خصام بين المرأة البدوية و المدنية

[hamiddeg]

أقدم لكم هذا الخصام بين المرأة المدنية والمرأة البدوية من إبداع الشاعر الجزائري السوفي "علي عناد"
الشعر باللهجة السوفية


البدوية والمدنية انا هي الي تعجب في الزين
كل وحدة تقول أنا هي وأنا عجبوني الإثنين
اليوم تلاقينا في ثلاثة نشوفو كيفاش الحداثة

البدوية قالت لي إراثة الهمة والطبع والزين
لانكذب لاني لهواثه ولا نلبس سروال دجين

المدنية قالتلها واشي يابدوية بواش تعاشي
كون شفت داري وفراشي والطاقة فيها بابين
تلقيها حياتك مهناشي عديتيها ممقوطين
طول عمرك وأنت ممقوطة وحياتك ماهيش قبوطة
وأنا بالدائر ممروطة ذهب صافي من العيارين
ونلبس سروال وملوطة ونخدم كيف الخدامين
كل صبحة نصبح خدامة وعندي شخصية وكرامة
وعندي بطاقة وإقامة ونصلي مع الصليين
نتفسح كمثل لحمامة ونطير مع الطيارين
ونسوق مع الطيار ونسوق الطاكسي والكار
وحتى في المجلس إطار عندي مقعد كي الأخرين
وخلي كي شفت سبيطار مكثور الخدمة نساوين
قالتلها أنا نطير مع الطيور ونتفسح في كل برور
صحرة ومدينة وبحور ونعوم مع العوامين
وأنت يابدوية ركوبك في الباصور جحفة وجمل وعنزين

زعلت البدوية
قالتلها الجحفة هاذيك النزهة والتحفة
البدوية كان عملت لحفة والخرص مواتي الوذنين
هاذيك النزهة والنفحة وجو هادي مافيه ونين
البدوية قالت أنا الثقة الهمة والطبعة والفيقة
عمري لا نسمع موسيقى ومنتبعشي التباعين
وأنت صدرك فيه الضيقة وعنك هربو الخطابين
المدنية قالتلها لاش أنت كيفك كيف بلاش
يالوجهك نوع بوكماش تقول عنه الغبرة والطين
ترقد ماعندهاش فراش وحتى رجليها حافيين
تمشي ورجليها حفيانة يما الله حياة إنتاع إهانة
طول عمرك وأنت تعبانة تقولي ماكيش مع الحيين

المدنية قالتلها عدي ضدك ماهوش من ضدي
ديري منسج روحي سدي روحك يابينك بلبين
أنت ينادو عنك "حدي" وأنا يعيطولي " نسرين"

مازالت الخصومة مفتوحة
الي هذا يشكر في روحه

البدوية قالت للمدنية
قالتلها راك مفضوحة عريانة فوق الركبين
ضمي فمك يامبزوحة وزينك مكثوره تزيين
زينك مكثورة بوماضة ودرت عن وجهك خوماضة
ياكذابة ياقراضة ياسبابة ديما في الدين
يا مدنونة يامراضة ودمك طالع للعشرين
قالتلها أنت دمك ديمة زايد مدنونة ومافيك أفائد
والخطابة عليك تحايد برت شوفي عمرك وين
وانا خاطبني ولد القائد وهاهو الخاتم في اليدين
البدوية قالتلها انا خيار الجيل لانسمع قال ولا قيل
ولا نخرج يوم ولا ليل مأدوبة والعقل رزين
ولانشعل بالنار فتيل ولا ننفخ نار طواجين
قالتلها لاني خلباصة ولاني بياعة بزناسة
ولاني مطلوقة حواسة وسقي الناس المحترمين
ديما شادة غير بلاسة ومانشغبش المشغبين
البدوية قالت عيب لا نخدع جار ولا حبيب
وحتى الراجل كيف يغيب ولو فات الشهرين
صافي قلبه مثل حليب وراقد على جنبه لمين
ديري الراجل راه غاب وافرضي راه عمل صحاب
نحلف بلي لمنزل لكتاب والبقرة وسورة ياسين
عمري مانكلم شباب ولا هز فيا واحد عين
عمري مانكلمش الناس وعقلي مترادع لاباس
وداخل ضميري باحساس ماعندي غير اليقين
الدنيا مدومش للناس وسعدك يافعلك زين

والأن الشاعر يعطي رايه خليها تفض لحكاية
المدنية قمرة ضواية في ليلة عشرة وإثنين
والبدوية مثل لمراية غنو عنها الغنايين
البدوية والمدنية أناهي الي تعجب في الزين
كل وحده تقول أنا هي وأنا عجبوني الإثنين.

[knives55]

ايه والله شعر
ايا هك انتاعي

البدويه يابسه وحرشه وا حوريه في الزين و بنت فاميله وراضين عليها الولدين
المدنيه طريه و مهنتشا وزينها مفضوح للعالمين لا تربيا ولا حشما ولا طاعة الولدين

اذ خيرون بين لثنين نديها بدويا بنت المدنين لا هي فزين ولا هي دين ونخلوا لابقي على رب العالمين


وشكون قال نايفز ما يشعرش


مع احترامي لبنات الفامليا ومتربين

[hamiddeg]

ايه والله شعر
ايا هك انتاعي

البدويه يابسه وحرشه ومعندها الزين بصح بنت فاميله وراضين عليها الولدين
المدنيه طريه و مهنتشا وزينها مفضوح للعالمين لا تربيا ولا حشما ولا طاعة الولدين

اذ خيرون بين لثنين نديها بدويا بنت المدنين لا هي فزين ولا هي دين ونخلوا لابقي على رب العالمين


وشكون قال نايفز ما يشعرش



اأسيدي راك شاعر انتاع الصح

بالصح انقلك حاجة راك غالط كي قلت الزين ما كانش عند البدويات

البدويات هن الجميلات الجمال الطبيعي

اما بنت المدينة فجمالها جمال ماكياج وبس

ما تزعفووووووووووووووش يا بنات المدينة

[المقيبرة]

مشكووووووووووور أخي شريك والله روعة ههههههههههههههههههههههههه

[knives55]

اأسيدي راك شاعر انتاع الصح

بالصح انقلك حاجة راك غالط كي قلت الزين ما كانش عند البدويات

البدويات هن الجميلات الجمال الطبيعي

اما بنت المدينة فجمالها جمال ماكياج وبس

ما تزعفووووووووووووووش يا بنات المدينة


ايا رني صححتها

[✿❀سًجّْـدًةْ خٌشٌـوُعٍـ ❀✿]

ههههههههههههههههه
واش هادا شعر ولا خليني
اما راي الاخ عن بنات المدينة والله مش الكل زينهم ماكياج اخي
الزين الطبيعي كاين في كل مكان في المدينة وفي البدويات

[ام سيلينا]

ماشي قاع بنات المدينة يديرو المكياج وعرايا اتونسيون موضووووووووووووووع هااااااااااااااااااااااااااااااايل

[hamiddeg]

مشكووووووووووور أخي شريك والله روعة ههههههههههههههههههههههههه

أضحك مليح يا معلم

ايا رني صححتها

أيواه هكذا نتفاهموا

ههههههههههههههههه
واش هادا شعر ولا خليني
اما راي الاخ عن بنات المدينة والله مش الكل زينهم ماكياج اخي
الزين الطبيعي كاين في كل مكان في المدينة وفي البدويات

حقيقة الجمال في كل مكان مي بنت الريف عندها : الجمال + الحروشة (( تحلب البقرة و المعزة و الناقة ......))

ماشي قاع بنات المدينة يديرو المكياج وعرايا اتونسيون موضووووووووووووووع هااااااااااااااااااااااااااااااايل

حاشا ما قلتش انا اللي قال هي البدوية ردي عليها وحدك

[la reine24]

الله الله عليك
مشكووووووور أخي

[Broken Angel]

http://i452.photobucket.com/albums/qq243/sayedmido6/1.gif

[حَديثُ آلرّوحْ...~]

آهههههههههههْـ

عجزْتْ لآ نقْرًآهًـــآ

آومْبًعْدْ نقْرًآهًآ فٍيْ خًآطرْ آلآرْنٌوبْ

[hamiddeg]

آهههههههههههْـ

عجزْتْ لآ نقْرًآهًـــآ

آومْبًعْدْ نقْرًآهًآ فٍيْ خًآطرْ آلآرْنٌوبْ


خوذي راحتك يا ثورة

بالصح قوليلي انت بنت المدينة و الا الريف

[حَديثُ آلرّوحْ...~]

مْدٍينًـــــــــــــــــــــــــــــــــــــــــــ ـــــــــــــــــة

مٍيْ نحبْ آلرٍيْفْ

[أستاذة حواء]

مشكووووووووووور أخي شريك والله روعة ههههههههههههههههههههههههه

[خولة121]

هههههههههههههههههه

شعر ولا اروع
يعطيك الصحة