لو كان مالا لتحسرنا عليه......... [الأرشيف] - منتديات الجلفة لكل الجزائريين و العرب

محمد...عبد النور

2012-07-05, 19:27

السلام عليكم أعضاء منتدانا الغالي
هو امر نعيشه يوميا و خاصة في أيام الصيف
ألا وهو الوقت
و لو كان مالا لتحصرنا عليه لكنه مجرد وقت نحتقره و غدا نحاسب عليه
الشخص لا يجد ما يفعله و ما يشغله
ولا مكان اليه يذهب
ممكن النت تقضي على شوية وقت ، لكن الاوقات راهي طويلة
الصباح ، بعد الظهر الى المغرب
الشخص يكره حياته
في الخارج
يا ترى كيف تقضون أوقاتكم
و أرجوا ما يجيكم الموضوع صامط هههههههه
بارك الله فيكم مسبقا على الردود و جزيتم الجنة
ســـــــــــــــــــــلام

سعاذ

2012-07-05, 20:34

سلام عليكم
انشاء الله تكون مليح اخي لذريق
انا نهدر على روحي انا واحدة ماعنديش الوقت اطلاقا لوكان 24 ساعة هدي نقدروا نطولوها نطولها
المهم انا نوض على الخامسة بعد مانشرب حليبي نقرى سورة ياسين و سورة الرحمان والمعوذتين واية الكرسي وادعية الصباح ونقعد نقرى حتى لسابعة ولا عيت عندي اشغال يدوية نخدمها في الدار ومن بعد الخدمة من 8 الى 12 ومن 1الى 4.30 نشرب قاهوة تاع الرابعة ومن بعد الى الكوزينة وفي اغلب الاحيان ندخل لنت على سابعة ولاكان عندي شوية وقت قبل من سابعة ياما نقري شويا دروسي ( نقرى بالمراسة اختصاص معندوش علاقة بالعطل المدرسية ) او نخدم اشغال اليدوية تاعي و نبقى في النت حتى وقت لعشى من ذاك نولي لنات من ذاك نروح نرقد
علابالي راك تقول وفي العطلة تعرف انا ديت 2 عطل بصح ولا واحدة ديتها باش نرتح الاولى ديتها على جال عرس خويا والثانية ديتها خاطر يما كانت مريضة
وحنيا يما مستحيل تخليك تقعد دبرلك خدمة من ماكانش

فقير و باغي نطير

2012-07-05, 20:39

ناعل بو الدراهم و ناعلبو اللي يتحسر على الدراهم
و ناعلبو اللي ما عندوش كليماتزور بحالي
راني طبت يا عباد الله

محمد...عبد النور

2012-07-05, 20:51

سلام عليكم
انشاء الله تكون مليح اخي لذريق
انا نهدر على روحي انا واحدة ماعنديش الوقت اطلاقا لوكان 24 ساعة هدي نقدروا نطولوها نطولها
المهم انا نوض على الخامسة بعد مانشرب حليبي نقرى سورة ياسين و سورة الرحمان والمعوذتين واية الكرسي وادعية الصباح ونقعد نقرى حتى لسابعة ولا عيت عندي اشغال يدوية نخدمها في الدار ومن بعد الخدمة من 8 الى 12 ومن 1الى 4.30 نشرب قاهوة تاع الرابعة ومن بعد الى الكوزينة وفي اغلب الاحيان ندخل لنت على سابعة ولاكان عندي شوية وقت قبل من سابعة ياما نقري شويا دروسي ( نقرى بالمراسة اختصاص معندوش علاقة بالعطل المدرسية ) او نخدم اشغال اليدوية تاعي و نبقى في النت حتى وقت لعشى من ذاك نولي لنات من ذاك نروح نرقد
علابالي راك تقول وفي العطلة تعرف انا ديت 2 عطل بصح ولا واحدة ديتها باش نرتح الاولى ديتها على جال عرس خويا والثانية ديتها خاطر يما كانت مريضة
وحنيا يما مستحيل تخليك تقعد دبرلك خدمة من ماكانش

و عليكم السلام و رحمة الله و بركاته
راني بخير و الحمد لله
ربي يبارك فيك و يثبتك على قراءة القرآن
صح حتى أنا انوض الصباح نصلي و من بعد نرقد حتى نجيب 7:30 دقيقة لأني في العمل السكن بجانب الادارة و من بعد نروح نشرب قهوتي و نروح للخدمة و على 12 نروح نتغدى و بعدها نرجع نصلي الظهر و نرجع للخدمة حتى 4:30 و بعدها نرجع للسك و نبدل و نخرج برى نتقهوى مع صحابي و بعدها ندور شوية و لما يقرب المغرب نقعد في الجامع نقرى شوي قرآن و بعد الصلاة نتعشى و نرجع للغرفةمرات نقصر مع اصدقائي و مرات الا
في نهاية الاسبوع نجي للدار نبكر للصلاة و لكن ما نرقدش بزاف
انوض بكري و نضرب دورة في الخارج و اشتري الحاجيت اللي يخصوا الدار و مرات نرجع للنت و مرات نريح مع صحابي و لا نروح نقضي صالحة
المهم وقت الغدا باين و بعدها صلاة الظهر و مرات نقيل و مرات نقعد مع النت حتى العصر
و بعد العصر يا نخرج برى يا نقعد نقضي صالحة يا نريح على النت و كذلك بعك المغرب نريح في الدر ما نخرج الا للصلاة
العطل مازال ماديت اكوني جديد في العمل ، نسالهم كونجي نتاع العام الماضي و نتاع السنة مزال
راني مخليهم حتى فرصة مليحة
ربي يبارك فيك أختي سعاد و يبارك لك في وقتك و عائلتك الكريمة و يوفقك لما يحب و يرضى و يقر عينيك بما تحبين
ســــــــــــــــــــــلام

محمد...عبد النور

2012-07-05, 20:56

ناعل بو الدراهم و ناعلبو اللي يتحسر على الدراهم
و ناعلبو اللي ما عندوش كليماتزور بحالي
راني طبت يا عباد الله

كيف الحال أخي الغالي فقير و باغي يطير
صح سحقا لمال الحسرة معه
أسأل الله الكريم أن يبسط في رزقك و يعمك بفضله الكريم و يجعلك ممن يأخدون المال بحقه و ينفقونه في وجوهه
و ربي يبارك فيك
حتى أنا راني كيفك
السخانة راهي دايرة حالة
راك عارف تيارت الجو نتاعها كي داير
شكرا على الرد الطيب
ســــــــــــــــــــــــــلام

الجليس الصلح

2012-07-05, 21:02

أخي الوقت هو الحياة يجب المحافظة عليه أما أنا فأقضيه بالمحافظة على الصلوات الخمس بالمسجد مع قراءة القرآن العمل طبعا ووو

الواثق

2012-07-05, 21:07

ناعل بو الدراهم و ناعلبو اللي يتحسر على الدراهم
و ناعلبو اللي ما عندوش كليماتزور بحالي
راني طبت يا عباد الله

والله اضحكتني كل ومن معي في الغرفة حتى سمعنا الجيران ههههه

شهد حنان

2012-07-05, 21:12

يا اخي والله الوقت طويل بزاااف في الصيف
كامل واش ندير يكمل ويبقالي الوفت حتى ما نلقاش واش ندير نرجع للنت

كرهت تاع الصح

شكرا ليك

الواثق

2012-07-05, 21:13

صح يا اخي الفراغ نعمة ابتلي بها كثير من الناس ....................انا هاذي الايام راني مع البناء من الصباح لليل واذا دخلت للانترنت يعني السلعة خلاصت ونستنا فيها باه يجيبوهالي ..............وزادها السخانة راهي السخانة مريحة في الظل ههه............وغدوة راني رايح نجيب الرمل الدفعة الثانية وعلى بالي النهار كامل مع البيدون وهذا المرة رايح يطلع معايا الرمل بطل المنطقة في الفول كونتاكت وعلى بالي نولي نفك ههههه........................وزيد راني هبلت من الوثائق والملفات ...........البطاقة الوطنية والبرمي والباسبور وملفات الاكاديمية واختيارت الطلبة تاع الباك .........هذا كامل وراني نقول اللهم لا تجعل الدنيا اكبر همنا .......ربي يجيب الخير .......والله المستعان....

محمد...عبد النور

2012-07-05, 21:20

أخي الوقت هو الحياة يجب المحافظة عليه أما أنا فأقضيه بالمحافظة على الصلوات الخمس بالمسجد مع قراءة القرآن العمل طبعا ووو

مرحبا أخي رجل فضاء
بارك الله فيك و جزيت الجنة
ربي يثبتك و يزيدك خيرا و سدادا من عنده
لكن الوقت راه طويل
الصلاة و قراءة القرآن مهما قعدنا معاها يبقى الوقت
شكرا لك أخي
ســـــــــــــــــــــلام

محمد...عبد النور

2012-07-05, 21:22

يا اخي والله الوقت طويل بزاااف في الصيف
كامل واش ندير يكمل ويبقالي الوفت حتى ما نلقاش واش ندير نرجع للنت

كرهت تاع الصح

شكرا ليك

مرحبا بك أختي شهد حنان
صح في الصيف الوقت طويل بزاف نبغوا ناهوا رواحنا بأمور ، نلقاو الوقت مازال أطول بكثير
واحد قاللهم النهار راه فيه 4 كيلوميط--كلم-- هههههه
بارك الله فيك و جزيتي الجنة
ســـــــــــــــــــــلام

soso sirin

2012-07-05, 21:27

والله خويا موضوع راه مارقنا كامل لانو انا وحدا من الناس متاكدة انو عندي الوقت قدما نقسمو على الجزايريين كامل مي كي جي واحد و يقولي ديري حاجة نقولو ماعنديش الوقت و سوغتو كي جي عندنا كاش واحد و يقولي علاه ماراكيش تجي عندنا نقلهم والله الوقت ماعندي الي يسمعني يحسب راني وزيرة و لا رئيسة جمهورية هههه والله الحالة تضحك و تبكي .والله يا خويا هذا العام مانيش رايحة نحس اصلا بالعطلة ندو العطلة من نصومو موراها 3 ايام و لا 4 و انا شهر رمضان البروقرام تاعو وحدو. و منبعد راح يكون عندنا يمات و نرجعو للخدمة .و زيد والله يا خويا واحد يدي العطلةباه يريح اما اذا داها و فوتها في تكسار الراس غير يخدم خير و الحمد الله الي كاين النت والله بلاك كنت راح نهبل ماكنتش معولة نخلصوها في رمضان و منبعد قتلهم اواه مانقدرش نريح بلا بيها و زاد على الاقل راني نفوت معاها الوقت

اريج16

2012-07-05, 21:32

انا وقت فراغ كبير ياسر ملل روتين ياحسرة على ليمات لي كنت نقرى فيهم كنت نقول ويكت ندي العطلة ودوك راني غير نستنى في اكتوبر ويكت يجي والله غير النت لي مكبرتلي قلبي شوي حتى الخرجة مانخرجش ياسر ديجا كرهت الخرجة من السخانة لكن جاي رمضان نغيرو شوي ونملو وقتنا بالعبادة

اريج16

2012-07-05, 21:34

ناعل بو الدراهم و ناعلبو اللي يتحسر على الدراهم
و ناعلبو اللي ما عندوش كليماتزور بحالي
راني طبت يا عباد الله
ربي يرزقك اخي فقير
ايه سورة الواقعة تزيد في الرزق كل يوم اقراها
والله ضحكتني ليس لحالك وانما اسلوبك في الكتابة

محمد...عبد النور

2012-07-05, 21:36

صح يا اخي الفراغ نعمة ابتلي بها كثير من الناس ....................انا هاذي الايام راني مع البناء من الصباح لليل واذا دخلت للانترنت يعني السلعة خلاصت ونستنا فيها باه يجيبوهالي ..............وزادها السخانة راهي السخانة مريحة في الظل ههه............وغدوة راني رايح نجيب الرمل الدفعة الثانية وعلى بالي النهار كامل مع البيدون وهذا المرة رايح يطلع معايا الرمل بطل المنطقة في الفول كونتاكت وعلى بالي نولي نفك ههههه........................وزيد راني هبلت من الوثائق والملفات ...........البطاقة الوطنية والبرمي والباسبور وملفات الاكاديمية واختيارت الطلبة تاع الباك .........هذا كامل وراني نقول اللهم لا تجعل الدنيا اكبر همنا .......ربي يجيب الخير .......والله المستعان....

ربي يبارك فيك أخي الطاهر
الحمد لله عندك بواش تتلهى و ربي يبارك فيك
في 2007 و 2008 عامين و انا مع البناء
السكنى نتاعنا كملناها و الحمد لله
تعلمت كل شيئ و و ليت منافري محترف
من كثرة التعب نطيح كيما يقولوا --كوردة --
المهم بعدها كملت
المشكل مع الماصو نهار الحساب الله يكون في العون ههههه
ربي يبارك فيك و يعاونك و يقدرك على كل الامور و خيرا ما تصنع لكي تتفرغ للعبادة و كل الامور المهمة
ســــــــــــــــــــــلام

قضــــــــــــ وقدر ـــــــــــاء

2012-07-05, 22:12

السلام عليكم
معك حق أخي في بعض الأحيان لا يجد الواحد منا ما يفعله
خاصة عندما تكون الأعمال روتينية لا جديد فيها
تحياتي

محمد...عبد النور

2012-07-06, 10:36

السلام عليكم

معك حق أخي في بعض الأحيان لا يجد الواحد منا ما يفعله
خاصة عندما تكون الأعمال روتينية لا جديد فيها

تحياتي

و عليكم السلام أخي الكريم و مبارك عليك الاسم الجديد ههههههه
شكرا لك على المرور و الرد الطيب
صح مرات الواحد لا يدري ما يفعله
جزاك الله خيرا و أقر عينيك بما تحب
ســــــــــــــــــــــــلام

محمد...عبد النور

2012-07-06, 10:44

والله خويا موضوع راه مارقنا كامل لانو انا وحدا من الناس متاكدة انو عندي الوقت قدما نقسمو على الجزايريين كامل مي كي جي واحد و يقولي ديري حاجة نقولو ماعنديش الوقت و سوغتو كي جي عندنا كاش واحد و يقولي علاه ماراكيش تجي عندنا نقلهم والله الوقت ماعندي الي يسمعني يحسب راني وزيرة و لا رئيسة جمهورية هههه والله الحالة تضحك و تبكي .والله يا خويا هذا العام مانيش رايحة نحس اصلا بالعطلة ندو العطلة من نصومو موراها 3 ايام و لا 4 و انا شهر رمضان البروقرام تاعو وحدو. و منبعد راح يكون عندنا يمات و نرجعو للخدمة .و زيد والله يا خويا واحد يدي العطلةباه يريح اما اذا داها و فوتها في تكسار الراس غير يخدم خير و الحمد الله الي كاين النت والله بلاك كنت راح نهبل ماكنتش معولة نخلصوها في رمضان و منبعد قتلهم اواه مانقدرش نريح بلا بيها و زاد على الاقل راني نفوت معاها الوقت

ربي يبارك فيك أختي الكريمة
ربي يعزك
صح قد نتحجج للغير بلي الوقت ما عندناش و رانا مش لاهيين ووو
و في الحقيقة الوقت راه بالزيادة و يضيع هدرا و لكن ماعليش ربي يبارك في الاوقات و يجعلها في الخير
و صح كيما قلتي العطلة في رمضان ما تخرجش، الأفضل الواحد يخدم ممكن اواخر الشهر يدي سمانة و الباقي بعد رمضان ، لكن كل واحد و ظروفه و خاصة و اصحاب التعليم العطلة نتاعهم مفيكسيين و ما يقدروش يدوها كيما يبغوا
مي الحمد لله و النت راهي فيها الخير الكبير ، ربي يجعلنا نغتانموها في الخير
ممكن الواحد يزيد في الرصيد اللغوي و العلمي نتاعه
شكرا على الرد الطيب و آسف على التأخر في الرد عليك
ســـــــــــــــــــــــــلام

محمد...عبد النور

2012-07-06, 10:50

انا وقت فراغ كبير ياسر ملل روتين ياحسرة على ليمات لي كنت نقرى فيهم كنت نقول ويكت ندي العطلة ودوك راني غير نستنى في اكتوبر ويكت يجي والله غير النت لي مكبرتلي قلبي شوي حتى الخرجة مانخرجش ياسر ديجا كرهت الخرجة من السخانة لكن جاي رمضان نغيرو شوي ونملو وقتنا بالعبادة

ربي يبارك فيك أختي أريج16
ماعليش راها العطلة بين أيديك استغليها في أمور تحتاجيهم مثل اشغال يدوية و طبخ و غيرها ، لكن راه الوقت طويل و زيدي السخانة راهي دايرة حالة فينا
و راكي تستناي في اكتوبر ، نهار اللي يجي تندمي على العطلة ، تقولي لو يجي نهار نريح و لا نرقد و نتهنى مالقراية
و الشخص كل وقت يتمنى فيه وقت آخر غير الذي هو فيه
بارك الله فيك أختي الكريمة أريج و جزيتي الجنة
ســـــــــــــــــــــــلام

اميرة الجزائر2010

2012-07-06, 10:57

السلام عليكم
موضوع قيم كالعادة اخي الكريم صحيح لو كان مالا لتحسرنا عليه لكن للذين يحبون المال حبا جما لكن نحن العكس هههههه
ربي يوفقك اخي و يفرج علينا و عليك

محمد...عبد النور

2012-07-06, 11:02

السلام عليكم
موضوع قيم كالعادة اخي الكريم صحيح لو كان مالا لتحسرنا عليه لكن للذين يحبون المال حبا جما لكن نحن العكس هههههه
ربي يوفقك اخي و يفرج علينا و عليك

السلام عليكم أختي أميرة
ربي يبارك فيك و اسعدني ردك
أتمنى تكوني بخير
ربي يقر عينيك بما تحبين و يفرحك
ســـــــــــــــــــــــــــلام

مريم الصابرة

2012-07-06, 11:05

السلام عليكم اخي صباح النور جمعة مباركة لك ولكل اهلك نتمنى تكونو بخير
فالحقيقة الوقت عندي راه ميت ما حبش يتحرك يا خويا النهار فيه يومين خاصة ضرك ما نقدرش نمشي نكره حياتي والكونيكسيو عندي تحتضر اوووووووووووووف واش نحكيلك لازمني ساتيليت خاص بيا هههههههههه المهم نوض الصباح نصلي بالقعاد ومن بعد ما نقدرش نرقد نقرا وشيا قرآن فالمصحف ولما نرقد نرقد وإذا ماكانش تنوض يمى نشربو قهوى وهي تخدم الشغل الله غالب ما نقدرش نمشي فالأاول كنت انا نخدم كل شي مي ضرك مريضة ومن بعد نحكو اناو هي وتروح تشوف كاش خدمة نتاع ساعة او زوج يعني تسلك روجها وتولي للدار وانا نبقى وحدي ومرات يجو ولاد ختي راك عارفهم وسمعتهم شقلالة كبيرة ما يجوش خير ههههههههههه والعشية يفوت الوقت صامط ويجي الليل نرقد وانا راقدة فالليل والنهار هكذا ربي يستر كرهت الصراحة شكرا

اميرة الجزائر2010

2012-07-06, 11:07

ميري علاه متروحيش للهاشمي

طيبة نفس

2012-07-06, 18:46

السلام عليكم بارك الله فيك على الموضوع يفوتو علينا يمات مانلقاوش حتى الوقت للراحة ومرات الراحة دير ظل صح كما

قال الرسول صلى الله عليه وسلم ((نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ )) مرات الواحد ربي يعطيهالوقت لكن لايحسن استغلاله ومايدير حتى فايدة لا ليه ولا للناس الحق كي يكون عندي فراغ نجي للنت وحنا البنات مع الشغل نتاع الدار ماشكيتش عندنا الفراغ بزاف

اقبلوا مروري سلام

محمد...عبد النور

2012-07-06, 19:59

السلام عليكم اخي صباح النور جمعة مباركة لك ولكل اهلك نتمنى تكونو بخير
فالحقيقة الوقت عندي راه ميت ما حبش يتحرك يا خويا النهار فيه يومين خاصة ضرك ما نقدرش نمشي نكره حياتي والكونيكسيو عندي تحتضر اوووووووووووووف واش نحكيلك لازمني ساتيليت خاص بيا هههههههههه المهم نوض الصباح نصلي بالقعاد ومن بعد ما نقدرش نرقد نقرا وشيا قرآن فالمصحف ولما نرقد نرقد وإذا ماكانش تنوض يمى نشربو قهوى وهي تخدم الشغل الله غالب ما نقدرش نمشي فالأاول كنت انا نخدم كل شي مي ضرك مريضة ومن بعد نحكو اناو هي وتروح تشوف كاش خدمة نتاع ساعة او زوج يعني تسلك روجها وتولي للدار وانا نبقى وحدي ومرات يجو ولاد ختي راك عارفهم وسمعتهم شقلالة كبيرة ما يجوش خير ههههههههههه والعشية يفوت الوقت صامط ويجي الليل نرقد وانا راقدة فالليل والنهار هكذا ربي يستر كرهت الصراحة شكرا

السلام عليكم أختي مريم
ربي يبارك فيك
ربي يشافيك و يعافيك و يرزقك خير الدنيا و الأخرة
سعدت بمرورك
ســـــــــــــــــــــــــلام

محمد...عبد النور

2012-07-06, 20:03

السلام عليكم بارك الله فيك على الموضوع يفوتو علينا يمات مانلقاوش حتى الوقت للراحة ومرات الراحة دير ظل صح كما

قال الرسول صلى الله عليه وسلم ((نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ )) مرات الواحد ربي يعطيهالوقت لكن لايحسن استغلاله ومايدير حتى فايدة لا ليه ولا للناس الحق كي يكون عندي فراغ نجي للنت وحنا البنات مع الشغل نتاع الدار ماشكيتش عندنا الفراغ بزاف

اقبلوا مروري سلام

و عليكم السلام و رحمة الله أختي طيبة نفس
أسعدنا مرورك العطر
صح كما قلت الراحة مرات ما نلقاوهاش و مرات الفراغ يدير ظل
مهما نديروا نكرهوا
الوقت يبدى يتكسل تقولي النهار بيومين
ربي يبارك لنا في اوقاتنا و يجعلنا ممن يشغلون اوقاتهم في الخيرات وربي يصرف علينا تضييعه في الغفلات
شكرا لك و ربي يعزك و يعطيك ما تتمناي
ســـــــــــــــــــــلام

اميرة الجزائر2010

2012-07-06, 20:05

السلام عليكم
موضوع قيم كالعادة

SOUSOU. DZ

2012-07-07, 00:19

السلام عليكم
موضوع جميل ويستحق النقاش بارك الله فيك *** الوقت كسيف ادا لم تقطعه قطعك ****

شوف خويا رايحة نحكيلك من الصباح ليل واش ندير مي غير متضحكش عليا برك

نصلي الفجر ومبعد نرقد نوض 7ونصف نلقاى ماما موجدة لفطور نفطر ونوض نضم الدار ونسيقها كل يوم ** خويا يقولي كاش نهار طيح الدار بهدا التسياق هههه*** تكون الساعة 10.30 ادا كانت نوبة ديالي في الكوزينة صح نوجد الغداء واداكانت لالا نقد في النت ** منتدى الجلفة *** حتى الوحدة نوجد الغداء ونتغدى نقيل ومبعد نخدم اشغال يدوية تاع بنات او في النت حتى المغرب نصلي المغرب ومبعد نعاون ماما في كاش قضية ونصلي العشاء حتى يجي بابا وخويا نتعشاو وكيما قتلك ادا كانت نوبة ددديالي نغسل الماعين وادا كانت لالا نرجع للنت حتى ننعس ونرقدد وعلى بالي يومياتي مارقة وماكش منها مي صيف وروتين ومالقيناش واش نديرو لوكان الشتاء لوكان لتيت بقرايتي

هدا قبل مانحدو العرس مي دوكا كي ولا عرس اختي بعد رمضان رانا نوجدو ونصبغو في الدار وكلشي ومام سيدنا رمضان على ابواب

اسفة على اطالة مي هادي هي يومياتي لوكان عندك اقتراح باش تكون مليحة افيدني بيه وجزاك الله كل خير

ارجو ان تقبل مروري سلام