضو مُحترم]

قلت باللي راه عندو النيف
وسلّف من عندك دراهم مهرك!!
النيف هنا كان معطل مؤقتا لكن في قضية العلاقات السابقة ظهر عندو النيف
كما أن الحب قبل الزاوج -إذا كان الشخص عديم الأخلاق- فلا معنى له "ومررنا بصعوبات وبرهنت لنا تمسكنا ..." وما إلى ذلك كلها تفاهات من وجهة نظري

زواجك من شخص يقلل احترامك في كل مرة يغضب فيها ولأسباب تافهة يجب أن تعيدي حساباتك وربي يوفقك لكل خير


عجبتني ياسر تاع النيف كان معطل مؤقتا

مستحيل واحد عندو النيف

وياخذ مهره من عند خطيبته؟؟؟

بارك الله فيك اخي محمد
============================



ياخذ المهر منك و يغضب و يسب ؟؟؟؟
صدقيني يا اختي هناك شيء خطأ في هذا الشخص

[- بصمة خير -]

فاصيليتي بمعنى عبارة وهاد شي عادي عندى لانو حبنا اكبر من ماديات واصلا دينا ماقالش حددو المهر وهاد شيئ رمزي وانا لولا انو هدرة تاع ناس نقلو ديرلي خاتم برك

المهر حق الزوجة مش حاجة زيادة

و من شروط الزواج

لو أهلك ماعندهمش مشكل في المهر لو شرطتوا المهر يكون مصحف و السلام

و لاه راه يسبك و يعايرك

لانك تنازلتي على حقك

شوفي طريقة كيفاه ترجعي حقك يعني المهر

و اذا ماكنش طريقة باش ترجعي المهر

لازم طريقة يعرف انك لا تتنازلين على حقك

و حقك مش تروجي تقوليلوا جيبلي المهر ذورك ذورك و الا ...

أو المعايرة أو ....

كل شيء بأدب و احترام

و على الماضي

اللي فات مات و أستري على نفسك و ماتحكيش

راه يدريلك هكذا باش يخوفك و تحكي

توبي و استغفري ببببببببززززززاااااااااااففففففففففف

الله غفور رحيم و ايضا شديد العقاب

استغفري

كاين فرق بين حقك

و بين تطلبي فوق طاقة الزوج

و بين مساعدة الزوج
_____________

[ناصرالدين الجزائري]

أنصحك أختي باخبار أهلك أن خطيبك يسبك حين يغضب .. لأن الخطوة الاولىهي السب ثم سيضرب بدون أي أدنى شك عندما يحس أن الشتائم لا تشفي غيضه .. فهل ستقبلين اعتذاراته حينها ...
هذا رأيي و الله تعالى أعلم

[بنت الحجاج]

لوكان أنا في بلاستكْ

ما نقولوشْ على واش] فاتْ








ثاني ما نقبلش نمدلو لمهر أنا !!!

[*سيرتا *]

قلت باللي راه عندو النيف
وسلّف من عندك دراهم مهرك!!
النيف هنا كان معطل مؤقتا لكن في قضية العلاقات السابقة ظهر عندو النيف
كما أن الحب قبل الزاوج -إذا كان الشخص عديم الأخلاق- فلا معنى له "ومررنا بصعوبات وبرهنت لنا تمسكنا ..." وما إلى ذلك كلها تفاهات من وجهة نظري

زواجك من شخص يقلل احترامك في كل مرة يغضب فيها ولأسباب تافهة يجب أن تعيدي حساباتك وربي يوفقك لكل خير



نعم الراي.....

[hayet04]

انا فراي ماتقوليلوش خلاص عليه ماهيش حاجة لي تخسريه عللى جالها واما على الكلام الزايد حاولي تنحيلو هد ي الحاجة سي نو يجي نهار يسبك قدام اولادك و هوما يهزو عليه و يولو يسبوك و ماشي لازم تحكيلو واش يديرو صحاباتك هدا رايي انا

[layla88]

سلف حق المهر من عندك !!!!!

[صُبح الأندلس]

يا أختي بصراحة لم أعد أفهم البنات ؟ تترك حتى تعقد العقد الشرعي أو المدني و تبدأ تشتكي من تصرفات خطيبها
أين كنت من قبل ؟ لم لم تظهر لك عيوبه إلا بعد أن ربطت نفسك به و علم من علم ؟
المهم لا مجال للعتاب الآن، و مع ذلك لم يفت الوقت بعد مادام لم يدخل بك ، إذا كان أسلوبه معك عبارة عن شك و وساوس و كلما حدث اختلاف سبك و شتمك فاعلمي أن ذلك ديدنه بعد الزواج و ربما أسوأ ، فالرجل عادة يظهر الود و اللطف أثناء الخطوبة و لكن هذا لم بفعل فماذا تتوقعين بعد الزواج ؟ كما أن سؤاله كل مرة عن ماضيك محاولة لإجبارك على الاعتراف و إذا اعترفت فسيتركك في الحال بعد أن يسمعك ما لا أذن سمعت
ثم و كأنه هو مَلك منزل لم يسبق و تكلم مع فتاة أو ربط علاقة بها ،و باعتقادي أن من كان يفعل ذلك هو من تكثر عنده مثل هذه الشكوك
و الأمر لك الآن
ملاحظة أختي : حين أوجب الله تعالى المهر على الرجل ليعرفه على قيمتها فلا تفرطي في مهرك أبدا ، أقول هذا لتجارب رأيتها

[لقرع بوكريشة]

ابدا ما بنى الكذب بيوتا ايتها الاخت الكريمة

الغريب في الامر ان كل الاعضاء وفي ردودهم قالو ....لازم تخبي عليه علاقة الشهر والنصف...ايعقل هذا؟؟؟ اهذا يعتبر صدقا؟؟...اهكذا توضع اسس الاسر والبناء الزوجي؟؟....هو يؤكد لك اختي الكريمة انه لا يتسامح معك ان عرف انه لك ماض مع اخر... تقومي انت تتستري على ذالك؟؟؟......ماذا لو عرف من غيرك او ممن كنت معه على علاقة...او من الجيران او من الحي ماذا لوعرف من احدى زميلاتك....؟؟؟ كيف يكون ردك؟؟؟ وكيف تتصرفين حينئذ بعد ما تتقدمون بالعلاقة بالارتباط والاولاد؟؟؟..كيف ساعتها تقنعينه او تقنعين اهلك واهله؟؟ او تقنعين نفسك؟؟؟...يا جماعة يا اعضاء يا محترميين...ان الصدق اسمه صدق...والصراحة لا تفسير لها الا الصراحة....اتمنى ان يكون النصح والردود مبنية على اساس صحيح والا فلا....لادخل للعواطف هنا...............اتمنى ايتها الاخت ان تصارحي خطيبك بهذا الشهر والنصف بالتمام والكمال وبالتفاصيل الدقيقة وتخبريه من هو صاحب الشان...وهل مازالت العلاقة بينكما الان ام لا........واتركي له ان يقرر ساعتها على يقين...وحينها تكونين انت مرتاحة من القيل والقال...وكثير السؤال.....ويكون بناءك للعش الزوجي على صفاء ونقاء وصدق...............
اسف اختي ان كان ردي محرجا بعض الشيئ ..لكن ما الذ طعمك ايتها الصراحة..وما اروع نبراتك يا صدق
ان كان الكذب ينجي فالصدق انجى وانجى............................................. .....شكرا.........................اقرع

[hayet04]

ابدا ما بنى الكذب بيوتا ايتها الاخت الكريمة

الغريب في الامر ان كل الاعضاء وفي ردودهم قالو ....لازم تخبي عليه علاقة الشهر والنصف...ايعقل هذا؟؟؟ اهذا يعتبر صدقا؟؟...اهكذا توضع اسس الاسر والبناء الزوجي؟؟....هو يؤكد لك اختي الكريمة انه لا يتسامح معك ان عرف انه لك ماض مع اخر... تقومي انت تتستري على ذالك؟؟؟......ماذا لو عرف من غيرك او ممن كنت معه على علاقة...او من الجيران او من الحي ماذا لوعرف من احدى زميلاتك....؟؟؟ كيف يكون ردك؟؟؟ وكيف تتصرفين حينئذ بعد ما تتقدمون بالعلاقة بالارتباط والاولاد؟؟؟..كيف ساعتها تقنعينه او تقنعين اهلك واهله؟؟ او تقنعين نفسك؟؟؟...يا جماعة يا اعضاء يا محترميين...ان الصدق اسمه صدق...والصراحة لا تفسير لها الا الصراحة....اتمنى ان يكون النصح والردود مبنية على اساس صحيح والا فلا....لادخل للعواطف هنا...............اتمنى ايتها الاخت ان تصارحي خطيبك بهذا الشهر والنصف بالتمام والكمال وبالتفاصيل الدقيقة وتخبريه من هو صاحب الشان...وهل مازالت العلاقة بينكما الان ام لا........واتركي له ان يقرر ساعتها على يقين...وحينها تكونين انت مرتاحة من القيل والقال...وكثير السؤال.....ويكون بناءك للعش الزوجي على صفاء ونقاء وصدق...............ان كان الكذب ينجي فالصدق انجى وانجى............................................. .....شكرا.........................اقرع

حنا قلنا تبقي الستر هي غلطة صراط علاه ندرو منها قصة ونكبروها و ادا وليتا لي صح ماكانش لي ماعرفش و ماهدرش في التليفون الصدق في بابو و الستر في بابو العلاقة كانت قبل ما تكون معاه مالا ماكانش علاه نديرو من حبة قبة يا اختي الي فات مات بقي الستر و انساي الحكاية ربي و يستر عبدو

[malak achark]

كان الله في عونك