بالنسبة لمعدل مابين 11 الى 12 ماهو التخصص المناسب ؟؟؟؟؟ [الأرشيف]

مهدي42

2012-07-04, 20:28

انا معدلي 11.98 شعبة علوم تجريبية
علوم 16 و رياضيات 10 و فيزياء 11.5 هل ممكن الدخول الى المدارس العليا او التحضيرية
او ان امكن تخصص به اعلام الي و ماهو التخصص المناسب راهي تالفة مساعدة من فضلكم

مهدي42

2012-07-04, 20:48

اين انتم شباب

مهدي42

2012-07-04, 21:02

24 مشاهدة ولا رد

فيصل 1993

2012-07-04, 21:07

رانا كيف كيف معدلي 12.04 شغبة علوم تحريبية
علوم 15 رياضيات 13
فيزياء 13.5
نصحوني بتخصص نظافة و أمن صناعي قالولي تخصص رائع و عمل مضمون

أريج الليل

2012-07-04, 21:14

انا تاني جبت11.99 معلاباليش واش ندير .زعمة نقدر ندخل مدرسة عليا ?

بشرى ملاك

2012-07-04, 21:19

السلام عليكم
مدارس عليا فوق 12
11 ماكاش اختصاصات ملااااح
حتى انا مانيش لاقية وش ندير بزاااااااااااااااااااااااااااااااااااف
جبت 11.42 راح ندير علوم التمريض فمستغانم ......
الله يفتح

david gherraz

2012-07-04, 21:25

mm ana jabt 11.53
w malgitch wch rayha ndir bih
mli7a 3olom tamrid haba ndirha f bjaya
kanch branch mli7a gololna rabi yastorkom

david gherraz

2012-07-04, 21:26

kiki56

2012-07-04, 21:27

بالنسبة للذين يريدو ن المدارس العليا اعتقد ان المعدل الأدنى يكون غالبا فوق 14 و السلام عليكم

kiki56

2012-07-04, 21:32

لكن هنكا المدارس العسكرية مثلا مدرسة رويبة لتحضيرات مهندس في التسجيلا الاولية كانوا يطلبوا 14 هؤلاء يجرون المسابقة حتما و اما الذين معدلهم ما بين 14 و 12 كانوا يعطولهم وصل انتظار و لكن في النهاية استدعوا الجميع لاجراء مسابقة الدخول هبطوا حتى ل 12 على ما اعتقد
و هناك مدرسة اخرى في رويبة enst كان معدلها 14.87 على ما اعتقد هذا دفعة 2011 هذا م لدي من معلومات

ninou18

2012-07-04, 22:48

السلام عليكم معدلي 11.30 راني حايرة واش ندير نصحوني بالعلوم الطبيعية وانتومما باش تنصحوني

بشرى ملاك

2012-07-04, 23:54

خلو الاختيارات تطلع و ربي يفتح علينا
والله الي مايتحصلش على 15 غير مثلو مثل واحد ماجابش لباك
انا حابة نعاودو ادا مكاش حل.........

ورثان الجنان

2012-07-04, 23:58

كلّ سيحصل على ماكتبه الله

نصيحتي ، لاداعي لإعادة البكالوريا إذا حصلت على تخصص لم يكن لديك فيه ميول كبير

بشرى ملاك

2012-07-05, 00:09

شكرا -م- اذا اخذت تخصص مليح نعاود الباك كتجربة اولا وثانيا ممكن نستفاد منو وعلاش لا لا
والله مازلت اسال تعبت بزاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااف والحمد لله على كل حال بلاك لجواب لي لقيتو درك نافع يعني انو علوم التمريض تدرس 4 سنوات ومليحة باذن الله بالنسبة ليا نقدر نحقق اهداف مليحة ان شاااء الله
ربي يعينا كااامل

ورثان الجنان

2012-07-05, 00:17

والله لو يوصل عمر الإنسان 90 سنة ماراح يكمل الدراسة

لأنو العلم واسع بزااااااااااااااااااف

على ذيك لازم يشوف العلم اللي كاين فيه الخدمة وراهو ماشي

ويكون في مرضاة الله

بالتوفيق

ورثان الجنان

2012-07-05, 00:18

على فكرة م وين لقيتي علوم التمريض في الدليل

ههه أنا مالقيتهاااش

kader.17

2012-07-05, 01:19

جماعة معاودة فطعام
و الله باك عام اول او لا
لهاذا انا كذالك جبته ب11.64 تقني رياضيات
بالاك يعتوني اشغال عمومية قالولي فيها دراهم كبار او بالاك امن صناعي في وهران تاني فيها دراهم

بشرى ملاك

2012-07-06, 12:52

على فكرة م وين لقيتي علوم التمريض في الدليل

ههه أنا مالقيتهاااش

هههه راهي فصفحة 26 -منشور رقم 2 -
صاي هي وخلااااص
ربي يوفق

بشرى ملاك

2012-07-06, 12:54

جماعة معاودة فطعام
و الله باك عام اول او لا
لهاذا انا كذالك جبته ب11.64 تقني رياضيات
بالاك يعتوني اشغال عمومية قالولي فيها دراهم كبار او بالاك امن صناعي في وهران تاني فيها دراهم

ربي يوفقك
حنا لبنات لازملنا حاجة بعيدة على الاشغال والامن و و و
كاين صوالح مليحة للمتحصلين على 11 مي مليحة بزاااف للرجال
ربي يوفق

Nour La Vie

2012-07-06, 13:04

رانا كيف كيف معدلي 12.04 شغبة علوم تحريبية
علوم 15 رياضيات 13
فيزياء 13.5
نصحوني بتخصص نظافة و أمن صناعي قالولي تخصص رائع و عمل مضمون

نعم اخي الان يدرس في تخصص نضافة وامن صناعي
هو تخصص رائع والان اخي يدرس السنة 2 ويتحصل على 15 معدل
والحمد لله قال لي تخصص لمن يريد الدراسة فعلا

aymanou

2012-07-06, 13:56

واشنو هي علوم التمريض؟ هي نفسها باراميديكال؟

بشرى ملاك

2012-07-06, 15:10

واشنو هي علوم التمريض؟ هي نفسها باراميديكال؟

السلام عليكم
اخي ماعلاباليش واشهيا برك قريت عليها وسألت واش هيا
هي ماش نفسها باراميديكال باسكو هي تقراها فالجامعة والبراميديكال -شبه طبي - دير كونكور وممبعد تقرا فمدرسة خاصة بيها
نعود لعلوم التمريض فيها تقرا 3 سنين ولا 4 مانيش متأكدة ...فيها اختصاصات - تخذير-توليد- مساعد طبيب عيون ولا اطفال او جراحة بعد لي تتخرج تقدر تخدم فالمستشفى العم ولا عند اخصائي
والله اعلم

ماجد93

2012-07-06, 16:24

انا جبت 11.85
عندي المات +الفيزياء /2 اكبر من 12
ان شاء الله تصلحلي مات انفورمتيك في سطيف و لا سبوور +نظافة و امن صناعي+تكنو ....الخ

ورثان الجنان

2012-07-06, 16:47

هههه راهي فصفحة 26 -منشور رقم 2 -
صاي هي وخلااااص
ربي يوفق

هههه والله كي شفتها ثانيك غلبني الضحك هههه

سبحان الله

ilyes4am3

2012-07-06, 17:07

هل من معلومات اكثر حول تخصص علوم التمريض؟

لانني افكر بجدية في هذا التخصص ومعدلي 12.28 علوم تجريبية

hacen1793

2012-07-06, 17:37

انا جبت معدل 12.11 وتحصلت في العلوم على 11والرياضيات 17 والفيزياء 15 بماذا تنصحوني في الاختيار المناسب وهل يمكن لي الدراسة في االمدارس العليا

الزعيم1310

2012-07-06, 17:50

بالنسبة للذين يريدون دخول المدارس العليا انا حسب علمي تكون معدلات هذه المدارس من 15 فما فوق
والله اعلم

amarus

2012-07-06, 19:01

السلام عليكم

بشرى ملاك

2012-07-06, 23:05

هههه والله كي شفتها ثانيك غلبني الضحك هههه

سبحان الله

صحااااااااااااااااااااا ههه كنت دايرة نواظر قريتها بياااااااااااااااااااان ههه

nouha19

2012-07-07, 10:12

انا جيت 11.33 وراح ندير بيولوجيا ان شاء الله قوليلي شحال معدل القبول نتاعها تعيشوا؟و زعما يعطيوهالي؟

المُـسْتَحِيـلْ

2012-07-07, 10:30

على ما أظن ندير سبور وخلاص معدلي 11.30 شعبة علوم

Blurry_Rose

2012-07-07, 12:34

انا تحصلت على 11,72 تقني رياضي -هندسة طرائق -
بالاك رايحة ندير st قالولي بزاف مليحة و تساعدني باسكو قريت الكيمياء
تاني نقدرو نديرو ر_ياضيات و اعلام الي _
راني رايحة ندير زيارة للجامعة باب الزوار باش نفهم اذا كاش ما صبت راني نقوللكم