تسجيل الدخول

مشاهدة النسخة كاملة : أهل الصحراء....معكرة

abassia81
2012-07-05, 14:02
السلام عليكم

اليوم حبيت ندير المعكرة لأخي قلت نشوف في المنتدى بالاك نلقى أهل الصحراء حاطينهالنا

كي مالقيتهاش قلت نديرها كيما وصفوهالي و اهلها يصحولي

2كغ سميد متوسط
1كغ تمر(حميرة ) يليق هذا النوع من التمر
رطل دهان
رطل عسل
قرفة مطحونة
ملح

تقلي السميد و تفوري التمر مع نزع النواة
نضيب الزبدة و نخلطها مع السميد و التمر المفور و نزيد الملح و القرفةو العسل نخلط الجميع
ثم نحاول نلمها كوراة صغار

و شهية طيبة

تجي بنينة و أصحاب الصحراء مشهورين بيها ...أنا علموهالي صحاباتي في جامعة كانوا يجيبوها معاهم

اذا كانت الوصفة خاصهة تعديلات يليق أهلها يهدروا
مليكة01
2012-07-06, 16:53
السلام عليكم

صح اختي هي طيبة و لذيذة
قديما كانت خاصة بالمراة النفساء حتى يجيها الحليب للرضيع

بالنسبة للمقادير عينك هي ميزانك

التمر ما نفوروهش رايح يجي وكانه معجن

ننظفوه من النوى وكل حاجة فيه نحطوه في القصعة مثلا نصف رطل

نقلي griller التشيشة تكون رقيقة مثل نتاع الطمينة

و نبداو نحطها على التمر مقدار 3 مرات

نخلطوها وندلكوها باليدين مادامها سخونة حتى يتخلط التمر مليح و كان تخليها تبرد ما تتعجنش من بعد
مانزيدولهاش العسل التمر حلو وكافي

نسقوها بالزبدة مليح وندلكوها وتشكليها كرات او مقروطات او بالطابع او تحطيها في طبسي مفتتة

حتى تكون طرية مدة طويلة ادهنيها بالدهان الحر 2 مغارف تخليها طرية لمدة
اليوم يزيدولها حلوة الترك و الكوكاو
whiterose88
2012-07-06, 17:54
هذا يقولولو الرفيس
abassia81
2012-07-06, 20:02
السلام عليكم
أختي مليكة01 أنتم تحطوا التمر 3 مرات عبر السميد اذن تولي كعبوش مشي معكرة لا راني غالطة
و زيد التمر حميرة قاصح كون ما تفوريحش ما يتخلطش مليح لا ؟؟؟؟
أنا ما يتعجنليش كي نفوره نمرسه و نزيده سميد مقلي و نخلتهم بلخف ما يديليش وقت كبير

أختي whiterose88 هذا مشي رفيس هذه معكرة
رفيس ما نقلولحش سميد نتيبوا سميد كي مبسس و ندقوه

هي نفس مكونات بصح طريقة التحضير تختلف
aicha11
2012-07-09, 10:28
هذا يقولولو الرفيس
أم يحي صهيب
2012-07-09, 10:39
بارك فيكى الرحمن و جعله فى ميزان حسناتك
وزادكى من علمه ونتفع بيكى الامه
وجعلكى ممن فى الفردوس الاعلى
aicha11
2012-07-09, 10:41
السلام عليكم أنا من الصحراءهذا يقولولو الرفيس بصح مانديرولوش القرفة لتمر و مانديرولوش العسل وكان حبيتي ديري الكوكاو
abassia81
2012-07-19, 13:22
السلام عليكم

الرفيس نديروح بطريقة أخرى كاش نهار نحطلكم كيفاش نديروه
majda archi
2012-07-19, 14:23
ياختي انا صحراوية وهدا اسمو الرفيس وكاين لي قولو رفيس تونسي.وصح كاين رفيس الاخر نتاع السميد المعجون وطايب ويتهرس ويتفور ويتزادلو عسل والحليب وسكر قلاصي.
Basketteuse
2012-07-19, 17:39
,هدااحنا نقولولوا رفيس التونسي. لكن مانديرولوش القرفة والعسل
دقيق محمص وزبدة وغرس فقط
abassia81
2012-07-19, 23:17
السلام عليكم

أظن أن الاختلاف في التسمية كل منطقة تسميها اسم المهم هي الوصفة

اليوم أعدت الوصفة و غيرت المقادير مع اضافت من عند الأخت أم رامي (الله يحفظها)
و خرجتلي شابة خير من الأولى

المقادير

1.5 كغ سميد متوسط
1.5 تمر(حميرة) هنا نستعملوا هذا النوع في هذه الأكلات لهذا نفوروه خاطرش قاسه
نصف رطل دهان
رطل عسل
قرفة + كبابة + خنجلان (تكدي تستعملي غير القرفة ) هنا في رمضان نوجدوا هادوا للقهوة عليها درتهم اليوم
نصف كأس كبير حليب قالتلنا أختنا أم رامي هو الي مايخليش المعكرة تيبس (هي تقولوا الرفيس )
2 م ك زيت

الطريقة نفسها هناك فقط أضافات على المقادير

هنا هذه الاكلة نوجدوها لأشخاص المسافرون اليوم حضرتها لابن عمة زوجي ذاهب الى العمرة
الله لا يحرم حتى أحد من ذلك المكان

قولوا آمييييين
DZ4me
2012-07-20, 02:54
la methode est juste mais concernant les ingrédients il faut po ajouter du miel car ça va etre tré sucrés ...les dattes sont suffisantes...bon appetit