خطيبـــــــي

[مشكلتي]

السلام عليكم
اخواني راني في ورطة انا فتاة مخطوبة لواحد الجوندارم. .... في البداية صارحني و قالي بلي كان خلاط لكن ملي عرفني تبدل بصح انا بغييت نسييه دونك قلت لصديقتي المقربة تحكي معاه و في حضوري طبعا ايا صحبتي حكات معاه ................ ايا تخيلو واش قالها قالها .............. نتلاقو ................و قالها نديرو رونديفو ..................................
المهم خاوتي انا و الله ماني خلاطة هو الوحيد لي عرفته بصح معلاباليش مين جاني هاد ............. و راني حابة نفسخ الخطبة و راني خايفة منه
واش تنصحوني انا صاي كرهته

[arc en ciel]

في رايي غلط كي خليتي صحبتك تحكي معاه

هو صارحك من البداية و بينلك نيتو انو حاب يبطل التخلاط امالا لازم انتي توقفي مع روحك و تنسيه اي امرة اخرى
مادام راه خطيبك اكسبيه كوني دكية اختي راكي امرة و تفهمي
في رايي كون مليتي وقتو بيك مايخلطش

و كل انسان و نيتو

[soso sirin]

والله ماعلابالي علاه رانا نوصلو رواحنا لحاجة كيما هكا هو يتاستي و هي تساتي نقلك حاجة هو قالك كان خلاط انتي قبلتي بيه امالا كون ماخليتيش صحبتك تعيطلوو زيد كيفاه حطيتي روحك و حطيتيه و حطيتي صحبتك في موقف كيما هكا و انتي اختي سقسي عليه مليح لانو كاين ناس يتبدلو مي كاين ناس والله و يكبرو مايتبدلو و يقعد فيهم هذا الفيس مي ماشي هو الي غالط برك اني تاني غلطتي معاه لانو قبلتي بيه و عارفاتو كيفاه داير

[hayet04]

السلام عليكم
اخواني راني في ورطة انا فتاة مخطوبة لواحد الجوندارم. .... في البداية صارحني و قالي بلي كان خلاط لكن ملي عرفني تبدل بصح انا بغييت نسييه دونك قلت لصديقتي المقربة تحكي معاه و في حضوري طبعا ايا صحبتي حكات معاه ................ ايا تخيلو واش قالها قالها .............. نتلاقو ................و قالها نديرو رونديفو ..................................
المهم خاوتي انا و الله ماني خلاطة هو الوحيد لي عرفته بصح معلاباليش مين جاني هاد ............. و راني حابة نفسخ الخطبة و راني خايفة منه
واش تنصحوني انا صاي كرهته

كان تقوليلو الي درتي هو يكرهك و خطيك من هد الحوايج انتي عرفتي بلي مازال يتحرك حاولي انك تكسبيه و ديري في بالك ومع احترماتي للرجال لي راهم هنا الراجل مايشبعش و هدي طبيعتو الجري ورا النساء الا من رحم ربي وربي يسهلك

[abdel02]

الرسول صلى الله عليه وسلم نهانا عن التحقيق عند الشك...أنت شككتي في أمر هو صادقك فيه...وعوض أنك تساعديه في الخروج منه نهائيا...رحتي تتأكدين وتحققين وفي الأخير وصلتي لنتيجة صدمتك...المهم...لا تفسخي خطوبتك...حاولي ترجعي وإياه إلى الكتاب والسنة ففيهما مايشفي صدوركما ويجمع بينكما على خير إن شاء الله تعالى.

[loubna2]

راكي غلطتي كي عطيتي لصاحبتك تحكي معاه
صدقيني نفس التصرف سيعمله اي رجل حتى ولو مش خلاط
انتي حاولي تراجعي نفسك وثقفي نفسك من النث عن طرق كسب قلب الرجل ومساعدته على الاستقرار ستجدين الكثير في النث
ولا تصارحيه بما فعلتي لانه سوف يحتقرك
وما تأمنيش في صاحبتك ابدا وتعطيها رقم خطيبك ياما حكايات صراو وصديقات خانو صديقاتهم
لا تضعي النار جنب الزيت وتقولي شعلت
حاولي تكسبيه وتكوني ذكية وماشي تتصرفي تصرفات طفولية صدقيني سيستقيم مع الزمن وانتي وشطارتك

[فاطمة الزهراء31]

السلام عليكم
يابنات مانغطوش الشمس بالغربال راجل قال كان خلاط وتبدل معاها بحقه مايهدر مع حتى بنت وننصحك ختي خطيك منه وكان نتي فوتتلك صاحبه وهدرتي معاه يتقبلها؟!!!!!! وراجل الخلاط مايتبدلش مدام خانك دروك توقعي تتزوجوا وتلقيه يهدر ويخونك....صلي صلاة الاستخارة وشوفي في الاخير الراي رايك

[malak achark]

استخيري الله اختي وكان الله في عونك

[hodayena]

الراجل الخلاط كي يطيح في يعني يحبها وينويها للزواج وحدة والله لوكان اتجي الف مرة ومرة متقدر تبدلو عليها تجربة شخصية خطيبي كان يعرف بنات من وقت الليسي ووحدة كانت صحبتي الانتيم لكن كنت منعرفهاش يعني كانت هي في الليسي وهو تاني وانا كان عندي البويام وكانت معاه ومنبعد تفارقو وتعرفت انا عليها وولينا صحابات الروح بالروح حتى جا النهار الي قاتلي خطيبك كنت معاه قلتلها قلتلها ميهمش موراك ياما عرف بنات والان انا الي داخلا للدارو انتي نورمالمو تعرفي كيف متخليهش يشوف وحدوخرة من غيرك رايحة تبعتي صحبتك واش تعرفي واش كاين في قلب صحبتك

[دكتورة بإذن الله]

مولـــــى الطبع ما ينطبع ...

لي خاين خاين و كان نحطوه في الجنة استغفر الله يخــــــون يخـــــون ...

و لي متربي متربي وطبعه الوفاء و عندو ضمير و كان نحطوه بكل مالذ و طاب من شهوات الدنيا

و الله ما يغلط ويخاف ربي و يشتعل ضميره حينها و اذا غلط يغلط غلطا خفيفية و يتوب..

اذا كان خطيبك من النوع لول غير نحيه من بالك و قوليلو الله يسهل قبل ما يقولهالك قبل الزواج ويقلك راني بطلت

او بعد الزواج يقولهالك ضمنيا بتصرفات تشمين منها روائح الخيانة هاذي وحدة في التيليفون و اخرى في الفايسبوك

و اخرى في الحقيقة و اخرى في الخيال و اخرى تعلميها و اخرى تجهليها ...و ثم تكون اطرفت عليك

شوفي اختي نقلك حاجة هذا زواج ماهوش لعب و لازم اساسه يكون متين من الاول ..

وانت راكي تختاري في شريك حياتك و اب اولادك مستقبلا اذا فيه بذرة صالحة ادعي ربي يهديه واذا العكس ماعندك ما

تسقمي فيه ..

انا حللت لك الموقف و انت الخيار الاخير لك

و استخيري و ميزي امليح و نسأل الله لك التوفيق ..

و هذا راي و الله ادرى و اعلم

[النجمة القطبية]

ابدا جوابى باية
(يَا أَيُّهَا الَّذِينَ آَمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآَنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حَلِيمٌ (101) قَدْ سَأَلَهَا قَوْمٌ مِنْ قَبْلِكُمْ ثُمَّ أَصْبَحُوا بِهَا كَافِرِينَ )
المفروض يا اختى انتى منحتى هذا الشخص ثقتك والدليل انك قبلتيه خطيبا رغم اعترافه وبالتالى زوج المستقبل المفروض تصلحى النية وتصلى استخارة وتتوكلى على الله
لكن للاسف انتى بدل من ان تفكرى فى اصلاح الامور رحتى وكانك ترمى فيه للتهلكة
وبمساعدة صديقتك ولا اعلم اى صديقة هذه اللى عندها الجراة للقيام بعمل مثل هذا
فى اعتقادى خلاص فسدت النية وسقط الاحترام ودخلت الشكوك قلبك
فتركه فى هذه الحالة اولى بما ان امره انكشف امامك واتركى عنك تلك الصديقة لان جراتها غير محمودة
واش نقولك الا اذا قدرتى تصلحى الامور واولها اصلاح النيات
بالتوفيق

[Rose19]

في رايي غلط كي خليتي صحبتك تحكي معاه

هو صارحك من البداية و بينلك نيتو انو حاب يبطل التخلاط امالا لازم انتي توقفي مع روحك و تنسيه اي امرة اخرى
مادام راه خطيبك اكسبيه كوني دكية اختي راكي امرة و تفهمي
في رايي كون مليتي وقتو بيك مايخلطش

و كل انسان و نيتو
اختي الرجل الخلاط مايحبش في يوم هو كالمدمن و رد فعل خطيبك ليس بغريب يعني مدمن يحاول الاقلاع يضعون بين يديه المخدر في رأيك ماذ سيفعل؟
كاين الي يلقى الضروف الي تساعد على الابتعاد عن الحرام: الزوجة المحبة و البيت الهادئ و الاطفال....
و زيد انتما مخطوبين فقط يعني مازال العشرة ما بداتش
و أكيد كاين الي ماراح يتوفق ابدا حتي و عمرو 100سنة.
و خطيبك نوى يعني هذا وين بدا.
لا تتسرعي اعطيه فرصة و اذا استخرت الله قبل القبول فلا تخافي و حاولي ان تقربيه من الله و يحافض على صلاته اذا كان يصلي و ا لا اقنعيه , فالصلاة تنهي عن الفحشاء و المنكر.

[Amouna.DZ]

نقولك حاجة كل وحدة وتلقاي رأيها مخالف للأخرى لانو كل وحدة وعقليتها و كل وحدة واش عطاها ربي في قلبها
عن نفسي نقولك سقسي مليح مليح ملييييييييييييييييييييح على هدا الشخص قبل مايوقع الفاس فالراس هدا زواج ماشي لعب معناتها انسان راح تسلميلو روحك و قلبك و عقلك......... لازم تعرفي وين راح تحطي رجليك.

[achwak.1993]

هوما الرجال تقريبا كلهم كيف كيف ما يشبعوش

[عُضو مُحترم]

الخلاط ما يتبدلش

كون قاللك غلطت ... مُمكن

ولكن بما انو قاللك خلاّط

غير اخطيك

و ماكان لاه عمرك معاه

[جسر الأمل]

الخلاط ما يتبدلش

كون قاللك غلطت ... مُمكن

ولكن بما انو قاللك خلاّط

غير اخطيك

و ماكان لاه عمرك معاه

تساعفيني وديريني في الراي شريكة غير خودي برأي خونا عضو باسكو راه راجل ويعرف المليو تاع الرجال مليح، خويا برحمة الوالدين كثف مشاركاتك في قسم المجتمع راك نورتنا بزاف وياما شعب استفاد منك بلا ماتعرف
ربي يحفظك خويا

[ناصرالدين الجزائري]

عندما يحكي المرء عن أفعاله فهذا يعني أنه يفتخر بها و يحن إليها .. و لو كان فعلا نادما على ما فعله و ينوي الاقلاع عنها لكان تفادى ذكرها على الاقل حياء من أن يفضح نفسه ..
إذا كان الوازع الديني و نيته السابقة للاقلاع لم يمنعاه من مواعدة صديقتك فتأكدي أن وجودك في حياته لن يكون مانع لوحده حتى يغير من طباعه ..
أنت اخترتي زير نساء و صدقتي كلامه فلا تتعجبي إن بقي كما عرفتيه في لمستقبل ..
و ليكن في علمك فقط أن زير النساء يقوللكل بنت يتعرف عليها أنها ليست ككل البنات و أنها الوحيدة في قلبه ... هذا لا يعني أنه لا يريد الزواج لكن العشيقة و الصديقة لا تخدمه في البيت .. باختصار الكذب هي الصفة الاساسية عند من يخالط النساء فلا تثقي في الوعود بل ثقي بالافعال فقط ..
هذا رأيي و الله تعالى أعلم

[hamsa1987]

الاراء تختلف حسب شخصية الانسان انا انسانة عندي النيف و نورمالمون ماش غير الطفلة لازم تكون مثالية و بنت فاميلية و من الدار ما تخرجش لازم حتى الراجل يكون ولد فاميلية لانو في الاسلام ماشس حلال على الراجل و حرام على المراة الكل سواسية
كون جيت انا ننساه و نهني روحي خير من نولي نبكي على سعدي كي تطفر

[b.mayssouna]

أول خطا درتيه اختي انك دخلتي صاحبتك في النص لكن معليش صرات وخلينا في الحاضر
لكن صاحبتك هدي محضر خير وتحبك خليها تتلتاقى بيه على روحها وحنا حتى لدرك مانظلموهش
لا ثبت وتاكدت سوا بالكريقة هدي او اخرى انو يخون فيك وكلي امرك ربي وفسي الخطوبة حالا ربي يعوضك لي خير منو
+
قولي الحمد لله لي تولهتي بحاجة كيما هادي درك احسن من مبعد لكان الامر تعقد
بالتوفيق وربي يهنيك

[naili_legend]

المشكل الكبير ...لما يعرفك بلي راكي درتيلو تاست ....هاذي حكاية قريتها حيلة خرجتلي عجب ....و شوفي نفسك إذا صح راكي حاسة روحك ترتاحيلووو ...و إذا زوجتووو أنت اللي تسقميه بصح بذكائك ماشي بالمراقة و ربي يتمم بخير .....و ديما زيني النية و الاستخارة ...ربي راه ما يضيعش .....و ابنو قصتكم على الشريعة الاسلامية .....خليكم من اللقاءات اللي قبل الزواج....و كثرة الهدرة ....مانيش رايح نفتيلك الكل راه يعرف ...السلام عليكم ...ربي يتمم ان شاء الله بخير

[~~ أغيلاس ~~]

هوما الرجال تقريبا كلهم كيف كيف ما يشبعوش

أنت مخطئة، كل أصحابي جامي ويلا خلطوا، لم يقيموا علاقات محرمة و لو بالكلام أبدا،،،،،،،،،،،،،،،،،،،،،،، اكيد اللي نخالطهم كيما أنا .

و عليه لا تحكمي على كل الرجال بفعل بعضهم، كما ليس للرجال أن يحكموا على النساء بفعل بعضهن .

ـــــــــــــــــــــــــــــــــــــــــــــــ

بالنسبة لصاحبة الموضوع أنصحك كأخ لك،،،،،،،،،،،،،،، ابتعدي عنه و لا تخافي، ما عندو ما يدير .

و في المرة القادمة حتى انت ما تخلطيش، لأنك تكلمت مع الرجل رقم // 1 // بدون علم ولي أمرك، يعني لو تكلمي الثاني بدون علم ولي أمرك سوف تصبحين أنت أيضا فتاة // خَلاطة // .

الفتاة لا تُخطب من نفسها و إنما من وليها .

[karimblida]

تصرفك غير مقبول
جوندارم و خلاط ,,,,يعرف ملييييح العقلية
قولي لصاحبتك تروح تتلاقاه ,,,اغلب الظن راح يجريها هذا ماشي منو النسا و لكنه يغتنم أنصاف الفرص
ممكن جدا تصرفك راح يدور عليك من جهة حبيبتك,,,,ردي بالك

[leila-bee]

اختي شوفي انت من الاول كان علابالك بلي رااح يتكلم معاها اذان علالاش جربتيه وانت تقربيا عارفة النتيجة همال نقلك ادا قدرتي تفسخي غير خليك منوو لانو من الاول راه ميشدش في كلمتوو كاامل لانوو الخلالاط عمروو ما يتبدل يبقاا يبقاا يخلطط ......و ديري انت الي يخرج عليك ونحن اعضاء المنتددي رانا نقتارحوو برك وانت قرري لانها حيااتك