بالنسبة للطلبة المهتمين بمعهد البصريات و ميكانيك الضبط (أرجو التثبيت)

[the fly boy]

السلام عليكم و رحمة الله تعالى و بركاته
نظرا لقة المعلومات عن هذا المعهد هذه بعض المعلومات التي ممكن تساعد الطالب
أو الطالبة المقبلين على هذا المعهد في السنة الدراسية الجديدة
أنا طالب أكملت السنة الأولى بها المعهد
لقد تم اعتماد هذه الشعبة منذ سنتين لتصبح معهد مستقل
بعدما كانت معهد في الثمانينيات ليسحب منها هذا الاعتماد في بداية التسعينات
و أصبحت تابعة لشعبة العلوم و التقنيات
لكن منذ سنتين تم اعتمادها من جديد معهد مستقل
و أنا من الدفعة الثانية لهذا النظام الجديد
و أظن أنه سينقل الى مدرسة وحده العام القادم ان شاء الله
أما بالنسبة للمواد التي تدرس في السنة الأولى فهي
رياضيات،فيزياء،كيمياء،اعلام آلي،لغة فرنسية، استكشاف 1 (بصريات)،استكشاف 2 (ميكانيك)
بالنسبة للاستكشاف1 و 2 فها يعطيان نبذة عما سيدرسه الطالب عندما يتخصص لاحقا
سواء في مجال البصريات أو الميكانيك
في السنة الأولى
يدرس الطالب جذع مشترك علوم و تقنيات و في نهاية السنة الأولى
يعطى الطالب للاختيار
الذهاب الى أحد التخصصات المهنية في بداية السنة الثانية
أو
اكمال النصف الأول من السنة الثانية جذع مشترك علوم و تقنيات سنة ثانية
ثم التخصص في السداسي الرابع (اي في النصف الثاني من السنة الثانية) في
احد التخصصات الأكاديمية
نأتي الى التخصصات
هناك 5 تخصصات
2 تخصصات مهنية هما
2 licence professionnelle
ليسانس مهني في علم القياس و الرقابة الصناعية
Metrologie et controle industriel
و ليسانس في القياسات البصرية
Optométrie
يتخصص الطالب في احد هذه التخصصات في بداية السنة الثانية أي في السداسي الثالث
و قد كانت من قبل لا تملك ماستر هذه التخصصات لكن هذا العام فتح الماستر في التخصص الأول
علم القياس و الرقابة الصناعية
مدة التكوين 2 سنوات (مع فتح الماستر في التخصص الأول فأنه اصبح 2 سنوات تكوين + 2 سنوات ماستر
و هذا بالنسبة للتخصص الأول فقط)
سنة أولى+2 سنوات تكوين =ليسانس مهني في التخصص المعين
+
2 سنوات ماستر بالنسبة للتخصص الأول
أما بالنسبة لمن اختار اكمال النصف الأول من السنة الثانية جذع مشترك علوم و تقنيات سنة ثانية
فالتخصص يكون في السداسي الرابع أي النصف الثاني من السنة الثانية
أما التخصصات الأكاديمية فهي 3 تخصصات
3 Licence Acadimiques و هي
ليسانس أكاديمي في تكنولولجيا المواد
Technologie des matériaux
ليسانس أكاديمي في الميكانيك التطبيقية
Mecanique appliquée
ليسانس أكاديمي في بصريات الأجهزة و الفوطونيات
Optique instrumentale et photoniques
الماستر في هذه التخصصات الثالثة مفتوحة
و الدكتوراه أيضا مفتوحة بالنسبة للتخصص الأخير الذي ذكرته
بصريات الأجهزة و الفوطونيات
كما أن الدكتوراه ستفتح أيضا في التخصصين الأولين
مدة الدراسة
(السنة الأولى+النصف الأول من السنة الثانية)+ (النصف الثاني من السنة الثانية+السنة الثالثة)= ليسانس أكاديمي
+
(ماستر1+ماستر2)= 2 سنوات
+
دكتوراه (3سنوات)
=
8 سنوات لمن يكمل جميع المراحل
ملا حظة بالنسبة للماستر 1 و 2 فأن ليس كل الطلبة يمرون لهذه المرحلة أظن فقط 25 طلبة الأوائل
أيضا في الماستر 2 يتم تصفيتهم
أما بانسبة للدكتوراه فان العدد الأقصى هو 8 طلبة

هذه لمحة عن معهد البصريات و ميكانيك الدقة
و شكرا
و أرجوا من الاشراف التثبيت لتعم الفائدة

[the fly boy]

هذه الصورة المرفقة تشرح التخصصات و المسار المهني
في هذا المعهد

[the fly boy]

http://www.4shared.com/photo/URwY5kax/148943_291629607587548_5272452.html

[مرح من بسكرة]

السلام عليكم شكرا لك على هذه المعلومات يعننني هي تخصص مليح في رأيك

[أمينة1994]

شكرا على موضوع

صديقتي تحصلت على معدل 12 هل تستطيع دخولها في رأيك

شعبة علوم تجريبية

[مرح من بسكرة]

السلام عليكم ممكن بصح لحساب نقطة تع الفيزيا والرياضيات

[bilal-df]

السلام عليكم ورحمة الله وبركاته
انا راني دخلت العام الماضي لهذه الشعبة وعاوت الباك راهي فرشا خلاص
وزيد الجماعة ليحابين يديرو قياس البصر و يفتحو حانوت تاع النظرات هذا راه حلم كبير
ماكانش الاعتماد من طرف وزارة الصحة+ماكانش الماستر أي تدي ليسانس وخلاص
أفرش شعبة انا راني تلعبتلي في عام هكاك+صعيبة شوي للناس ليضعاف فالمات و الفيزيك
وأعتذر بلاك راني بالغت مي راهي الحقيقة.
وشكرا

[bilal-df]

شكرا على موضوع

صديقتي تحصلت على معدل 12 هل تستطيع دخولها في رأيك

شعبة علوم تجريبية

أخطيك يا خويا راهي فرشا خلاص
دير st خير لأنو تقدر تروحلها في st وعند حظوظ كبيرة ،والقرايا تاع العام الاول كيما st
نصيحة لوجه الله ما تديرهاش

[سطايفية بكل فخر]

merci chou je suis la pour votre quetions

[سطايفية بكل فخر]

خاص بطلبة معهد البصريات وميكانيك الضبط:اي تساؤل او طلب..............انا تحت الخدمة (http://www.djelfa.info/vb/showthread.php?t=963772)


||مكتبة الكتب الخاصة بالهندسة الميكانيكيةاطلب ونحن نلبي باذن الله|||متجددة باستمراران شاء الله (http://www.djelfa.info/vb/showthread.php?t=981779)

[the fly boy]

أختي مرح
في رأيي هي شعبة جيدة جدا
و هذا رأيي الخاص
يقال أنه لا مستقبل للطالب فيها هنا في الجزائر
هذا لأن الجزائر حالها حال جميع دول العالم الثالث
متأخريين تكنولجيا و لكن خارج الجزائر
فهذا تخصص القرن فتقريبا كل شيء يعمل بالضؤو و الليزر و ما الى ذلك
فهي تفتح لك آفاق رائعة جدا
كما أقول ان الأرزاق بيد الله

[سطايفية بكل فخر]

السلام عليكم ورحمة الله وبركاته
انا راني دخلت العام الماضي لهذه الشعبة وعاوت الباك راهي فرشا خلاص
وزيد الجماعة ليحابين يديرو قياس البصر و يفتحو حانوت تاع النظرات هذا راه حلم كبير
ماكانش الاعتماد من طرف وزارة الصحة+ماكانش الماستر أي تدي ليسانس وخلاص
أفرش شعبة انا راني تلعبتلي في عام هكاك+صعيبة شوي للناس ليضعاف فالمات و الفيزيك
وأعتذر بلاك راني بالغت مي راهي الحقيقة.
وشكرا

دير ترونسفار وتهنى اخي
+
انا راني مدايرة اوبتومتري منيش مقلقة على لاقريمون كيفكم

+
واش رايح دير بالباك الجديد

[سطايفية بكل فخر]

أختي مرح
في رأيي هي شعبة جيدة جدا
و هذا رأيي الخاص
يقال أنه لا مستقبل للطالب فيها هنا في الجزائر
هذا لأن الجزائر حالها حال جميع دول العالم الثالث
متأخريين تكنولجيا و لكن خارج الجزائر
فهذا تخصص القرن فتقريبا كل شيء يعمل بالضؤو و الليزر و ما الى ذلك
فهي تفتح لك آفاق رائعة جدا
كما أقول ان الأرزاق بيد الله

للاسف ياشعيب الناس تعتقد انو الاوبتيك معناها تحل اوبتيسيان مسمعوش بلي قراو في لالمان وبلي راهم دكاترة يقريو فينا

[the fly boy]

أختي Ami05
هذا يعتمد على الفاصلة
أعتقد العام الماضي معدل قبولها كان 12.74
و ربما يهبط لأنه يقال أن معدلات القبول لهذه السنة ستكون منخفضة

[سطايفية بكل فخر]

شكرا على موضوع

صديقتي تحصلت على معدل 12 هل تستطيع دخولها في رأيك

شعبة علوم تجريبية

بامكانها وممكن جدا تزيد تعبط هدا العام

[the fly boy]

أخي بلال
هذا رأيك أنت و كل واحد حر في آرائه
أنت تجده سيئة جدا
و
أنا أجدها ممتازة جدا بالنسبة لي
أخي ليس هناك ذلك التخصص فقط الذي تتحدث عنه أنت
لقد فتحوا الماستر لعلم القياس و الرقابة الصناعية هذا العام أخي مع أنها
ليسانس مهني و لقد سمعت أنهم أحضرو الاعتماد بخصوص تخصص القياسات البصرية
و ان لم يحضروا الاعتماد فهو قريب جدا أخي
فهذا النظام الجديد عنده فقط سنتان منذ بدأ التطبيق
يعني كل شيء جديد و مع نظام lmd فتحت آفاق جديدة
هناك 5 تخصصات أخي في هذا المعهد و لست مقيد بتخصص واحد
و كل شخص مسؤول عن اختياراته
و تقبل تحياتي أخي

[the fly boy]

مرحبا السطايفية
أرجوا انك في صحة جيدة
هههههههه
و أرجوا ان لوحة مفاتيح جهازك مازلت صالحة
ههههههه
و أرجوا أنك تحصلت على معدل جيد هذه السنة
:d

[سطايفية بكل فخر]

مرحبا السطايفية
أرجوا انك في صحة جيدة
هههههههه
و أرجوا ان لوحة مفاتيح جهازك مازلت صالحة
ههههههه
و أرجوا أنك تحصلت على معدل جيد هذه السنة
:d

هههههههههههههه اهلا
+
جبت 13وانت قداش جبت واش رايح دير
+
راني بالميكرو برطابل ومفيهش كلافي عربية
خخخخخ

[the fly boy]

مليح
هههههههه
أنا جبت
14.46
على ما أظن الثامن أو التاسع في الترتيب هذا السداسي
+
رايح نكمل جذع مشترك السنة الثانية
أنا عاجبني تخصص
بصريات الأجهزة و الفوطونيات

[سطايفية بكل فخر]

انا كلاسيت خير منك
ههههه
+
حاب تروح لالمان مليح بالتوفيق كاش ما تسحق راني هنا

[the fly boy]

ماهوش عدل
هههههههههههه
أنا راني من أصل أكثر من 300 طالب و طالبة
+
وعلاه لا
ان شاء الله
بصح لازملها خدمة
+
برنامج السنة الثانية
رياضيات + فيزياء
وين راح نلقاه
؟

[سطايفية بكل فخر]

راني عطيتك رابط المكتبة
+
شوف هدا الموضوع وادعمني فيه
+
الفصل الاول تقراو فيزيك3 و4 زوج

[the fly boy]

راها هاديك لي مشيبتلي راسي
هههههههههه
فزياء 3 و فيزيا 4
الله يستر برك
+
اني في الموضوع نتاعك

[kamel_ess]

انا معدلي 11.64 علوم تجريبية هل استطيع دخول هذه الشعبة ؟؟؟؟؟؟؟

[سطايفية بكل فخر]

ماهوش عدل
هههههههههههه
أنا راني من أصل أكثر من 300 طالب و طالبة
+
وعلاه لا
ان شاء الله
بصح لازملها خدمة
+
برنامج السنة الثانية
رياضيات + فيزياء
وين راح نلقاه
؟

انا ثاني راني مع احسن الطلبة وانجاو اني نجيب مليخ
هههههههههههه
+
كي تروخ لالمان متنساش جيبلي ماتريال اوبتومتري علابالك عوما بلاد الماكينات
هههه

[سطايفية بكل فخر]

انا معدلي 11.64 علوم تجريبية هل استطيع دخول هذه الشعبة ؟؟؟؟؟؟؟

مشاء الله تهبط المعدلات وادا مهبطتش كاين حل اخر لدخولها

[سطايفية بكل فخر]

راها هاديك لي مشيبتلي راسي
هههههههههه
فزياء 3 و فيزيا 4
الله يستر برك
+
اني في الموضوع نتاعك

فيزيك 3 قرينا عند استاد واش نقلك ملي بديت نقرا عندو مفهمتش
ديت 5 كثر خيرو حشم برك مدهالي
ههههههههه

[kamel_ess]

مشاء الله تهبط المعدلات وادا مهبطتش كاين حل اخر لدخولها

وشنهي هو الحل في رايك ؟؟؟؟؟؟؟؟؟؟؟

[the fly boy]

أخي كمال ممكن
اذا انخفض معدل القبول
العم الماضي كان بالنسبة للعلوم التجريبية
12.74

[the fly boy]

كيفاه
زعما تخلعي فيا بالخمسة تاع الفيزيك 3
ههههههه
حرام عليك

[سطايفية بكل فخر]

وشنهي هو الحل في رايك ؟؟؟؟؟؟؟؟؟؟؟

دير تكنو ومن بعد ديرلها ترونسفار فالسنة الثانية
وليكن في علمك انو الاوبتومتري والميترولوجي متقدرش ديرعم فقذ التخصصات الاكادمية

[سطايفية بكل فخر]

كيفاه
زعما تخلعي فيا بالخمسة تاع الفيزيك 3
ههههههه
حرام عليك

لا راني نكوراجي فيك باش ديلرو اضراب على الاسناذ باش يبدلوهلكم مسكين راهو اورشون

[the fly boy]

شكون هو الأستاذ
؟؟

[kamel_ess]

دير تكنو ومن بعد ديرلها ترونسفار فالسنة الثانية
وليكن في علمك انو الاوبتومتري والميترولوجي متقدرش ديرعم فقذ التخصصات الاكادمية

شكرا بارك الله فيك

مي انا حاب نكمل ف ال2 اني بصريات

[سطايفية بكل فخر]

لم افهمك اهي كمال ممكن توضحلي
+
شعيب منسميوش الاسماء هنا العام لجاي ادا حكمكم نقلك عليه

[kamel_ess]

لم افهمك اهي كمال ممكن توضحلي
+
شعيب منسميوش الاسماء هنا العام لجاي ادا حكمكم نقلك عليه

يعني كي ندير ترونسفار وينت اختصاص يمدوهلي ؟

[سطايفية بكل فخر]

مدولك
ميكانيك
او اوبتيك فوطونيك
او ماتيريو

[kamel_ess]

مدولك
ميكانيك
او اوبتيك فوطونيك
او ماتيريو

مليح

و كاين لي دارو ترونسفار و قبلوهم ؟

[سطايفية بكل فخر]

وي نعرف 2 منهم واحدد دار ماتيريو
والثاني دار ميكانيك
+
واحد اخر جا من علوم المادة ودار ماتيريو

[kamel_ess]

وي نعرف 2 منهم واحدد دار ماتيريو
والثاني دار ميكانيك
+
واحد اخر جا من علوم المادة ودار ماتيريو

بارك الله فيك
شكرا جزييييييييييييييييييييلا اختي الكريمة

[سطايفية بكل فخر]

العفو
+
هل هذا اول باك ليك

[kamel_ess]

العفو
+
هل هذا اول باك ليك

ايه هادا هو اول باك ليا و حاب نعاودو
كون يمدولي بصريات ما نعاودوش

[سطايفية بكل فخر]

ياخي نورمال عاودو وانت تقرا فالجامعة انا عندي زوج

[kamel_ess]

الله يبارك

بعد ما نقرا تيكنو كاين شعب اخرى نقدر نديرلهم ترونسفار ولا غير الشعبة هاذي ؟؟

[سطايفية بكل فخر]

تقدر دير لاي شعبة
فقط هناك شيء

بالنسبة للشعب لسنة اولى تاهم جدع مشترك كيما علوم المادة نات بصريات’’’’’’’’’’’’’’ الخ تنتقل مباشرة للسنة الثانية لانو ندرسو كيفطيف
اما الباقي ادا درت ترونسفار رايحين يرجعوك سنة اولى
بالتوفيق

[the fly boy]

......................

[سطايفية بكل فخر]

.................................................. ......

[رمزية]

السلام
زعما واحد علمي ماقراش كيما التقني
نورمال تجيه ساهلة؟؟؟؟؟؟؟؟؟؟؟؟

[سطايفية بكل فخر]

في زوج يقدرة يديروها لانو فيعا تخصصات ليهم للاثنين

[the fly boy]

.........................

[سطايفية بكل فخر]

،،،،،،،،،،،،،،،،،،،،،،،،،،،،،،،،،،،،،،،،،،

[سطايفية بكل فخر]

للرفع.................

[سطايفية بكل فخر]

,,,,,,,,,,,,,,,,,,,,, للرفع

[aiglenoir99]

,,,,,,,,,,,,,,,,,,,,, للرفع
اختي عجبني الرد او الموضوع تاعك لي فيه نصائح لطلبة الجدد بصريات ملقيتوش وين نلقاه الله يحفظك