زيارات الاهل والاقارب ....هلكتنى [الأرشيف] - منتديات الجلفة لكل الجزائريين و العرب

مباركة 1961

2012-07-09, 06:51

سلام.....
تقولون قد جنت الاستادة ..او ضربتها السخانة ...
مند نهاية الامتحانات ..ودارى لاتفرغ من كثرة زيارات الاهل والاقارب ....اين الخلل.. لقد كرهت فعلا لقد كرهت ..لكم الحق بوصفى بما تريدون ...
_الزيارة فى غير وقتها (تسلبنى قيلولتى )
_وخاصة ادا كانت قبل الغداء او العشاء بوقت قصير _تهبلنى _...ماصدقت انى خرجت من المطبخ وسخانته حتى اعود اليه مجبرة
مارايكم هل فعلا جننت ...ام انه على الزائر اختيار الوقت المناسب للزيارة
اعدرونى لطرح الموضوع هنا فانا والله جد مرهقة ولحمى يتفرتت من السخانة لااتحملها وصار المطبخ كابوسا ...تقولون اطبخى اكلات خفيفة.....عيب عندنا الضيف ياكل الخبز نتاع برة ...انقدونى مالعمل...

راجي الصّمدِ

2012-07-09, 07:14

السّلامُ عليكم ورحمة الله وبركاته

للأسف الشّديد قد يغفل الكثير عن أمر مهمّ
وهو أنّ الضّيف نفسه له آداب يجب أن يتحلّى بها
ويلتزمها أثناء زيارته ولا ينبغي أن يهجم مباشرة فهذا لا يليق بالمسلم العاقل ..

من أهمّها "زر غبّا تزدد حبّا"
والحديث إن كان ضعيفا فمعناه صحيح
يعني زر مرّة على مرّة كما نقول نحنُ
وليس كلّ أسبوع تهجم وتزدم على النّاس
فقد توقعهم في حرج وأنت لا تدري
قد يكون المضيف لا يقدر على تضييفك وإطعامك على الوجه اللائق والمناسب
وأنت قد تحرجه بطلباتك ..
والله المسؤول أن يصلح أحوالنا وأحوالكم
جزاك الله خيرا سيّدتي بارك الله فيك
...

imi02i

2012-07-09, 08:16

السلام عليكم ورحمـة الله
عندك حق أختي
الزيارة ليها آداب وليها أوقات خاصـة
لكن للأسف: حنا مانعرفو آداب مانعرفو أوقات زيارة
والكارثة اللي أكبر من هذا لما يكون عندك مريض
تجيك الناس من الصباح للعشيـة والناس اللي تبات عندك
ماهي في صالحك ماهي في صالح المريض
واش نقلك في حليلك يا أستاذة
أنا كي نكره مواقف مثل هذي نروح نقعد وحدي في غرفـة

مباركة 1961

2012-07-09, 08:31

السّلامُ عليكم ورحمة الله وبركاته

للأسف الشّديد قد يغفل الكثير عن أمر مهمّ
وهو أنّ الضّيف نفسه له آداب يجب أن يتحلّى بها
ويلتزمها أثناء زيارته ولا ينبغي أن يهجم مباشرة فهذا لا يليق بالمسلم العاقل ..

من أهمّها "زر غبّا تزدد حبّا"
والحديث إن كان ضعيفا فمعناه صحيح
يعني زر مرّة على مرّة كما نقول نحنُ
وليس كلّ أسبوع تهجم وتزدم على النّاس
فقد توقعهم في حرج وأنت لا تدري
قد يكون المضيف لا يقدر على تضييفك وإطعامك على الوجه اللائق والمناسب
وأنت قد تحرجه بطلباتك ..
والله المسؤول أن يصلح أحوالنا وأحوالكم
جزاك الله خيرا سيّدتي بارك الله فيك
...

سلام ياراجى الصمد ..
فعلا للزيارة اداب ..ولكن بعضنا يحرق كل قواعدها عن قصد وكانه يستفزك او لاادرى لم
هل يفكرون قبل المحيىء ام انها اصبحت ظاهرة يجب التنبيه اليها....
ساعات تجى فى راسى نقول مانفتحش الباب لكن نولى نحشم
ونسكت عن مضض وخاصة غندما يكون الوقت صباحا باكرا ولم انتهى بعد من تنظيف البيت واحضار الاكل او فى وقت القيلولة عندما اغفو قليلا يدق الباب_كللى جبدتنى من بير _
مشكور اخى على رايك كنت اظن نفسى غير انا اللى صايرلى هكدا.............................

مباركة 1961

2012-07-09, 08:36

السلام عليكم ورحمـة الله
عندك حق أختي
الزيارة ليها آداب وليها أوقات خاصـة
لكن للأسف: حنا مانعرفو آداب مانعرفو أوقات زيارة
والكارثة اللي أكبر من هذا لما يكون عندك مريض
تجيك الناس من الصباح للعشيـة والناس اللي تبات عندك
ماهي في صالحك ماهي في صالح المريض
واش نقلك في حليلك يا أستاذة
أنا كي نكره مواقف مثل هذي نروح نقعد وحدي في غرفـة

سلامى ايميو 2
فعلا ساعات الواحد يدخل فى بعضاه من هكدا امور ...ولكن مالعمل انت تدخلين غرفتك وتبقين فترة لوحدك ....وانا اين ادهب ..

imi02i

2012-07-09, 08:42

سلامى ايميو 2
فعلا ساعات الواحد يدخل فى بعضاه من هكدا امور ...ولكن مالعمل انت تدخلين غرفتك وتبقين فترة لوحدك ....وانا اين ادهب ..

أنت تعانيـــــــــن مثل والدتـي
على الأقــــــل أنا مزلت مع أهلي والمسئولية تقع على الكبار
أنا لا أدخل المطبخ ن لكن نروح نجيب المصروف دائمـا
ربي يعاونك يا أستاذة
ولا تاخذي برايي ماتفتحي الباب لحتى واحد :19::19::19::19::19:

مباركة 1961

2012-07-09, 09:00

اتعرفين ..انا لااحتمل العرق يجينى حبوب صغيرة فى اماكن حساسة من جسمى واضطر لوضع التالك ومختلف الدهون ...راه جسمى غير ريحة تالك ولليت بيبى ...والمصيبة كى يشوفوك تعانى ..يقولولك __واقيلا ازعجناكم فتردى بنفاق لا لا ابدا مرحبا بكم فى كل وقت ....وانا نكرز فى داخلى....

imi02i

2012-07-09, 09:15

اتعرفين ..انا لااحتمل العرق يجينى حبوب صغيرة فى اماكن حساسة من جسمى واضطر لوضع التالك ومختلف الدهون ...راه جسمى غير ريحة تالك ولليت بيبى ...والمصيبة كى يشوفوك تعانى ..يقولولك __واقيلا ازعجناكم فتردى بنفاق لا لا ابدا مرحبا بكم فى كل وقت ....وانا نكرز فى داخلى....

معكـ حــــق ..
مش من صفاتنـــــا أننا نهينوا الضيف أو نبينولوا بلي رانا متضايقين منو
طبعا إذا كثرها بزاف
لكن غريبـة أن الواحد يدخل ليك ومن بعد يقلك وقيلا أزعجناكم ؟
ربي يشافيك ويزيح عليك كل الهموم

محمد جديدي التبسي

2012-07-09, 10:03

الله يعينكم
نحن لا يزورنا الكثير والحمد لله
والحمد لله عائلة من الصرحاء والجود من الموجود
قهيوة والسلام لا تتجاوز الزيارات سويعات إلا إذا كان الزائر بعيدا فينام ليلته ثم يغادر ولا يأتينا أحد تقريبا من دون دعوة
لافامي تاعنا عندهم النيف ولازم تعرضهم باش يجو، يعني لازم يأخذ موعد :) واللي يجي فجأة يشرب الماء والقهوة ويروّح

الله يوفقك أستاذة علقي منشور قدام الباب "يرحم من زار وخفف" أو مواعيد الزيارة كيما تاع الأطباء :)

عُضو مُحترم

2012-07-09, 10:24

والله نفس الشيء يا امنا مباركة

قبل اكثر من اسبوعين جاءت امي و اخي من العُمرة

احنا عرضناهم يوم السبت قبل الماضي للوليمة

باش نتعبو مرة وحدة و نستقبولهم في يوم واحد

مش مل يوم يجيني واحد و يجي غير في وقت اللي نكون تعبان و حاب نرتاح

كل ساعة يدخل واحد تحسب قهوة موح؟؟؟؟

صح احنا كرما و نستقبلو الضياف

ارواح نهار نعرّضك

مش حتى تفوت العرضة و تجيني وقت الغدا؟؟؟؟

الواثق

2012-07-09, 11:23

ههه راكي كيما حنا فندق كل يوم الضياف واي واحد يحب يستريح يجي لعندنا ..............حتى جدي يرحمه الله كاين داير بيت يستقبل فيه عابري سبيل وكانو يقولولو بيت الجنة ههه..........وانا انزعج كثيرا من بعض الزيارات التي هدفها ملء البطن والذهاب والله المستعان....................والعديد من الناس يديرك راكي مرتاحة ويجو ينغزو عليك والله المستعان ...................اما الضيف راهو باين وواضح .................

وكما قال اخي محمد الاكرام بالموجود ............ وانا لما اتي بضيوف نشريلهم من برة الله غالب ماعندي مرا طيبلهم وامي مانحبش نعييها بالرغم انها لم تقصر يوما

نجمة ساطعة

2012-07-09, 11:30

اتعرفين ..انا لااحتمل العرق يجينى حبوب صغيرة فى اماكن حساسة من جسمى واضطر لوضع التالك ومختلف الدهون ...راه جسمى غير ريحة تالك ولليت بيبى ...والمصيبة كى يشوفوك تعانى ..يقولولك __واقيلا ازعجناكم فتردى بنفاق لا لا ابدا مرحبا بكم فى كل وقت ....وانا نكرز فى داخلى....

هههههههه الله غالب مضطرين للنفاق الاجتماعي :1::1:

لا آداب زيارة لا احترام بيوت و كون تلعبيها دين يقاطعوك و يطلعوك انت اللي مش مليحة

مبْدِعَـﮧْ حَتَّى فِي ـأَخْطَآْئِي

2012-07-09, 11:32

اليَـوم الخامِس علـى التَّوالِـي و البيتْ لا يَكـاد يخلُـو من وجهٍ غريـب ..

:mad: , :mad:

- يُخرجُ واحد يُدخُـل واحد ..

ربِّـــــي يكون فِي عونك و في عونَّـا يا أختِي .

*رتاج الكعبة*

2012-07-09, 11:38

ايه ياختي والله الكل يعاني مما تعانيه حتى حنا عندنا الداخل والخارج بززاف تقولي فندق وخاصة في شهر رمضان
الله يعيننا,,, خاصة من اللي دمهم ثقيل
الواحد يصبر وخلاص,,

مباركة 1961

2012-07-09, 11:38

الله يعينكم
نحن لا يزورنا الكثير والحمد لله
والحمد لله عائلة من الصرحاء والجود من الموجود
قهيوة والسلام لا تتجاوز الزيارات سويعات إلا إذا كان الزائر بعيدا فينام ليلته ثم يغادر ولا يأتينا أحد تقريبا من دون دعوة
لافامي تاعنا عندهم النيف ولازم تعرضهم باش يجو، يعني لازم يأخذ موعد :) واللي يجي فجأة يشرب الماء والقهوة ويروّح

الله يوفقك أستاذة علقي منشور قدام الباب "يرحم من زار وخفف" أو مواعيد الزيارة كيما تاع الأطباء :)

سلامى اخ التبسي...
ياسعدكم احنا اللى يجو يجو باش يقعرجوا برك ..ومعذلك ماعليهش المهم مايجوش فى وقت نكون طيبت لاوردى وخلاص ..وتعرفو اكل الصيف
اما البطاقة نحشم نديرها بالصح نفكر...
ندير سبق اجتماعى بهذه الخرجة..

مباركة 1961

2012-07-09, 11:41

والله نفس الشيء يا امنا مباركة

قبل اكثر من اسبوعين جاءت امي و اخي من العُمرة

احنا عرضناهم يوم السبت قبل الماضي للوليمة

باش نتعبو مرة وحدة و نستقبولهم في يوم واحد

مش مل يوم يجيني واحد و يجي غير في وقت اللي نكون تعبان و حاب نرتاح

كل ساعة يدخل واحد تحسب قهوة موح؟؟؟؟

صح احنا كرما و نستقبلو الضياف

ارواح نهار نعرّضك

مش حتى تفوت العرضة و تجيني وقت الغدا؟؟؟؟
سلامى ..
دارى راهى قهوة موح وفندق موح واستراحة موح
الله يكون فى العون برك..

مباركة 1961

2012-07-09, 11:47

ههه راكي كيما حنا فندق كل يوم الضياف واي واحد يحب يستريح يجي لعندنا ..............حتى جدي يرحمه الله كاين داير بيت يستقبل فيه عابري سبيل وكانو يقولولو بيت الجنة ههه..........وانا انزعج كثيرا من بعض الزيارات التي هدفها ملء البطن والذهاب والله المستعان....................والعديد من الناس يديرك راكي مرتاحة ويجو ينغزو عليك والله المستعان ...................اما الضيف راهو باين وواضح .................

وكما قال اخي محمد الاكرام بالموجود ............ وانا لما اتي بضيوف نشريلهم من برة الله غالب ماعندي مرا طيبلهم وامي مانحبش نعييها بالرغم انها لم تقصر يوما
تحياتى الواثق..
انا ساكنه فى عمارة من 4 حجر وين نحطهم كان جاء على الاكل قالتلى بنتى كونجلى كمية منه ولما يجى اى واحد ديرى فى الميكرو اوند والتعب من الجلوس والنفاق فى الحديث .واش ندير فيهم...

الواثق

2012-07-09, 11:49

الله يعينكم
نحن لا يزورنا الكثير والحمد لله
والحمد لله عائلة من الصرحاء والجود من الموجود
قهيوة والسلام لا تتجاوز الزيارات سويعات إلا إذا كان الزائر بعيدا فينام ليلته ثم يغادر ولا يأتينا أحد تقريبا من دون دعوة
لافامي تاعنا عندهم النيف ولازم تعرضهم باش يجو، يعني لازم يأخذ موعد :) واللي يجي فجأة يشرب الماء والقهوة ويروّح

الله يوفقك أستاذة علقي منشور قدام الباب "يرحم من زار وخفف" أو مواعيد الزيارة كيما تاع الأطباء :)

هههه الورقة كنا نديروها في الحي الجامعة ..............جاري كان كاتب فيها *** اخطووووووونيييي*** ههه............انا كنت نعلق ورقة ممنوع الزيارات بعد ال 10 وكان جاري شاوي ههه هبلني ساكن عندي والغرفة تاعو والله ماتدخلها ومعمرها زوواوش حتى الزواوش حبسو التغريد بيه مكانش الحس عندو .......................وانا غرفتي مرات ويطبطب واحد نقلو اصبر راهي البلاصة مكانش حتى يخرج واحد ههه..............وكل مانعلق ورقة كل ما يكثرو الزوار .............وفي الصيف نحيت الباب قع ودرت ستار وتهنيت هههه

مباركة 1961

2012-07-09, 11:51

هههههههه الله غالب مضطرين للنفاق الاجتماعي :1::1:

لا آداب زيارة لا احترام بيوت و كون تلعبيها دين يقاطعوك و يطلعوك انت اللي مش مليحة

سلامى يانجمة ساطعة
واعلاه مكتوب على النفاق انا فى العطلة _السخانه ونزيد التنيفيق هكذا مايجى يخلاص الصيف حتى ننقص 50 كيلو ويشيبو شعراتى

مباركة 1961

2012-07-09, 11:54

اليَـوم الخامِس علـى التَّوالِـي و البيتْ لا يَكـاد يخلُـو من وجهٍ غريـب ..

:mad: , :mad:

- يُخرجُ واحد يُدخُـل واحد ..

ربِّـــــي يكون فِي عونك و في عونَّـا يا أختِي .

سلامى يامبدعة
ربي يكون فى العون برك هذا مانقولو او يهرب الواحد من دارو ومايرجعش للمساء...

مباركة 1961

2012-07-09, 11:56

ايه ياختي والله الكل يعاني مما تعانيه حتى حنا عندنا الداخل والخارج بززاف تقولي فندق وخاصة في شهر رمضان
الله يعيننا,,, خاصة من اللي دمهم ثقيل
الواحد يصبر وخلاص,,
سلامى ياريحانة تلمسان ..
الصبر اللى راكى تهدرى عليه وين يتباع باش نشرى منه لان مخزونى نفذ

الواثق

2012-07-09, 11:58

تحياتى الواثق..
انا ساكنه فى عمارة من 4 حجر وين نحطهم كان جاء على الاكل قالتلى بنتى كونجلى كمية منه ولما يجى اى واحد ديرى فى الميكرو اوند والتعب من الجلوس والنفاق فى الحديث .واش ندير فيهم...

صدقيني انا اصدقائي لي ساكنين في عمارات مانحبش ندخل ليهم بتاتا لاني عارف ندير احراج ولو كان قليل ......................

ماعليش اختي هذا من كرمكم حاولي انك تتاقلمي مع الوضع لانو من المستحيل تطرديهم ...........وهذا كامل حال البيوت اللي اهلها محبوبين ..................فعليك ان تتشرفي بهذا...............كاين لي راه مشتاق يشوف واحد او واحد يطبطب عليه

مباركة 1961

2012-07-09, 12:10

صدقيني انا اصدقائي لي ساكنين في عمارات مانحبش ندخل ليهم بتاتا لاني عارف ندير احراج ولو كان قليل ......................

ماعليش اختي هذا من كرمكم حاولي انك تتاقلمي مع الوضع لانو من المستحيل تطرديهم ...........وهذا كامل حال البيوت اللي اهلها محبوبين ..................فعليك ان تتشرفي بهذا...............كاين لي راه مشتاق يشوف واحد او واحد يطبطب عليه

ياخى الواثق
من رايك اذا مكان لاه ندير بطاقة ليهجمو على
شوف انا مايهمنيش بالصح اولادى ...اصبحوا كثيرى الاحتجاج والتعصب ...انغزهم يديرو جريمه..واحد يجى من خدمتو تعبان يقول نستلقى برك شوية من العمل راهو عاد مايجيش يبقى فى المحل نتاعو يسكرو ويرقد...الثانى يقول لى سكرى على الشمبرة نتاعى وتهردى معاهم ومع اولادهم البنت المتزوجة راه عندى لان زوجها غائب وزيد مريضة عادت لاتحتمل والبنت الاخيرة راه تضال تطالع فى كتبها تحظر فى رسالة العام القادم نتاع التخرج ...
وانا نبقى هارجة وحدى ..
انا نتاع الكرم بالصح الناس عادت تشرط فى الاكل ..انا مانحبش الحار والاخر العجائن ماتوالمنيش .....و...و..
لو كان الناس ماهيش مشرك فامها كانت بسيطة زيارة وتفوت بالصح....واش نقلك اليوم رانى راحة حتى الغداء رانى مقابلة الميكرو وناكل فى كاسكروط ...وربي يستر فى المساء ...

بنت الحجاج

2012-07-09, 12:15

خالتي مباركة

زوجي وليدكْ

و جيبيلو طفلة فحلة

باه تهنيكْ من الكوزينة

الواثق

2012-07-09, 12:21

ياخى الواثق
من رايك اذا مكان لاه ندير بطاقة ليهجمو على
شوف انا مايهمنيش بالصح اولادى ...اصبحوا كثيرى الاحتجاج والتعصب ...انغزهم يديرو جريمه..واحد يجى من خدمتو تعبان يقول نستلقى برك شوية من العمل راهو عاد مايجيش يبقى فى المحل نتاعو يسكرو ويرقد...الثانى يقول لى سكرى على الشمبرة نتاعى وتهردى معاهم ومع اولادهم البنت المتزوجة راه عندى لان زوجها غائب وزيد مريضة عادت لاتحتمل والبنت الاخيرة راه تضال تطالع فى كتبها تحظر فى رسالة العام القادم نتاع التخرج ...
وانا نبقى هارجة وحدى ..
انا نتاع الكرم بالصح الناس عادت تشرط فى الاكل ..انا مانحبش الحار والاخر العجائن ماتوالمنيش .....و...و..
لو كان الناس ماهيش مشرك فامها كانت بسيطة زيارة وتفوت بالصح....واش نقلك اليوم رانى راحة حتى الغداء رانى مقابلة الميكرو وناكل فى كاسكروط ...وربي يستر فى المساء ...

اعانكم الله ووفقكم وسدد خطاكم ............................وخير الناس من خالط الناس وصبر على اذاهم

محمد جديدي التبسي

2012-07-09, 12:26

هههه الورقة كنا نديروها في الحي الجامعة ..............جاري كان كاتب فيها *** اخطووووووونيييي*** ههه............انا كنت نعلق ورقة ممنوع الزيارات بعد ال 10 وكان جاري شاوي ههه هبلني ساكن عندي والغرفة تاعو والله ماتدخلها ومعمرها زوواوش حتى الزواوش حبسو التغريد بيه مكانش الحس عندو .......................وانا غرفتي مرات ويطبطب واحد نقلو اصبر راهي البلاصة مكانش حتى يخرج واحد ههه..............وكل مانعلق ورقة كل ما يكثرو الزوار .............وفي الصيف نحيت الباب قع ودرت ستار وتهنيت هههه
فكرتني بمرة جانا واحد زيارة ولم تكن عنده إقامة فأراد الاقامة وفرض نفسه علينا
وهو الحقيقة متخلق وناس ملاح وزوالي وأصدقائي في الغرفة تضايقوا منه لأنه كان ينام وسط الغرفة ونحن على الأسرّة فكان هذا يشكل ازعاج لنا فكلفوني بمهمة مصارحته فقلت له ذلك بأسلوب جيد فاقتنع وغيّر الغرفة
والصراحة راحة أخي الواثق

الواثق

2012-07-09, 12:26

خالتي مباركة

زوجي وليدكْ

و جيبيلو طفلة فحلة

باه تهنيكْ من الكوزينة

والدال على الخير كفاعله ........................جيبيلو سورية تهنيك من الشغل ههه

مهاجرة إلى ربي

2012-07-09, 12:30

السلام عليكم ورحمة الله وبركاته
الله المستعان
كان الله في عونكِ أستاذة
وكما قال الإخوة والأخوات قبلي
الأمر راجع لغياب آداب الزيارة ، والاثقال علي النّاس فوق اللزوم.
احتسبي الأجر أستاذة
والظاهر عليك بنصيحة أختي بنت الحجاج *ابتسامة *

خالتي مباركة

زوجي وليدكْ

و جيبيلو طفلة فحلة

باه تهنيكْ من الكوزينة

الواثق

2012-07-09, 12:31

فكرتني بمرة جانا واحد زيارة ولم تكن عنده إقامة فأراد الاقامة وفرض نفسه علينا
وهو الحقيقة متخلق وناس ملاح وزوالي وأصدقائي في الغرفة تضايقوا منه لأنه كان ينام وسط الغرفة ونحن على الأسرّة فكان هذا يشكل ازعاج لنا فكلفوني بمهمة مصارحته فقلت له ذلك بأسلوب جيد فاقتنع وغيّر الغرفة
والصراحة راحة أخي الواثق

هههههه..........على فكرة مرة سكن معايا تبسي فوجدته يبيع المخذرات فطردته ..................وصرات فوضة كبيرة ومن بعد حليناها .........

soso sirin

2012-07-09, 12:54

واش راكي يا استاذة ان شاء الله مليحة و ربي يكون في عونك ان شاء الله.حنا مشكلتنا كيما انتي دارنا هي الدار الكبيرة لانو جداتي كانت عايشة عندنا معنتها الناس كامل والفو يجو لعندنا و مانكذبش عليك بابا كريم بزاف و يصبر للناس كامل و يساعفهم و حتا ماما ماتهدرش و كي يجي الضيف تحسب الجنة راهي عندنا ايه علابانا بلي الضيف مليح و حاجة مليحة كي تلقاي دار يدخلوها الناس مي كلشي بالحساب انا نبغي الضيف كي يجي لعندي يعيطلي الحمد الله كاين التيليفون و ماخسرت والو كون تعيط بلاك ماتلقانيش في الدار بلاك مانكونش واجدة و راكي تعرفي الشي راه غالي و كلشي ولى يتكلف و زيديلها السخانة واحد يولي حاس روحو داخل لجهنمة والله بزاف .و الشابة تاع الصح كي يجيك ضيف وقت الفطور نيشان هذا واش تحطيلو.اختي الكبيرة تاني تموت على الناس تقولي انتي باغية تعيشي روحك قتلها لالا مي كل واحد يحترم روحو كاين حاجة واسمها اداب الزيارة .ولينا في اي مناسبة نديرو حاجة باه نلموهم والله مانكره الضيوف بلعكس مي نبغي انا الي نعرض و لا يجو لعندي بلا تكسار الراس مرات تلقايهم يجوك للدار و يداقو فيك كون ماشي الحشمة واحد يحاوزهم مي الله غالب راهم في دارنا و عيب كبير باه واحد يدير حاجة كيما هكا و انا نكره الي يجي لعندي و يدخل روحو فيا راك ضيف امالا احترم روحك و ماتقلقنيش باه مانفوتش فيك ربي يهدينا انا وحدا من الناس والله مانخرج بزاف لانووكيما نعذر روحي نعذر الناس

مباركة 1961

2012-07-09, 13:21

خالتي مباركة

زوجي وليدكْ

و جيبيلو طفلة فحلة

باه تهنيكْ من الكوزينة
تحياتى بنت الحجاج ...
قات نزوج واحد منهما.. الاول قال لى اللى نعرس بيهم نشريهم سلعة للحانوت .....مع هذا العلاء نتاع العرايس نلم ربح عامين ونجيب عروس ونخلى الحانوت فارغة ..غير هاذى اللى ماتصراش
والثانى راه يلم فى شهريته لاستكمال ثمن السكن التساهمى وقال لى غير ما تشقايش ...انا مانسكنش فى حك زالاميط _العمارة _

.
.
.
.
.مازال حل واحد
.
.
.
.نزوج راجلى ونتهنى.........
واش رايكم............................................. ................................

مباركة 1961

2012-07-09, 13:29

والدال على الخير كفاعله ........................جيبيلو سورية تهنيك من الشغل ههه

تحياتى.....
وسلعتنا وين نديروها هل ترضى لها بالكساد ..
انا غير يقبلو ولادى بالزواج ونشوفو.....
فكرتنى بواحد الفيديو شفته مع اولادى للشيخ شمس الدين الجزائرى _ الشيخ نتاع قناة النهار كون تشوفو غير تموت من الضحك...حول النساء الجزائريات وكل ولايه والبنات نتاوعها باش يتميزو ..(شفته موضوع هنا فى المنتدى نسيت مكانه

مباركة 1961

2012-07-09, 13:34

السلام عليكم ورحمة الله وبركاته
الله المستعان
كان الله في عونكِ أستاذة
وكما قال الإخوة والأخوات قبلي
الأمر راجع لغياب آداب الزيارة ، والاثقال علي النّاس فوق اللزوم.
احتسبي الأجر أستاذة
والظاهر عليك بنصيحة أختي بنت الحجاج *ابتسامة *

تحياتى ...
ماعندنا غير الصبر والدعاء _بالصح واش نقول فى الدعاء _ربي خفف ضيافى هههههههههههههه
خلاص نقول _ اللهم لانسالك رد البلاء انما نسالك اللطف فيه ....

مباركة 1961

2012-07-09, 13:44

واش راكي يا استاذة ان شاء الله مليحة و ربي يكون في عونك ان شاء الله.حنا مشكلتنا كيما انتي دارنا هي الدار الكبيرة لانو جداتي كانت عايشة عندنا معنتها الناس كامل والفو يجو لعندنا و مانكذبش عليك بابا كريم بزاف و يصبر للناس كامل و يساعفهم و حتا ماما ماتهدرش و كي يجي الضيف تحسب الجنة راهي عندنا ايه علابانا بلي الضيف مليح و حاجة مليحة كي تلقاي دار يدخلوها الناس مي كلشي بالحساب انا نبغي الضيف كي يجي لعندي يعيطلي الحمد الله كاين التيليفون و ماخسرت والو كون تعيط بلاك ماتلقانيش في الدار بلاك مانكونش واجدة و راكي تعرفي الشي راه غالي و كلشي ولى يتكلف و زيديلها السخانة واحد يولي حاس روحو داخل لجهنمة والله بزاف .و الشابة تاع الصح كي يجيك ضيف وقت الفطور نيشان هذا واش تحطيلو.اختي الكبيرة تاني تموت على الناس تقولي انتي باغية تعيشي روحك قتلها لالا مي كل واحد يحترم روحو كاين حاجة واسمها اداب الزيارة .ولينا في اي مناسبة نديرو حاجة باه نلموهم والله مانكره الضيوف بلعكس مي نبغي انا الي نعرض و لا يجو لعندي بلا تكسار الراس مرات تلقايهم يجوك للدار و يداقو فيك كون ماشي الحشمة واحد يحاوزهم مي الله غالب راهم في دارنا و عيب كبير باه واحد يدير حاجة كيما هكا و انا نكره الي يجي لعندي و يدخل روحو فيا راك ضيف امالا احترم روحك و ماتقلقنيش باه مانفوتش فيك ربي يهدينا انا وحدا من الناس والله مانخرج بزاف لانووكيما نعذر روحي نعذر الناس

تحياتى سيرين .
التلفون مايستعملو هش فى هكذا ظرف ...يحبو يديرو هالك مفاجاة باش يلقاوك كيما راك...
الحضارة هذى مازال ماتوصلناش ذرك ...
ساعات والله حتى الباب ومايدقوهش اذا وجدوه مفتوح غير يدخلوا ديراكت ..
وساعات نكون لابسة لباس مكشوف فيحرجونى _طب لصق _تلقاى الواحد مبيكى قدامك ماتعرفى واش تديرى...
قال لى راجلى ديرى الخمار فى الباب باش تلقايه فيسع ....ياخى ياخى الواحد فى دارو ويحط لبسته على جنب ويبقى دائما فى الاستعداد....مع هذه السخانه كون صبت شعرى نحيته ...نزيد نديرلو خمار...

ربي يلطف هذا الصيف لا تلقاونى مهبولة فى الطريق

soso sirin

2012-07-09, 14:01

تحياتى سيرين .
التلفون مايستعملو هش فى هكذا ظرف ...يحبو يديرو هالك مفاجاة باش يلقاوك كيما راك...
الحضارة هذى مازال ماتوصلناش ذرك ...
ساعات والله حتى الباب ومايدقوهش اذا وجدوه مفتوح غير يدخلوا ديراكت ..
وساعات نكون لابسة لباس مكشوف فيحرجونى _طب لصق _تلقاى الواحد مبيكى قدامك ماتعرفى واش تديرى...
قال لى راجلى ديرى الخمار فى الباب باش تلقايه فيسع ....ياخى ياخى الواحد فى دارو ويحط لبسته على جنب ويبقى دائما فى الاستعداد....مع هذه السخانه كون صبت شعرى نحيته ...نزيد نديرلو خمار...

ربي يلطف هذا الصيف لا تلقاونى مهبولة فى الطريق

ربي يكون في عونك ان شاء الله و يعطيك الصبر قد البحر باه ماتتقلقيش بزاف بعيد الشر عليك و الحمد الله راه قريب رمضان تولي الضيافة بالعرضة و حتا السهرات يولو يقولو قبل مايجو انا مانسيبورتيش السهرات بزاف في رمضان . الله غالب واحد ماولاش يحمل العياط الواحد قلبو راه غير يضياق والله حنا في الصيف كي نتلمو غير صحاب الدار برك و ولادهم تحسبي رانا في الستاد قتلهم غدوة كي نتزوجو كامل نولو نجو بليكيب و اذا توحشنا بعضانا نولو نتلاقاو في ديارنا والله مسكين بابا و ماما نقرقشوهم من ريسانهم

مباركة 1961

2012-07-09, 14:12

ربي يكون في عونك ان شاء الله و يعطيك الصبر قد البحر باه ماتتقلقيش بزاف بعيد الشر عليك و الحمد الله راه قريب رمضان تولي الضيافة بالعرضة و حتا السهرات يولو يقولو قبل مايجو انا مانسيبورتيش السهرات بزاف في رمضان . الله غالب واحد ماولاش يحمل العياط الواحد قلبو راه غير يضياق والله حنا في الصيف كي نتلمو غير صحاب الدار برك و ولادهم تحسبي رانا في الستاد قتلهم غدوة كي نتزوجو كامل نولو نجو بليكيب و اذا توحشنا بعضانا نولو نتلاقاو في ديارنا والله مسكين بابا و ماما نقرقشوهم من ريسانهم

تحياتى
تعرفى ماللى خلصنا الامتحانات ..ماقدرتش نروح نزور اهلى من كثرة الزيارات....
مادرت حتى واجب معاهم ....
اما فى رهضان ...انا قلت للجميع نحب نصوم بلا تقطاع فى الناس وبلا كلام زايد لا فى النهار ولا فى الليل
قلتلهم قاع وافارتيتهم _ماكانش زيارات _حتى من بعد العيد ..
ياختى شهر فى العام وما نعيشوهش مسقم صافيين بيننا وبين ربي والعباد..............
النساء اذا تلاقاو غير التقطاع..........مايشدهم لارمضان لاسخانه لاتعب لااقريسيون فى الليل لاوالو
اللهم بلغنا رمضان وقدرنا على صيامه وقيامه لعلنا نمحو به ذنوبنا وسيئاتنا....

بنت الحجاج

2012-07-09, 15:27

[/size]
تحياتى بنت الحجاج ...
قات نزوج واحد منهما.. الاول قال لى اللى نعرس بيهم نشريهم سلعة للحانوت .....مع هذا العلاء نتاع العرايس نلم ربح عامين ونجيب عروس ونخلى الحانوت فارغة ..غير هاذى اللى ماتصراش
والثانى راه يلم فى شهريته لاستكمال ثمن السكن التساهمى وقال لى غير ما تشقايش ...انا مانسكنش فى حك زالاميط _العمارة _

.
.
.
.
.مازال حل واحد
.
.
.
.نزوج راجلى ونتهنى.........
واش رايكم............................................. ................................

ههههه

و الله يا خالتي

:1::1:

ياو عندْكي يسمع الراجل هاذي الهدرة

راه حتان تلقايْها في الدار

ما يتامنوشْ:cool:

رابحي نـائل

2012-07-09, 16:41

وعليكم السلام

اهلا أستاذتنا ومرحبا بخالتي ولتعذرني على هذه التسمية

أخالفكم الرأي جميعا

أستاذتي لو لم تكوني كبيرة في أعينهم لما فكر احدهم في الولوج وطبطبة الباب زوالا

ولا في القيلولة ولا جميع الاوقات

رحابة صدرك وشساعة نفسك ورزانة و هدوء شخصيتك وكرم دياركم

وبحر جودكم وأحترامكم للجميع

كل هذا جعل من ديارك أسوة وقدوة حسنة ، ومفتاح للخير والبركة ومغاليق للشر

يعني الكل يقصدكم مهما تكن نوعية شخصه

بمفهوم أخر أنتي تكبرين يوميا في اعينهم
وهذا ما يجعل من شخصكم الكريم
توافد الزائرين والضيوف والاهل والاقارب الى دياركم
في كل الاوقات

معليهش يا خالة تحملوا وربي يجازيكم خير الجزاء

حتى هممت بان أنصحك ان تحذفي الموضوع
تقبلي مني أسمى عبارت التقدير والاحترام
http://www14.0zz0.com/2012/07/09/14/976131690.jpg

Dj BoBo

2012-07-09, 16:45

:1::1::1::1:

موضوع شجـــــــــــاع جدا

مــــــــــــــــــــــاذا لو قرأ أقاربك هذا الموضوع

:sdf::sdf::sdf:

زيارة الأقـــــــــــــــــارب شيء جميل

و لكن لكل شيء حدود

هناك أوقات معينة للزيارة

و أوقات غير مستحبة للزيارة

أن شاء الله يتفهم الأقــــــــــــارب هذا المشكل

النجمة القطبية

2012-07-09, 17:02

يتوحشوك هذا ما كان
انتى طول العام مشغولة عليهم فى خدمتك وامور الدنيا امال وقتاش يزوروك
كى شافو رمضان قريب قالو نستغلو الفرصة ونروحو نشوفوها
راه الحب يصنع المعجزات :d:d:d

عُضو مُحترم

2012-07-09, 18:34

[/size]
تحياتى.....
وسلعتنا وين نديروها هل ترضى لها بالكساد ..
انا غير يقبلو ولادى بالزواج ونشوفو.....
فكرتنى بواحد الفيديو شفته مع اولادى للشيخ شمس الدين الجزائرى _ الشيخ نتاع قناة النهار كون تشوفو غير تموت من الضحك...حول النساء الجزائريات وكل ولايه والبنات نتاوعها باش يتميزو ..(شفته موضوع هنا فى المنتدى نسيت مكانه

كي تشوفي حاجة غريبة عجيبة

روحي مباشرة لمواضيع العضو المحترم :1::1::1::1::1::1:

نسائم الهدى

2012-07-09, 21:00

السّلامُ عليكم ورحمة الله وبركاته

للأسف الشّديد قد يغفل الكثير عن أمر مهمّ
وهو أنّ الضّيف نفسه له آداب يجب أن يتحلّى بها
ويلتزمها أثناء زيارته ولا ينبغي أن يهجم مباشرة فهذا لا يليق بالمسلم العاقل ..

من أهمّها "زر غبّا تزدد حبّا"
والحديث إن كان ضعيفا فمعناه صحيح
يعني زر مرّة على مرّة كما نقول نحنُ
وليس كلّ أسبوع تهجم وتزدم على النّاس
فقد توقعهم في حرج وأنت لا تدري
قد يكون المضيف لا يقدر على تضييفك وإطعامك على الوجه اللائق والمناسب
وأنت قد تحرجه بطلباتك ..
والله المسؤول أن يصلح أحوالنا وأحوالكم
جزاك الله خيرا سيّدتي بارك الله فيك
...

السلام عليكم أخي الصغير
بارك الله فيك
وفي نفس سياق حديثك
نحن عندنا مثل يقول
( لا تثقّل على الملوك لا يملّوك )
يعني زيارة مرّة على مرّة وبمناسبة
وبوقت (بعد الظهر إلى قبيل العصر)
ويجب أن نتصّل بمن سنذهب عندهم لنرى إن كانوا في البيت وإن لم يكن لديهم مناسبة مثلا أو خرجة أو ظروف أخرى
لذا نحن دااااااااائما نقول
صحيح الضيف لديه حق
ولكن أيضا عليه واجب
ومن واجبه مراعاة ظروف مضيفه
حفظكم الله ورعاكم ورزقكم على حسب نيتكم
سلاااااااااااااااااااااااااام

الجواهر

2012-07-09, 21:19

هههه الورقة كنا نديروها في الحي الجامعة ..............جاري كان كاتب فيها *** اخطووووووونيييي*** ههه............انا كنت نعلق ورقة ممنوع الزيارات بعد ال 10 وكان جاري شاوي ههه هبلني ساكن عندي والغرفة تاعو والله ماتدخلها ومعمرها زوواوش حتى الزواوش حبسو التغريد بيه مكانش الحس عندو .......................وانا غرفتي مرات ويطبطب واحد نقلو اصبر راهي البلاصة مكانش حتى يخرج واحد ههه..............وكل مانعلق ورقة كل ما يكثرو الزوار .............وفي الصيف نحيت الباب قع ودرت ستار وتهنيت هههه
ذكرتني بايام الجامعة ..كنا اربع بنات في غاية الطيبة نسكن غرفة واحدة و كان الباب لا يغلق ابدا بين رايحة و جاية ..و السبب ان لدينا قارورتين غاز كومبينغ و ريزيزثونس و البنات نهار كامل يسخنو الماء يغسلو شعورهم و لا اطيبو ..و بحكم اننا ندرس معا كنا نغلق باب الغرفة و نذهب للدراسة مما اوقع بقية الطالبات في حيرة حتى طلبت واحدة المفتاح لتغلق الباب بعد التسخين فكان لها ما ارادت و بعد مدة اصبح المفتاح يدور بين بقية الطالبات و لكثرة الطلب صار الباب لا يقفل ابدا سواء كنا في الغرفة او خارجها ...عندما اتذكر اقول كم كنا نية و ما يحيرني اننا لم نفقد و لو منديلا مع ان هناك سارقات محترفات ...ايام لا تنسى

سلاف26

2012-07-09, 21:51

حنا عندنا نقولو الدار الي يجوها الضياف بزاف تطرح فيها البركة و الضيف يجي بخيرو ماشي شرط يجي محمل بصح يجيب معاه الأجر:1: لوكان ما يحبوكش ما يجو ليك اكيد انت عزيزة و غالية
عجبتني حكاية تزوجي راجلك بلاك يسمعك و يديرها و يجيبلك ضيف واحداخر تخدمي عليها و للاسف تكون ضيفة دائمة:1:
أصبري ولا صارحيهم أحسن ما راكي قاعدة تمرضي في روحك

الجواهر

2012-07-09, 22:02

عندنا مثل يقول
الي يجي من عام لعام يستاهل ذبيحة
و الي يجي من شهر لشهر يستاهل قَسُّولَة مليحة
و الي يجي كل يوم يستاهل طريحة
" القسولة يعني غذاء باللحم "
امالا شمري على يديك و الي يجيك كل يوم مديلو طرحة مليحة ما يزيدش يرجع خلاص هه هه هه

الصديق الذهبي

2012-07-09, 22:31

واش نقلك يا أختي تعيا مشكلتك وماتجيش كيما مشكلتنا

عمي عنده 23 ولد وبنت كلهم متزوجين وعندهم من 3 ولاد وفوق

عمتي عندها 12 ولد كلهم متزوجين وعندهم بين 10 - 13 وولادهم تاني متزوجين وعندهم من 4 والفوق

مرات عمي يزدم كامل بيه بالجيش نتاعه وتخيلي انت

تحبي ديري عرس تقولي مانعرض بزاف يعني على الأقل 500 بنادم

مباركة 1961

2012-07-10, 08:07

ههههه

و الله يا خالتي

:1::1:

ياو عندْكي يسمع الراجل هاذي الهدرة

راه حتان تلقايْها في الدار

ما يتامنوشْ:cool:
تحياتىيابنة الحجاج

اتعرفين حتى لو سمحت لزوجى بدلك وبصمت له على بياض ليفعل ...فمن اين له بمصاريف الزواج وراتبه لايكفيه وحده بين ملىء الهاتف النقال والدخان وبعض السقايط نتاع القهاوى ...اللهم الا ادا زوجته انا..نامى وضعى فى بطنك بطيخة صيفى ..ان غلاء المعيشة رجع على النساء بالخير فالازواج لايستطعن كفاء المعيشة لاسرة واحدة فكيف بالثانية ماراهيش ساهلة ......

مباركة 1961

2012-07-10, 08:15

وعليكم السلام

اهلا أستاذتنا ومرحبا بخالتي ولتعذرني على هذه التسمية

أخالفكم الرأي جميعا

أستاذتي لو لم تكوني كبيرة في أعينهم لما فكر احدهم في الولوج وطبطبة الباب زوالا

ولا في القيلولة ولا جميع الاوقات

رحابة صدرك وشساعة نفسك ورزانة و هدوء شخصيتك وكرم دياركم

وبحر جودكم وأحترامكم للجميع

كل هذا جعل من ديارك أسوة وقدوة حسنة ، ومفتاح للخير والبركة ومغاليق للشر

يعني الكل يقصدكم مهما تكن نوعية شخصه

بمفهوم أخر أنتي تكبرين يوميا في اعينهم
وهذا ما يجعل من شخصكم الكريم
توافد الزائرين والضيوف والاهل والاقارب الى دياركم
في كل الاوقات

معليهش يا خالة تحملوا وربي يجازيكم خير الجزاء

حتى هممت بان أنصحك ان تحذفي الموضوع
تقبلي مني أسمى عبارت التقدير والاحترام
http://www14.0zz0.com/2012/07/09/14/976131690.jpg

تحياتى وسلامى الحارين اخى
والله لقد كتبت فى كلامك كلاما طيبا جعلنى اعيد حساباتى كلها....

ربما اكون اخطات فى الكتابة ولكن الحال فاض بى وانا كنت انتظر العطلة لارتاح بعد عام صعب جدا رافقه مرض ابنتى واجراؤها لعمليتين جراحيتين وتشردى فى المستشفيات وبين الاطباء والتحاليل ..قلت فى نفسى تاتى العطلة وانام 24 ساعة كاملة دون توقف وادا بهدا يحدث لى ...ففكرت قلت ساكتب الموضوع فقد يقراءه احدهم اوبعضهم فيفيقوا لرواحهم ....
على كل رايك احترمه واتمنى مايصرالكش مثل حالتى فقط

**هبة الله**

2012-07-10, 08:18

السلام عليكم ورحمة الله وبركاته

والله ياستاذة ربي يعينك ان شاء وخاصة فيفصل الصيف

السخانة من وزيد ذوك من

والله الواحد عاد كاره روحوا من السخانة

مخصاك تزيد تجي العباد الاخرى الواحد عاد مايستحملش روحوا واش يستحمل لاخرين

والله غير صح ازعاج خاصة في موعد الغذاء ولا العشاء

خالتي مباركة علاه طيبي لنت اعط لبنتك طيب وعلاه تعي في روحك ديري كيما امي

ولا متعرفش طيب ههه نمزح معاك

لازمك تعلميها

مباركة 1961

2012-07-10, 09:27

[/quote]

:1::1::1::1:

موضوع شجـــــــــــاع جدا

مــــــــــــــــــــــاذا لو قرأ أقاربك هذا الم
:sdf::sdf::sdf:

زيارة الأقـــــــــــــــــارب شيء جميل

و لكن لكل شيء حدود

هناك أوقات معينة للزيارة

و أوقات غير مستحبة للزيارة

أن شاء الله يتفهم الأقــــــــــــارب هذا المشكل

سلامى الحار ...
اعرف انه موضوع جريء نوعا ما ولكنها مشكلة نعانى منعا جميعا كما رايت دلك من خلال الردود....

عندما فاضت بى لجات الى هدا الحل فقد يقراءه احدهم ويحس بى ويعدرنى وقد يقوم بتنبيه الاخرين
اتعرف فيم فكرت فى حل قبل ان اكتب الموضوع فى المنتدى ..ان ابعث بالموضوع لاحد ائمة المساجد ليتناوله بالشرح والتنبيه...

كل يوم ...كل يوم اقسم رانى حابة نقيل واحلم كى الناس على بالى قصدهم من الزيارة الاطمئنان على اسرتى وصلة الرحم بالصح يخيرو فقط وقت الزيارة ..ومشكورين ادا نبهوننى مسبقا..
البارح وانا نرد على بعض التعليقات فى المنتدى طبطب الباب... وشدونى حتى لليل ..قطعنا ناس الولاية الكل من الشرق الى الغرب ومن الشمال للجنوب وفى النهاية تقولى ارواحى زورينا قبل رمضان القصرة ماخلاصتش ...رايحين نقطعوا فى الماريكان

مباركة 1961

2012-07-10, 09:38

يتوحشوك هذا ما كان
انتى طول العام مشغولة عليهم فى خدمتك وامور الدنيا امال وقتاش يزوروك
كى شافو رمضان قريب قالو نستغلو الفرصة ونروحو نشوفوها
راه الحب يصنع المعجزات :d:d:d
سلامى الحار...

تعرفى يانجمة كون هدا الشيء صار الصيف اللى فات نقول بالاك توحشونى...بالصح هدا العام ومند شهر اكتوبر يعنى مع بداية مرض ابنتى الكبرى واجرائها للعمليتين الجراحيتين والدار ما تفرغش هى مرضت وانا كدلك لان زيارة المريض هده موضوع اخر لوحد ه..

كى يكثرو بالزيارات عليه يموت ليس من المرض بل من كثرة الزيارات......

المهم رمضان قريب وان شاء الله الناس تحكم ديارها شويه برك ...

مباركة 1961

2012-07-10, 09:42

السلام عليكم أخي الصغير

بارك الله فيك
وفي نفس سياق حديثك
نحن عندنا مثل يقول
( لا تثقّل على الملوك لا يملّوك )
يعني زيارة مرّة على مرّة وبمناسبة
وبوقت (بعد الظهر إلى قبيل العصر)
ويجب أن نتصّل بمن سنذهب عندهم لنرى إن كانوا في البيت وإن لم يكن لديهم مناسبة مثلا أو خرجة أو ظروف أخرى
لذا نحن دااااااااائما نقول
صحيح الضيف لديه حق
ولكن أيضا عليه واجب
ومن واجبه مراعاة ظروف مضيفه
حفظكم الله ورعاكم ورزقكم على حسب نيتكم
سلاااااااااااااااااااااااااام

تحياتى نسائم...

عطرت موضوعى بمرورك الطيب ...جزاك الله واكرمك

مباركة 1961

2012-07-10, 09:52

حنا عندنا نقولو الدار الي يجوها الضياف بزاف تطرح فيها البركة و الضيف يجي بخيرو ماشي شرط يجي محمل بصح يجيب معاه الأجر:1: لوكان ما يحبوكش ما يجو ليك اكيد انت عزيزة و غالية
عجبتني حكاية تزوجي راجلك بلاك يسمعك و يديرها و يجيبلك ضيف واحداخر تخدمي عليها و للاسف تكون ضيفة دائمة:1:
أصبري ولا صارحيهم أحسن ما راكي قاعدة تمرضي في روحك

تحياتى سلاف ...
الكلام نتاعك ..الضيف يجى بخيره ويطرح ربى فيه البركة كان بكرى وقت زمان كى كانت العائلة تتلم على اى اكل وبالضحكة والبسطة يمر وقت الزيارة ...هده الايام الكل يتشرط فى الاكل..وانا ساكنه فى عمارة من 4 حجر وين نقعدهم ووين نوكلهم وين يقعدوا الاطفال..._لانهم مايشدوهمش يخلوهم يديرو غرضهم ..يجبدوا لى كلش ونشوف ونسكت لانه عيب راهم فى دارى
اما زوجى وقضية يتزوج على _رانى هددته بالهروب من البيت ويعودوا يبحثوا على فى كل شيء ممكن وما يلقاونيش قال لى ادينى معاك ..واش ندير... تحسبى غير ارواح واتزوج كانت بكرى...........

Khokha01

2012-07-10, 09:55

و عليكم السلام أستاذتنا المتألقة
خلاص انا لقيت الجواب فمشكلتك وفي موضوعك

أكيد السر راه هنا ..عيب عندنا الضيف ياكل الخبز نتاع برة ...

هههه أكيد عجبهم الخبز تاع الدار وزدتي حمستيهم وماشي موحال يكونو يجو غير بدافع البروفيتاج وباش ياكلو لانك وعلى نيتك كي تدخلي للمطبخ تدخلي بنيتك وتبدلي مجهود كبير ووالفو .. هو صح اكرام الضيف واجب لكن الضيف وليس لي يجي كل يوم هاذا رجع سماطة ماش ضيف
المهم ماتبدليش مجهود والجود من الموجود ولا انت تاني لعبيها ماتفهميش وماتولي تحطي حتى شيء كيما هوما مايقدروش الظروف .. ولا نصيحة من عندي لازم كل يوم يكون عندك التمر ولحليب ولي يجي حطيه بغا وقت الفطور ولا العشا ولي عجبو عجبو ولي ماعجبوش مايزيدش يجي .. ولا تبعي سياسة التجاهل يعني تسمعي البا وماتفتحيش .. وديري السبة بمول الدار قوليلهم هو يقولي هادا وقت قيلولة ومانحبش لي يقلقني فهاد الاوقات .. ولا اخرجيهالهم نيشان قوليلهم نحب ندير قيلولة ولي بغا يجي يجي من 6 مساءا فما فوق على الاقل يعطوك وقت تحضري عشاك
آسفة على الاطالة لكن مايحس بالجمرة غير لي عافس عليها هههه مررت بمثل هذه التجارب:sdf: و حاليا اتجاهل تماما عندما لا يكون وقت زيارات :rolleyes:
سلام

Khokha01

2012-07-10, 09:58

تحياتىيابنة الحجاج

اتعرفين حتى لو سمحت لزوجى بدلك وبصمت له على بياض ليفعل ...فمن اين له بمصاريف الزواج وراتبه لايكفيه وحده بين ملىء الهاتف النقال والدخان وبعض السقايط نتاع القهاوى ...اللهم الا ادا زوجته انا..نامى وضعى فى بطنك بطيخة صيفى ..ان غلاء المعيشة رجع على النساء بالخير فالازواج لايستطعن كفاء المعيشة لاسرة واحدة فكيف بالثانية ماراهيش ساهلة ......

اعتذر عن ردي هذا ولكن صدقيني البنات راهم يحوسوغير في من يلصقو .. :sdf:
تقولك نزيد من عندي المهم نتزوج :mh31:
وخصوصا فالوقت لي رانا فيه كثرت نسبة النسا على الرجال وراه يحوسو غير شكون يديهم لابغا بالقليل
الله لا يديرهالك لكن راني نحكي فالواقع المر لي رانا فيه .. قلة الشي ماولاتش عائق للزواج

مباركة 1961

2012-07-10, 09:58

عندنا مثل يقول
الي يجي من عام لعام يستاهل ذبيحة
و الي يجي من شهر لشهر يستاهل قَسُّولَة مليحة
و الي يجي كل يوم يستاهل طريحة
" القسولة يعني غذاء باللحم "
امالا شمري على يديك و الي يجيك كل يوم مديلو طرحة مليحة ما يزيدش يرجع خلاص هه هه هه

تحياتى الجواهر .

المثل اللى قلتيه يليق نكتبه بخط جميل ونعلقه فى كادر فى قاعة الاستقبال...

اما الطريحة مانقدرش نديرها ماراكيش تشوفى رانى نفرغ فى غيضى غير فى النت ..لو كنت نتاع طرايح مارانيش نكتب

مباركة 1961

2012-07-10, 10:08

واش نقلك يا أختي تعيا مشكلتك وماتجيش كيما مشكلتنا

عمي عنده 23 ولد وبنت كلهم متزوجين وعندهم من 3 ولاد وفوق

عمتي عندها 12 ولد كلهم متزوجين وعندهم بين 10 - 13 وولادهم تاني متزوجين وعندهم من 4 والفوق

مرات عمي يزدم كامل بيه بالجيش نتاعه وتخيلي انت

تحبي ديري عرس تقولي مانعرض بزاف يعني على الأقل 500 بنادم
تحياتى صدقى الدهبي ..

انا كون يجونى كيما هكدا عائلات وانا فى العمارة نكريلهم دار الجيران.....

احنا ثانى عائلة كبيرة يعنى فى الاعراس غير الاهل القراب جدا جدا نديروا زردة ...وفعلا نتلمو فى الاعياد عند عائلتى احنا 8 ابناء وعدد افراد اسرنا بين 6 و12 لكل واحد منا..... تخرج امى برمة العرس الكبيرة ..او يشترى الاب سلة خبز من عند الخباز ...
بالصح يومين فى العام يعنى فى العيدين او فى الاعراس...
ربي يكون فىعون العائلات الكبيرة ادا كان السكن صغير...وما عندهمش حوش ..رايحة تاكل بعضاها...
راك فكرتى سحت فى الرد اسفة للاطالة

مباركة 1961

2012-07-10, 10:17

السلام عليكم ورحمة الله وبركاته

والله ياستاذة ربي يعينك ان شاء وخاصة فيفصل الصيف

السخانة من وزيد ذوك من

والله الواحد عاد كاره روحوا من السخانة

مخصاك تزيد تجي العباد الاخرى الواحد عاد مايستحملش روحوا واش يستحمل لاخرين

والله غير صح ازعاج خاصة في موعد الغذاء ولا العشاء

خالتي مباركة علاه طيبي لنت اعط لبنتك طيب وعلاه تعي في روحك ديري كيما امي

ولا متعرفش طيب ههه نمزح معاك

لازمك تعلميها

تحياتى هبة الله...

هدا الكلام كيما كلام بنتى بالضبط........... كرهنا رواحنا من السخانه كون ترجع لى ننام فى الحمام...

بالنسبة لتحضير الطعام ابنتى الكبيرة مريضة دايرة زوج عمليات جراحية ورايحة على عملية ثالثة اخرى ومانحبش نزيد عليها ..اما الاخرى تعاوننى فى غسيل الاوانى ....وتنضيف البيت وحتى الطياب ماتعرفش تطيب لمجموعة كبيرة تطيب غير حوايج خفيفة
وساعات كى تعواج حتى الماعن تدير عليهم اضراب ...راك تعرفى بنات درك...متفرة غير قى...

بنت الحجاج

2012-07-10, 10:26

تحياتىيابنة الحجاج

اتعرفين حتى لو سمحت لزوجى بدلك وبصمت له على بياض ليفعل ...فمن اين له بمصاريف الزواج وراتبه لايكفيه وحده بين ملىء الهاتف النقال والدخان وبعض السقايط نتاع القهاوى ...اللهم الا ادا زوجته انا..نامى وضعى فى بطنك بطيخة صيفى ..ان غلاء المعيشة رجع على النساء بالخير فالازواج لايستطعن كفاء المعيشة لاسرة واحدة فكيف بالثانية ماراهيش ساهلة ......

و الحمدُ لله

هذا شيء مُطمئنْ خالة مباركة

ربي يدوّم هذي الحالة :1::1:

مباركة 1961

2012-07-10, 10:27

ة و عليكم السلام أستاذتنا المتألقة

خلاص انا لقيت الجواب فمشكلتك وفي موضوعك

أكيد السر راه هنا

هههه أكيد عجبهم الخبز تاع الدار وزدتي حمستيهم وماشي موحال يكونو يجو غير بدافع البروفيتاج وباش ياكلو لانك وعلى نيتك كي تدخلي للمطبخ تدخلي بنيتك وتبدلي مجهود كبير ووالفو .. هو صح اكرام الضيف واجب لكن الضيف وليس لي يجي كل يوم هاذا رجع سماطة ماش ضيف
المهم ماتبدليش مجهود والجود من الموجود ولا انت تاني لعبيها ماتفهميش وماتولي تحطي حتى شيء كيما هوما مايقدروش الظروف .. ولا نصيحة من عندي لازم كل يوم يكون عندك التمر ولحليب ولي يجي حطيه بغا وقت الفطور ولا العشا ولي عجبو عجبو ولي ماعجبوش مايزيدش يجي .. ولا تبعي سياسة التجاهل يعني تسمعي البا وماتفتحيش .. وديري السبة بمول الدار قوليلهم هو يقولي هادا وقت قيلولة ومانحبش لي يقلقني فهاد الاوقات .. ولا اخرجيهالهم نيشان قوليلهم نحب ندير قيلولة ولي بغا يجي يجي من 6 مساءا فما فوق على الاقل يعطوك وقت تحضري عشاك
آسفة على الاطالة لكن مايحس بالجمرة غير لي عافس عليها هههه مررت بمثل هذه التجارب:sdf: و حاليا اتجاهل تماما عندما لا يكون وقت زيارات :rolleyes:
سلام

تحياتى الخالصة......

نفس كلامك يقوله لى اولادى....... نقصى من الطياب وحطى اللى كان ......نحشم بالزاف مانقدرش نحط اى اكل
عدت نحضر كمية من رقائق الشخشوخة عند واحد المراءة بالدراهم ونكونجليها وندير غير لاصوص ..ومع دلك الكوزينة تولى كالفور من الطياب والماعن يبركوا وتولى المطعم الجامعى ...ماتسمعى غير واكتاش الاكل ..رانى جعت وفى الصيف النهار طويل يعنى ياكلو ويسخنو الاكل فى كل وقت ..
اما السماطة والله ما هى من طبعى ياكلو نى بالهدرة المليحة ويقولو لى نرتاحوا غير عندك و..و..فنحشم نسمط لهم
نحمد ربي مازال غير 10 ايام لرمضان

مباركة 1961

2012-07-10, 10:39

اعتذر عن ردي هذا ولكن صدقيني البنات راهم يحوسوغير في من يلصقو .. :sdf:
تقولك نزيد من عندي المهم نتزوج :mh31:
وخصوصا فالوقت لي رانا فيه كثرت نسبة النسا على الرجال وراه يحوسو غير شكون يديهم لابغا بالقليل
الله لا يديرهالك لكن راني نحكي فالواقع المر لي رانا فيه .. قلة الشي ماولاتش عائق للزواج
تحياتى ...
شكرا لكلامك ..هدا ينم عن طيب اخلاقك
اعرف يوجد من تقول لك نديه بشلالقه المهم نديه..........
واصراتلى مرة واحدة دارت بزوجى رحت ليها وقلت لها مكان لاه الحركات الصبيانية نتاع البروفيتاج فى زوجى فى الحرام وادا كنت باغياتو فى الحلال غدوة ننباليه لك فى السيلوفان ونجيبولك للدار وين تسكنى ...المراة خافت وقالت لى لاه واش بيه...

قلتلها تدى ولا تخلى لاه منه انت ننقولك واش بيه راجلى ..كى تدى تعرفى وحدك ..من هداك النهار ماعادتش اتصلت بيه...
فنبهت زوجى ان اللعب فى هكدا مواضيع غير مكان لاه...ومكانش قد تهدن روحك
وحتى ابنى الاوسط قبيح وقال لى اللى تدور باسرتنا نقطعها اطراف اطراف
واش رايك...احنا فى الدار هدا الموضوع خط احمر غامق ..
انا مايهمنيش انه يتزوج فى الحلال خير من الفساد اللى رانا نشوفو فيه ..بالصح الاولاد عكسي تماما..

الذِكرَى البَيضآء~

2012-07-10, 19:05

انتفلنا حديثا الى منزل جديد و اكيد الضيوف جاو
لطن لا يزعجزني كثرة النساء لكن اطفالهم هم من يزعجونني كثيرا يعني تقدي تقولي راني موالفة بالضياف و قابلتهم لكن بدون اطفال :1:

راجي الصّمدِ

2012-07-10, 19:40

السلام عليكم أخي الصغير
بارك الله فيك
وفي نفس سياق حديثك
نحن عندنا مثل يقول
( لا تثقّل على الملوك لا يملّوك )
يعني زيارة مرّة على مرّة وبمناسبة
وبوقت (بعد الظهر إلى قبيل العصر)
ويجب أن نتصّل بمن سنذهب عندهم لنرى إن كانوا في البيت وإن لم يكن لديهم مناسبة مثلا أو خرجة أو ظروف أخرى
لذا نحن دااااااااائما نقول
صحيح الضيف لديه حق
ولكن أيضا عليه واجب
ومن واجبه مراعاة ظروف مضيفه
حفظكم الله ورعاكم ورزقكم على حسب نيتكم
سلاااااااااااااااااااااااااام

وعليكم السّلام ورحمة الله وبركاته
بارك الله فيك أختي صدقتِ والله

أحيانا يكون الهجوم ونحن حتّى لم نعدّ العدّة
فيقع الإنسان في حرج شديد ويحسّ بالتّقصير ...

لكن للأسف هذا واقع يجب أن نتقبّله بصدر رحب..

على كلّ حال :
لا بأس عليك أختي
أعلم يقينا أنّك في حزن شديد
كما أنّنا وجميع الأعضاء نحسّ بنفس شعورك
وليس لنا من حيلة سوى الدّعاء ثمّ الدّعاء ثمّ الدّعاء
ونعم بالله تعالى....

سعاذ

2012-07-10, 20:18

السلام عليكم
حنايا كي كانت نانا حيا ربي يرحمها الداخلين اكثر من الخارجين وكنا نادرا وين نتغداو ولا نتعشاو وحدنا
صح ذوك نقصوا عندنا الضياف بصح لشتا ماجاوش في وقت لغدا ولا لعشا كنك هانيا لا تخليهم يما يروحوا قبل مايعاودوا يتغداو ولا يسناو لعشا ويما في كل جمعة تقولنا ديروا لغدا بزيادة احتمال يجينا ضيف
وحنايا هزيناها على يما لشتا ماتكونش في الدار منخليوش الضيف يروح قبل مايتعشا
وحنايا تاني نربحوا في جرتوا عشا باهي

MOON MAN

2012-07-10, 20:57

معك في كل حرف كتبتيه ، بل أكثر من ذلك صارت لدي عقدة عندما يطرق الباب ، حيث لم يعد للزائر آداب خاصة تلك المتعلقة بفترات الزيارة و المدة التي يقضيها .