اريد فسخ الخطوبة

[مشكلتي]

خاوتي اريد ان استشيركم انا حاليا خاطب بنت تعمل pre emploi وعندي صديق لاحلي في راسي دودة قالي مادام جبت وحدة تخدم شوف وحدة مرسمة دائمة وهم كثيرات لقيت كلامو صحيح وانا احوالي المادية ضعيفة لكن غايضتني البنت وملقيتش سبب لفسخ الخطوبة وخايف نسببلها مشكل واش رايكم يا اخوة

[فاطمة الزهراء31]

الطمع يفسد الطبع
شوف خويا بنات ناس مش لعبة والله نتوما رجال غرباء الله يهديك هي كي قبلت بيك على مقالتش فقير نقولك علاش لاخطرش بنت ناس وماشفتش لدراهم بصح ادا انت قعدت تخمم هكا تخسر البنت وزيد شكون لي مترسمة تقبل بواحد مش مترسم تضيع لي في يدك وقعد تتفرج نصيحتي ليك حاسب روحك وعاود حسابتك قبل ماتندم وزيد بنات دروك قاع فاقوا مشي كيما بكري دروك بنت ادا تقدملها واحد احوالوا المادية ضعيفة وهي لاباس عليها تفيق بلي راك داخلها على طمعة
قعد مع خطيبتك واستغفر ربي وماتخليش بليس يلعبلك بمخك

[aissam .3820]

اللي خلق ما يضيع والرزق على ربي.....


...

[the black perl]

الطمع يفسد الطبع
شوف خويا بنات ناس مش لعبة والله نتوما رجال غرباء الله يهديك هي كي قبلت بيك على مقالتش فقير نقولك علاش لاخطرش بنت ناس وماشفتش لدراهم بصح ادا انت قعدت تخمم هكا تخسر البنت وزيد شكون لي مترسمة تقبل بواحد مش مترسم تضيع لي في يدك وقعد تتفرج نصيحتي ليك حاسب روحك وعاود حسابتك قبل ماتندم وزيد بنات دروك قاع فاقوا مشي كيما بكري دروك بنت ادا تقدملها واحد احوالوا المادية ضعيفة وهي لاباس عليها تفيق بلي راك داخلها على طمعة
قعد مع خطيبتك واستغفر ربي وماتخليش بليس يلعبلك بمخك


كلام صحيح
بارك الله فيك

[دكتورة بإذن الله]

يعني حسب رايك pre-emploi خلاصها عيان

ماتصلحش للزواج ؟!

الله يبقي الستر ماعندي مانقول سوى ربي يهدي ماخلق

راك تحكي من نيتك و لى راك تتمسخر ؟,

و اعذروني لصراحتي و لاداعي لحذف ردي

[تهاليل]

الله السمتعان ولاو يشوفو المرأة دراهم ،الله يهديك خوي ممكن تفسخ الخطبة بصح هي واش ذنبها مسكينة حسبتها حاجة شريتها ماعجبتكش راح ترجعها ،وزيد معندكش راي حتى يريي عليك صاحبك ،وزيد يلا درت استخارة ويلا هي مكتوبك واصلا يلا كاتبلك ربي تقعد كيما راك تقعد ولو ديت بنت وزير مش واحدة ببلاصتها زين نيتك معاها وربي يرزقك خوي وعذرا لو قسيت عليك لأنه راه ظلم للبنت

[عُضو مُحترم]

قوانين المنتدى تمنع الرد الذي من المفروض نرد بيه

و ممكن يحضروني بسببه

لهذا اكتفي ....

هذا إذا عندك قلب

[milka40]

ايييييييييييه يا دنيا وليتو تقيمو النسا بالخدمة ربي يبارك هاذي رجلة ولا خلي افسخ الخطوبة خطراش هي ما تستاهلش تزوج بيك

[أم معاذ أم معاذ]

إيه صح مرسمة خير
و لازم ديبلوم عالي باه سلاكها يكون مليح
كيما طبية مرسمة في الدولة الله أعلم يديو عشرة ملاين
و كي تعود فاتحة عيادة ما نحكيلكش وش دخل

الله يبارك ربي يرزق الجميع سامحوني الأطباء


الله يهديك و أين القوامة

[سلاف26]

هذي هي الرجلة؟؟؟ لا حول و لا قوة إلا بالله "الراجل ينحكم من لسانو"

[fifiarch]

والله ربي يهديك خويا
الطفلة قبلت بيك وماعملت اي شيء يستاهل فض الخطوبة
المفروض انت الرجل تخدم على المراة وتكرمها
ماشي هي تصرف عليك
عيب عليك هاذ الشيء

[الواثق]

الرجل من ترك زوجته في منزله وخدمها بكل شيء نكسر الحجر بسنيا وطمعي الوحيد في زوجتي انها تهتم ببيتها وزوجهها واولادها ......................ياخويا كي نجيب خبزة وحدة في النهار خير بالف مليار مرة اذا خرجت زوجتي للعمل باه توفرلي اكل جيد .......................اذا كان دخلي ضعيف نجيب لي تصبر معايا اذا لم اجد فاهلا وسهلا بالعزوبية خير من الطحين تاع هذا الوقت .........................ولله المستعان

[hayet04]

حرام عليك غدوا ينوب عليها ربي حرام عليك هي قبلت بيك و باحوالك المادية الضعيفة صاحبك قولو الله يهديه قاعدين غير للفساد

[faty05]

المسكيييينة و الله غاضتني خطيبتك
انت ظهرت طمااع تع الصح
هي قبلت بيك بضعف مدخوولك و انت دخلاتك لفهامة
عمبالك نعم الصديق الي عندك ,,,, وسوسلك مليح
الله يهديك
الرزق على ربي ,,, انت تشمر على ذراعك و تتكل على الله ,,, ماش على زوجتك ,,

ياو ففففيق

[هدى البوزيدية]

الطمع يفسد الطبع
شوف خويا بنات ناس مش لعبة والله نتوما رجال غرباء الله يهديك هي كي قبلت بيك على مقالتش فقير نقولك علاش لاخطرش بنت ناس وماشفتش لدراهم بصح ادا انت قعدت تخمم هكا تخسر البنت وزيد شكون لي مترسمة تقبل بواحد مش مترسم تضيع لي في يدك وقعد تتفرج نصيحتي ليك حاسب روحك وعاود حسابتك قبل ماتندم وزيد بنات دروك قاع فاقوا مشي كيما بكري دروك بنت ادا تقدملها واحد احوالوا المادية ضعيفة وهي لاباس عليها تفيق بلي راك داخلها على طمعة
قعد مع خطيبتك واستغفر ربي وماتخليش بليس يلعبلك بمخك



بارك الله فيك أختي على هاد الكلام
ربي يهدي ما خلق

[vivaldi]

لا حول و لا قوة إل بالله
لا أظن أن هناك من يقول مثلك قولك ، لأنه إن وجد فقل للدنيا وداعــــــــــــــــــــــــــــــــــــــــــــــ ـــــــا
ضع ثقتك بالله عز و جل ، فقد تدحل عليك هذه المرأة بالرزق الحلال الطيب
لفوله عز و جل : "ومن يتق الله يجعل له مخرجا ويرزقه من حيث لا يحتسب"

[اميرة باحتشامي]

خاف ربي يا مخلوق والله ما يصلح هذا الشئ راك راجل يعني كلمتك كي الرصاص كي تخرج ما ترجعش

تستشير الناس قبل اتخاذ القرار هاذي معقولة لكن انك تاخذ براي الناس ولا تخلي واحد يقرر في بلاصتك هذه كارثة غدوة تولي مولا بيت واب للولاد كيفاه تعلمهم وكيفاه تخليهم يكتسبو شخصية قوية ويعتمدو علةى رواحهم واذا انت باباهم ما تعرفش الصحيح من الغالط صاحبك ربي يهديك رايح يخربلك حياتك كاملة ويديك لجهنم كنت تقولو نخليهال تخدم ذركا ادير تواليها مادام عند باباها وكي تجي لداري انا نصرف عليها نبيع روحي ونعيشها ولو باليسير نامل ان تعدل عن قرارك وتشد في كلمتك الراجل يتحكم من فمه يا خويا

وربي يصلح امورك وامورنا

[hamsa1987]

السلام عليكم

مانيش مامنة واش قريت؟؟؟؟ راني رايحة نكون شوية قاسية معاك لكن ممن ردي و ردود الاخوة رايحة تفطنك :mad::confused::confused:

يا رزاق يا فتاح ارزق هذه البنت باحسن منصب و بزوج صالح

يعني اخي ما وجعتكش هذه الكلمة وانت تقول فيها ، الفقر عمرو ما كان عيب و الارزاق بيد الله عز و جل
قصتك ممكن يضربو بها الامثال و نبينو للناس صحة القول " و عسى ان تكرهو شيئا و هو خير لكم"
لان هذه الفتاة بالاك رايحة تغيضها روحها و تتالم كي تفسخ الخطبة لكن في النهاية ربي حبها لان تفكيرك او بالاحرى استماعك الاعمى لصديقك اللي هو نعم الصديق ما شاء الله لا ينبأ بالخير

يا اخي العزيز افطن و نحي عليك هاذا التخمام الجاهلي اذا الطفلة ما ناقصها والو و متربية و عاقلة احمد ربي لان كاين ناس يحوسو على بنات كيما هك ماش طماعات حتى ياو لوكان ماكثة في البيت
كولو كسيرة و اشربو ماء و عيشو هانيين لان المال عمرو ما شراء السعادة يساهم صح فيها لكن ماهوش هو الاساس

[أم البشائر]

شوفي يا اخي

كلامك يستنبط منه الكثير

اول شيء تبدو شخصيتك هشة ومن النوع اللي يتاثر بكلام الناس وقراراتو غير ثابتة

ثم تبدو ماديا جدا

ثم تبدو غير محب لذات الفتاة واخلاقها

اولا من تزوج امراة من اجل مالها زاده الله فقرا

ربي دارك رجل تصرف عليها

وما يهمكش خدمتها لانها امر خاص بها

تبقى هناك نقطة اذا ماعندكش اشكال في عمل المراة

ثم راها عقود قادر ربي يفتح عليها

وقادر تديها خدامة وتحبس

خمم مليح ماذا يعجبك فيمن خطبت؟
فان كنت مقتنعا بها بعيدا عن النظره لمادية فتوكل على الله

وان لن تكن مقتنعا فاترك البنت بسلام يفتح عليها ربي مع غيرك

وحاول تكون اكثر نضجا ولتعلم ان الحياة تنتظرك بتحديات اكبر من المال

[حمدا لله كثير]

لاحول ولا قوة الا بالله الله يهدينا ويبعد علينا ولاد لحرام

توكل علي الله و استعذ بالله من الشيطان و ربي يهنيك اخي معها في بالك ساهلة تبطل والله دنوب الطفلة هادي يخليك ربي ماتتهناش كامل بحياتك ولا في بالك ربي ينسا لولاية

والخدامة لمرسمة تاني اي عندها شروطهاااااااااااااااااااااااااااااااا الي نتا متقدرش توفرهملها وهي الي تبطل عليك
وذوقك كاس المر الي تحوس تذوقوا لخطيبتك هادي

[عميروش الحر]

أنا هذا ردي وانا المسؤول عنه وهذا رأيي ... الراجل الحق هو الذي يصرف على مرتو وما جاتش في راسو فكرة الزواج حتى عرف باللي يقدر يتحمل مسؤولية العايلة وحدو لأنو هو الراجل أما انك تتزوج مرأة على جال خدمتها ولا على جال المال هادا زواج مبني على اساس راشي ... نورمالمون نتا تقوللها حبسي مالخدمة و اقعدي فالدار وما يخصك والو ... واذا شفت روحك ما عندكش الامكانيات باش تتزوج وما قادرش تصرف على عائلة و تتحمل مسؤوليتها يا أخي واش خذاك راح تتمحن نتا وتمحن معاك انسان وحداخر وربما اولاد.
هذا ردي وشكرا

[tarek1987]

بنات الناس ماشي لعبة والرازق ماشي لتخدم عليك اعادة ترتيب كيفية الاختيار ولي دبر عليك الدباير هذو يحكمهم ليه

[اسعى لرضى الله]

والله كون كنت منك اقسم بالله نحشم نحط موضوع كما هدا

واش هدا؟

علابالك كون دير الجاست هدا علابالك واش يقولو عليك مكش راجل كيعاد وصلت بيك لدرجة انو عدت تحوس على وحدة مرسمة باش تعاونك انعل الشيطان راك راجل ولازم تكون راجل باتم معنى الكلمة مش غير راجل هكاك بالفم

رجال بكري يخدمو كلش وتقلتو ميخليش مرتو تخدم كيعاد يغير ويبغا يحصنها من الفتن وعلابالهم بلي المرا ضعيفة ويقدر اي واحد يتمسخر بيها تالمون في وقتهم مكانش يصرا واش صاري دك

والسيد قالك بغيت نفسخ الخطوبة كيعاد مش مرسمة والله غير عيب

نورمالمون تقول لصاحبك انا مرتي تريح في الدار ولا بغات تخدم حاجة في دارها معليش كما الخياطة مي تخرج برا جامي تصرا كيعاد يا اخي الكريم راك تشوف واش صاري ترضى لمرتك تخرج الصباح تحشر الرجالة في ليبيس ؟ وترضى يطيشلها كاش واحد كلمة ؟
وترضى تعود تحكي مع اللي يخدم معاها وتريح معاه كثر ما تريح معاك ؟ وترضى ولادك منن بعد يترباو في لاكراش ويتعلمو كاش كلام فاسق كامل ؟

[صُبح الأندلس]

معذرة و لكنك لاتبحث عن امرأة للزواج بل عن صك بريدي
ثم تلومون المرأة إذا رفضت الزواج ببطال !!

[Khokha01]

السلام عليكم

فالزواج ربي هو الرزاق ماشي الترسيم
قادرة تكون غير شبكة وانت تربح عليها بعد الزواج وتترقى بمناصب اعلى
وقادر تجيبها خدامة وتخلص مليار وبخطأ بسيط فعملها يطردوها وترجعبطالة وبالتالي تخسر الاول والتالي ايلا نيتك هاكا
ارضى بنصيبك بللي كان وماتكبرش كرشك .. الرزاق ربي وكيما يمد ينحي امالا كمل مع خطيبتك ماعندها حتى ذنب المخلوقة .. مع اني اتمناها لغيرك بما ان نيتك فيها هكا بعدما خطبتها جا ابليس من النوع البشري ووسوسلك ودرت بكلامو ..

[fyfy_top216]

كيما يقولوا مش غير لي لبس سروال راجل

الطمع وين يوصل اليوم هدي وغدوة واش راني سير بلي لوكان تتزوجها وتجي في طريقك وحدة مرفهة والله تسمح فيها كي صبح الخير ..
المراة تصرف عليا جامي انعل بليس

[تالا تسنيم]

أخي ........... وقيلة راك تقصر برك ياك.............. ولا منك بصح شا راك تقول.......... نقول لك الرزاق هو ربي سبحانه

[بنت الحجاج]

ديرلكْ طلبْ زواجْ في جريدة النهار !!!

شاب جزائري

يبحث عن امرأة عاملة

و مستعدة تعطيني سْلاكها ( راتبها )


!!!!












نقطعْ راسي

إذا قبلتْ بيكْ وحدة وكانت علابالها بنيتكْ !!

[sunny8]

نعم من الأحسن فسخ الخطبة لأن هذه الفتاة تستاهل واحد خير منك
من العيب التفكير بهذه الطريقة
الله يهدي ما خلق

[عُضو مُحترم]

ديرلكْ طلبْ زواجْ في جريدة النهار !!!

شاب جزائري

يبحث عن امرأة عاملة

و مستعدة تعطيني سْلاكها ( راتبها )


!!!!












نقطعْ راسي

إذا قبلتْ بيكْ وحدة وكانت علابالها بنيتكْ !!

مرسّمة.....فقط

[fugy]

الله يهديك

[معجزة الاكوان]

صراحة
مش هدرة تنقال والله غير عيب
هذا بدال ما تقول نجيب مرا تربي ولادي وتخرجهم صالحين
نتفاهم معاها وتستر داري في غيابي
تكون ليا نعم الزوجة تربية ادب واخلاق وظرافة
ومعليش نتغداو تمر ولبن ونباتو بلا عشا
افطن خليك من الماديات فكر بالمستقبل بولادك
كل رانا ناكلو 3 خطرات فالنهار ميهمش وش ناكلو
المهم اضمن زوجة صالحة تكون نعم الرفيق في حياتك

[malak achark]

انت انسان تسعى من اجل المادة وليس من اجل بنت العائلة انا ارى انك تتلاعب ببنات الناس لااااااااااااااااااااااااااا تذكر ان لديك اخوات بنات ولو حدث لاختك نفس الموقف كيف سيكون ردك تذكر انه كما تدين تدان رب يهديك ويهدي شباب اليوم سبحان الله تفكر بان تكون زوجتك عاملة من اجل ان تصرف عليك ونسيت الدين والاخلاق التي ينشا عليها اولادك في المستقبل والله لم افهم شيء

[mimi jiji]

شوفي يا اخي

كلامك يستنبط منه الكثير

اول شيء تبدو شخصيتك هشة ومن النوع اللي يتاثر بكلام الناس وقراراتو غير ثابتة

ثم تبدو ماديا جدا

ثم تبدو غير محب لذات الفتاة واخلاقها

اولا من تزوج امراة من اجل مالها زاده الله فقرا

ربي دارك رجل تصرف عليها

وما يهمكش خدمتها لانها امر خاص بها

تبقى هناك نقطة اذا ماعندكش اشكال في عمل المراة

ثم راها عقود قادر ربي يفتح عليها

وقادر تديها خدامة وتحبس

خمم مليح ماذا يعجبك فيمن خطبت؟
فان كنت مقتنعا بها بعيدا عن النظره لمادية فتوكل على الله

وان لن تكن مقتنعا فاترك البنت بسلام يفتح عليها ربي مع غيرك

وحاول تكون اكثر نضجا ولتعلم ان الحياة تنتظرك بتحديات اكبر من المال












عندك الحق
وماعندي مانزيد في واش قالو
مي حابة نقول حاجة برك
*انت عبد ولا بطلت
ربي يهدي ماخلق
قولو ااااامين
ربي يسطرنا ويحفظنا

[rayhaine]

كرهت القرايا والنيفو الطالع والخدمة غير بسباب امثالكم
عـــــــــــــدرا
يارب ارزق هده الفتاة زوجا صالحا مسؤولا عندو حرمة وقيمة ونيف
امن يجيب المضطر ادا دعاه
ان شاء الله دعوة الاخ لاخيه في طهر الغيب مستجابة
افسخ يا خويا طلبت النصح نصحناك

باغي مرة تخدم عليك برا ولداخل ربي يهدي عبادو


نعرف واحد يخدم pré-emploi
يخلص 15000دج
خطبولوطبيبة خدامة لاباس بيها
قالهم نديها بشرط تبطل الخدمة هدا راجل ماشي غير ب la silhouette

[faressap]

السلام عليكم
نصيحة متزوج
إن كنت تريد أن تكمل نصف دينك وهذا هو مبدئك فتزوجوا فقراء يغنيكم الله
وإن كنت متردد ولديك أحلام مرتبطة بالماديات فإن الله هو الرزاق
وإن كنت ترى الزواج من هذه البنت يجب أن يعود عليك بافائدة فهذا إعتقاد خاطئ
فانظر في نفسك أي السبل تسلك
من يضمن فقره أو غناه إن الله هو الرزاق

[ابوايهاب]

مشيئة الاقدار ربمـــــــــــــــــــا هي تترسم وانت تتوقف عن العمل ومن يدري. اتكل على الله ولاتسمع كلام غيرك . والله يوفقك

[طيبة نفس]

نصيحتي غير بطل على خاطر ما تستاهلكش مادام اثر فيك رأي واحد وخممت على الخدمة غير ما كان لاه تخيل تزوجت وهي كملتلها الكونطرة

يجيك واحد يقولك عندنا فاميلتنا خدامة لاباس بيها تقبل بيك يسمى تطلق وتتزوج الخدامة ياخي حالة ربي يجيبلها خير منك

[كوثر1984]

ننصح ما تظلمش البنت و تزوجها وخطيك من كلام صاحبك

[الواثق]

حتى الموضوع خلاه المشرف باه يتفش ههههه................ماعجبتوش العقلية هههه....................الله المستعان

[ammar_phys]

أخي ما دام طلبت النصح....فأنا أنصحك...مادام قصدت فتوكل على الله لا تفسخ الخطبة لسبب دنيوي تافه و الله رازقك لا محالة وربما بسببها...وهو عند الله سماه المولى ميثاقا غليظا...اتق الله و توكل على الله و خليك من هذه الفكرة التي ربما تندم ان أقدمت عليها و الرجاء من الاخوة و الأخوات أن لا تلوموا الرجل كثيرا فقد طلب النصح....وفقك الله للخير و اتق الله في هذه البنت...

[نجمة ساطعة]

يعني حسب رايك pre-emploi خلاصها عيان

ماتصلحش للزواج ؟!

الله يبقي الستر ماعندي مانقول سوى ربي يهدي ماخلق

راك تحكي من نيتك و لى راك تتمسخر ؟,

و اعذروني لصراحتي و لاداعي لحذف ردي

الله يسترنا يعني متزوج الشيك مش الطفلة الدليل يفكر في مرسمة ....

[عبدالله بولنوار]

لو كنت في مرحلة الاختيار يعني قبل الخطبة ممكن عندك مبرر


لكن بعد الخطبة تفسخها من اجل هذا السبب نقولك الله يهديك


ممكن فيه سبب آخر


انت حاسب الرزق مع المرسمة الي متزوج بماكثة بالبيت كفاه رزقو ؟


رزقك مكتوب لك بالسنتيم معها او مع غيرها

صاحبك ليس برجل اين كان قبل ما تتقدم لبنت الناس

[khawlita.dz]

خاوتي اريد ان استشيركم انا حاليا خاطب بنت تعمل pre emploi وعندي صديق لاحلي في راسي دودة قالي مادام جبت وحدة تخدم شوف وحدة مرسمة دائمة وهم كثيرات لقيت كلامو صحيح وانا احوالي المادية ضعيفة لكن غايضتني البنت وملقيتش سبب لفسخ الخطوبة وخايف نسببلها مشكل واش رايكم يا اخوة



لا حول ولا قوة الا بالله
عيش تشوف.....رجال اخر الزمان......معليش تفتش على مراة تعاونك على الزمان بصح موش لهاد الدرجة...هدي انتهازية واتكالية.. الم تنوح عليك كرامتك ورجولتك و انت تقولها....اسفة على قساوتي لكنى تفاجات.... لنفرض ان تزوجت من مرسمة ورفضت اعانتك بحكم انك المسوول عليها وليس العكس...مادا ستفعل

[~ ســارة ~]

روح اخدم على عمرك كي الرجال و صور زوج دورو ........
بركا ما تتسكع في المنتديات و الفايسبوكات ............
و بعديكاش تقول راه ماعنديش باخسوكو تضيع في الوقت مع لبنات
طماع في مرا تصرف عليك و تخدم علىك و على اماليك.............................
ان شاء الله يطيحك ربي في وحدا تولي خدام عندها تبدل لي كوش نتاع الدراري و تسخنلهم لحليب و تسيق و تغلسل لماعن ...................
بابا في البستان امي في السوقي رجال اخر زماااااااااااااان ..... و من باعد يقول مالقيتش الزوجة الصالحة ........؟؟؟؟؟؟؟؟؟؟

الراجل المشراط.................. جيبو خاوي ........ المنقوص يتشرط بلبزااااااااااف

و شكون تقبل بيك ؟؟؟؟؟؟؟؟؟؟؟؟؟؟

[hodayena]

الله اكبر الله اكبر وين وصلة الرجولة والحمد لله مزال الي عندهم النيف مي انت نيفك وشرفك بعتو على جال الدراهم وكيما راح تبدل هذه الطفلة بوحدة مرسمة متخاف ربي ياخذ فيك الحق ويبعثلك وحدة تتزوج بيك وتتعرف على واحد عندو شكارة وتخليك تتميز يا الميزر قلقتني روح والرزق على ربي مي انت مشرو الزواج رديتو مشروع بزنزسة املا روح اتزوج مع بنك وهني روحك والا اقعد براسك خير سبحان الله رجال اخر زمن رجال راهم يخافو يتقدمو غير على جال المرءة وعملها ويطلبو توقف المرءة من العمل وانت رايح جيب وحدة مرسمة
ونزيدلك خويا صاحب لوكانش مكانش حاسدك على الطفلة وعلابالو بلي فحلة وغاير منك انو رغم مدخولك ضعيفة قبلت تبني معاك عايلة علابيها راه كي بليس يدخلك في راسك هذ الافكار واذا مراهش مزوج نقولك انت تخليها منا وهو يروح يخطبها منا لانو بنات الفاملية قلاق في وقتنا ياخي موذنن

[z.abdo]

بصراحة نقك حاجة

شخصيتك ضعيفة للأسف ولا تساهل تكون زوج

[khawlita.dz]

لاحول ولا قوة الا بالله...عيش تشوف..رجال اخر الزمان..الم تنح عليك كرامتك ورجولتك وانت تكتب هدا الكلام...(في عايلتنا المراة تعل وتكسب لكن هدايبقي مصروفها ادا تحب تساعد وادا ماتحبش حاجة تخصها)..لنفرض ان هده المراة رفضت ان تصرف عليك بحكم انك الرجل وان مسؤوليتها في رقبتك...مادا ستفعل....اسفة لقساوتي لكني تفاجاءت
حيانا نسمع امور تخلينا نفكرو الف مرة ف قراراتنا...كي عاد الرجل مايفتشش علي بنت المتدينة المتخلقة وانما يفتش على ليتصرف عليه...ويقدر يوقف في وسط الناس وقدام اهلها ...ويقول انو طالب ابد بنتهم .....لمادا ستزوجك...لتصرف عليك لتحميك.....باه تخدم عليك مالا البس قندورة واقعفالدار وعيطلها تجي تخطبك من باباك ياخي خالة ياخي

[فتاة مسلمة]

هادي على الاقل راهي خدامة وكون راهي في الدار؟؟؟
الطمع يفسد بالطبع، قول الحمد لله
انا مين شفت موضوع عن فسخ الخطوبة قلت مشكلة كبيـــــــــــــــــــــــرة
الله يهديك ماعندي مانقول
يعني تخطب وقت ماتحب وتفسخ وقت ماتحب!!!!!!!!!!!!!!!!!!!!!!!!!!
الله يهدينا

[ابراهيم داود]

ارى ان جميع الردود كانت عاطفية جدا وانفعالية و هذا عيبنا نحن الجزائريين فلا تنسو ان هذا الشخص طرح مشكلة و طلب النصيحة و الرأي و لم يطلب منكم شتمه او سبه او الدخول في قلبه و التكهن بنيته بانها عاطلة معظم الردود فيها نفاق كبير و لغة خشب مقرفة جدا فانا متاكد ان بعض الأخوات من قلن ان الرزق بيد الله لن ينظرن لهذا الشاب المسكين اذا تقدم اليهن خاطبا و لا داعي الى الكطلام الفارغ البعيد عن الواقع فنح جزائريون و نعرف بعضنا اعتقد ان صاحب المشكلة اراد التفكير بواقعية و ليس بطريقة رومنسية خيالية ففكر ان المراة المرسمة في عملها قد تكون أفضل لتساعده في تكاليف الحياة الصعبة و لا داعي لاتهام الرجل في رجولته و كرامته و انا هنا لا ادافع عنه بل اتكلم كلاما و اقعيا ففي كل الادارات و المؤسسات نجد ان المراة العاملة و المرسمة اوفر حظا في الزواج من غيرها لكن معظمكم راح يمس باخلاق هذا الشخص متناسيا اننا كلنا كذابون و ندعي المثالية و الله صرت اكره هذه المثالية الزائفة في منتديات الجلفة من يطلع على نصائح البعض يظن اننا مع انبياء و ليس مع بل صار الشباب فيه ينتحر بالحرق و الذبح