مشاهدة النسخة كاملة : بيولوجيا
السلام عليكم إخوتي
بعد بسم الله الرحمان الرحيم
اناتحصلت على شهادة البكلوريا و الحمد لله و تحصلت على معدل 11.33 و أريد اختيار تخصص بيولوجيا في باتنة فمن فضلكم ما هو معدل القبول فيها العام الماضي من فضلكم انا بحاجة لهذا الجواب
الله يحفضكم و يعطي لكل واحد منا التخصص الذي يريده
من فضلكم الرد.
و السلام عليكم
اماني 92
2012-07-06, 13:04
مبروك عليك حبيبتي جبتي برسك كيفي 11.35 وان شاء الله يمدوهالك العام اللي فات صحبتي جابت 10.13 وعطاوهالها
ان شاء الله يا ربي قالوا تخصص مليح و انا ميتة عليه ان شاء الله يعطيوهولي
المزيد من المعلومات من فضلكم
vive-nad
2012-07-06, 13:08
khiwani brebbi ya3tiwhalkom psq hadi bronche gdima w kayna fi kol wilaya ya3ni ila t5ayriha fi lwilaya nta3ek ya3tiwhalk lachtit di la moyenne 10.00
شكرا خي
ان شاء الله يعطيوهالي
السلام اختي انا من باتنة و معدلي 11.77
انا ثاني خممت فيها و راح نديرها فالاختيارات نتاعي
مي ماعنديش معلومات عليها
ممكن المعلومات اللي عندك
شكرا
قالوا مليحة بزاف و شيفة تحتاج اللغات بزاف
و الخدمة ف لابو وتقدري تكملي دراسات علياان شاء الله
هههه بلاك تقراي معايا رانا رايحين لباتنة في زوج
انا من بريكة
قالوا مليحة بزاف و شيفة تحتاج اللغات بزاف
و الخدمة ف لابو وتقدري تكملي دراسات علياان شاء الله
هههه بلاك تقراي معايا رانا رايحين لباتنة في زوج
انا من بريكة
متشرفين ختي
انا من المعذر
انا بفيت رياضيات واعلام الي راني ميتة عليها يا ربي و يمدوهالي
ربي يوفقك
ان شاء الله شكرا لك
المزسد من المعلومات من فضلكم
بنـ الشاوية ـت
2012-07-06, 13:48
سلام عليكم اولا الف مبروك نجاحك ومبروك لكل اللي نجحو
بالنسبة للبيولوجيا في باتنة العام اللي فات اللي جاب معدلو 10 عطاوهالو
وانا نقرا بيولوجيا اي استفسار انا في الخدمة
الف مبروك مرة اخرى
تقبلي مروري
بنـ الشاوية ـت
bleu flower
2012-07-06, 13:55
أنا قريت بيولوجي سداسي واحد وتوقفت درست فيه رياضيات وكيمياء وعلوم طبيعية تقريبا كيما تاع الليسي وجيولوجيا ومنهجية ومواد أخرى نسيتها
الدراسة مضمونة لكن العمل غير مضمون
لا يوجد أحد أعرفه درسها وتوظف في منصب في تخصصه
في بلاد الغرب تعتبر من أهم التخصصات كالطب لكن في بلادنا مستقبل مظلم آسفة لكن هذا هو الواقع
بنـ الشاوية ـت
2012-07-06, 13:59
انا من اريس
la jolie
2012-07-06, 14:17
سلام عليكم اولا الف مبروك نجاحك ومبروك لكل اللي نجحو
بالنسبة للبيولوجيا في باتنة العام اللي فات اللي جاب معدلو 10 عطاوهالو
وانا نقرا بيولوجيا اي استفسار انا في الخدمة
الف مبروك مرة اخرى
تقبلي مروري
بنـ الشاوية ـت
معليش اختي نسقسيق على البيولوجيا مدام تقرايها قوليلي ادا صح ادا قريت بيولوجي نقدر نخدم ولا نفتح مخبر في التحاليل الطبية
وقوليلي تعيشي ادا كانت مليحة ولا لا لا وقرايتها كيفاه
بنـ الشاوية ـت
2012-07-06, 14:26
الشرف ليا زيزو
///////////////////
شوفي اختي la jolie
بالنسبة للخدمة انا منقدرش نضمنلك وبالنسبة للتحاليل تتفرعي للتخصص الخاص بالتحاليل وان شاء الله تلقاي خدمة انا تاني راني ناوية نتفرع لهاد التخصص
وبالنسبة للفرع فالسنة اولى قرايتو كما تاع الطب لازم تديري مجهوود وتقراي بيان تزيري روحك مليح بالتوفيق
تقبلو مروري
بنـ الشاوية ـت
la jolie
2012-07-06, 14:40
ميرسي ختي على الاجابة
شكرا لكم على المرور
اختي بنت الشاوية هههه رح نهبلك بالأسئلة
انا ديت 11.33 زعما يعطيوهالي directement ؟
واش اللغات اللي تحتاجوهم بزاف.؟
تقراي في الحاج لخضر و لا في فيس ديس؟
السنة الثالثة واش فيها؟
و في الإختيارات نلقاها علوم طبيعية و حياة يخي؟
شكرا ليك ربي يجازيك خير ان شاء الله
المزيد من المعلومات من فضلكم
يسمونها بيولوجيا في النضام الكلاسيكي أما مع ظهور النظام الجديد أصبحت snv أي علوم الطبيعة والحياة الدراسة بالفرنسية كباقي التحصصات العلمية اللغة ليست مشكل لأنك سرعان ما تتعودين عليها ,, تدرسين عامين جذع مشترك أما العام الثالث فتختارين تحصص من بين كثير التخصصات أكثر من 12 تخصص '' باتنة لا أعلم كم يوجد تخصص '' يجب عليك الإجتهاد من السداسي الأول لكي تكوني من المتفوقات لكي تزيد فرصة مرورك إلى الماستر لأن الماستر ليس للكل بعد عامين على الأكثر '' أي أسئلة أنا هنا ''
مشكور أخي
انا اللي حابة نعرفوا و نتاكد منوا هو معدل القبول واذا يقبلوني اناب 11.33؟
بنـ الشاوية ـت
2012-07-07, 13:26
شكرا لكم على المرور
اختي بنت الشاوية هههه رح نهبلك بالأسئلة
انا ديت 11.33 زعما يعطيوهالي directement ؟
واش اللغات اللي تحتاجوهم بزاف.؟
تقراي في الحاج لخضر و لا في فيس ديس؟
السنة الثالثة واش فيها؟
و في الإختيارات نلقاها علوم طبيعية و حياة يخي؟
شكرا ليك ربي يجازيك خير ان شاء الله
اسالي مرحبا بيك
اولا يعطوهالك ويغمضو عينيهم هههههههه
اللغات اللي تحتاجيهم الفرنسية بصفة عامة وعندك مادة بالانجليزية فالفصل الاول ومادة بالعربية
نقرا فالحاج لخضر
بالنسبة للتخصصات فيها بزاف تخصصات وراح تتفرعي في نهاية السنة الثانية على حسب ماقالولي وكاين اظن 14 تخصص
ايه تلقايها علوم الطبيعة والحياة
اهلا وسهلا وبالتوفيق حنونة ان شاء الله نتلاقاو فالحاج :19:
تقبلي مروري
بنـ الشاوية ـت
بنت الشاوية ممكن تبقاي فاتحة نسقسيك على وحد الصوالح؟
اختي ان شاء الله يعطيوهالي و الله امنيتي
بالنسبة للتخصصات ويناها اللي في رايك أفضل؟
و بالنسبة ل master 1 et 2 يدخلوهم غير majors de promos?
وقت الدراسة بزاف؟و programme chargé شوية؟
دوكا نزيدك انا مافيهاش ازعاج هههه
شكرا ربي يجازيك خير ان شاء الله
بمعدل 11 أكيــــــــــد مقبولة ,,,
بنـ الشاوية ـت
2012-07-07, 20:42
اختي ان شاء الله يعطيوهالي و الله امنيتي
بالنسبة للتخصصات ويناها اللي في رايك أفضل؟
و بالنسبة ل master 1 et 2 يدخلوهم غير majors de promos?
وقت الدراسة بزاف؟و programme chargé شوية؟
دوكا نزيدك انا مافيهاش ازعاج هههه
شكرا ربي يجازيك خير ان شاء الله
بصراحة انا نخمم نقرا بيوشيمي ولا مكروبيولوجي وراني ناوية على المخبر وكاين بيئة تاني قالولي مليحة والتخصص تاع الكنترول
الماستر يديرو على حسب المعدل تاع 3 سنين
وقت الدراسة فالفصل الاول تقراي 6 مواد والفصل الثاني 5 مواد وعندك ساعة ونص لكل مادة
المادة الاساسية فالفصل الاول هي biocellulaire معاملها 6 والفصل الثاني عندنا biovegitale et bioanimale المعامل 3 لكل وحدة
المواد تاع الفصل الاول هي
biocellulaire
chimie 1
math
histiore
geologie
terminologie
والمواد تاع الفصل الثاني هي
biovegitale
bioanimale
physique
methodologie
chimie2
ايه معليش زيدي اسئلة براحتك
تقبلي مروري
بنـ الشاوية ـت
مشكورة أختي الله يحفظك ان شاء الله
نزيد نسقسيك
قالولي بيولوجي مافيهاش une these كاينة منها؟
ال math et chimie كيما les lecons nta3 terminal يعني ساهلين شويا؟
ويناهم اللي يلوحوهم في فيس ديس , الطلبة الجدد؟
جاوبيني على هذو تعيشي و انا ممنونة ليك الأخت
شكرا لك ان شاء الله ربي ينور طريقك
بنـ الشاوية ـت
2012-07-08, 22:50
مشكورة أختي الله يحفظك ان شاء الله
نزيد نسقسيك
قالولي بيولوجي مافيهاش une these كاينة منها؟
ال math et chimie كيما les lecons nta3 terminal يعني ساهلين شويا؟
ويناهم اللي يلوحوهم في فيس ديس , الطلبة الجدد؟
جاوبيني على هذو تعيشي و انا ممنونة ليك الأخت
شكرا لك ان شاء الله ربي ينور طريقك
بالنسبة لاتاز مسقسيتش عليها
المات تعتمدي فيها بزاف على التكامل والنهايات والمتتاليات اما الشيمي ساهلة متخوفش
على حسب علمي طلبة السنة اولى راح يقراو في فيسيديس هذا اذا مدارولهمش كما دارولنا حنا العام هدا قالولنا تقراو في فيسيديس وخلاونا فالحاج واقامتك راح تكون في فيسيديس
العفو حبيبتي ولو ربي يسهلك ان شاء الله
تقبلي مروري
بنـ الشاوية ـت
شكرا لك اختي مرة اخرى و الله مش رح ننسى جميلك ابدا
ممكن تقوليلي شحال كان معدلك العام اللي فات؟
راني سجلت ودرت علوم طبيعة ة الحياة هي الأولى فباتنة طبعا
ان شاء الله يمدوهالي هذا مانتمنا
فرايك يقبلوني؟
شكراااا 1000 مرة
بنـ الشاوية ـت
2012-07-10, 21:50
سلام عليكم
مكان حتى مشكل اختي راني فالخدمة وكتاه حتاجتيني
والبيولوجيا ان شاء الله راح تكون من نصيبك ويمدوهالك وتقراي فالحاج لخضر ولا فيسيديس ان شاء الله
ربي يوفقك في مسيرتك حبيبتي وتصلي لمبتغاك
انا نوصيك بحاجة وحدة برك كي تبداي تقراي زيري روحك بيان واحضري كل دروسك وتبعي الاستاذ لانو كاين اللي يحقر المحاضرات وميحضرهمش وفالاخير تلقايه ندمان
بالتوفيق
تقبلي مروري
mimi-anoucha
2012-07-10, 23:48
ما هو رمز البيولوجيا في الدليل
تحيا بريكة انا من بريكة وعول ندير بيولوجيا
mimi-anoucha
2012-07-11, 01:01
ما رمزها في الدليل
ما رمزها في الدليل
رمزها علوم الطبيعة و الحياة
bouzid gh
2012-07-11, 19:10
رمزها علوم الطبيعة و الحياة
رمزها d04 sciences de la nature et de vie
sira1993
2012-07-12, 09:48
انا تاني حابة نروح بيولوجي بصح يقولو مافيهاش الخدمة
عاونوني تعيشو اني حابة نقراها بصح مافيهاش خدمة في الجزائر
iness jojo
2012-07-12, 10:30
انا ماستر 2 بيولوجيا تخرجت 2010 ونخدم في المخبر ضمن عقود ما قبل التشغيل البيولوجيا متعة كي تحبي تقرايها فيها الرياضيات البيوكيمياء الجيولوجيا بيولوجيا الخلوية الحيوانية النباتية تاريخ العلوم الفيزياء هدا سنة اولى حتى لي ميقراش بيا فرانسي يوالفها على خاطر الفاظ علمية تقراي بيهم 5 سنوات وتقدري تفتحي مخبر انا صحبتي دارت مشروع تع لونساج
vBulletin® v3.8.10 Release Candidate 2, Copyright ©2000-2025, TranZ by Almuhajir