اه ثم اه

[koka2012]

ربحت الباك 2012 ورايحا نختار علوم انسلنية في الجامعة ولاكن لا استطيع التواجد بشكل داءم لان البرنامج قالو بلي راه مكثف وانا صروفي لا تسمح فما الحل ارجوكم هل اسجل واغامر ام انسحب واتخلى عن طموحي ارجو التفاعل معي لكي تخففو عني ولو قليلا

[مَجْنُوْنَةٌ أَنَاْ]

توكلي على الله وسجلي ،، و ربي و رحمتو ،، وفقك الله ،،

[ترنيمة الأمل]

اهلا أختي

ما فيه داعي للتأوه ان شاء الله كل مشكلة ولها حل

حاولي تتأقلمي مع اختيارك وقد ما تقدري اربحي الوقت باش تبقاي تدرسي

لأنو التفوق ما يجيش فقط عن طريق الحضور يأتي أيضا عن طريق المثابرة

حاولي اذا ما حضرتيش جميع الحصص تعاودي تنقليهم من عند زميلاتك ما فيها حتى شي

وحاولي قد ما تقدري ترتبي اولوياتك يعني مثلا

رتبي الحصص نتاع الدروس ونتاع الاعمال التطبيقية cours et TD على حساب الأهمية وعلى حساب الأساتذة

يعني كاين مادة أهم من مادة

وكاين أستاذ ما يدير والو في الحصة نتاعووو فقط إملاء في حين كاين أساتذة لو ما تحضريش حصصهم راحت فيك

وكاين حصص فيها تسجيل الغيابات وكاين حصص لا


انت شوفي الي يساعدك

فقط لا تتخلي عن حلمك حتى ولو وليتي تتمشاي على رجليك صباح مع ليل فقط لا تتخلي عن حلمك لأنو بعدها رح يعتصرك الندم

ورب ما فيه إلا الخير ثقي بالله ويلزم تتعلمي الشكوى له وحده فقط وتكون نفسيتك ايجابية وتتعلمي كيفاش تواجهي الصعاب لوحدك

وفقك الله لما يحب ويرضى بارك البارئ فيكم

[koka2012]

شكرا جزيلا حبيباتي اتمنى ربي يفرحكم كما فرحتولي قلبي وطلعتولي المرال لن انسى لكم معروفكم blak poison ترنيمة الامل اسم على مسمى

[koka2012]

شكرا جزيلا حبيباتي اتمنى ربي يفرحكم كما فرحتولي قلبي وطلعتولي المرال لن انسى لكم معروفكم black poisen ترنيمة الامل اسم على مسمى

[aminahassiba]

انت سجلي او ما تعرفي منا الغدوة واش يصرا المهم ما تسمحيش فيها ما تنفعك غي قرايتك

[sidostar]

سجل فلي تعجبك
ما خاسر والو