لماذا خطبني يا ترى

[مشكلتي]

خطبني شخص من المفروض انه محترم ورزين ولما اقتنعت باخلاقه وافقت لما اصبحت الامور رسمية طلب مني ان احدد مبلغ الصداق مان لا اهل لي يفعلون ذلك قلت له انني لا استطيع ان اتدخل في هذه الامور وقمت بما استطيع وطلبت من امي ان لا يطلبو مبلغا مبيرا علما ان اهلي ليسو ممن يغالون في المهر بعدها بدا يلمح لي ان اشارم انا في مبلغ المهر عندها احسستانه خطبني طمعا في مالي بما انني مرتاحة ماديا لمه رفضت طلبه قطع الاتصال ولم يعد يتثل ولا يسال انيروني ماذا افعل مع شخص بمثل هذه الطباع

[ala eddine b]

ربي يكون معاك اختي

[da3dou3]

لازم تخمي على قد ماتقدري قبل ما ديري الخطوة الجاية مدام مزلتو غير في الخطوبة برك هذا انسان ينخاف منو

[arbodar]

طماع هذا
انا ما ندبرش عليك نقولك فقط الله يوفقك لما فيه الخير

[فاطمة الزهراء31]

السلام عليكم
شوفي ختي دروك نص رجال يحوسوا على مرا خدامة وعندها دراهم خطيك منه باينة بلي داخلها على طمعة صلي صلاة الاستخارة وماتزديش تخمي فيه انسيه ولي فيه الخير ربي يقدمه

[loubna2]

يا اختي هذا باين طماع
اتخلصي منو في اقرب وقت
كيفاه المرأة تدفع مهرها؟ هذا حرام
كون قالك تساعديه اي تنقصو المبلغ بما انو محتاج بلاك يقبلها العقل
هذا مهرك وقالك ادفعي فيه سامحيني هذا ....... هذا طماع اهربي بجلدك ميهمكش فيه يتصل ما يتصلش انا منك نحمد ربي اللي كشفهولي قبل وقوع الفاس في الراس
يا ما كاين امثلة ........
كي يغيبوا الاخلاق وكبرياء الانسان مبقا والو اختي متزعفيش نهائي عليه ربي نجاك مدامك في البر مغطستيش
وكون تزوجتي بيه واكتشفتي الاكثر والانذل ماذا سيكون شعورك تتطلقي في مجتمع لا يرحم
هكذا خير صلي وادعي ربي يعوضك بانسان محترم عندو عزة نفس ورجولة ولا يقبل يمد يدوا لامرأة ولو محتاج
ربي يسهلك امورك آ مين

[مهونة]

سلام اختي
الحمد لله الذي راك جزء من حقيقة هذا الانسان و الله اعلم مالم تعلميه بعد عنه
استخيري قبل أن تخطي اي خطوة
و الله المستعان

[arc en ciel]

عيب عليه هادي مش من صفات الرجل
الراجل مهما تكون ضروفو صعبة كرامتو تبقى فوق كل اعتبار و مايقبلش الدورو من عند المرا خاصة فالمهر ؟؟؟

كون على الاقل بينلك بلي المبلغ كبير عليه بطريقة غير مباشرة مش يقولك خلصي على روحك ؟؟؟

اختي صلي استخارة انا في رايي جايبو الطمع برك ماترميش روحك فالواد و تعشي نادمة
ربي يرزقك الزوج الصالح

[لؤي02]

رفضت طلبه قطع الاتصال ولم يعد يتثل ولا يسال انيروني ماذا افعل مع شخص بمثل هذه الطباع

أتركيه وأنسيه عسى أن يعوضك الله بخير منه

[ورد تشرين]

علاه تقبلي........
اذا هاذي اولها فالمهمر اللي هو حقك يقولك شاركي و مبعد وش يطلب منك
و زيد زعما المهمر ما غليتوش فبه

[soso sirin]

انا ماسمعتش براجل يقول للمراة عاويني في المهر لانو هذا من حقها عليه و زيد نعونو في حاجة وحدا برك نقول لماليا مايقولوش على مهر غالي من غيرها يدبر راسو زيد هذا اذا حقي راه يقول عاونيني غدوة في الزواج يقلك صرفي على روحك انتي خممي بزاف مادامك راكم في الاول و ربي يجيب الي فيها الخير

[سماهر]

استخيري الله

الله يوفقك و يكون معاك أختي

[malak achark]

كان الله في عونك اختي
استخيري الله سبحانه وتعالى

[abdel02]

من الأحسن أنكي تزيدي تتبيني في أمر الرجل قبل الوصول إلى النتيجة...ربما لظروف هو فعل ذلك...لوكان حقا طامع في أموالك يشرطو فيك 100 مليون يتسلفها ويمدها لأنو متيقن أنها رايحة ترجع بألاضعاف...لذا أعتقد أن هناك أمرا في الموضوع...لأنني شخصيا مررت بتجربة مشابهة لحالتكما...والله المستعان.

[سفير الأيام]

أختي ما تعجليش

صلي صلاة الإستخارة

إدا كان مليح ربي يعجله ليك وإدا كان شر

خرته يبعد بلا ما يحس

وينكشف

[achwak.1993]

خطيك منو هذا طماع وما يخافش ربي واللي ما يخافش ربي ما تقدريش تديري فيه الثقة وتتزوجي بيه وتأكدي بلي يجيبلك ربي خييييييييييير منو

[عُضو مُحترم]

راح راح

الله لا يردو


الطفلة يخطبوها 100

و يتزوجها واحد


ربي يعطيك من هو افضل منه

[أسمـاء]

السلام عليكم

اطلبي من ربي يهديه هادي الحاجة الاولى وكون جيت في بلاصتك نقول لماما وهي تنصحني قيباش مكانش اكثر واحد ينصحك اكثر من ماماك

[ناصرالدين الجزائري]

تأكدي أختي أن الرجل الذي يطلب من خطيبته أن تقرضه المال ليدفع لها مهرها فهو رجل غير سوي .. هناك خلل واضح و جلي في هذا التصرف الشاذ ..
و الشئ الآخر الذي نراه من قصتك أن خطيبك عنده عقدة من المال لأنه يحس بعجزه عن توفير أدنى شروط الزواج .. و حتى لو استطاع توفيره اليوم فكيف سيتصرف عندما يصبح زوجك و يرى الفارق بين مستواه المادي و مستواك .. و بما أنه لم يخجل من طلبه اياك اقراضه المال من أجل دفع مهرك فحتما لن يخجل في المستقبل أن يطلب من المال ليسد حاجيات البيت دون أن نقول حاجياته الشخصية ...

المال لا يصنع السعادة .. صحيح
لكن في وقتنا الحالي على الانسان أن يسير حسب قدراته و يحفظ ماء وجهه حتى يعيش كريم .. لكن خطيبك لا يملك المال للزواج و لا يستحي من طلب المال منك ... فأين الكرامة هنا .....

هذا مجرد رأي
و الله تعالى أعلم

[naili_legend]

السلام عليكم ....و الله أريد التنويه لأمر هام ....يا جماعة الخير لما تكون كاينة مشكلة و خاصة في أمور الزواج ، أنا نشوف بلي نعطووو ديما الحلول اللي تبني البيت الزوجية ....و المشاكل راها ديما كاينة و ديما نقترحوووو الحلول اللي تساعد باش ترجع العلاقات و تسير الأمور في بناء هاذي الدار أو تلك .....ماشي من المرة الأولى تبداووو اخطيك ..عفك ...ازلي ...خرجي من راسك ....لأننا بكلمة منا ، برأي منا ، بمشورة معنا ، ستولد أمة ان شاء الله ....وشكون اللي معايا في الفكرة