معاكسة الفتيات

[عبد اللطيف1]

السلام عليكم ورحمة الله وبركاته
لشد ما يغيظني ويخنقني و يشيط غضبي تلك العادة السيئة الا وهي معاكسة الفتيات في الشارع العام وأود أن أطرح بعض الأسئلة التي تدور بخلدي :
1.لماذا يعاكس الشاب الفتاه في الشارع العام مع علمه التام أنها عابرة وأنه عابر بدون توقف لسماع تعليقها
2.ما الفائدة المرجوة من ذلك مع احتمال أن ترد عليه رداً محرجا
3. هل يتذكر الشاب عندما يعاكس أي فتاه أن لديه أخوات في البيت أو بنات عم أو بنات خال أو حتى جيران
4. هل يقبل الشاب أن يقوم أي أحد بمعاكسة أحدى قريباته أو أخواته وماذا سيكون موقفة؟
5. اذا عاكس الشاب فتاه في الشارع واكتشف أن هناك شاب أو أكثر من أقاربها يمشي معها وسمعة فماذا سيفعل وبماذا يبرر
6. هل يتزكر الشاب المعاكس عين المولى عز وجل التي تراقبه؟
7. هل اكترث الشاب المعاكس لتأثير كلماته السلبي على الشابة التي يعاكسها؟
أعتقد أن اي شاب يجيب على هذه الأسئلة ليس من هواة هذه العادة السيئة
أسأل الله ان يجعلنا من الذين يغضون أبصارهم
وسامحني الله واياك

[mohaa47]

الفتنة دائما سببها البنت ............................اللباس و العري في مجتمع مسلم .............

[سامية الشاوية]

السلام عليكم
انا علبالي شاركت في موضوع كيما هذا
وفي نفس القسم وتقريبا نفس العنوان
اصبر نحوس على رابط الموضوع

[سامية الشاوية]

http://www.djelfa.info/vb/showthread.php?t=903872

[chafia meraniza]

الفتنة دائما سببها البنت ............................اللباس و العري في مجتمع مسلم .............
دائما السكين تتمسح على البنت صحيح كين بنات تبالغ في التبرج لكن كاين فتيات محترمات ومع دالك تتعرض لتحرش الاولاد ماهمش ملايكة هم سبب المشكل علاه ما يغضوش البصر

[بنت الحجاج]

لكن كاين فتيات محترمات ومع دالك تتعرض لتحرش الاولاد

نادرًا ما يحصل هذا !!!

[farouk ca]

الإحترام يجب أن يكون من كلا الطرفين. وخاصة من البنات في لباسهن. و ربي يهدي

[الفتاة الحزينة]

الجواب تلقاه انت لانو انت راجل
وفي غالب الاحيان تكون البنت هي السبة

[wafa kabylie]

البنت هي السبب لوكان جات تخرج بلبسة مستورة وراضيين عليها والديها والله واحد مايدنى ليها بصح ادا لبست لبسة مفضوحة هي اللي جابت البلا لروحها سلام عليكم

[سفير الأيام]

سمحيلي شتي انتي وحدة متحجبة حجاب شرعي وليس حجاب الموضة يعاكسوها


كيف للبنت ان تلبس الفيزو وتقارع الناس يحترموها

انا نقولك كلمات

لو كان المرأة جات تصون روحها بالتعاليم الدينية 10000000 راجل يهيبها

[waf13]

والله معاك الصح يا اخي لكن تاني الراجل لازم يخاف ربي شوية ويغض البصر كاين اللي ما يقدرش ما يشوفش بنت وما يعاكسهاش والله يهدينا اجمعين

[arc en ciel]

ماكاش شاب يجاوب غلى هاد الاسئلة ؟؟؟؟

وعلاش كلشي تحصلوه فالبنت ؟؟ صح كاين بنات يعيطو للبلى بصح مش كامل و هده الفئة من البنات راضية 100% بالمعاكسة

و كاين بنات محترمات لابسة لبس عادي بلا تبرج بلا رقص و يعاكسوها ؟؟

كيما البنت لازم تكون محترمة و تفرض احترامها لازم الشاب تاني يحترم روحو و يغض البصر

[fifi 18]

السلام عليكم
اصل مشكلة المعاكسة من الطرفين
البنت:كي تلبس لبس غير محتشم تغري بيه الناس اكيد راح تتعرض لمثل هاد المواقف
الشاب:كي ما يخافش ربي في بنات الناس و يرمي عينه في كل مكان اكيد راه غالط
سؤال
انت شاب متدين و متخلق و فايتة عليك بنت غير محتشمة و شفت فيها تدي ذنب و لا لا ؟؟؟؟و لا ربي يغفر لانو هي اللي فتناتك؟؟؟؟
و تذكروا قصة يوسف ...امراة جميلة لكنه قال معاذ الله

[سوسو92]

الفتنة دائما سببها البنت ............................اللباس و العري في مجتمع مسلم .............

ليس دائما البنت هي السبب فلم يترك شاب الجزائري البنت المتحجبة ولا حتى الجلبابية

[Abdou Koupable]

فعلا هذه ظاهرة خطيرة انتشرت في شوارعنا مع الأسف ...

انا من وجهة نظري أرى ان البنت هي السبب في هذه الظاهرة و ليس كل البنات طبعا

فبعض بناتنا يرتدين ما يسبب الفتنة للشباب من ملابس ضيقة او شفافة

لكن للاسف حتى البنت العفيفة لا تسلم من هذه المعاكسات فقد رأيت بعيني شبابا يعاكسون فتيات متحجبات ...

[النخلة الباسقة]

السلام عليكم ورحمة اله وبركاته

موضوع رائع للنقاش

اعطيك راي بصراحة

كلا الجنسين متشاركين في هذا الامر

اذا كانت البنت حاطة على روحها واحد مايدورش بيها

واذا كانت البنت ياختي كما قال البعض هنا لابسة فيزوا وتقارع
يحترموها تجد الشباب كامل يعكسوها وتجدينها
مشي فرحانة برك تصيبيها تهدر على الي دار بيها
وهي مفتاخرة وتقلك بدون حياء راني مشهورة
الله يهديه هذا النوع من لبنات فجمال المراة يكمن في حياءها وعفتها
ولكن منمسحوش الموس فيها برك
حتى الشاب يلعب الدور
انت لصتها غالطة اتبعها وتغلط معاها
يجب عليهم بغض البصر فهذا خطيئة

في الحق مشي يعاكسها
ينصحها ولكن تان البنت تلعبها وتقل انت واش دخلك
تحسبي تعرف كل الشيء

الله يهدي ماخلق

[waf13]

اقتباس:

لكن للاسف حتى البنت العفيفة لا تسلم من هذه المعاكسات فقد رأيت بعيني شبابا يعاكسون فتيات متحجبات





ادا خويا واش تقول درك شكون اللي غالط طبعا الرجل كيما قلت حتى المحتجبة وما خلاوهاش في حالها
حتى اذا افترضنا ان البنت تلبس لباس غير محتشم وشفاف وقصير..........................من المفروض انه اذا كان الشاب ____اللي تمر من امامه متل هده الفتيات_____ ادا كان تقي ويخاف الله ويعلم ان الله يراقبه دائما لا يقوم بمعاكستها لوكان مانعرف واسم تكون لابسة يا اخي حتى لوكان يشوف ويسكت ماعليش المشكلة فالكلام اللي يقولوه ويتفوهو بيه
لانو من وجهة نظري البنت راهي حرة فواش تلبس وهي علابالها بلي راهي تتعاقب على هديك اللبسة ...وهي حاسبة روحا راهي كي الوردة والعياذ بالله وتظن نفسها شابة وكي تفوت من امام شاب وهو اللي مايقيمهاش عندها برك تفهم المنزلة اللي راها فيها
خلاصة القول الشاب هو اللي في يديه الحل والجواب لمتل هؤلاء الفاسقات ولا واش رايكم:19:
والله يهدينا اجمعين

[merengue]

ربي يهدينا أجمعين