ماهو رايكم

[مشكلتي]

السلام عليكم
بالمختصر انا تعرفت على شخص ولمدة10اشهر خلاص فالحق تعارفنا و بزيادة قتلو دروك لازم تجي تخطبني و كامل ماعندنا حتى فايدة كي رانا نحكو في التلفون هو زعف و قالي راكي شايفتني فايدة و مصلاحة
واللعلم رانا دايمن متزاعفين ملي قتلو ارواح لدارنا قالي مركيش صابرة معيا و قالي انا كون بعيني فالحرام ماهوش بعيد عليا و ولازم تاامنيني و لارزم تصبري و انا مقدرش حسيتو راه يتمسخر لاخاتر مكان حتى حاجة تحكمو و لا تمنعو باه يجي لدارنا
انا والله لا كرهت حياتي و حسيت ضيعت وقتي معاه
بواش تنصحوني نقولو لاخاتر منيش حابة نخسرو و فاني راني باغية نهدر معاه نيشان لاخاتر يقولي انتي متعرفيش توصلي الفكرة
انا راني حابتو يجي يخطبني و خلاص حاجة تكون فالحلال والله لا كرهت

[malak achark]

يااختي والله ربي ماشرع هاد التعارف
انا في رايي تقطعي اتصالك بيه نهائيا خوفا من الله سبحانه وتعالى وان كان ناويك للحلال راهو يجيك الي مكتوب على لجبين ماتنحيه الايد
كان الله في عونك

[nour73]

عندك الحق ملاك اختي لي ينوي الحلال باين و 10 شهر انا نضن بلي بزااااااف هاد قلبك لازم تعفسي عليه و يكون عندك قرار صارم لانو ياما سمعت حكايا كيما هاك والنية اكيد ماهيش صافية الى بالدليل وهو يجيك للدار

[!asma!]

ربي يهديه اختي راهم كامل هكذا يديرو لبنات الناس
ندبر عليك حطيه امام الامر الواقع , قوليلو درك ما بقيتش نعرفك , اذا تحبني هاو ليك باب الدار
اذا كان نيتو صافية او يجي , و لكان غير لعب و الله ما يزيد يتلفتلك
و تربحي انت في كلتا الحالتين
ربي يعاونك و بالتوفيق

[أم البشائر]

انت قلتي حاجة ما تمنعو باه يجي وما جاش معناها موش ناويك


وزدتي قلتي ضيعت وقتي معاه

ما تزيديش تضيعي وقت اكثر

[طارق2518]

راكي جاوبتي على روحك في الأخير
حافظي على روحك
الله يكون في عونك

[حمراوي نت]

راكي جاوبتي على روحك في الأخير
حافظي على روحك
الله يكون في عونك
رأيي من رأي الأخ طارق ، زد على ذلك أطرح عليك سؤال و أرجو منك الإجابة عليه بينك و بين نفسك : أين خوفك من الله تعالى ؟ يجب عليك أن تبني حياتك المستقبلية على أسس صحيحة و متينة و إلا فإن ما بني على غير ذلك لا يلبث أن يزول و ينتهي ....

[شهد حنان]

راكي تقولي تعارف والتعارف ما يزيدش على 3 اشهر لي يحوس عليك يجي للدار حتى ولو ماشي قادر يجي غير يهدر عليك
ونتمنى ما تقليش نخسرو لانو هو ما خممش يخسرك كون ما يجيش للدار ويتقدم ليك شخص اخر ويقبلو والديه
زيد هذي ماشي خطوة صعيبة اذا كان يحوس عليك

[hayet04]

السلام عليكم
بالمختصر انا تعرفت على شخص ولمدة10اشهر خلاص فالحق تعارفنا و بزيادة قتلو دروك لازم تجي تخطبني و كامل ماعندنا حتى فايدة كي رانا نحكو في التلفون هو زعف و قالي راكي شايفتني فايدة و مصلاحة
واللعلم رانا دايمن متزاعفين ملي قتلو ارواح لدارنا قالي مركيش صابرة معيا و قالي انا كون بعيني فالحرام ماهوش بعيد عليا و ولازم تاامنيني و لارزم تصبري و انا مقدرش حسيتو راه يتمسخر لاخاتر مكان حتى حاجة تحكمو و لا تمنعو باه يجي لدارنا
انا والله لا كرهت حياتي و حسيت ضيعت وقتي معاه
بواش تنصحوني نقولو لاخاتر منيش حابة نخسرو و فاني راني باغية نهدر معاه نيشان لاخاتر يقولي انتي متعرفيش توصلي الفكرة
انا راني حابتو يجي يخطبني و خلاص حاجة تكون فالحلال والله لا كرهت

غديري كيما درت انا قتلو الا بغيتني راني في دارنا و ادا بغاك يجيك

[ala eddine b]

ربي يعاونك و بالتوفيق

[نور اليقين جيداء]

ربي يرزقك ان شاء الله بازوج الصالح و الحلال بابو باين
بالتوفيق

[أم لجيـن]

زيدي زيدي ضيعي وقتك اكثر معاه ....كون جا حابك يخطبك بلا متبردي وجهك ليه

[sihem30]

على حساب واش قلتي قالك راكي شايفتني فايدة و مصلحة ؟؟ هذا الشخص واقيل راهو حاب يعيش قصة حب كيما المسلسلات باش يجي يخطب ؟؟؟؟؟
يمال قوليلو انا بنت فاميلية و احنا ناس محترمين و يلا راني عاجباااتك و حاب الحلال دارنا راهي مفتوحة لولاد اللحلال و لاد الفاميلية و يلا ماراكش حاب الحلال معايا يمال اسمحلي نقطعو العرق و نسيلو الدم ديالو ..
و انتي يا اختي من الاجابة نتاعو تعرفي يا تقطعي العرق و تسيلي الدم يا توجدي الحلويات ...... و في كل الحالات ما راكي خاسرة والو انتي فقط راكي اتعلمتي من هاد التجربة و خذيتي درس في حياتك اذا كان الرد نتاعو سلبي استغفري الله و توبي اليه و راكي اتعلمتي ...و اذا كان الرد نتاعو ايجابي يا مرحبا بيه
و افهم يا الفاهم .............************************

[لكحل بلال]

اذا كان يحبك فليأتي البيت من بابه >>>>>>>>>>>