مساعدة في تحضير الشاي

[abassia81]

السلام عليكم

أرجوا مساعدتي في تحضير الشاي لأن الطريقة العادية في تحضيري للشاي لا تعطيني نتيجة جيدة

[اسماء47]

الا راكي حابة لاتاي تاع الصحراء نقولك كيفاش
تجيبي لاتاي احنا نقولو- الورقة - قيس كاس تاع اتاي تحطيه في الابريق و تشليه بالماء المطبوخ ماتعمريهش بالماء بزاف غي قيس ما يتشلل
لما تشليه تعمري الابريق بالماء المطبوخ تاني متعمريهش قاع
و تخليه يطبخ مليح ماشي يعود خفيف ماشي اكحل ثقيل و امبعد تفرغيه في ابريق فيه النعناع و السكر و تخلطي
هدا ما كان

[omchifa]

نفس طريقتي وانا نتركه يطبخ على نار خفيفة

[ام ياسين187]

نفس طريقة اسماء و تغليه شوية هذا للضياف و إذا حبيتي تاع التقصيرة بالمكسرات تاخدي شاي ديريه في كأس و تشليه بالماء سخون و ديريه في الماء الساخن فوق النار يغلي
تكوني درتي نعناع في الإبريق تفرغي عليه الشاي الطابخ و السكر ديريه في كأس و تبداي تفرغي فالكأس و تردي للبراد و تعاوديها حتي يحلى الشاي يجي لذييييييذ

[meriama13]

طرقية اختي في تحضير الشاي و كامل يشكروها
تاخد قيس 3 ملاعق كبار شاي تحطه في الابريق و تشلله بماء سخون و تقيسه و منبعد تعمر الابريق بماء سخون و تزيد السكر و تحرك و من بعد تغسل النعناع و تحطه في الابريق و تخلي الاجزء العلوي فوق الماء

[abassia81]

شكرا على الردود و طرق التحضير

هنا عندنا ممنوع تطبخي الشاي و فيه النعناع ....النعناع يتحط في الأخير

أنا كذلك ـأستعمل هذه الطريقة لكن النتيجة غير مرضية

لا أدري أين المشكل

[مسعودي خولة]

اختي عندي طريقة روعة
اذا كان الشاي تاعك قاسح ماتحطيش بزاف يجيك مر ننصحك تديري شاي الخيمة روعة ماشي مر تغسلي قد ماتحوسي ديري عينك ميزانك ماديريهش قاسح وماديريهش ما برك تغسليه مليح حتان تتنحالو الخضورة وتديري طاوة ماء تغلي لما تغلي ضيفي الشاي هاذا العادي
اما الوصفة السرية
ديري معاه عود قرفة مغرفة كبيرة طيب (قرنفل) ومغرفة نجمة الارض عندها ذوق البسباس تتباع عند العشاب وتخليه يغلي
لما يغلي ديري النعناع وحليه وشهية طيبة ارجو ان تجربيه فهو رائع بذوق القرفة ورديلي الخبر

[ghada91]

السلام عليكم

انا شاطرة في تحضير الشاي

ديري كسرونة فيها الماء و خليه يغلي

كي يبد يغلي ديري عليه شوية تاع اتاي تقريبا نص ملعقة====ما تخليهش يغلى بزاف ======

و خليه يطيب بيلاما توجدي البراد ديري فيه النعناع اليابس

و السكر و حطي سدادة فوق البراد و فرغي عليه الخليط اللي غلى و خلطيه بالمغرفة



انزعي السدادة اللي فيها الاتاي اللي سددتيه==ارميه ما تستحقيهش===

ديريه و رديلي الخبر و الله يجيك روووووووعة و خفيف على ليسطوما

[بيبيone]

أنا نشري تاع الساشيات
سلااااااااااااام

[abassia81]

السلام عليكم
ربي يحفظكم أنشاء الله نجرب قاع الوصفات اللي نصحتوني بيهم

و نردلكم الخبر

[ورود ياسمين]

والله مافهمت والو من كتبتكم

[tabanacir]

هههههههههههههههههه باينا جزائرية الاصل ماتعرف دييير وااااالو

[ماماخالد]

بالعكس الجزايرياتفحلات ونص ولا لا لا اخواتاتي رايحة نجرب هذه الطرق شكرا

[أماندا سيفريد]

شكراااااااااااااااااا لك

[أم_فراز]

والله يالبنات طليتو على قلبي
هدا وين طيبت التاي و ماجاش فيه الرغوة .قلت ندخل للمنتدى نسال لقيت هدا الموضوع . انشالله راح نجرب الطرق نتاعكم .بارك الله فيكم يا الحراير

[سالي الجزائرية]

السلام عليكم طريقتي في تحضير الشاي اولا حطي كاسرونة على النار في الماء حتى يغلي من جهة اخرى خذي الشاي نتاعك اغسليه مرتين بالماء الغالي باه تروحلو المرورة و صفيه وحطيه في الكاسرونة لي تكون غلات نقصيلو النار طيفي لو شوية قرنفل وشوية خنجلان ان واه يتباع وكي يقربو نعناع كس تلقايه طاب صفيه وحطيلوا السكر وخلطيه مليح من كاسرونة لكاسرونة وقدميه مع أوراق النعناع والله يجي هايل بصحة والعافية

[om mouez]

شكرا على الردود الرائعة

[رشة أمل]

شحال المدة نخلي التاي يغلي ؟؟ والسكر قيس شحال ندير ؟؟ هذي عقدتي في التاي