هل لديكم ذكريات مضحكة ايام الدراسة

[naima80]

السلام عليكم اعضاء المنتدى الكرام انا اليوم اريد ان اشارك معكم بعض الذكريات الجميلة المضحكة التي حدثت لكل واحد منا اثناء الدراسة
ارجو ان تكون فكرة تنال اعجابكم وكل واحد منا ربما لديه ذكرى مضحكة يخبرنا بها

[بسمة2009]

كاين بزاااااااااااااااااااااااف الدكريات خاصة في الليسي

[عاشق الصمت]

واحد الخطرة كنت في الساحة ضربني الأستاذ بكف وقال لي روح للقسم من شدة الضربة خطراه دوختني ........تخيلو وين رحت ......
والله ماني نكذب.............رحت الى؟؟؟؟؟؟؟؟؟؟............تخيلوا وين

[salma02]

هههههههههههههه هتلر
انا عندي بزاف ذكريات
انا الي نتذكرها و نضحك بزاف
مرة كنا نشوفو في الصور تع وحدة صحبتنا
و بدون ما نحسو دخل المدير و وقف عند راسنا يشوف معانا
كي فاتت فوطو قالنا هذي في المدرج تاعنا
خارجة تهبل
و تخيلوا الباقي

[الصفحة البيضاء]

مين كنت نقرا في التحضيري : مين تخرج المعلمة نروح نخزن تحت المكتب
و مين تولي و تقعد في بلاصتها نقرصها . كنت مشاغبة

في السنة الثالثة في حصة اللغة الفرنسية كان عندنا املاء حول الشدة في الفرنسية الشدة نضع حرفين
لكنني وضعت شدة بالعربية فوق حرف فرنسي .

[الـ^ـسَّــآآحِـ^ــرْ ،]

هههههههههههه ................. واحد المرة كان صاحبي يقرى في النص .... حطيتلو إيدي فغطيتلو النص و بالضبط كلمة التي .... فخجل جدا ... وعند وصوله إلى كلمة عبرت أصبح يقول : عب عب ....... أنا موتت بالضحك ... حتى شافتني الأستاذة ...

[الـ^ـسَّــآآحِـ^ــرْ ،]

ومرة واحدة أخرى ... لدينا أستاذ واعر بزاق ... تاريخ .... وصلنا في الدرس إلى هروب أحد الرجال من العباسيين .. فقال لنا :

هر من بطش العباسيين .... عفوا فر من بطش العباسيين .... القسم لم يقل أي كلمة .... فأسقطت دموعا من الضحك أنا وصديقي ..

[بسمة2009]

مرة................في التارمينال ........ نقراو في الرياضيات طاح الستيلو ..............نضت نجيب فيه ............ رجعت لبلاصتي
واش صرا لي الكرسي مشى ..........وما علاباليش بيه جيت نقعد......... طحت ............................

[نعمة الإسلام]

ما ننساش كي كنت في التارمينال دخلنا حصة اللغة العربية و بعد مرور نصف ساعة من الدرس سمعنا أنا و صديقتي القسم كامل غارق في الضحك فلما سألنا صديقة لنا كانت تجلس أمامنا فإذا بها تشر بإصبعها إلى أسفل الأستاذ و لما شاهدنا هذا الشىء كملنا ساعتين غير ضحك.....أتعرفون السبب.....الأستاذ جانا بحذاءين مختلفين ....ربما راح عليه الضو و لم ينتبه ماذا لبس هههههههههههههههههههههههههههههههه....على فكرة ذلك الأستاذ الآن أصبح مدير ثانوية.:1:

[بسمة2009]

وقداه ن مرة انا نروح بطابلية مقلوبي
فكرتيني
خطرة ماما جات مشوكية مرة
لاه راحت بسباط مقلوبي
التلاميد طبعا ماتو بالضحك
مزية ابتدائي
وخطرة الطابليية نسات ما نحاتهاش ................

[naima80]

انا الان نحكيلكو
كي كنت نقرا ثانية ابتدائي كنت شاطرة بزاف اللولة في الصف
طبعا كنت اتكبر على الاخرين وفي يوم الاختبار الشفوي للتربية الاسلامية الاستاذ سالني امم الجميع وبحضوز اساتذة اخرين لكي يرو النابغة
سالني ما اسم النبي
فلم اعرف الجواب
الاستاذ خجل لانه كان يتباها بي امام الاخرين واراد ان يساعدني فقال لي خفية لنا نفس الاسم
اكيد فهمتها وقلت بكل تكبر وشموخ وانا رافعة راسي
اسم الني صلى الله عليه وسلم بوحو
لان ذلك الاستاذ اسمع الاخرين ينادونه ب اسم بوحو
فضربني واشبعني ضرب وقال لي ان اسمي ليس بوحو وانما محمد

[مقاوسي محمد]

هههههههههه . كاين بازاف بزاف أمبعد أنألف كتاب عليها

[صالح القسنطيني]

ومرة واحدة أخرى ... لدينا أستاذ واعر بزاق ... تاريخ .... وصلنا في الدرس إلى هروب أحد الرجال من العباسيين .. فقال لنا :

هر من بطش العباسيين .... عفوا فر من بطش العباسيين .... القسم لم يقل أي كلمة .... فأسقطت دموعا من الضحك أنا وصديقي ..
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه

[سلاف26]

كان في الثانوية يدرسنا أستاذ أدب عربي غريب الأطوار جدااا كان اسمه "حسيني" الله يرحمه و يسكنه فسيح جنانه كان استاذ في ثانوية الجديدة في حي بربيح بالجلفة
المهم واحد النهار كان عندنا حصة معاه من 11 الى12 و قرر أغلب الطلبة الهرب "مزرطيا" المهم هربوا و بقينا غير جماعة صغيرة زعة نلعبوا فيها قرايين المهم كي دخل الأستاذ قلنا لاعبينها تقراو علاه ما هربتوش عندكم ناقص 2 نقطات في الاختبار هههههههه و من يومها تعلمنا الدرس و ولينا نهربوا قع من الحصة
يعطيك الصحة فكرتينا بيامات زمان

[B.Badis]

في يوم من الأيام في السنة الثانية ثانوي......ألقت علينا أستاذة العلوم الشرعية درسا حول الحجاب الشرعي و شروطه ...فقالت ينبغي على المرأة أن تغطي كامل جسمها إلا شعرها و وجهها و كفيها ...فقاطعتها و قلت لها و أنا واثق من نفسي : << و رجليها >> و أنا أقصد قدميها ....فسكت كل القسم بما فيه الأستاذة و أخذو جميعهم بالتفكير و بعدها بدؤو كلهم بالضحك الهستيري بما فيهم الأستاذة ....حيث ظنو أنني أقصد كامل رجليها ..... و لم يصدقوني كلهم أني كنت أقصد قدميها ....

[الـ^ـسَّــآآحِـ^ــرْ ،]

هههههههههههههههههههههههههه ههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه .......
http://www.despc.com/program/photo/thinks/16.gif

[بسمة2009]

مرة استاد الشريعة دارلنا فرض
بداو نص التلاميد يكوبيو ,, ينقلو ,,
قلنالو استاد راهم ينقلو
واش قالنا ؟ ’’ ينقلو نتم ثاني لاه ماتناقلوش .....................

[loubnamias]

ههههههههه تعطيكم الصحة والله قتلتوني بالضحك.:d

[الصفحة البيضاء]

في السنة الاولى ثانوي
كنت انا و صحبتي نضحكو بزاف خاصة مين يكون القسم كله ساكت
وحد الخطرة كان عندنا فرض في الرياضيات بدينا .
و من بعد قلتلها كلمة تقتل بالضحك
انفجرنا كيما القنبلة الذرية بالضحك
حاوزنا الاستاذ و قاللنا عندكم 00 في الفرض زدنا اطرطقنا بالضحك جرا مورانا حتى للباب . انا حصل تريكويا في الباب . زدنا هههههههه . سلكتني صحبتي و هربنا . و من بعد مين لقانا قعد يضحك علينا هههههه