رأيكم يهمني

[@ أمـينـة-94 @]

السلام عليكم

أعلم قد لا يكون الموضوع في مكانه وآمل ان لا ينقل

أنا في حيرة من أمري ولم أعد أفرق فكل يمدح لي شعبة ويعطيني عيوب أخرى

ولم يبقى إلاكم

أيهم الأفضل بين الثلاثي طب , جراحة أسنان, صيدلة

وماذا عن المدارس التحضيرية

استنصحكم فهل من ناصح

وجزاكم ربي خيرا كثيرا

[imi02i]

السلام عليكم ورحمة الله
أختي خليك من الناس ومن التدبار تاعهم
على خاطر كل واحد راه يشوف على حساب قوسطـوه
ياك انتي اللي راح تقراي
شوفي الشعبة اللي تحبيها واللي راكي قادرة عليها
..
مرة زميلتي في الأولى ثانوي زعمت باش تدير تخصص رياضيات وطلباتو
لكن الناس مخلاتهاش في غرضها
واللي يسمعها دارت رياضيات يقلها علاه درتيها وراها صعيبة بزاف
علما أن البنت قادرة عليها
وماكان عليها في الأخير إلا أنها غيرت الشعبة وندمت أشد الندم
وعادت الثانية ثانوي

أختي أنا مانقلك ديري والو
في ثلاثة ملاح
وشوفي اللي قادرة عليه انتي

[الواثق]

اذا قررت الدراسة في الجامعة فهذه نصيحتي لكي ..........اولا انصحكي بتقوى الله في السر والعلن .....ثانيا انت بنت وافضل ان تدرسي الصيدلة فعمل الصيدلية تستطعين جتناب في الاختلاط والامور المنهية .....كما تستطيع توضيف احد من محارمك فتكونين سببا للرزق ...................كما ان الدراسة 5 سنوات افضل من الطب ..........................اما طب الاسنان او الطب العام فنادر مانجد الاحتراز فيه من المنهيات والله اعلم ........................

كما انني انصحك بان تخلصي النية لله عزوجل وان تبتعدي عن الاختلاط قدر المستطاع وان تدرسي في الجامعة الاقرب اليكي وان تبتعدي عن الاقامات البعيدة .........................

بالنسبة للمدار سالتحضيرية لا انصحكي بها فانت بنت ولايناسبك العمل في المجالات التقنية او الهندسة .................والله اعلم بالصواب

[@ أمـينـة-94 @]

السلام عليكم ورحمة الله
أختي خليك من الناس ومن التدبار تاعهم
على خاطر كل واحد راه يشوف على حساب قوسطـوه
ياك انتي اللي راح تقراي
شوفي الشعبة اللي تحبيها واللي راكي قادرة عليها
..
مرة زميلتي في الأولى ثانوي زعمت باش تدير تخصص رياضيات وطلباتو
لكن الناس مخلاتهاش في غرضها
واللي يسمعها دارت رياضيات يقلها علاه درتيها وراها صعيبة بزاف
علما أن البنت قادرة عليها
وماكان عليها في الأخير إلا أنها غيرت الشعبة وندمت أشد الندم
وعادت الثانية ثانوي

أختي أنا مانقلك ديري والو
في ثلاثة ملاح
وشوفي اللي قادرة عليه انتي


وعليكم السلام ورحمة الله تعالى وبركاته

بارك الله فيك اختي وربي يهينك

كلامك صحيح

وحتى انا يقولولي ميدسين تقراي 7 سنين ومااديري والو إلا ماكملتيش
فارماسي و دونتيست تقراي 6 سنين تدي الدكتورا
بالاخذ بعين الإعتبار مدة الدراسة وخاصة بالنسبة لبنت


ومازاد حيرتي انا كنت اتفقت مع جماعة صحاباتي انديرو كيف كيف طب وانكملو
ولكن هوما بدلولهم رايهم ولاو وحدة اتقولي اندير جراحة اسنان ووحدة اتقولي صيدلة و ما نضيعش حياتي
وكملي وحدك

بمختصر القول في حيرة تامة

[@ أمـينـة-94 @]

اذا قررت الدراسة في الجامعة فهذه نصيحتي لكي ..........اولا انصحكي بتقوى الله في السر والعلن .....ثانيا انت بنت وافضل ان تدرسي الصيدلة فعمل الصيدلية تستطعين جتناب في الاختلاط والامور المنهية .....كما تستطيع توضيف احد من محارمك فتكونين سببا للرزق ...................كما ان الدراسة 5 سنوات افضل من الطب ..........................اما طب الاسنان او الطب العام فنادر مانجد الاحتراز فيه من المنهيات والله اعلم ........................

كما انني انصحك بان تخلصي النية لله عزوجل وان تبتعدي عن الاختلاط قدر المستطاع وان تدرسي في الجامعة الاقرب اليكي وان تبتعدي عن الاقامات البعيدة .........................

بالنسبة للمدار سالتحضيرية لا انصحكي بها فانت بنت ولايناسبك العمل في المجالات التقنية او الهندسة .................والله اعلم بالصواب



بارك الله فيك اخي الواثق سدد الله خطاك وجزاك كل الخير

كلامك عين الصواب وصدقت فيما قلت

وانا فكرت في هذا و من جانب الاختلاط أيضا

ولكن من جانب الإنسانية الطب افضل صحيح؟

فقط لعلمك الدراسة 6 سنوات وليس5

[soso sirin]

يا اختي ديري انتي الي تسهل عليك عارفتها تخرج عليك لانو الناس ماراهمش رايحين يقراو معاك و لا يتعبو معاك و نهار الصح راح تلقاي روحك وحدك في الجامعة ماديريش حاجة لانو بريستيج و لا عندها القيمة شوفي انتي واش باغية و مكانش الي يعطيك الراي تاع الصح قد ماليك لانهم عارفين بنتهم و شوفي انتي اذا تحملي تبعدي على داركم و قادرة على شقاك لانو كاين شي بنات مايقدروش يعيشو في لاسيتي خمي مليح اختي و ربي سهلك ان شاء الله

[@ أمـينـة-94 @]

يا اختي ديري انتي الي تسهل عليك عارفتها تخرج عليك لانو الناس ماراهمش رايحين يقراو معاك و لا يتعبو معاك و نهار الصح راح تلقاي روحك وحدك في الجامعة ماديريش حاجة لانو بريستيج و لا عندها القيمة شوفي انتي واش باغية و مكانش الي يعطيك الراي تاع الصح قد ماليك لانهم عارفين بنتهم و شوفي انتي اذا تحملي تبعدي على داركم و قادرة على شقاك لانو كاين شي بنات مايقدروش يعيشو في لاسيتي خمي مليح اختي و ربي سهلك ان شاء الله

ان شاء الله

بارك الله فيك ربي يهنيك

صح فكرتيني من جانب آخر البعد عن الاهل

والأهل رأيهم من رأيي و الحمد لله

[ورد تشرين]

دير الميدسين و نتا مخمض عينيك
انا تاني نقراها

[الواثق]

بارك الله فيك اخي الواثق سدد الله خطاك وجزاك كل الخير

كلامك عين الصواب وصدقت فيما قلت

وانا فكرت في هذا و من جانب الاختلاط أيضا

ولكن من جانب الإنسانية الطب افضل صحيح؟

فقط لعلمك الدراسة 6 سنوات وليس5

الانسانية ان تحافظي على نفسك قدر المستطاع فلانستطيع تغليب الانسانية على المنكرات التي تحدث في المستشفيات والله المستعان ...........كما ان الصيدلية فيها كل ابواب الخير والانسانية فتهيئي فقط ..................بالنسبة للدراسة هي 5 سنوات ربما يكون نصف عام زائد للتربص والله اعلم ................وهذا لان اخي خريج صيدلة............وفقكم الله

[سامية الشاوية]

السلام عليكم
سبحان الله امس كنت عند طبيب اسنان
في باتنةولقيت وحدة دات الباكالوريا 15.
وكانت متحيرة بين ها الخيارات الثلاثة

[إكرام ملاك]

ننصحك يا اختي ديري استخارة وانطلقي في الاختيار لي

تقدري تقري فيه وتأدي مهامك على احسن وجه في رضاء الله

اكيد ربي راح يسهل ليك النية الحسنة

صراحة التخصصات هادوا كامل ملاح

[@ أمـينـة-94 @]

دير الميدسين و نتا مخمض عينيك
انا تاني نقراها

بارك الله فيك

إن شاء الله

في اي سنة انت اختي؟

[@ أمـينـة-94 @]

الانسانية ان تحافظي على نفسك قدر المستطاع فلانستطيع تغليب الانسانية على المنكرات التي تحدث في المستشفيات والله المستعان ...........كما ان الصيدلية فيها كل ابواب الخير والانسانية فتهيئي فقط ..................بالنسبة للدراسة هي 5 سنوات ربما يكون نصف عام زائد للتربص والله اعلم ................وهذا لان اخي خريج صيدلة............وفقكم الله


بارك الله فيكم ووفقكم لكل مايحب ويرضى

كلامك صحيح

ولكن في الطب إذا اتكمل التخصص راح تتفادى الميزيرية انتاع المستشفيات
ممكن في البراتيك فقط وعلى الواحد يحصن نفسو

والصيدلة في بلادنا مقامها مقام تجارة الادوية حسب ما سمعت وإذا كنت موظف عند الدولة ما تقدر اتساعد حتى واحد وصعيب باه تحل خاصة اذا كنت في منطقة فيها عدة صيدليات

والعام السادس زادوه العام اللي فات في الصيدلة وجراحة الأسنان للحصول على الدكتورة

سأفكر في الأمر بإذن الله

شكرا لك

[@ أمـينـة-94 @]

السلام عليكم
سبحان الله امس كنت عند طبيب اسنان
في باتنةولقيت وحدة دات الباكالوريا 15.
وكانت متحيرة بين ها الخيارات الثلاثة

وعليكم السلام ورحمة الله تعالى وبركاته

ربما لانها التخصصات الاكثر ميولا وفي ذات الوقت محيرة

شكرا لتواجدك

[@ أمـينـة-94 @]

ننصحك يا اختي ديري استخارة وانطلقي في الاختيار لي

تقدري تقري فيه وتأدي مهامك على احسن وجه في رضاء الله

اكيد ربي راح يسهل ليك النية الحسنة

صراحة التخصصات هادوا كامل ملاح


بإذن الله

بارك الله فيك

[ورد تشرين]

انا فالسنة الثالثة

نقولك الصراحة
الصيدلة تاع ذرك ماهيش تاع بكري تاع تتخرجي تخدم

ا لا حبيبتي اللي تخرجو كامل راهم قاعدين دايرين لاشان يستناو فلاgريمو باه يحلو لافارماسي تاعهم

مام الدونتيست الذكورة كي يخدمو يخدمو و يكون عندهم الزهر يحمو فالسبيطار
كارهين حياتهم
و زيد الطفلة ما تليقلهاش دونتيست طول


بون ختي ما عنديش هديك المثالية فالهدرة راني قتلك الواقع قد قد

[@ أمـينـة-94 @]

انا فالسنة الثالثة

نقولك الصراحة
الصيدلة تاع ذرك ماهيش تاع بكري تاع تتخرجي تخدم

ا لا حبيبتي اللي تخرجو كامل راهم قاعدين دايرين لاشان يستناو فلاgريمو باه يحلو لافارماسي تاعهم

مام الدونتيست الذكورة كي يخدمو يخدمو و يكون عندهم الزهر يحمو فالسبيطار
كارهين حياتهم
و زيد الطفلة ما تليقلهاش دونتيست طول


بون ختي ما عنديش هديك المثالية فالهدرة راني قتلك الواقع قد قد

بارك الله فيك اختي

الله يبارك وربي يوفقك للتخصص

قوليلي انت كي درتي طب عن قناعة وماراكيش نادمة ولو بنسبة انك درتيها ومستعدة اتكملي تقراي الاعوام اللي بقاولك دون تردد ؟

ممكن تبعثيلي على الخاص او عن طريق مشرف طريقة للتواصل معك عدا الفايس ما عنديش

وشكرا مجددا اختي

[الواثق]

بارك الله فيكم ووفقكم لكل مايحب ويرضى

كلامك صحيح

ولكن في الطب إذا اتكمل التخصص راح تتفادى الميزيرية انتاع المستشفيات
ممكن في البراتيك فقط وعلى الواحد يحصن نفسو

والصيدلة في بلادنا مقامها مقام تجارة الادوية حسب ما سمعت وإذا كنت موظف عند الدولة ما تقدر اتساعد حتى واحد وصعيب باه تحل خاصة اذا كنت في منطقة فيها عدة صيدليات

والعام السادس زادوه العام اللي فات في الصيدلة وجراحة الأسنان للحصول على الدكتورة

سأفكر في الأمر بإذن الله

شكرا لك

يا اختي الطب ليس من السهل الدخول للاختصاص والكثير ممن بحثو عن لاختصاص ولم يوفقو في ذلك وزيدي تقراي 11 والله بزاف في مثل ضروفنا ...........وانا لو اكلمك على قناعتي رايح نقلك انا في رأيي البنت ماتروحش قع للجامعة ..........هذا في رأيي ...........والله الامور صعبة على الرجل فما بالك بالمرأة ..............وان اتكلم بما رأيت ولست اقول ما لا اعلم ..........ففي عائلتنا الطبيب والصيدلي وطبيب الاسنان والطبيبة و غيرها.......................وفقكم الله.

[@ أمـينـة-94 @]

يا اختي الطب ليس من السهل الدخول للاختصاص والكثير ممن بحثو عن لاختصاص ولم يوفقو في ذلك وزيدي تقراي 11 والله بزاف في مثل ضروفنا ...........وانا لو اكلمك على قناعتي رايح نقلك انا في رأيي البنت ماتروحش قع للجامعة ..........هذا في رأيي ...........والله الامور صعبة على الرجل فما بالك بالمرأة ..............وان اتكلم بما رأيت ولست اقول ما لا اعلم ..........ففي عائلتنا الطبيب والصيدلي وطبيب الاسنان والطبيبة و غيرها.......................وفقكم الله.


الصعوبة في كل تخصص وكل مجالات الحياة الدنيا

فهمت رأيك وقصدك

بورك فيك اخي ودامت ثقتك

ووفقك الله لكل ما يحب ويرضى

[@ أمـينـة-94 @]

أختي أنا في رايي تخممي وتصلي صلاة الإستخارة

الصيدلة جاتني مهنة تليق بالطفل خير على البنت لأانو مش خارجة طفلة تبيع !!!!!!! وزيد تاني لازمك تتمرمدي بزاااف باه تقدري تحلي

جراحة أسنان مليحة مي في رايي الطب خير
واللي قال الطب 11 ولا 12 جاتو بزاف ؟؟؟؟؟؟ عادي مدامنا عايشين نقراو واش ورانا يخي طلب العلم معندوش حد ...
نعرف بزاف اللي كملو 7 سنين وحكمو خدمتهم فالسبيطار وتزوجو وجابو الاولاد و في نفس الوقت عقبو الريزيدانا واداوها وراهم عايشييييييييييييين حياتهم

الصيدلة وجراحة الأسنان نظن ولا فيهم 6 سنين . والطب فالحقيقة تاني 6 سنين باسك العام اللخر راهو سطاج برك فالسبيطار أما الريزيدانا تقرايلها بعقلك وقادرة حتى بعد 10 سنوات من تخرجك عاااااااااااااااااادي وإذا اديتيها طول راكي حتخدمي فالسبيطار كأي طبيب يعني متحسيهاش قراية قد ماراهي خدمة
ولك الإختيار

بارك الله فيك اختي رميسة ربي يهنيك


وإن شاء الله للحديث بقية