الى الاخت مريم الصابرة وعلاش نجرحوا بعضانا [الأرشيف] - منتديات الجلفة لكل الجزائريين و العرب

فاطمة_26

2012-07-10, 12:39

اختي دخلت للموضوع اللي كتبولك فلال باك وانا نقرى في الردود نتاعك قريت الرد اللي متبتيه كي طلب منك تبعثي حالتك مع مشرفة وقلتيلو المشرفين ماهمش لاهيين بيا راهم لاهيين باللي تبني واللي دير عملية تجميلية
حبيت نفهمك حاجة صح راكي مريضة والصح حاجة غالية بزاف بصح لو كان يلاقيك ربي وتشوفي حالتي والمعاناة اللي عايشتها مع ناس راجلي تقولي راني في نعمة مالقري المرض
ونزيدك لو كان ماتسكروليش قاع البيبان في وجهي مانجيش هنا نسمع كلمة طيبة و100كلمة تذبح في القلب
وانا من هنا نشكر قاع الللي عاونوني مشرفات اعضاء مشرفين لقيت هنا خاوتي وخواتاتي نتاع الصح
ويعطيهم الصحة ويفرحهم كيما فرحوني
اما انتي اختي كنت نطل دايما على مواضيعك باه نطمن عليك وراح نبقى نطمن على صحتك بصح ربي يسامحك كلامك قاسني شكرا

حذاري لا تقترب !!!

2012-07-10, 13:34

ضرك نديرلك حظر

نورسين.داية

2012-07-10, 13:34

اعتقد أن هناك سوء فهم فقط ..........................و الله اعلم .......................................... ربي يفرج على كل مكروب يا رب ................

حذاري لا تقترب !!!

2012-07-10, 13:41

اعتقد أن هناك سوء فهم فقط ..........................و الله اعلم .......................................... ربي يفرج على كل مكروب يا رب ................

انتي وش دخلك
زايدة تشعلي فالنار و لاعبتها دير فالصلح كخخخخخخخخخخخخخخخخخخ

كم انت خطيرة يا الهي يا الهي

Lydia istanboul

2012-07-10, 13:46

ختي راكي ديري في بلبلة في المنتدى.كل مرة تعاتبي في وحدة؟ الاخت مريم ما جابتش اسمك و انت جاية ديري موضوع بإسمها؟؟؟؟و ش هدا؟؟ واذا تسائلتي لما تدخلت انا .نذكرك أنك كتبتي موضوع عاااااااام و كنت قادرة تبعثيلها عتاب مع المشرفين او تكتبي رد في مواضيعها.....ربي يهدينا

فتـ حييةـاة

2012-07-10, 13:46

.........حبيت نفهمك حاجة صح راكي مريضة والصح حاجة غالية بزاف بصح لو كان يلاقيك ربي وتشوفي حالتي والمعاناة اللي عايشتها مع ناس راجلي تقولي راني في نعمة مالقري المرض........

======
ربي يفرج عليك وعلى كل مكروب يااارب ويشافي كل مريض بصح عمرك اختي ماتغلطي وتقارني المشاكل بالمرض :::::::::::::::: الصحة غالية وغالية على كل حاجة كي تجيك في صحتك خلاص ماينفعوك لا دراهم لا اب ولا ام ولا اخوة ولا اولاد ::::::::::ولو تسالي وحدة مريضة تقولك ياريتن عندي عجوزة غابنتني ومارانيش مريضة
المشاكل صح فيهم معاناة بصح معاناة المرض وحدها الصحة تاج على راس الاصحاء لا يراها الا المرضى
انا راهي ضارتني غير ركبتي غير ف5 ايام جراء حركة عنيفة راني كارهة حياتي فمابالك يطول المرض ويكون علاجو صعب وانتي عاجزة باش تديري اي خطوة

افهميني اختي وماتقوليش عليا حتى انا جرحتك :::::::انا مانيش نستصغر في مشاكلك بصح عمرك ماتقارنيهم بالمرض ربي يشافي كل مريض ياااارب ويفرج على كل مكروب

أم لجيـن

2012-07-10, 13:49

ربي يفرج عليك ويشفيها ............

حذاري لا تقترب !!!

2012-07-10, 13:50

اوووووووووووووووووووووو

بدات الدعوة تسخن كخخخخخخخخخخ

زادت دخلت فيها فتيحة القبيحة و خلات الهربة تسلك

سارة البوسعادية

2012-07-10, 13:56

الصح ديما يقيس والصراحة بين وحدة مريضة وبين وحدى تبني
؟؟؟
جابلي ربي ماجربتيش المرض والمزيرية نتاع لاسيرونس هذا ادا عادت عندك لاسيرونس
والي خلق ما يضيع انا تاني قاستني في القلب مشكلة الاخت الصابرة

فتـ حييةـاة

2012-07-10, 13:57

اوووووووووووووووووووووو

بدات الدعوة تسخن كخخخخخخخخخخ

زادت دخلت فيها فتيحة القبيحة و خلات الهربة تسلك

==============
اضحك الله سنك اخي
ضحكتني ربي يفرحك دنيا واخرة

انا صح قبيحة بصح غير مع اللي يقباحو عليا و انت اللي بديت القباحة المرة الماضية :::::::: ورغم هذا نقولك اسمحلي اخي لانني تسببت في حظرك

حذاري لا تقترب !!!

2012-07-10, 13:58

دارت الموضوع و هربت ما عارف وين راهي ؟؟

حذاري لا تقترب !!!

2012-07-10, 14:00

==============
اضحك الله سنك اخي
ضحكتني ربي يفرحك دنيا واخرة

انا صح قبيحة بصح غير مع اللي يقباحو عليا و انت اللي بديت القباحة المرة الماضية :::::::: ورغم هذا نقولك اسمحلي اخي لانني تسببت في حظرك

لالا يا قبيحة
انا من طلب الحظر لانني كرهت منكم قع
+ راني باغي نحظر عضوياتي قع
و تشوفي المنتدى كيفاش يولي ذيك السع
كخخخخخخخخخخخ

فاطمة_26

2012-07-10, 14:10

لا راني هن ونقول للاخوات بلي جربت المرض والاخت البوسعادية جربت المرض ولاسيرونس ماكانش لخاطر راجلي مريض ومتعندوش لاسيرونس ونزيدك راجلي كي دار لاكسيدون تكسرلو لاماشوار نتاعو ولحد الان مخيطينلو فمو ملصقنلو سنانو مع بعضاهم عندوا فتحة برك ياكلو بالبيبة ايمالا نعرف المرض ولالا
دار 5عمليات على عينو ودرك ولا مايشوفش منها لا خاطر ماعندوش باش يدير عند البريفي
الله يهديكم خاوتي
مانيش نقارن في مشكلتي مع مشكلتك الاخت مريم انتي اللي درتي المقارنة وذكرتيها في ردك
الاخت ليديا انا ماني نشعل فيها مع حتى واحد ومانيش نتسبب للاخوات نقولكم برك ربي اعلم باحوال عبادو منا
وانا الحمد لله ليومنا هذا عمري ما قنطت من حياتي صابرة والحمد لله ولقيت هنا عباد نتاع خير صح يكثر خيرهم راهم واقفين معايا
عندي طلب واحد الاخت سارة البوسعادية انا في غنى عن ردودك في مواضيعي لاني نحسك جايبتها مورايا خلينا بعاد على بعضانا خير
الاخت مريم كي كتبتلك الموضوع كتبتولك كعتاب مش معنتها مانيش حاسة بمشكلتك حاسة بيها وماعندي غير الدعاء ندعيلك ربي يشافيك
ورح تبقاي اختي في الله كيما تعارفنا فالاول

الواثق

2012-07-10, 14:23

الله المستعان................كان الله في عونكم اخواتي ......................فنحن في دار اختبار وقصيرة والسعيد من دخل الجنة فهي دار القرار والخلد ...........

فاطمة_26

2012-07-10, 14:27

شكرا لك اخي اتمنى ان ياخذ الغير بكلامك

soso sirin

2012-07-10, 14:33

مشكلتنا حنا العرب انو كل واحد فينا حاسب روحو غير هو الي عندو المشاكل .شوفي اختي الصحة مكانش كيفها و اذا راحت والله كنوز الدنيا و ماترجعهاش و انتي كون يخيروك بين تتحملي مالين راجلك و مشاكلهم كل يوم و بين يرجع راجلك مليح راح تختاري صحة راجلك امالا اعذري مريم اذا قالت هكا و حتا انتي رانا عاذرينك لانو الي فيك مكفيك مي الدنيا هاذي مكانش الي راه مريح و اذا كل واحد كان حاسب روحو غير هو الي عندو المشاكل والله كون يحكولو على شي حالات يقول الحمد الله منا حتا الي يموت .الدنيا هاذي واحد جاليها و عايش فيها و هو عارف انو لازم راح يتعذب لانو الراحة ماهيش هنا الراحة راهي عندو سبحانو واش نقلكم ربي يفرجها عليكم و علينا و على كل مغبون و حنا هنا ماناش باه ناقرو بعضانا ولا كل وحدا تهدر على لخرى لازم علينا نعذرو بعضانا باه نقدرو نفهمو بعضانا و الزعاف و القلقة والله مامنها حتا فايدة و انتي اختي ربي يفرج عليك و يشافي راجلك و حتا مريومتي ربي يشافيها ان شاء الله

فاطمة_26

2012-07-10, 14:42

حتى انا ختي ماقلتش غير انا اللي مشكلتي كبيرة انا مريومة حنونتي غاضتني كي جبدتني انا باه طلبت نبني راني نطيب فالدوش والله غير لاسقة فالتوالات انا نطيب والريحة نتاع التوالات عندي واللي يجي من موالين راجلي يتمسخر بيا
انا علابالي المرض حاجة كبيرة وماقارنتش بين مشكلتي ومرضها حبيت نفهمها بلي انا تاني كي طلبت المساعدة كي ضياقت عليا هكدا حبيت تفهموني
وماشي معنات هذا راني نتناقر مع مريوم لا لا درتلها عتاب كاي اخت تعاتب اختها بصح انا هنا قاع نحبكم كيما تحبوني
حتى اللي مايحبونيش نحبهم
وحتى نتي مريومة

- بصمة خير -

2012-07-10, 14:46

ربي يفرج

اللهم صل و سلم و بارك على سيدنا محمد

سارة البوسعادية

2012-07-10, 14:54

يا الاخت انا ما نعرفك مانسنيك وردودي على جميع المواضيع ماتكون فيها نفاق ولا غيرو اذا ماعجبتكش مشكلتك
ومادام جاز عليك المرض ملا ماتقارنيهش باي مشكلة اخرى وكيما قالو لبنات رانا كامل في المشاكل
وتضل في الاخير ابتلاءات من المولى عز وجل لاختبار مدى صبر عباده وكاين حاجة الواحد ينجم يصبر عليها وحاجة فعلا يحتاج لمعونه
يعني لو طلبتي معونه في موضوع اعاقة زوجك كنت تعاطفت معاك اكثر من انك تطلبي معونه لاجل عدم تحملك لام زوجك وفضلتي الانفصال في بيت منفرد
ملا اتقو الله

soso sirin

2012-07-10, 15:03

حتى انا ختي ماقلتش غير انا اللي مشكلتي كبيرة انا مريومة حنونتي غاضتني كي جبدتني انا باه طلبت نبني راني نطيب فالدوش والله غير لاسقة فالتوالات انا نطيب والريحة نتاع التوالات عندي واللي يجي من موالين راجلي يتمسخر بيا
انا علابالي المرض حاجة كبيرة وماقارنتش بين مشكلتي ومرضها حبيت نفهمها بلي انا تاني كي طلبت المساعدة كي ضياقت عليا هكدا حبيت تفهموني
وماشي معنات هذا راني نتناقر مع مريوم لا لا درتلها عتاب كاي اخت تعاتب اختها بصح انا هنا قاع نحبكم كيما تحبوني
حتى اللي مايحبونيش نحبهم
وحتى نتي مريومة
شوفي يا اختي باه ماتخمميش في مالين راجلك و راكي غايضك الحال كي يجو و يولو يتمسخرو بيك امالا راهم يتمسخرو برواحهم لانو كون جاو قلوبهم على بعض كنتي انتي ماوصلتيش لهاذي الحالة و ديجا انتي نوغمالمو من ولاية غير ولاية راجلك اذا راني متفكرة مرة قريتها في موضوع تاعك امالا باه انا نجيب بنت الناس و ندير فيها الشطلي و نخليها توصل لحالة كيما هاذي الحالة امالا الديفو فيا انا و الضحك يرجع على مولاه .والله يا اختي انتي راكي صايبة دار تسكني فيها و راكي عايشة و الله كاين ناس الا دايرين قواطين والله حالتهم تشف و مانهدرش على انهم مالينهم سامحين فيهم و حتا مالين الراجل امالا الواحد دايمن يقول الحمد الله علابانا الدنيا راهي مظلمة في عينيك مي نقلك حاجة اختي الدار الي راكي عايشة فيها و لا المشاكل مع مالين الراجل وينها المليحة الله غالب مرات الدنيا تشربنا لمرار مي في عز الازمة ربي يفرجها ان شاء الله من عندو و مرات تخليك تختاري بين 2 حوايج كل اختيار راه امر من لاخر. و الصح يا اختي سقسي اي واحد في هاذي الدنيا ديجا سقسي غير راجلك و انتي راكي حاسة بيه كون يخيروه بين يمدولو دار ولا الصحة راح تختاري الصحة ربي يفرج عليك و تلقاي حل ان شاء الله

فاطمة_26

2012-07-10, 15:03

انا ما طلبتش الانفصال من ام زوجي لاني ماتحملتهاش كي مرض راجلي وولا ما يخدمش وكنت انا مازال مابديتش نخدم حاوزتنا لخاطر قالتنا ما قدرتش على مصروفكم وحدي وقاتلي راجلك ما هوش يصرف ومانقدرش نعيشكم وحدي
وكي خرجت نخدم قاتلي احنا مانخدموش عليك وانتي تظلي برا وانا اللي خرجني برا ماهوش الخير
ومبعد قاتلي طيبي وحدك وعطاتني الدوش قاتلي طيبي فيه
وبالنسبة لموضوع راجلي راجلي كيما قال عندو ربي وراهو صابر وانا نصبر معاه حتى اخر نهار في حياتي
ويكثر خيرك مانيش مستحقاتك متعاطفة معايا
الحمدالله لقيت ناس الخير اللي تعاطفوا معايا وماننساش خيرهم
الاخوات الاعضاء
وسيرتو الاخوات المشرفات سلاف-26 ومنى 2004
الله يعطيهم الصحة

فاطمة_26

2012-07-10, 15:07

شوفي يا اختي باه ماتخمميش في مالين راجلك و راكي غايضك الحال كي يجو و يولو يتمسخرو بيك امالا راهم يتمسخرو برواحهم لانو كون جاو قلوبهم على بعض كنتي انتي ماوصلتيش لهاذي الحالة و ديجا انتي نوغمالمو من ولاية غير ولاية راجلك اذا راني متفكرة مرة قريتها في موضوع تاعك امالا باه انا نجيب بنت الناس و ندير فيها الشطلي و نخليها توصل لحالة كيما هاذي الحالة امالا الديفو فيا انا و الضحك يرجع على مولاه .والله يا اختي انتي راكي صايبة دار تسكني فيها و راكي عايشة و الله كاين ناس الا دايرين قواطين والله حالتهم تشف و مانهدرش على انهم مالينهم سامحين فيهم و حتا مالين الراجل امالا الواحد دايمن يقول الحمد الله علابانا الدنيا راهي مظلمة في عينيك مي نقلك حاجة اختي الدار الي راكي عايشة فيها و لا المشاكل مع مالين الراجل وينها المليحة الله غالب مرات الدنيا تشربنا لمرار مي في عز الازمة ربي يفرجها ان شاء الله من عندو و مرات تخليك تختاري بين 2 حوايج كل اختيار راه امر من لاخر. و الصح يا اختي سقسي اي واحد في هاذي الدنيا ديجا سقسي غير راجلك و انتي راكي حاسة بيه كون يخيروه بين يمدولو دار ولا الصحة راح تختاري الصحة ربي يفرج عليك و تلقاي حل ان شاء الله
راني فاهمة كلامك اختي وراني عارفاتو انا هنا ماطلبت والو طلبت يساعدوني نبني كوزينة نطيب فيها ماكلة محترمة في هذا رمضان وطلبت نبنيها بالقصدير يعني بابسط الاشياء
ونزيدك اختي اللي حكيتهولك جزء من عاناتي والله وتعرفي حكايتي غير تقولي حليلها كي مازالت بعقلها
صحيتي على احساسك اختي

سارة البوسعادية

2012-07-10, 15:08

شوفي يا اختي باه ماتخمميش في مالين راجلك و راكي غايضك الحال كي يجو و يولو يتمسخرو بيك امالا راهم يتمسخرو برواحهم لانو كون جاو قلوبهم على بعض كنتي انتي ماوصلتيش لهاذي الحالة و ديجا انتي نوغمالمو من ولاية غير ولاية راجلك اذا راني متفكرة مرة قريتها في موضوع تاعك امالا باه انا نجيب بنت الناس و ندير فيها الشطلي و نخليها توصل لحالة كيما هاذي الحالة امالا الديفو فيا انا و الضحك يرجع على مولاه .والله يا اختي انتي راكي صايبة دار تسكني فيها و راكي عايشة و الله كاين ناس الا دايرين قواطين والله حالتهم تشف و مانهدرش على انهم مالينهم سامحين فيهم و حتا مالين الراجل امالا الواحد دايمن يقول الحمد الله علابانا الدنيا راهي مظلمة في عينيك مي نقلك حاجة اختي الدار الي راكي عايشة فيها و لا المشاكل مع مالين الراجل وينها المليحة الله غالب مرات الدنيا تشربنا لمرار مي في عز الازمة ربي يفرجها ان شاء الله من عندو و مرات تخليك تختاري بين 2 حوايج كل اختيار راه امر من لاخر. و الصح يا اختي سقسي اي واحد في هاذي الدنيا ديجا سقسي غير راجلك و انتي راكي حاسة بيه كون يخيروه بين يمدولو دار ولا الصحة راح تختاري الصحة ربي يفرج عليك و تلقاي حل ان شاء الله
اخت سيرين كلامك جواهر
رغم صغر سنك نحس عندك تجارب كامل النسا المتزوجات والاتي ابتلين :mh92:

سارة البوسعادية

2012-07-10, 15:11

انا ما طلبتش الانفصال من ام زوجي لاني ماتحملتهاش كي مرض راجلي وولا ما يخدمش وكنت انا مازال مابديتش نخدم حاوزتنا لخاطر قالتنا ما قدرتش على مصروفكم وحدي وقاتلي راجلك ما هوش يصرف ومانقدرش نعيشكم وحدي
وكي خرجت نخدم قاتلي احنا مانخدموش عليك وانتي تظلي برا وانا اللي خرجني برا ماهوش الخير
ومبعد قاتلي طيبي وحدك وعطاتني الدوش قاتلي طيبي فيه
وبالنسبة لموضوع راجلي راجلي كيما قال عندو ربي وراهو صابر وانا نصبر معاه حتى اخر نهار في حياتي
ويكثر خيرك مانيش مستحقاتك متعاطفة معايا
الحمدالله لقيت ناس الخير اللي تعاطفوا معايا وماننساش خيرهم
الاخوات الاعضاء
وسيرتو الاخوات المشرفات سلاف-26 ومنى 2004
الله يعطيهم الصحة
التعاطف احساس في الطبيعه البشرية ماشي انتي ولا انا الي نسحقوه
غير بالعقل يا اختي ماكنتش ندري الحق يقلق ويزعف لهذي الدرجة

soso sirin

2012-07-10, 15:17

اخت سيرين كلامك جواهر
رغم صغر سنك نحس عندك تجارب كامل النسا المتزوجات والاتي ابتلين :mh92:
ربي يخليك يا سارة والله من الشي الي رانا نشوفوه كل يوم قدام عينينا والله الحالة ولات تبكي و كاين شي حكايات والله واحد قدامها يقعد عاجز باه يهدر كلمة ربي يجيب الخير ان شاء الله

فاطمة_26

2012-07-10, 15:22

ما نيش مقلقة منك والحق مايزعفنيش ا خاطر راني نقول فالحق
انا كي كتبت الموضوع مااستصغرتش المشكلة نتاع اختي مريومة لكن قلت المشاكل انواع وذكرتها بلي انا تاني مشكلتي كبيرة حتى ولو راكم تشوفو فيها صغيرة
هادا ماكان وانتي اختي ردودك مستفزة واي وحدة تكتب رد فيه كلام عيان تروحي تخبطي شكرا
ماشي مليح نستهزاو بمشاكل بعضانا
قبل 3سنين كنت كيما انت مخطوبة ونشوف للدنيا بوحد النظرة تفاؤلية
امبعد اسمعي قصتي
ماتت يما قبل الخطبة نتاعي بيومين وبسكتة قلبية نعرف المرض ولا لا
خلاتلي3اخوة ذكور اصغرهم عندو11سنة نخدم عليهم كنت نقرا
40يوم وتزوج بابا
مرتو بدات المشاكل وحاوزتني مالدار وبابا هو اللي جا خرجني
راكي تقولي في قلبك قبيحة حاوزتها مرت باباها وعجوزتها الديفو فيها
بصح ربي عالم باللي والله مالحقتهم
ريحت عند جدة 6اشهر وتزوجت وانا مازلت نقرا
موالين راجلي احتقروا الطريقة اللي جيت بيها وبداو يعايوني بلي ماعنديش مالين
بعد 4اشهر زواج دار راجلي حادث سيارة وطاح فالشوكة ومن يومها وانا المراة وانا الراجل
راني نكتبلك والدمعة تنزل من عيني لانو فعلا مايحس بالجمرة غير اللي كوتو وانا كوتني هذي الدنيا فهتيني ضرك
الحمدد لله على ماابتليتني به يارب

سارة البوسعادية

2012-07-10, 15:30

ما نيش مقلقة منك والحق مايزعفنيش ا خاطر راني نقول فالحق
انا كي كتبت الموضوع مااستصغرتش المشكلة نتاع اختي مريومة لكن قلت المشاكل انواع وذكرتها بلي انا تاني مشكلتي كبيرة حتى ولو راكم تشوفو فيها صغيرة
هادا ماكان وانتي اختي ردودك مستفزة واي وحدة تكتب رد فيه كلام عيان تروحي تخبطي شكرا
ماشي مليح نستهزاو بمشاكل بعضانا
قبل 3سنين كنت كيما انت مخطوبة ونشوف للدنيا بوحد النظرة تفاؤلية
امبعد اسمعي قصتي
ماتت يما قبل الخطبة نتاعي بيومين وبسكتة قلبية نعرف المرض ولا لا
خلاتلي3اخوة ذكور اصغرهم عندو11سنة نخدم عليهم كنت نقرا
40يوم وتزوج بابا
مرتو بدات المشاكل وحاوزتني مالدار وبابا هو اللي جا خرجني
راكي تقولي في قلبك قبيحة حاوزتها مرت باباها وعجوزتها الديفو فيها
بصح ربي عالم باللي والله مالحقتهم
ريحت عند جدة 6اشهر وتزوجت وانا مازلت نقرا
موالين راجلي احتقروا الطريقة اللي جيت بيها وبداو يعايوني بلي ماعنديش مالين
بعد 4اشهر زواج دار راجلي حادث سيارة وطاح فالشوكة ومن يومها وانا المراة وانا الراجل
راني نكتبلك والدمعة تنزل من عيني لانو فعلا مايحس بالجمرة غير اللي كوتو وانا كوتني هذي الدنيا فهتيني ضرك
الحمدد لله على ماابتليتني به يارب
يا اختي انا ماستهزيتش بمشكلتك
بصح رانا كامل في الهم نعومو ولازم نصبرو نتفكرو بلي رانا في دار ابتلاءوكلشي بشوي يتحل وان شاء الله تتحسن ظروفك وراجلك يولي احسن من الاول وتتفكري هذو الايامات وانتي في احسن حال
واعتبريها زيادة في خبرتك
وربي يرفع عليك ويبعد عليك الشر ويحميك انتي وزوجك
ولبنات الي اعتبريتيهم كتبو ردود عيانة هي اراءهم ولربما استحسنت افكارهم وكامل قالو بلي المرض صعيب وكامل مجربينو
وربي ينور طريقك

soso sirin

2012-07-10, 15:31

شوفي يا اختي باه ماتخمميش في مالين راجلك و راكي غايضك الحال كي يجو و يولو يتمسخرو بيك امالا راهم يتمسخرو برواحهم لانو كون جاو قلوبهم على بعض كنتي انتي ماوصلتيش لهاذي الحالة و ديجا انتي نوغمالمو من ولاية غير ولاية راجلك اذا راني متفكرة مرة قريتها في موضوع تاعك امالا باه انا نجيب بنت الناس و ندير فيها الشطلي و نخليها توصل لحالة كيما هاذي الحالة امالا الديفو فيا انا و الضحك يرجع على مولاه .والله يا اختي انتي راكي صايبة دار تسكني فيها و راكي عايشة و الله كاين ناس الا دايرين قواطين والله حالتهم تشف و مانهدرش على انهم مالينهم سامحين فيهم و حتا مالين الراجل امالا الواحد دايمن يقول الحمد الله علابانا الدنيا راهي مظلمة في عينيك مي نقلك حاجة اختي الدار الي راكي عايشة فيها و لا المشاكل مع مالين الراجل وينها المليحة الله غالب مرات الدنيا تشربنا لمرار مي في عز الازمة ربي يفرجها ان شاء الله من عندو و مرات تخليك تختاري بين 2 حوايج كل اختيار راه امر من لاخر. و الصح يا اختي سقسي اي واحد في هاذي الدنيا ديجا سقسي غير راجلك و انتي راكي حاسة بيه كون يخيروه بين يمدولو دار ولا الصحة راح تختاري الصحة ربي يفرج عليك و تلقاي حل ان شاء الله
راني فاهمة كلامك اختي وراني عارفاتو انا هنا ماطلبت والو طلبت يساعدوني نبني كوزينة نطيب فيها ماكلة محترمة في هذا رمضان وطلبت نبنيها بالقصدير يعني بابسط الاشياء
ونزيدك اختي اللي حكيتهولك جزء من عاناتي والله وتعرفي حكايتي غير تقولي حليلها كي مازالت بعقلها
صحيتي على احساسك اختي
شوفي اختي والله الشي الي راكي فيه كامل حاسين بيه ديجا مريم منبعد كي تدخل والله راح تهدر معاك ان شاء الله و تقلك بلاك الهدرة هاذي قلتها هكا وخلاص و كانت تاع زعاف شوفي اختي راح نحكيلك قصة وحدا جارتنا و هي صغيرة في العمر عنها 30 سنة تخرجت من تزوجت نيشان بعد ماخدمت يا ربي شهورا برك مع واحد ماكانتش راضية عليه مية بالمية سوغتو مورا ماهدرت معاه عقليتو شوية ماعجبتهاش المهم ماليها قالولها لازم تقبلي كانت خدامة تقري و مالين الراجل قالولها تسكني في لافيل لانهم يسكنو على برا تزوجت مسكينة و شيخها قالها بطلي الخدمة و لا رجعي لداركم مالقات مادير ريحت في الدار راجلها يخدم بعيد عليها المهم داتر راجلها عندهم الدراهم مي هوما مشحاحين كانو ماليها يجيبولها الماكلة شيخها والله يضرب الكناين عندك غير هي الي ماضربهاش برك تفوت عامين و شي شهورا شيخها يقلها ماتريحيش عندي على قدما نقلك شين ماتتصوريش تروح لدارهم وهي عندها طفل هي كانت اونسانت المهم راجلها سمح فيها 4 سنين ني تيليفون ني حتا يجي يطل ولادو و ماشافهمش هو تاني حليلو راه بين نارين مع انو تصرفو كان سلبي المهم هي ترجع تحوس عليه و كي رجع باعت ذهبها و بنات من جهتنا و كي سكنت و شافوها روحها صراولها مشاكل كبار و بغاو يدخلو عليها السراق و كاين حوايج مانقدرش نحكيهم المهم شيخها يمرض هو و عجوزتها تتخيلي بلي واحد ماقدر يشدهم لانو شيخها دار فيهم المنكر هي ضروك راهي شادتهم و يسكنو على برا بزاف و راهي ساكتة و المشكل شيخها راه مريض و لسانو مازالو صحيح و على قدما نقلك انو انسانة مليحة و قلبها بيض ماتقدريش تتصوري مرات نقولها سبحان الله مادام كاين ناس كيما انتي الدنيا مازالها بخير وانتي وحدا كيما هاذي تهبل ولا لالا على هكا اختي شدي في ربي هو الي راح يفتحها في وجهك ان شاء الله لانو راكي صابرا مع راجلك

soso sirin

2012-07-10, 15:35

ما نيش مقلقة منك والحق مايزعفنيش ا خاطر راني نقول فالحق
انا كي كتبت الموضوع مااستصغرتش المشكلة نتاع اختي مريومة لكن قلت المشاكل انواع وذكرتها بلي انا تاني مشكلتي كبيرة حتى ولو راكم تشوفو فيها صغيرة
هادا ماكان وانتي اختي ردودك مستفزة واي وحدة تكتب رد فيه كلام عيان تروحي تخبطي شكرا
ماشي مليح نستهزاو بمشاكل بعضانا
قبل 3سنين كنت كيما انت مخطوبة ونشوف للدنيا بوحد النظرة تفاؤلية
امبعد اسمعي قصتي
ماتت يما قبل الخطبة نتاعي بيومين وبسكتة قلبية نعرف المرض ولا لا
خلاتلي3اخوة ذكور اصغرهم عندو11سنة نخدم عليهم كنت نقرا
40يوم وتزوج بابا
مرتو بدات المشاكل وحاوزتني مالدار وبابا هو اللي جا خرجني
راكي تقولي في قلبك قبيحة حاوزتها مرت باباها وعجوزتها الديفو فيها
بصح ربي عالم باللي والله مالحقتهم
ريحت عند جدة 6اشهر وتزوجت وانا مازلت نقرا
موالين راجلي احتقروا الطريقة اللي جيت بيها وبداو يعايوني بلي ماعنديش مالين
بعد 4اشهر زواج دار راجلي حادث سيارة وطاح فالشوكة ومن يومها وانا المراة وانا الراجل
راني نكتبلك والدمعة تنزل من عيني لانو فعلا مايحس بالجمرة غير اللي كوتو وانا كوتني هذي الدنيا فهتيني ضرك
الحمدد لله على ماابتليتني به يارب
ربي يكون معاك اختي والله الصبر تاعك و الوقفة تاعك مع راجلك و راجلك الي راه مريض ربي ان شاء الله راح يعوضك خير و راح يفتحهات في وجهك لانو الحاجة كي تجي بعد التعب راح تحسي بيها و عجوزتك ربي يهديها ان شاء الله و يحنن قلبها على وليدها يا رب ماتزعفيش اختي مي والله اي وحدا تكتب اي رد والله ماتقصد والو مي رانا مع الصيف و الواحد راه يتقلق من روحو ربي يكون معاك و يشفي راجلك

- بصمة خير -

2012-07-10, 16:04

ربي يفرج عليك أختي فاطمة علينا كامل

كل واحد يشوف مشكلتو هي الكبيرة و هي اكبر الكوارث

حتى ولو ماعندوش صباط يخرج على لبستوا -> بالنسبة ليه هذه هي اكبر المشاكل في الدنيا هذه

و حنا علينا نتقبل المشكل و نساعدوا و اذا ماقدرناش الدعاء

و سبحانه قال ادعوني استجب لكم

اصبري و احتسبي الاجر

و علاقتك مع الله تكون صحيحة و جيدة

و ماتنسايش الاستغفار

حذاري لا تقترب !!!

2012-07-10, 16:18

ايا بلعو لقابكم لنضربكم
اوووووووووووووووووووووووو

حنيني24

2012-07-10, 16:20

السلآآآآآم عليكم
أخيتي فاطمة،،، أعانك الله على ما أنت فيــــــــــــــــــه
وفرج همـــــــــــــــــــك وكربـــــــــــــــك،،، إلا أنه لا يجب أن نسيئ الظن بالآخرين،، وربما يكون عتابك هذا لأختنا مريم غير جارح بالنسبة لك،،
إلا أنه إذا تدخلت أطراف اخرى،، واختلطت الردود ،،فيصير عكس ذلــــــــــــــــــــك،،،
أسأل الله أن يفرج هم المهمومين،، وينفس كرب المكروبين،،
ويشفي كل مريض،،وأن يرزقكم راحة البال،، والطمأنينة والسرور
والرضى لقضاءه وقدره،،،
وتبقى الشكوى لغير الله مذلة،،، وكثرة الشكوى من الابتلاء،،،
تذهب الأجر
أحمل لكما في قلبي كل الحب والود
ويُحزنني أن أرى منكم جدال لا يأتي بخير،،
دمتم بحفظه

حذاري لا تقترب !!!

2012-07-10, 16:23

خلاااااااااااااااااااااااااااااص قلنا خلاص

تزيد تهدر وحدة نكسرلها راسها

Lydia istanboul

2012-07-10, 16:25

ايا بلعو لقابكم لنضربكم
اوووووووووووووووووووووووو
سبحان الله تفكرني في فقير و باغي يطير....مع أنك شكرتني مرة و عجبني الحال لكن ليوم راك زودتها....

- بصمة خير -

2012-07-10, 16:26

السلآآآآآم عليكم
أخيتي فاطمة،،، أعانك الله على ما أنت فيــــــــــــــــــه
وفرج همـــــــــــــــــــك وكربـــــــــــــــك،،، إلا أنه لا يجب أن نسيئ الظن بالآخرين،، وربما يكون عتابك هذا لأختنا مريم غير جارح بالنسبة لك،،
إلا أنه إذا تدخلت أطراف اخرى،، واختلطت الردود ،،فيصير عكس ذلــــــــــــــــــــك،،،
أسأل الله أن يفرج هم المهمومين،، وينفس كرب المكروبين،،
ويشفي كل مريض،،وأن يرزقكم راحة البال،، والطمأنينة والسرور
والرضى لقضاءه وقدره،،،
وتبقى الشكوى لغير الله مذلة،،، وكثرة الشكوى من الابتلاء،،،
تذهب الأجر
أحمل لكما في قلبي كل الحب والود
ويُحزنني أن أرى منكم جدال لا يأتي بخير،،
دمتم بحفظه

عليك نور أختي

بارك الله فيك

hayet04

2012-07-10, 16:30

لا راني هن ونقول للاخوات بلي جربت المرض والاخت البوسعادية جربت المرض ولاسيرونس ماكانش لخاطر راجلي مريض ومتعندوش لاسيرونس ونزيدك راجلي كي دار لاكسيدون تكسرلو لاماشوار نتاعو ولحد الان مخيطينلو فمو ملصقنلو سنانو مع بعضاهم عندوا فتحة برك ياكلو بالبيبة ايمالا نعرف المرض ولالا
دار 5عمليات على عينو ودرك ولا مايشوفش منها لا خاطر ماعندوش باش يدير عند البريفي
الله يهديكم خاوتي
مانيش نقارن في مشكلتي مع مشكلتك الاخت مريم انتي اللي درتي المقارنة وذكرتيها في ردك
الاخت ليديا انا ماني نشعل فيها مع حتى واحد ومانيش نتسبب للاخوات نقولكم برك ربي اعلم باحوال عبادو منا
وانا الحمد لله ليومنا هذا عمري ما قنطت من حياتي صابرة والحمد لله ولقيت هنا عباد نتاع خير صح يكثر خيرهم راهم واقفين معايا
عندي طلب واحد الاخت سارة البوسعادية انا في غنى عن ردودك في مواضيعي لاني نحسك جايبتها مورايا خلينا بعاد على بعضانا خير
الاخت مريم كي كتبتلك الموضوع كتبتولك كعتاب مش معنتها مانيش حاسة بمشكلتك حاسة بيها وماعندي غير الدعاء ندعيلك ربي يشافيك
ورح تبقاي اختي في الله كيما تعارفنا فالاول

الشكوى لغير الله مذلة

حنيني24

2012-07-10, 16:33

خلاااااااااااااااااااااااااااااص قلنا خلاص

تزيد تهدر وحدة نكسرلها راسها

ما يكون غي خاطرك،،،،صغرها بتصغر
عليك نور أختي

بارك الله فيك

أسعدك رب البرايا،،، ووفقك لما فيه صلاح لدنياك ودينك

hayet04

2012-07-10, 16:40

فقير و باغي يطيروالله توحشتو

الراي الحر

2012-07-10, 16:48

الاخت فاطمة
فرق بين المكوث في المستشفى و مشاكل الكوزينة و رائحة toilette
فرق بين الرد على موضوع " مريم كتبت ردا و لم تذكرك " و بين تخصيص موضوع لمريم " موضوعك عنوانه مريم... "
لا يكون العتاب هكذا بين الاحباب فما بالك بالغرباء ؟
و اسمحيلي منذ طرحت موضوعك عن طلب المساعدة و انت تتهجمين على الاعضاء الذين لا تتوافق آراءهم مع آراءك حتى خلال هذا الموضوع هناك تهجم على بعض العضوات
لدي ملاحظة صغيرة قلت في موضوعك ان النث موجود في العمل و لكني قرات ردا لك في الليل فهل تعملين ليلا و نهارا ؟؟

جسور المحبة

2012-07-10, 16:57

ربي يفرج على كل مبتلى

حذاري لا تقترب !!!

2012-07-10, 17:02

سبحان الله تفكرني في فقير و باغي يطير....مع أنك شكرتني مرة و عجبني الحال لكن ليوم راك زودتها....

فقير و باغي يطيروالله توحشتو

انتما الافضل في المنتدى و مانيش نجامل فيكما بل اقول الحقيقة
انتما رائعتلن و شخصيتان قوياتان و طيبتان و
كهييييييخخخخخخخخخخخخخخخخخ

انا مانيش فقير باغي يطير انا وليدو

hayet04

2012-07-10, 17:10

انتما الافضل في المنتدى و مانيش نجامل فيكما بل اقول الحقيقة
انتما رائعتلن و شخصيتان قوياتان و طيبتان و
كهييييييخخخخخخخخخخخخخخخخخ

انا مانيش فقير باغي يطير انا وليدو

سلم على باباك و قولو نعم التربية:1::1::1::1::1::1::1::1::1::1::1::1:

نجمة ساطعة

2012-07-10, 18:20

بصراحة مهزلة ما هذا المستوى ؟؟؟؟؟ اين الاشراف بارك الله فيكم رانا في منتدى و لسنا في حمام نسائي

عُضو مُحترم

2012-07-10, 18:58

لقد ارسلت الى المشرفين اطلب منهم حذف الموضوع