دارنا تضحك

[مشكلتي]

السلام عليكم
حبيت نسقسيكم يا لبنات ولولاد تعيشو في روتين ولا لا ؟
الصراحة حنا كل صيف يتعاود نفس السيناريو في دارنا روتين بمعنى الكلمة

لا دخلة ولا خرجة وفي دارنا مايحبوش الضياف ومايحبوش يروحو ضياف يعني صيف كامل وحنا في وجوه بعضانا

نتوما هكا ولا دارنا مبالغ فيها القلقة

انا رايحة نتكلاطا من القلقة ماتقولوليش لبحر باسكو ماعنديش معامن نروح واون فامي امبوسيبل نروحو للبحر مع العايلة وراكم علابالكم

المهم الحمدلله كبرنا وشبنا وحنا فالروتين

ربي يفرج علينا بلازواج الصالحين قولوا امين

[mery14]

امنيييييييييييييييييييييييييني يا اختي تقول راك تحكي علي اسما راناقاع كيفكيف ربي يعطينا الصحة برك

[malikdz01]

والله نفس المشكل عند الكل
الطقس له تاثير كبير على شخصية الانسان لذا فكلما اتجهنا للشمال حيث البرد مثل السويد والنرويج نجد شعوبهم اكثر سعادة
والعكس صحيح

[بنت الحجاج]

مليــحْ

:19:

تتحسبْ نقطة اجابية في السيـvـي تاعكْ


صدقيني ;)




أوْ قالكْ هكذا ولاوْ يطلعو لحساباتْ !!

[da3dou3]

هههههههههههههههههههه مكانش عائلة جزائرية ماهيش عايش الروتين علابلكم حتى لبحر عاد مكاين فيه والو مالف نروح نبات ب 15 يوم في البحر لعام هذا والله مازال مرحتلو مالف 15 يوم اديك هي لي نبدل باها لحياة.

[أم لجيـن]

وعليكم السلام

ربي يفرج عليك ويرزقك بالزوج الصالح ......(واش ديري بالدخلة والخرجة داركم اريحلك واسترلك )

[optimiste1628]

الروتين يخلي الدار موسخة,,,عليها مايجوش الضياف,,,,,الروتين يخلي الفاتورة نتا ع الكهرباء يسلكها مهند ,,,,الرةتين يخلي مائدة الغداء بالدالة...ة غسيل المواعن بالحليف,,,خلي الخياطة,,خلي الطرز,,أما المطالعة فالرةتين يقتلك و انت تقرى زةج كلمات : بحث في الجرائد عن زوج يحب الروتين..

[issraa-medea]

sa7 kayan al rotin hadi haka sur mais je panse machi kamil haka ya hbibti 9a3din fi 4 7yout ida darkom makharjoch akhorji wa7da pcq haka tni7i chwiya 3la ro7ak

[soso sirin]

نقلك حاجة يا اختي روتين الدار و لا يجي لعندي واحد ويقلقني و لا انا نروح نضيف و يكسرولي راسي علاه انا مطروشة خصني تكسار الراس والله صح راح يقتلنا الروتين مي ماعندنا مانديرو و زيد كي تعولي تبدلي روحي اخرجي قابلي البحر روحي حوسي ماشي تروحي تضيفي ديجا حنا مانقولوش تروحي تضيفي روحي منشري و طلعي لاطونسيو روحك

[اريج16]

والله حالتك كي حالتي بخلاف انهم دارا يخرجو وانا يخلوني في دار مع شغل ويقلولي العين تجيي ومكانش لي عمر والبحر كيما قلتي في عائلة مستحيل ومنحلمش به وزيد مع رمضان حتى الخرجة لي وعدنا بابا فيها تاجلت لبعد العيد والله ممكن النت هو الحل لقضاء الوقت لكن استغليه فيما يفيد انا مخلصش باب النت قعدت في هذاك النهار تقول يتيمة بعدها الغدوة خلص بابا النت والحمد لله واش نديرو اذا عندك دار جدك روحي ولا عيطي بنت عمك وحدة قريبة ليك تفوت معاك النار

[~~ أغيلاس ~~]

والله نفس المشكل عند الكل
الطقس له تاثير كبير على شخصية الانسان لذا فكلما اتجهنا للشمال حيث البرد مثل السويد والنرويج نجد شعوبهم اكثر سعادة
والعكس صحيح

على مقولتك كلما اتجهنا إلى الشمال زادت نسبة الانتحار، لأن الدول الإسكندنافية نسبة الانتحار بها عالية جدا،،،،،،،، يعني ينتحرون بسبب السعادة أم التعاسة ؟

[عُضو مُحترم]

على مقولتك كلما اتجهنا إلى الشمال زادت نسبة الانتحار، لأن الدول الإسكندنافية نسبة الانتحار بها عالية جدا،،،،،،،، يعني ينتحرون بسبب السعادة أم التعاسة ؟

كاين ناس تنتحر بسبب الفقر و المزيرية و المشكل

هوما ماعندهمش مشاكل

كرهو الحياة الجميلة و السعيدة

وكما قال ابن حزم رحمة الله عليه

الثلج إذا ادمن حبسه باليد فعَل فِعل النار

===========

بالنسبة للأخت صاحبة السؤال رانا كيفكيف

او رمضان جاي

راني نويت نحفظ القرآن مع جماعة

شوفي انتي ايضا شوية بنات

كل يوم احفظو تُمن و لا رُبع تُخرجي من الروتين

[~~ أغيلاس ~~]

كاين ناس تنتحر بسبب الفقر و المزيرية و المشكل

هوما ماعندهمش مشاكل

كرهو الحياة الجميلة و السعيدة

وكما قال ابن حزم رحمة الله عليه

الثلج إذا ادمن حبسه باليد فعَل فِعل النار



لا لا لا .

الحياة الجميلة و السعيدة ما شافوهاش و ما يشوفوهاش حتى يذوقوا حلاوة الإيمان .

السعادة تكون من عند الله،،،،،،،،،،،، و ركز مليح على كلمة من عند الله .

و لهذا أعلى نسبة انتحار تجدها في اليابان، السويد، و غيرها من الدول الغنية ( الكافرة ) لأنه لا هدف لهم في الحياة .


أما عن سعادتهم التي نراها في الأفلام و في الأشرطة الوثائقية فليست سوى سعادة آنية ( لحظات معدودة ) ،،،،، عندي صديق ( استرالي ) أحدثه أحيانا صراحة يغيضني، نصرانيون بالاسم فقط، يعني لا دين لهم، لا يثق في أحد،،،،،،،،، حتى الفتيات، و مما قال لي أن أغلب الفتيات ( عندهم ) يعانين من مشاكل اجتماعية،،،،،،،،،،،،،،،،،، و الكلام يطول،،،،،،،،،،، ان شاء الله تكون الصورة واضحة،،،،،،، مجتمعهم لا ضوابط تحكمه، تُعساء ،،،،،،،،،،،،،،، للأسف المسلمات الآن يقلدن الغربيات اللواتي لا يسوين نعل فتاة مسلمة شريفة .

و الذي ينتحر بسبب الفقر أيضا بسبب ضعف وازعه الديني و ضعف في إيمانه بالقضاء و القدر .

[عُضو مُحترم]

لا لا لا .

الحياة الجميلة و السعيدة ما شافوهاش و ما يشوفوهاش حتى يذوقوا حلاوة الإيمان .

السعادة تكون من عند الله،،،،،،،،،،،، و ركز مليح على كلمة من عند الله .

و لهذا أعلى نسبة انتحار تجدها في اليابان، السويد، و غيرها من الدول الغنية ( الكافرة ) لأنه لا هدف لهم في الحياة .


أما عن سعادتهم التي نراها في الأفلام و في الأشرطة الوثائقية فليست سوى سعادة آنية ( لحظات معدودة ) ،،،،، عندي صديق ( استرالي ) أحدثه أحيانا صراحة يغيضني، نصرانيون بالاسم فقط، يعني لا دين لهم، لا يثق في أحد،،،،،،،،، حتى الفتيات، و مما قال لي أن أغلب الفتيات ( عندهم ) يعانين من مشاكل اجتماعية،،،،،،،،،،،،،،،،،، و الكلام يطول،،،،،،،،،،، ان شاء الله تكون الصورة واضحة،،،،،،، مجتمعهم لا ضوابط تحكمه، تُعساء ،،،،،،،،،،،،،،، للأسف المسلمات الآن يقلدن الغربيات اللواتي لا يسوين نعل فتاة مسلمة شريفة .

و الذي ينتحر بسبب الفقر أيضا بسبب ضعف وازعه الديني و ضعف في إيمانه بالقضاء و القدر .

شكرا اخي نبيل


قضية الايمان منزوعة تماما من قواميسهم

لهذا المعايير التي نتبعها لا تنطبق عليهم

هُم سعداء بمنظورهم الخاص للسعادة البعيد عن الامور العقائدية الايمانية

تلك السعادة و الرتابة و الرفاهية كرهو منها

ليس لديهم اي رابط بالحياة أو دافع لحُب الحياة و الحرص عليها بما انهم عاشو افضل عيشة ( مادية)

على عكس الفلسطينيين مثلا يعيشون لارضهم و عرضهم و دينهم


نعتذر عن الخروج على الموضوع

[« أبْجَدِيَّاتْ »]

وَ عليكُم السَّلاَم وَ رحمةُ الله ،

أختي في الله ، عَليكِ أنْ تُوفِّري أنتِ ذلكَ الجوَّ المُمتِعَ في منزِلِكُم .
السِّنُّ ليسَ بِعَائِق ، فُكُلُّ وَاحدٍ منَّا يحمِلُ بِدَاخِلهِ شخصيَّةَ الطِّفلِ اللَّعُوب ،
وَ الدَّليلُ تَسَاؤُلُكِ ذَاكْ :o

ثمَّ مَا دُمتُم تَملِكُون شبَكَة نتْ ، حَاولي الاستِفَادَةَ مِنهَا بِتَحميلِ بعضِ الكُتُب
وَ طَبعِهَا وَ مُطالَعَتِهَا، و هَذِهِ بعضُ الرَّوابِطِ الخاَصَّة بمجمُوعَةِ رِوايَات جَميلَة :

مَيْ زيَادَة ( ظُلُمَاتٌ وَ أشِعَّة ) (http://www.4shared.com/document/1sbf3ZM7/___.html)

مَيْ زيَادَة ( ابتِسَامَاتٌ وَ دُمُوعْ ) (http://www.4shared.com/office/prHMMnBu/_____-____-__.html)

المنفَلُوطي ( مَاجدُولينْ ) (http://www.syrianstory.com/pdf/amis-10-4.pdf)

المنفَلُوطي ( الشَّاعِر سِيرَانُو دِي برجراك ) (http://www.4shared.com/office/cOdQGGC_/____.html)

غَادَة السّمَانْ ( الرَّغيفُ يَنبضُ كَالقَلبْ ) (http://www.4shared.com/office/dcSR_MPU/__-___.html)

غَابريِيل غَارسيَا مَركيز ( في سَاعَةِ نَحسْ ) (http://www.4shared.com/office/njl_eUQG/___online.html)

تْشَارلزْ دِيكَنز ( أوليفَر توِيسْت ) (http://www.4shared.com/office/NjK_r1pt/__-__.html)

الطَّاهر وطَّار ( عُرسُ بَغل ) (http://www.4shared.com/office/DSNtB4Fg/___online.html)

إيدَا لُوشَانْ ( أزمَةُ مُنتَصَفِ العُمر الرَّائِعَة ) (http://www.4shared.com/office/Q82XUk7P/___.html)

سَطِّري جَدولاً خَاصًّا بحِفظِ القُرآن الكَريم .
وَ دَاوِمي علىَ كُلِّ جُزءٍ تَحفَظِينَهُ في الصَّلاَة حتىَّ لا تَنسَيه .

***
قبل مُدَّةٍ وجدتُ موقِعًا رائِعًا حولَ الطَّبخ :
http://forums.fatakat.com/forum15

حَاولي الاستِمتَاعَ بِمُمَارسَتِهِ كهِوايَة ، سَتَجِدِينَ في الموقِع وَصَفاتْ مُمتَازَة .

وَ ثبَّتَكِ الله، وَ رزقَكِ الزَّوجَ الصَّالِحْ .

[نجمة ساطعة]

اذا عمّت خفّت ......

لكن بصراحة ولايتنا و السخانة ما عندك وين تخرجي من الكليماتيزور ما تزيديش

الاسبوعين الماضيين كان زفاف زميلة ما رحتش لانو الجو يجيب كآبة نروح و السخانة و العرق و وووو

كون تشوفي الجو عندنا تكرهي حياتك من عند ربي

[*ديهية الامازيغية*]

ههههههههههههههه
رانا قاع في ساشي واحد
مي انا رحت خطرة للبحر
و لدار خالتي مرة
و نروح للمارشي مرات
هدا ما كان

[arc en ciel]

السلام عليكم
حبيت نسقسيكم يا لبنات ولولاد تعيشو في روتين ولا لا ؟
الصراحة حنا كل صيف يتعاود نفس السيناريو في دارنا روتين بمعنى الكلمة

لا دخلة ولا خرجة وفي دارنا مايحبوش الضياف ومايحبوش يروحو ضياف يعني صيف كامل وحنا في وجوه بعضانا

نتوما هكا ولا دارنا مبالغ فيها القلقة

انا رايحة نتكلاطا من القلقة ماتقولوليش لبحر باسكو ماعنديش معامن نروح واون فامي امبوسيبل نروحو للبحر مع العايلة وراكم علابالكم

المهم الحمدلله كبرنا وشبنا وحنا فالروتين

ربي يفرج علينا بلازواج الصالحين قولوا امين

كيييييييييييييييييف كيييييييييييييييييييييف
السخانة تقطع لا خرجة لا دخلة لا ضياف لا فاميليا لا وااااااااااااااااااااااااااااااالو
هههههههههههههههههههههههههههههههههههههههه

اييييييه البحر يا حسرااااااااااااااااااااااااه هههههههههههه

لا روتين و المونوتون و السماطة a go go :mad::confused::mad:

والفنا هاكا نفوتو الصيف نهار تبهليل:19: و نهار تنقريش :mad:كيما قلتي وجوهنا في وجوه بعضانا هههههههههه واحد يعس في واحد هههههههههه

صح خطرات تحكمك قنطة و تتغمي هااااالله غالب هادي حياتنا
و الحمد لله على كل حال




ربي يرزقك زوج صالح bon vivant

[Mimicha FCB]

اميييييين

كمل عايشين في الروتين بصح ماش للدرجة تاعكم ني خرجة ني دخلة هكا بزاف

[milka40]

يا اختي رانا كامل كيما بعضانا حتى انا راني كيما حالتك واحد الفراغ واش نقولك نصبرو وفرات ربي يفرج علينا و على الجميع

[malak achark]

اصبري اختي وكان الله في عونك املئي وقتك بحفظ القران او بقيامك لاي عمل يغير روتينك

[fyfy_top216]

كامل كفكيف واش نديروا نصبروا روحنا بهدا نت وخلاص

[faty05]

كيف كيف
حتى حنا هكذاك و انا والفت عادي
ما نحبش بزاف الدخلات و الخرجات عند الناس

[محمد جديدي التبسي]

رانا كيفكيف لكن انت عندك حاجة زايدة وهي النت انا ما عنديش في الدار لكن الحمد لله ونعيش في سعادة ما دمنا مسلمين