ممكن سؤال للخياطات من فضلكن

[omanis]

السلام عليكم
اخواتي من فضلكن عندي تساؤل فيما يخص الماكينة الخياطة لما ابدا اخيط ينقطع الخيط في مستوى المكوك يعني اكانات
رغم اني ظبطتها عدة مرات و لكن دائما نفس المشكل ممكن الاخوات تعطيني تفسيرا لدلك اي ما العمل ؟؟
و اشكركن على الاهتمام

[نجمة ساطعة]

شوفي تبانلي مشينتك تشبه لقراقابتنا هههههههههههه عليها كل ما نقربهاش

اعتقد المشكل يا اما في الابرة مهيش لاصقة مليح ... او تركيب الخيط فيه خلل او راكي مزيرة في حاجة عليها يتقطع

ما تنسيش ديري الزيت

[نجمة ساطعة]

اه نسيت ممكن ثاني الخيط ماركة راشية

[امل43]

أختي دري الزيت وخليها شوي ومسحيها وشوفي الابرة بلاك مراكيش مركبتيها كيما الي فالكاتالوج نتاعها، ولا الخيط معرفتيش تركبيه ولا الخيط أصلا موشي مليح

[بوعنينبة]

بلاك الكنات مزيرة بزاف او تعمار الخيط ماشي مريقل

[omanis]

يعطيكم الصحة حبايبي بصح و الله غير زيتها و عاودت ابرة اخرى جديدة و او كي نرخف الكانات ما تخيطش مليح و كي نرجعها كيما كانت تخيط شوية برك و تقطع
هبلتني كرهت منها جامي دارتلي هكدا و تانيت بدت الخيط جديد بصح ما لقيتلها حل
على العموم يعطيكم الصحة على الاهتمام بالات تزيد تدخل كاش واحدة تلقالي الحل

[نجمة ساطعة]

لا طونسيون تاعها مريقلة

[omanis]

لا طونسيون تاعها مريقلة

ايه من الجهة الفوقانية تخيط و جهة لاكانات تخيط شوية من بعد تتقطع :34:

[نجمة ساطعة]

اه معناها الكانيت فيها المشكل اما تعمارها مرخوف او الخيط ثم مزيراتو كل ما يمشي يتقطع زيدي شوفي الكانيت مليح

[omanis]

اوكي حبيبتي و يعطيك الصحة على الاهتمام و الرد ربي يهنيك