ادا طلب منك الاختيار...نسكن وحدي ولا مع عجوزتي...مادا اختار

[djazia94]

السلام عليكم و رحمة الله
الكثير من البنات تتاح لهن فرصة الاختيار بين السكن لوحدها او مع عائلة زوجها


الفئة الغالبة تختار العيش لوحدها لتتجنب الاحتكاكات التي تحصل بين الكنة و الحماة و عواقبها و كدلك حتى تسرح و تمرح في بيتها على هواها



و الفئة الاخرى تظن انها ادا اختارة ان تعيش بين اهله فانها ستكسب حبهم و احترامهم و ان العيش مع اهل الزوج احسن بالاخص للبنات اللواتي يتزوجن بعمر مبكر و كدا اللواتي يعملن خارج البيت حتى تضمنن ان اولا دهن بين ايادي امينة عند جدتهم وعمتهم


فادا خيرت انت اختي مادا ستختارين ولمادا برايك
وانت اخي هل تكبر زوجتك في عينك ادا اختارت ان تعيش مع اهلك
وهل من تختار اهل زوجها مجنونة وغبية ام رزينة و دكية

[فاطمة_26]

وحححححححححححححححححححححححححححححححدددددددددددددددددد ددددددددييييييييييييييييييييييييييييييييييييييييي

[سنوم 33]

الصراااااااحة....انا مخطوبة...وشرطي الي اكدت عليه
اني نعيش في داري وحدي
الاسباب...
1-نحب نعيش مع زوجي الحياة الي انا متمنيتها..نعيش الحياة معاه.وحنا متافقين ومتشاركين في كل صغيرة وكبيرة--يعني--- مايدخل حد في واش لبست في داري ولا واش كليت ولا وين رحت.
انا مدياتو هو .. وهو الي يحكم فيا.
2-بالنسبة للاولاد --باه ربي ولادي على قاعدة صحيحة..على خاطر الجدود في بعض الاحيان وعن حسن نية يدخلو في تربية الاولاد ممكن يدلوه فوق اللازم.مثلا هو عمل حاجة لازم يتعاقب عليها--يختلف نوع العقاب على حساب العملة ههه---ممكن ما نخليشو يخرج يلعب لمدة يومين..وجداه تخرجو من ورايا ههههه
3-باه يبقى القدر بيناتنا.مرحبا بيها تجي لدار ولدها وتقعد قد ما تحب....ومهما عملت في هذه الفترة راح نتحملها ونقول تجي نهار وتروح وما نربحش لعيب راهي في مقام ماما..ومهما صرا دار ولدها وعندها الحق فيها


والسبب الرئيسي باه يبقى القدر

واذا انا شرطت داري وحدي ....مانيش راح نقطع صلة الرحم
اكيد وقت ما تحتاجني عجوزتي راح تلقاني وبلا ما تعيطلي..روحلها ونخدم عليها نظفلها دارها ونطيبلها ونطيب في داري ونديلها ونديها تحوس معايا

[djazia94]

الصراااااااحة....انا مخطوبة...وشرطي الي اكدت عليه
اني نعيش في داري وحدي
الاسباب...
1-نحب نعيش مع زوجي الحياة الي انا متمنيتها..نعيش الحياة معاه.وحنا متافقين ومتشاركين في كل صغيرة وكبيرة--يعني--- مايدخل حد في واش لبست في داري ولا واش كليت ولا وين رحت.
انا مدياتو هو .. وهو الي يحكم فيا.
2-بالنسبة للاولاد --باه ربي ولادي على قاعدة صحيحة..على خاطر الجدود في بعض الاحيان وعن حسن نية يدخلو في تربية الاولاد ممكن يدلوه فوق اللازم.مثلا هو عمل حاجة لازم يتعاقب عليها--يختلف نوع العقاب على حساب العملة ههه---ممكن ما نخليشو يخرج يلعب لمدة يومين..وجداه تخرجو من ورايا ههههه
3-باه يبقى القدر بيناتنا.مرحبا بيها تجي لدار ولدها وتقعد قد ما تحب....ومهما عملت في هذه الفترة راح نتحملها ونقول تجي نهار وتروح وما نربحش لعيب راهي في مقام ماما..ومهما صرا دار ولدها وعندها الحق فيها


والسبب الرئيسي باه يبقى القدر

واذا انا شرطت داري وحدي ....مانيش راح نقطع صلة الرحم
اكيد وقت ما تحتاجني عجوزتي راح تلقاني وبلا ما تعيطلي..روحلها ونخدم عليها نظفلها دارها ونطيبلها ونطيب في داري ونديلها ونديها تحوس معايا
يعطيك الصحة اختي
وان شاء الله ربي يهنيك

[الواثق]

حقيقة ستسكن مع اهلي .................ولكن ظروف السكن وبعض العادات تخلي الواحد بضطر للسكن مع الاهل ..............على كل حال كل وضروفه

[mina minouna]

madbiya n3ich wahdiiiiiiiiiiii

[Rose19]

و الله البارح و انا اتكلم مع اختي في هذا الموضوع و اتفقنا على ان المصريين لهم الحق في طلب الشقة قبل الزواج.
-العيش في بيت منفرد يجنب المشاكل بشرط الا يكون الرجل الابن الوحيد للعائلة في هذه الحالة يستحيل التخلي عن الوالدين.
- العيش في بيت منفرد لا يعني انقطاع العلاقات بل العكس يحافض على الاحترام المتبادل.
- العيش في بيت منفرد يسمح للزوجين العيش بحرية و خاصة قبل اكتمال فرحة العائلة بالاولاد.
-العيش في بيت منفرد يعطي فرصة اكثر للزوجين للتعلم و التغلب على العقبات بمفردهم دون تدخل افراد العائلة.
انا مع البيت المنفرد واليد في اليد لتحقيق هذا الحلم
هذا رأي

[الاخت الكريمة]

سلام
مانشرط عجوزتي ماوالو العكس نتمنى نعيش مع عجوزة
نديرها كما يما وتديرني كما بنتها
والقدر عمرو مايطيح لاكنتي محترمة نفسك
واولادك مادام نتي امهم تربيهم كما تحبي
العجوز غير سبة
خمي هذا الراجل لراكي تموتي عليه
شكون لجابتو ورباتو وكبراتو ودارتولك راجل بمعنى الكلمة
كون مدوهلك صبي وقالولك اتعبي عليه وربيه وبعدها تزوجي بيه
نحلفلك ما تقبلي
يا بنات لعندها عجوز تديرها في عينيها
خاصة لاكان بنها مليح وقايم بيك
شكراااااااااااااااااا

[نجمة ساطعة]

اذا اخترت صح سيكون بالاتفاق يعني وين يعيش هو نعيش معاه ....

[الاخت الكريمة]

اذا اخترت صح سيكون بالاتفاق يعني وين يعيش هو نعيش معاه ....


يعطيك الصحة
وهو اكيد مايخليش يماه
راهم يقولو نعيشو بحرية
علاه العجوز رايحة تدخل بينكم
راها في بيتها وحدها
ماعندها ماتدير

[~~ أغيلاس ~~]

السلام عليكم و رحمة الله و بركاته
فادا خيرت انت اختي مادا ستختارين ولمادا برايك
وانت اخي هل تكبر زوجتك في عينك ادا اختارت ان تعيش مع اهلك
وهل من تختار اهل زوجها مجنونة وغبية ام رزينة و دكية

كرجل أكيد أفضل السكن بمفردي لمزايا السكن المنفرد .

و لا محالة سأسكن بادئ الأمر مع الأهل ( على مضض ) لأسباب اجتماعية ( عُرفية ) .

لن تكبر في عيني إذا اختارت العيش مع أهلي لأنني على يقين أنها لا تريد ذلك حقيقة :1:.

[فتـ حييةـاة]

المشكل مش وين نسكن ؟؟ المشكل معامن نسكن ؟؟ اذا كان راجل ونص نعيش معاه في كزيرنة اذا تحتمت ونحس روحي ملكة الملكات .......... واذا كان مكان مكان نعيش انا وهو في قصر وحدنا ونحسي روحي راني عايشة في حفرة

[تالا تسنيم]

مازال ماعرستش بصح.....أنا خيرني قبل ما تطرحي هذا الموضوع.............. واخترت أني نسكن مع عجوزتي ربي يحفظها و يطول في عمرها..............

[djazia94]

مازال ماعرستش بصح.....أنا خيرني قبل ما تطرحي هذا الموضوع.............. واخترت أني نسكن مع عجوزتي ربي يحفظها و يطول في عمرها..............

الله يبارك
ان شاء الله تعرسي بالصحة و الهناء
ربي يهنيك

[نجمة ساطعة]

اذا اخترت صح سيكون بالاتفاق يعني وين يعيش هو نعيش معاه ....


يعطيك الصحة
وهو اكيد مايخليش يماه
راهم يقولو نعيشو بحرية
علاه العجوز رايحة تدخل بينكم
راها في بيتها وحدها
ماعندها ماتدير



شوفي في حكاية العجوز منيش معاك لان والدته هي مرأة بالدرجة الاولى

و هي تختلف من سيدة الى اخرى فهناك المسالمة و هناك الشريرة و هناك ووووووو

حتى ابنها يعرف طبيعة والدته.... و ندعوا الله أن يلاقينا بمن يخافه و لا يسلط علينا من لا يخافه

فقط مثلا هناك من يكون مرتبط جدا جدا بوالديه حتى لو يكون لديه سكن منفرد فلماذا التعجيز

عادي نسكن مع اهله لربما افضل لي و العكس صحيح

[نجمة ساطعة]

كرجل أكيد أفضل السكن بمفردي لمزايا السكن المنفرد .

و لا محالة سأسكن بادئ الأمر مع الأهل ( على مضض ) لأسباب اجتماعية ( عُرفية ) .

لن تكبر في عيني إذا اختارت العيش مع أهلي لأنني على يقين أنها لا تريد ذلك حقيقة :1:.

ليس الكل أؤكد لك .... هي القصة و ما فيها الجو اللي تعيش فيه

قادر تعيش غير انت و هي مثل العديد من الازواج و عايشين جحيم بعينه

[كوثر1984]

مازل ما كتبليش ربي نتزوج لكن انا برايي احب السكن لوحدي اذا كان السكن موجود اما اذا لم يكن متوفرا اعيش مع اهله واساعده ماديا لشراء بيت لنا حتى اتفادى المشاكل

[**نعم أطيعك ياربي**]

انا قبل الوواج قلت لزوجي انا عل حساب ماراني نشوف ماعليش نسكن مع اهلك وكي تزوجت الصاعقة الشبعة ما نشبعش والله غير تنحي عليا الماكلة وهذي غلطة حياتي السكن مع اهلو حسبي الله ونعم الوكيل والان انا في الطاق من اجل هذا الشي

[djazia94]

انا قبل الوواج قلت لزوجي انا عل حساب ماراني نشوف ماعليش نسكن مع اهلك وكي تزوجت الصاعقة الشبعة ما نشبعش والله غير تنحي عليا الماكلة وهذي غلطة حياتي السكن مع اهلو حسبي الله ونعم الوكيل والان انا في الطاق من اجل هذا الشي

اصبري
وربي يكون في عونك وعون اللي كيفك
ان شاء الله

[sarl02]

مكاش الي ما احبش يبني دارو واكون مستقل في حياته ..ولا احد ينكر فوائد السكن الخاص والمستقل من جميع النواحي ...ولكن باش تتشرط عليا من النهارا لاول سكن خاص والله العظيم لن تتبعني كزوجة و ستندم على اليوم الذي ولدت فيه ..من هاته التي تاتي من الاخير وتطالبني بالابتعاد عن اهلي وعن البيت الذي كبرت وترعرعت فيه وعن والديا الكريمين خفضهما اللله لي ...؟؟كيفاش زعمة من هذا البيت كامل راكي حابة غير هذاك الراجل برك ؟ وهذا الراجل جاء وحده وتربى وكبر وحده؟..انا الحمد لله املك سكن خاص بحكم وظيفتي لكن انحب اجي من عندي انا والوقت الي انحب انروح ليه ماشي الزوجة هي الي تتشرط في الاول.

[MIWAKE]

حقيقة ستسكن مع اهلي .................ولكن ظروف السكن وبعض العادات تخلي الواحد بضطر للسكن مع الاهل ..............على كل حال كل وضروفه
اخي الواثق ماذا تقصد ببعص العادات التي تخلي الواحد يسكن مع اهل فانا اعرف ظروف صعبة كضعف الراتب لايسمح بكراء او شراء سكن خاص اما قضية العادات و التقاليد فهي تدخل في اطار العرف وليست قرأن و بالتالي انا غير مجبر على احترامها او تطبيقها
و للاجابة على الموضوع لا اسكن مع عائلتي حتى ادا كان قصر فيه 40 غرفة فانا افضل كراء بيت دو غرفتين لي و لزوجتي حتى نكون احرار نخرج متى نشاء للمطعم او للتنزه زوجتي حرة ان تلبس ما تشاء ادا كان هناك خلافات فهده حياة شخصية لا اريد اي احد التدخل فيهها و لهدا انا اتعجب من الازواج اللدين يعيشون في عائلة كبيرة نجد الجد الاخ الاخت الاعمام الابناء لاحفاد زوجات الاخ فوض كبيرة هدة ليست حياة اد تبكي يعرفو ادا عند مشاكل يعرفوا ادا مرضت يعرفو اد شريت يعرفو ادا تشاجرت مع زوجتك يعرفو ادا دخلت الحمام يعرفو اد وووووووو كارثة افضل ان ابقى اعزب ولا هدي الحياة

[salimsalm]

حقيقة ستسكن مع اهلي .................ولكن ظروف السكن وبعض العادات تخلي الواحد بضطر للسكن مع الاهل ..............على كل حال كل وضروفه
اخي الواثق ماذا تقصد ببعص العادات التي تخلي الواحد يسكن مع اهل فانا اعرف ظروف صعبة كضعف الراتب لايسمح بكراء او شراء سكن خاص اما قضية العادات و التقاليد فهي تدخل في اطار العرف وليست قرأن و بالتالي انا غير مجبر على احترامها او تطبيقها
و للاجابة على الموضوع لا اسكن مع عائلتي حتى ادا كان قصر فيه 40 غرفة فانا افضل كراء بيت دو غرفتين لي و لزوجتي حتى نكون احرار نخرج متى نشاء للمطعم او للتنزه زوجتي حرة ان تلبس ما تشاء ادا كان هناك خلافات فهده حياة شخصية لا اريد اي احد التدخل فيهها و لهدا انا اتعجب من الازواج اللدين يعيشون في عائلة كبيرة نجد الجد الاخ الاخت الاعمام الابناء لاحفاد زوجات الاخ فوض كبيرة هدة ليست حياة اد تبكي يعرفو ادا عند مشاكل يعرفوا ادا مرضت يعرفو اد شريت يعرفو ادا تشاجرت مع زوجتك يعرفو ادا دخلت الحمام يعرفو اد وووووووو كارثة افضل ان ابقى اعزب ولا هدي الحياة
معك في الراي اخي فانا كرجل لا استطيع ان اعيش حياتي الخاصة خصوصا مع مغريات العصر فأريد زوجتي أن تتزين لي و ان تلبس ما يجعل عيني لا ترى غيرها فمع العائلة لا تكون حرة لقد رأيت هذا في اخي المتزوج لدرجة انني لا استطيع ان ادخل البيت إلا ليلا او ابقى في بيت الضيوف و هي مسكينة ترتدي الخمار فاضطررت لمساعدته ماديا كي يكري بيت و لكن الله فتح عليه و اعطاوه السكنة
فبيت العائلة يدخله الاقارب و الاحباب و بني العم و الاخوال تخيل لو كانت زوجتي مريضة او مزعوجة ذلك اليوم هل تستقبل الضيوف بوجه مكشر ؟ فسيقولون عنها انها متكبرة او يؤولونها بما يحلو من حديثهم كما انني لا أحب عدة اشياء تحصل في البيت العائلي ستحدث الشجارات حتما
اما حين اسكن لوحدي فاصبح انا و زوجتي قريبين أكثر لبعضنا ز نستطيع تربية الاولاد على احسن حال و احرص على تربيتهم و ليس كما في بيت الجد سيدللونهم او يضربونهم ..........عموما من قبل كنت أؤيد العيش مع الاهل لكن بتجربة اخي و اصحابي و مارايته بعيني افضل البيت المنفرد فهو أحسن بكثير

[حلاوة_87]

نعرف روحي كي دايرة ونعرف لساني شحال ""الطول نتاعه"" لذلك بصراحة السكن لوحدي الحل الامثل لي...وهذا لي راني شارطاته نسكن لوحدي....وربي يجيب اللي فيها الخير..

[faty05]

الزوج الصالح اولا
ثم من بعد عائلته
اذا كانت سمعتهم جيدة لما لا
اما العكس فافضل السكن بعيدا عنهم

[لحن الفرح]

انا لا اعلم وعمري ما فكرت في هذا الموضوع ان شاء الله ربي يرزقني بوليد الحلال اللي يحبني ويقدرني .

[sihem30]

اذا اخترت صح سيكون بالاتفاق يعني وين يعيش هو نعيش معاه ....



يعطيك الصحة
وهو اكيد مايخليش يماه
راهم يقولو نعيشو بحرية
علاه العجوز رايحة تدخل بينكم
راها في بيتها وحدها
ماعندها ماتدير



انا نشرط داري وحدي مهما كانت العجوة مليحة و نا سملاح باش يبقى القدر بيناتنا دايما و نتجنب جميع اشكال المشاكل .... كل واحد و عندو قدرات من التحمل انتي تقدري تتحملي عجوزتك بكل الوسائل كاين الي تقدر تتحمل عجوزتها و ما تحبش تعيش معاها علاجال باش تقعد عزيزة بقدرها بعيدا عن اي مشكل .... ماشي شرط العجوزة ماهيش مليحة تقدر تكون جنة و عسل و ما تكرهيش منها بصح مليييح كي تستقلي بدااارك كيما هي دارت دارها مع بابات راجلك حتى انتي ديري دارك مع بابات ولادك و تحسي بلي راكي في دارك انتي .... و هكدا مشاكلك تعيشيهم مع راجلك انتي و تحليهم مع راجلك انتي و العجوزة عالعين و الراس تزوريها و تطلي عليها و تجيبيلها الهدايا وو............................. الخ

[loubna2]

وجدي
وحدي
وحدي
باعلى صوت
تهمني نفسي قبل الشعارات الزائفة
لان ارضاء الناس غاية لا ولن تدرك
نصيحة من عندي انساي الشعارات لانو الناس افاعي تطفريها في روحك
خدي الراي
وحدك

[maiar]

انا حبيت نسكن مع العايلة لكن رفض

[hodayena]

ملي دخلت فكرة الزواج في بالي وانا نتمنى نعيش وحدي داري وحدي لكن تشاء الاقدار وربي يكتبلي نعيش مع عجوزتي لانو عندها طفل واحد ومكاش كيفاه نسكن وحدي قاتلو اهو محبش ومع انو عايلتهم كبيرة مي انا نفضل يا لوكان 2غرف وحمام والكوزينة مع عجوزتي معليش المهم الهناء

[سارة البوسعادية]

اذا كان لي مجال للاختيار رح نقلكم مانيش ملاك والطبيعه الانانية رح تتغلب عليا
ونقولو نعيش وحدي
اما اذا كنت مجبرة رح نحاول نلتزم باصولي وتربيتي وفقط

[sarl02]

اذا كان لي مجال للاختيار رح نقلكم مانيش ملاك والطبيعه الانانية رح تتغلب عليا
ونقولو نعيش وحدي
اما اذا كنت مجبرة رح نحاول نلتزم باصولي وتربيتي وفقط

نعم الكلام دائما.

[meriem hanin]

نفضل انو نسكن وحدي لكن دارنا قالولي لال لازم تسكني في دارهم
يماه قالت ما يسكنش عندي و هو قال نكري و دارنا قالولي لوقتاش و هو يكري مع العلم انو دخلو متوسط جدااااااااااا
و الله رايحة نفجر من التخمام
رايو عليا كيفاش ندير ربي يفرج عليكم

[sihem30]

مكاش الي ما احبش يبني دارو واكون مستقل في حياته ..ولا احد ينكر فوائد السكن الخاص والمستقل من جميع النواحي ...ولكن باش تتشرط عليا من النهارا لاول سكن خاص والله العظيم لن تتبعني كزوجة و ستندم على اليوم الذي ولدت فيه ..من هاته التي تاتي من الاخير وتطالبني بالابتعاد عن اهلي وعن البيت الذي كبرت وترعرعت فيه وعن والديا الكريمين خفضهما اللله لي ...؟؟كيفاش زعمة من هذا البيت كامل راكي حابة غير هذاك الراجل برك ؟ وهذا الراجل جاء وحده وتربى وكبر وحده؟..انا الحمد لله املك سكن خاص بحكم وظيفتي لكن انحب اجي من عندي انا والوقت الي انحب انروح ليه ماشي الزوجة هي الي تتشرط في الاول.


راك كبييير عيب تسكن في دار باباك روح شمر على ذراعك و دير كيما دار باباك و سكن وحدو مع يماااك ؟

لازم تتحمل المسؤولية و تكون قدها و زيد بزيااادة الدار نااع العايلة تقعد للعزابين الي مازال ما اتزوجوش نساءا و رجاالا

[sarl02]

راك كبييير عيب تسكن في دار باباك روح شمر على ذراعك و دير كيما دار باباك و سكن وحدو مع يماااك ؟

لازم تتحمل المسؤولية و تكون قدها و زيد بزيااادة الدار نااع العايلة تقعد للعزابين الي مازال ما اتزوجوش نساءا و رجاالا

افهمتي مليح واش قلت ولا المهم تكريتيكي واخلاص ؟؟واش راكي اتخلطي يرحم باباك ؟..اذا عندك بروبلام ما تستوعبيش وما تفهميش بلخف هذيك حاجة اخرى ثم الله غالب نعذرك ولا حياة لمن تنادي.

[djazia94]

افهمتي مليح واش قلت ولا المهم تكريتيكي واخلاص ؟؟واش راكي اتخلطي يرحم باباك ؟..اذا عندك بروبلام ما تستوعبيش وما تفهميش بلخف هذيك حاجة اخرى ثم الله غالب نعذرك ولا حياة لمن تنادي.

ما تزعفش عليها خويا
سوء تفاهم صغير برك
ماعليش:)

[*سيرتا *]

كرجل أكيد أفضل السكن بمفردي لمزايا السكن المنفرد .

و لا محالة سأسكن بادئ الأمر مع الأهل ( على مضض ) لأسباب اجتماعية ( عُرفية ) .

لن تكبر في عيني إذا اختارت العيش مع أهلي لأنني على يقين أنها لا تريد ذلك حقيقة :1:.

اضحك الله سنك :1:

[الكـ الطيبة ـلمة]

الواحدة منا تشوف ضروف من سترتبط به ان كانت تسمح بسكن انفرادي فلا بأس

و الا فبيت العائلة أيضا مقبولة

[djazia94]

اذا كان لي مجال للاختيار رح نقلكم مانيش ملاك والطبيعه الانانية رح تتغلب عليا
ونقولو نعيش وحدي
اما اذا كنت مجبرة رح نحاول نلتزم باصولي وتربيتي وفقط

وهدا هو رايي انا ثاني
مادا بيا نسكن وحدي
بصح ادا تحتمت ما كاش مشكل:):19:

[hanane 26]

أنا نحب نسكن وحدي لأني خدامة وأكيد ما نقدرش نوفق

[ليلى الجزائرية1]

السلام عليكم
تحية طيبة وبعد
الموضوع هذا لفت انتباهي
وقراْته واطلعت اْيضا على العديد من المشاركات التي كانت ما بين مؤيد ومعارض لفكرة السكن مع اْهل الزوج وعلى فكرة أنا كان عندي موقف تجاه هذا الموضوع وكدت أتراجع عنه بسبب بعض الحجج التي أوردتها العضوات إلا أني استقريت اْخيرا على التمسك بموقفي
ألا وهو العيش مع أهل زوجي فوالداه تعبا في تربيته وتنشئته فاحب ان ارد لهما ولو جزء من تعبهما وشقائهما في سبيل تكوين زوجي وتنشئته
واْنا بهذا لا أنكر ان في ذلك تنازلا على العديد من حرياتي كان ألبس ما أريد وأطهو ما اْريد وغير ذلك من الحريات دونما قيود.
إلا انه دعوة خير من الوالدين تسوى الدنيا وما فيها

[صفاء الروح]

وحدييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييي

[انغام المنى]

انا كنت رايحة نسكن معاهم على خاطر دارهم كبيرة بزاف بصح منين دارولي المشاكل كي جاو يشوفوني وهو شاف وتاكد قرر وحدو اننا نسكنو وحدنااا
وانا من راي انو كل وحدة تسكن وحدها باش يبقى القدر وكي تحتاجها عجوزتها تلقاها

[مريم الصابرة]

السلام عليكم اختي فالحقيقة لا مجال للإختيار أنا نفضل نسكن مع اهلو كيما انا نحب امي هو يحب امو سبحان الله كيفاه هي تكبرو وتتعب عليه ونجي انا نديه ونروح وربي وين وفدوى يكبرو ولادي ويروحو ويخلوني جامي هذي مهما كانت ومهما كانو خوتاتو معليش ربي خير ويجي نهار نكسبهم في صفي واللي تدخل ناوية خراب البيت تخرب على راسها هذي هي كل شي من التربية اللي نحب امها تراعي شعور زوجها هذو اهلو وهو ما كبرش وحدو وشكرا وبارك الله فيك

[مزالنا واقفين]

السلام عليكم ورحمة الله
انا فضل نعيش وحدي لابغى كاري و قبل ما نعيشوا وحدنا نقعدو مع والديا لمدة شهور حتى تقوى العلاقة بين زوجتي و اهلي و انا تاني قوي علاقة تاعي بأهلها بصح بعد مدة حتى نحس بلي زوجة تاعي بدات تتأقلم في عيشها معايا و مع اهلي من بعد نكتف زيارات لأهلها باش نندمج معاهم انا تاني

وكاين امور بزاااف عندها ابعاد لهذا تصرف و اخرى ما ذكرتهاش لخطرش تانوية

[مزالنا واقفين]

نسيت باش قولكم حاجة مهمة ما نحبش لي تشرط و تتشرط انا من داخلي نحس راها تتكبر عليا و لا شايف روحا بزااف

نهار لي نجي نخطب فهمه باها مليح اذا مكانتش عندي دار نفهم بلي عدي ان شاء الله نكري و اذا تزيرت علينا الامور بزااف نسكن مع اهلي و الدار واسعة و الحمد لله
و نأكدله اذا بنته تبعت واش قالنا ربي سبحانه و نبي صلى الله عليه و سلم ما ترجعش لداره و تعيش معايا حتى ندفنها و لا تدفني
و بيناتنا المحبة و القدر

بصح اذا انا نهدره هذي الهدرة وبنته ديرلي كذا و ديرلي ذا و انا نبغي هاك و نبغي هاك تما نقولهاله قال سمحلي حاج بنت ما توالمنيش والصلاة على النبي المختار

[amel4star]

لن اكذب
ككل البنات افضل ان اعيش وحدي
ليس لسبب غير اني اريد ان اكون على راحتي اكثر مع زوجي و ان اتجنب الاحتكاكات و ابقى عزيزة
مع انني احب العائلة لكن افضل لو زرت حماتي كل نهاية اسبوع بالقدر و العز

حتى مع امهاتنا و اخواتنا قد تحدث مناوشات فمابالك بالغير

[حفيدة عائشة]

انا نحب مع عجوزتي و شيخي (بيناتنا راجلي هو وليد عمي) يعني نحب اللمة نتاع العايلة و زيد انا رايحا لدار الكبيرة يعني يسكن فيها عمي لي هو شيخي و عمي واحداخرو عائلتو و جدتي يعني اللمة كبيرة الله يبارك و زيد انا الصغيرة فيهم بصح انا العروس الاولى عندهم و الله عير اللمة و العايلة و الدفئ لي يكون ما يتعوضش ربي يهنيكم قاع يا لبنات و إن شاء الله كل وحدا يعطيها على حساب قلبها

[نادية أم الخير]

عن رأيي أنا بصراحة ولست مثالية ولا منافقة فيما أقول لا أفضل السكن المنفرد ولو طول الدهـــــــــــر إجتماعية بطبعي أحب أولادي أن يتربوا مستقبلا بين أهل والدهم فهذه هي مبلغ سعادتي
لو نحاول معا إخوتي الكرام أن نسترجع قليلا حياة ناس بكري لما كانوا كامل يعيشوا مع بعض متراحمين في أسرة واحدة كبيرة ماشاء الله قولولي مش كانت البركـــــــــــة نازلة وكان الخــــــــير صح والله يا ريت يرجع زمــــــــــــــــن بكري.

[staifia]

صراحة مكاش البنت لي متحبش دارها وحدها ,, لكن هذا ليس بشرط ... بالشرط الاساسي هو ان يكون الرجل قد المسؤولية
كيما نقولو كي يكون الراجل فحل مينخافش عليه ,.. ااما السكن مع الاهل انا شخصيا لا ارفض ذلك لأني نعرف روحي والحمد لله منيش رايحة نوصلها ,,,, كيما انا عندي والديا ونحبهم هو كذلك واحد مراهو مقطوع من شجرة
ااما الماديات فهم مكملات للحياة ,,,,, الهنا والصحة برك
شكرا

[نادية أم الخير]

تحية خاصة جدا لاخت الطيبة مريم الصابرة ،بـــــــــــــارك الله فيك على كلامك الذي يثــــــــلج الصدروكثـــــــــر من أمثالك .

[aihemsara]

انا ما خيرت ما الو ههههه من الاول راح نسكن مع عجوزتي

بصح لوكان خيروني اكييييييييييد نخير نسكن وحدي

[amina-alaa]

اللي ما عندو خير في والديه ما عندو خير في الناس
الحل هو القياس
تقبلي مرت خوك ما تحبش تسكن مع يماك
مانظنش
انا اسكن وحدي وماشي عاجبني الحال
نحب الناس و l'ambiance
الاستقلالية انت تصنعينها

[سيهام]

اككككككككككيييييييييييييييييييييدددددددددددددددددد ددد وحدي
مافيهاش كلام
نعيش كيما نحب
ونربي ولادي كيما نحب
انا ماشي اجتماعية بزاف

[lidouch]

هذي الهدره اكل مكنانش منها كاينه الي عايشه في دار الشيخ و دايره لعجب وكاينه بعيده و قايمه بيهم المهم التربيه ميهمش معاهم ولا بعيدهه

[aldorrah]

كل وحدة وضروفها ومبادئها ايضا عن نفسي افضل سكن منفرد اذا كان عندو عايلة كبيرة بصح اذا غير باباه ويماه معنديش مشكل اكبر حاجة نخمم فيها هي حجابي منجمش طول حياتي وانا متحجبة قدام خاوتو وفالأخير كل وحدة وضروفها

[zizou93]

السلام عليكم
عجبني الموضوع بزاف شكرا على الطرح رغم انني بعيدة على الزواج
كان عندي راي ولكن كي قريت المشاركات و البعض الحجج كنت راح نبدل رايي
ولكن رايي لحد الان وعلى حساب التجربة اللي شفتها في عروستنا
وخلاتني نتمنى لوالديا انو لعروسة ماتسكنش معاهم
لانها انسانة ربي يهديها كانت لها شخصية في فترة الخطوبة اما بعد الزواج يا الهي
لم تعد لدينا ثقة في الفتيات لذلك نتمنى ندير لشيخي و عجوزتي واش ماداراتوش عروستنا فينا
ونتمنى انو لعروسة تخرج بدارها باش يبقى لقدر بين اهل الزوج والزوجة
(هذا رايي بالنسبة لزوجة اخي تخرج بسكن منفرد)
اما رايي الخاص (يعني بالنسبة ليا كي نكون انا عروسة ان شاء الله)
منين كنت وانا رايي واحد وهو انو نسكن مع اهل الزوج لاني تربيت في عائلة صغيرة بزااف
وماعشتش شعور العائلة لاني نحب لومبيونس والعايلة لكبيرة
ونتمنى نعيش مع عجوزتي و شيخي باش نحطهم على راسي و نديرهم كثر من والديا
وثاني انا بربي ان شاء الله كي نكمل قرايتي راح نخدم اذا بغالي ربي نخدم
يعني اولادي راح نكون مرتاحة كي يكونو في حضن جدهم و ناناهم
لانو دعوة منهم بالدنيا و مافيها
اما باقي الامور تاع الحرية مع الراجل و المراة تلبس كيمة تحب و تاكل واش تحب وتعيش حياتها
هاذوك ماشي راح تخليك تموتي لوكان ماديريهمش
ومحسوب اهل راجلك راح يقعدو يعيشو معاك طول لعمر لا لا راح يجي وقت و تستقلي بالسكن تاعك
وتسكني وحدك وتعيشي حياتك كيمة تحبي وبالعكس ربي راح يباركلك في حياتك بعد ما هزيتي اهل راجلك و قمتي بيهم
ودرتي الواجب نتاعك
هذا رايي الخاص
سلام

[oum imane]

koul nssa ihabou yasaknou wahadhoum oumanbinhoum la3djouza li kanat youm man elayam a3roussa oumakanch manha kima yama oukima banti ahna moumnin ouniya ta3na mliha mais bliss yadkhoul yadkhoul la3djouza matakdarch tatfaham bali wlidha kbar tzawaj ouhadi martou surtt ila ihabha ouikalachha oula3roussa tradja3 bcharassa outabda elharb oudhi3 arajal binathoum za3ma za3ma ihabouh

[ريماس]

وححححححححححححححححححححححححححححححدك

[همسة مشاعر]

وحديييييييييييييييييييييييييييييييييييييي

[الملهمة]

اختيارك جيد : اذا قلنا المراة تسكن وحدها تاكد هذا افضل لاهل الزوج لانو تنقص المشاكل ؟ لكن مع الوقت هذا شكون يملك بيت خاص ؟لانو الكراء حل وقتي فقط ؟ لكن السكن مع العائلة رايح يكون مشكل كبير اذا كان البيت العائلي صغير اهنا يكثر الاختلاط والمشاكل اما ان كان كبير رايحة تكون رحمة ربي يستقرو الزوجين وكذلك يرضيو والديهم يعني المراة اذا شافت عجوزتها مورالها طالع تروح عندها وتعاونها وتهزها ؟وغير تشوفها قلقت منها تقعد في الجهة الخاصة بيها ...... لكن السكن مع العائلة فيه مشكل كبييييييير انو الزوجة والزوجة هوما الي يصرفو والغاشي الاخر يستفيد بعد مدة يروحو والدين والبيت يقعد للورثة ويلقاو رواحهم حكمو الريح ............ خير الامور اوسطها وكل واحد ومكتوبو والله يسهلها لكل انسان ان شا الله

[لؤلؤة الرحمان]

بالنسبة لي

نسكن وحدي ولا مع عجوزتي نورمال المهم في الهناء وراح يكون لقدر حتى لو كنت معهم فالبنت هي التي تفرض القدر بينها وبين عجوزتها
فعادي جدا وين قالي راني معاه واذا اعطني الاختيار فساتركه له وحده القرار لن اتكلم بكلمة

[laifakhaoula]

والله منقدر نقول نعيش وحدي ولا مع ماماه هي ضرك على حسب الضروف كان يقدر يوفر سكن خاص منقولش لالا وادا مقدرش نصبر .....كاين لي يقولك نخرج نكري دار انا الصراحة لوكان يقولي منقبلش... نعيش مع ماماه ومنكريش

[salam algeria]

حياتي كامل و انا نتمني نعيش وحدي و درك راني نتمنى نشوف خيال عبد في داري و ما نلقاهش لكن رأيي في الموضوع ان الراجل لي قادر يسكن مرتو وحدها يسكنها خير من توجاع الراس بينها و بين امو و خواتاتو على خاطر الام مع بناتها و يصراو مشاكل و الخواتات بين بعضاهم ثاني لكن هاذوك المشاكل من بعد يذوبو كلي ما صرا والو لكن بين العروس و العجوز و السلافات ما يذوبوش المشاكل يزيدو غير يكبارو

[شيء من رجاء !]

زوجة أخي الأولى تعيش معنا لأن زوجها كان يعمل في منطقة بعيدة ولما استقر عندنا اقترحت عليه أمي لو يكري رفضت زوجته قالت إلى أن تكبر عايلتها .
زوجة أخي الثاني كرالها زوجها من البداية غضبت أرادت العيش معنا لكن لم تتحقق رغبتها بسبب عدم وجود غرفة شاغرة
حفظهن الله وكثر من مثيلاتهن .
الخلاصة ليس مهم مكان السكن ، المهم كل طرف يتنازل قليلا وكل المراكب ستسير

[الفتآة]

السلام عليكم ورحمة الله
قبل أن أختار يجب أن أنظر إلى ظروفه أولا فإن كان قادرا على توفير سكن خاص فالأحسن للطرفين ذلك
أولا لتجنب إختلاط الزوجة بإخوة زوجها وأولادهم إن وُجدوا
أما إن لم يكن ذلك فالحل الوحيد هو أن تسكن مع أهله بمراعاة وتحفظ

[نيل المنى]

بحسب الظروف عزيزتي....يمكنني اختيار العيش مع الأهل ان كان الأمر ممكنا و لا يسبب احراجا أما أن كان الأمر سيسبب احراجا خاصة بالنسبة للعائلات التي يكون فيها الاخوان ليسوا متزوجين و يسكنون في منزل ضيق نوعا ما فمن الأفضل للزوجين الاستقلال بمنزلهما تجنبا للازعاج الذي سيعاني منه الجميع دون الحاجة اليه.و الله أعلم.

[AMINA.Z]

افضل السكن المنفرد
لان الاساس من الزواج هو بناء اسرة جديدة و النضال من اجل استمرارها
و هو تجربة جديدة لي و له لذلك افضل ان نبداها لوحدنا و نتعايش مع بعض دون تدخل احد

[بسمةbb]

وحدي باه كي نتوحشها و تتوحشني تجيني و نجاها ربي يعيشها ماما عزيزة نحبك ياسر ياسر يا ام العمر