سبب ضعف نتائج مادة الرياضيات2012 لشعب الادبية استفتاء لكل تلميذ

[سعيد*الاغواطي*]

السلام عليكم ورحمة الله وبركاته
الى كل تلميذ يدرس في الشعب الادبية -اداب و فلسفة-لغات اجنبة
لوحظ ان نقاط مادة الرياضيات لم تتجاوز 10 عند اي تلميذ يدرس في احدى هذه الشعب

ماهو السبب الذي ادى الى هذه النتائج
هل هو صعوبة الامتحان ( مواضيع غير متوقعة)
هل هو اهمال التلاميذ لمادة الرياضيات
اسباب أخرى

السؤال موجه الى كل أستاذ و كل تلميذ يدرس في السنة 3 ثانوي آداب.
ملاحظة:
نريد الاسباب لعلى و عسى نجد لها حل بإذن الله عز و جل
لا تبخلوا علينا بأرائكم.

[سعيد*الاغواطي*]

في المؤسسة التي أدرس بها تلاميذ يتحصلون على علامات جيدة 16 في المواسم
اذا بهم في البكالوريا يتحصلون على 6

[okba.okba3]

أنا منيش ضعيف أنا ديت فيها 11.50

[الجلفاويي]

عندك الحق كاين علامة 0.5 السبب هو صعوبة الموضوع سواء الاول او الثاني
و لا تمرين يشابه الباك بلون الله يهدي لذاللي حط المواضيع

[سعيد*الاغواطي*]

مبروك عليك 11.5 لكن اصدقني القول هل هي علامتك الحقيقية او انها و صلتك الاجابة من مكان آخر

[جمانا]

السلام عليكم
أنا كنت أدرس شعبة علوم تجريبية
و ديت 14.5 في الرياضيات شعبة آداب و فلسفة
خدمت على 19 و جبت 14.5 والله مراني فاهم والوااا
شكرا

[سعيد*الاغواطي*]

السلام عليكم
أنا كنت أدرس شعبة علوم تجريبية
و ديت 14.5 في الرياضيات شعبة آداب و فلسفة
خدمت على 19 و جبت 14.5 والله مراني فاهم والوااا
شكرا
اولا مبرووك عليك النجاح
ثانيا- أنا أستاذ رياضيات و ضننت ان الرياضيات مادة مساعدة بالنسبة للادبيين
لكن هذه السنة صعبوا الامتحان و زادوا زيروا الادبين في التصحيح
لاحظوا ان نسبة نجاح العلمين تجاوزت الادبيين هذه السنة
ثالثا- اعتقد ان افضل تخصص لك هو الانجليزية
لانك من خلال مواضيعك تعشقينها
الانسان يدرس و ينجح في افضل تخصص يحبه
حتى و لو لم يحبه الاخرين المهم القناعات النفسية
بالتوفيق في الجامعة.

[ala madrid]

انا لغات جبت فيها 5.5 هههه
عقدة معاها لوكان نقعد عام نقرى فيها مانجيبش فيها المعدل

[mimi batna]

انا كنت معنيش فيها اهمية كنت ندي غير 3 و4 مي كيما وليت نقراها و ندير فيها مجهودات وليت نجيب 15و16 كي صباح الخير
و مع اني مادبتش لباك مي جبت فيها 15 و انا نقرا لغات اجنبية
والمشكل عندنا حنا الادبيين هو حنا نقولو رياضيات مادة ماهيش اساسية و منديرلهاش اهمية
و ربي يوفق الناس كامل
bac 2013 nchalhe lina

[سعيد*الاغواطي*]

انا كنت معنيش فيها اهمية كنت ندي غير 3 و4 مي كيما وليت نقراها و ندير فيها مجهودات وليت نجيب 15و16 كي صباح الخير
و مع اني مادبتش لباك مي جبت فيها 15 و انا نقرا لغات اجنبية
والمشكل عندنا حنا الادبيين هو حنا نقولو رياضيات مادة ماهيش اساسية و منديرلهاش اهمية
و ربي يوفق الناس كامل
bac 2013 nchalhe lina
موفقة في بكالوريا 2013
ان شاء الله
صدقوا و الله العظيم ان الرياضيات مهمة جدا
الدليل كاين تلميذة من اقاربي اخذت معدل 9.64 و علامة 06 في الرياضيات
تخيلو لو تحصلت على علامة 10 ماذااااااااا يحدث
ايضا تلميذ و تلميذة يدرسون عندي تحصلوا على معدل 9.98
و في الرياضيات واحد جاب 04.5 و هي 03.5
تخيلوا لو زاد بنقطة و احدة في الرياضيات ماذا يحدث
على العموم كل شيء مكتوب اللي ماجابوا الباك العام هذا ان شاء الله العام الجاي يجيبوا بمعل جيد جدا ان شاء الله
ايضا اوصيكم اخوتي و اخواتي بدراسة كل المواد و عدم اهمال اي مادة لكي لا تندموا اخيرا

[kamela]

شعبة اللغات
كنت في الفصول اتحصل على 16-18

لكن في البكالوريا تحصلت على 12.5

لا يجب ان يستهان بالرياضيات

[ozil_88]

أنا جبت في الرياضيات 3 رغم انها مهمة في شعبة التسيير و الاقتصاد معاملها 5 الا انني جبت الباك و بمعدل 12.14 و الحمد لله

[اميرة07ميرا]

بالنسبة ليا انا
قبل ماكنتش لاتية بيها
مع انو كنت علمية والرياضيات في الشعبة الادبية راهي والو امام الرياضيات في الشعبة العلمية
مي انا كنت مسخرة وقتي كامل للومواد الاساسية
هذا العام قريتها
والتمارينات الثلاثة الي جاو في الموضوع الاول
والله غير حليت كيفهم في الدار ثاني وحدي بدون مساعدة أي شخص
مي في الباك
فقدت تركيزي وشطبت حالة
ماعلاباليش واش صرالي
قسما بلله غير الى حد الان نخمم في هاذيك الحالة
على هاذيك ماعطاونيش فيها
بصح والله ماهي حاجة الرياضيات

[amarus]

جزاك الله خيرا

[سجينْ ..!]

انا جبت زوج مفاتح في برج أبطال الرياضيات هههه

2

و هذا لصعوبة الموضوعو و قلة فهمي لها كذلك

و صدقوني صاحبي كان يطير فيها يدي 19 و كي جا الباك اخذ 3

و السبب الله اعلم

[سعيد*الاغواطي*]

نتطلع منكم اخوتي الى افادتنا بحلول اذا أمكن
- نصائح الى التلاميذ
- نصائح الى الاساتذة في كيفية التعامل مع التلاميذ.

[محمد الهادي ع]

أنا أدبي وتحصلت على 17

[HOD23]

من اسباب ضعف نتائج رياضيات ادبي 2012 هو ان التلاميدتعودوا النظام القديم احسب f1 و f2 اما النظام الجديد يعطولهم من اللاخر اي رسم منحنى بياني ثم يوجد الدالة

[hamdache]

من كثرة الذكاء

[mouloudia_26]

السلام عليكم امتحان الرياضيات سهل بدون مجاملة لكنه يحتاج الى ذكاء بسيط فقط

[سعيد*الاغواطي*]

شكرا على المشاركة

[احلام ملاك]

انا كنت دائما نتحصل على 19 و20 ومع الاسف في الباكالوريا كانت النتيجة 14 وانا ارى ان الموضوع قد كان من اصعب المواضيع فقد تطرقت من قبل الى كل مواضيع الباكالوريا للاعوام السابقة ولم تكن بصعوبة هذا العام اطلاقا حتى اني ارى ان رياضيات باك 2012 مفخخة بقنابل كثيرة وكاننا في معركة مع العدو

[hana39]

انا ادرس لغات اجنبية
والحمد لله اديت الباك
والرياضيات كنت العام كامل نقراها
مع الاستاذة وفي الدعم كنت عند 2 اساتذة اخرين
والحمد لله في الباك جبت 17 مع انو السوجي واعر شوي

[اميرة زماني]

انا جبت فيها 9.5

كنت ندير ليكور
ونحل تمارين
انا مانبغيش هاد المادة من بكري
وكاين سبب خلاني نكرها

وزيد الباك وعرولنا بزاف

المهم ربحنا والحمد لله

[AMINA ORANAIS]

اشكرك على طرح هدا الموضوع الرائع
في الحقيقة كنت في العام اتحصل على 17 في الرياضيات ولكن في الامتحان اندهشت من الاسئلة كان صعبا نوعا ما فقد اخدت 9 الاسئلة لم تكن متوقعة انها تكون هكدا صعبة والله مادة الرياضيات احبها كثيرا رغم كره بعض التلاميد لها خاصة الادبيين وتعرفو لما شفت نقطة الرايضيات 9 ولحد الان اريد ان اعيد البكالوريا من اجل ان اتحصل على نقطة 20 في الرياضيات
لكن الحمد لله انني تحصلت على البكالوريا

[asma mosta]

khouya ana jebt fiha14.5 sabeb houwa as2ila mefakhakha ya3ni ymedlik ijaba niha2eya wenta thawes 3la lme3adala loula wzid medoulna as2ila ma9rinahemch kima se2al f dala 3la diraset menhana benesba llmesta9im hada hna ga3 mahdarnach 3lih

[rimiana]

انا من شعبة اللغات و الحمد لله تحصلت على 16 في الرياضيات مثلما كنت اتحصل عليه في الفصول
الرجاء عدم التعميييييييييم

[amel nina]

الادبيين مايحبوش مادة الرياضيات +++++ صعوبتها

[عبد الصمد14]

أرجع سبب النتائج إلى إهمال الأدبيين للمادة و التركيز على المواد ذات المعاملات
الكبيرة التاريخ الأدب الفلسفة

[abderaouf1992]

انا جبت 1.25 فالبكالوريا

ببساطة هي مادة غير مهمة لواش تكسر فيها راسك روح لمواد اكثر منها فالمعامل

العلوم اسلامية لها نفس المعامل مع الرياضيات

[kenza95]

la faute machi ri fi les eleves li machi dayinhan fihadi mada hnaya ki kont 1ere année idab maya3tonach des prof mlah w meme liy9arona machi m9aymina b1 min adabiyin hata homa machi 3atina ahamiya ki hna ki hadi mada

[asma mosta]

انا جبت فيها 14.5 وفي الفصول كنت نجيب 10 مع العلم احسن علامة عندنا في القسم 10 السبب الرئيسي هو اسئلة الموضوع يمدلك الاجابة وانت تحوس على المعادلة الاساسية يعني هدا النوع ماشفناهش وزيد بالنسبة للدالة سؤال جامي ااد شفناه هو دراسة مستقيم دالتا بالنسبة للمنحى انا مانكدبش عليك المشكلة تاع كلاستي كاملة الاستاد تخيلو يدخل مايقري والو يحكم ستيلو ويبدا يكتب في الظابلو مين يكمل يقولنا كتبو اواد تقولو مافهمتش يقولك انت غبي ويروح ويخليك ولا يجيبلك لي ديتاي تاع داركم من أ حتى ل ي انا والحمد لله جبت البامك تاعي ل14.56 مي درت لي كوغ كلاستي كاملة درنا لي كوغ باسكو الواحد مايتكلش على الاستاد تاع ليكول برك

[youcef tekto]

أنا تحصل على 16 في مادة الرياضيات عادي مادة مساعدة بالنسبة لشعبة الاداب و الفلسفة لا أدري أين الخلل

كان معدلي 15.78 سلام

[سجينْ ..!]

الله يبارك خويا يوسف

قولي علامة الانجليزية شحال تاعك ؟؟

[محمد الهادي ع]

انا ديت 17

[لالة مريومة]

انا حتى عام تاع البكالوريا باه قريت الرياضيات ولقد وجدت فيها سهولة وانا اقول السوجي تاع الباك هو السبب وانا قد تحصلت على 5,5 وانا كنت حاسبة ندي 2 لاني حليت الدالة فقط

[tarek1991]

أسباب عديدة هو النــــــــسيان و إما فقدان الذكاء

ثانيا ظهور أسئلة جديدة لم يتعود عليها الطالب

[youcef tekto]

الله يبارك خويا يوسف

قولي علامة الانجليزية شحال تاعك ؟؟

الانجليزية 16 و بالمناسبة اخترت مدرسة عليا للاساتذة انجليزية سلام

[سعيد*الاغواطي*]

الله يعطيكم العافية على الردود و التوضيحات اخوتي
جزلكم الله كل خير

[سعيد*الاغواطي*]

ننتظر كل جديدكم