معلومات عن جراحة الاسنان

[roua18]

من فظلكم من لديه معلومات عنها الدراسة سهلة ام صعبة مدة الدراسة و اي اشياء اخرى يعلمها الا المتخصصون بدراسة جراحة الاسنان

[roua18]

من فظلكم أجيبونييييي

[✗ ┋ وَړْﮃَةُ آلـﭴَزآئـړْ ┋ ✗]

تفضلي إلى هذا الموضوع أختي ستجدين إجابة على كل تساؤلاتك

http://www.djelfa.info/vb/showthread.php?t=1016784

[roua18]

جزاك الله خيرا

[selma-chirdent]

http://www.djelfa.info/vb/showthread.php?t=1014532

ان شاء الله يفيدك

[راجـيـة الفـردوس]

السلام عليكم ....وش راكي اختي وردة؟؟ عندي الكثير من الاسئلة :sdf: ان شاء الله تجاوبيني اولها نحتاجو درس الاحتمالات فالرياضيات ولا لا؟؟ كيف هي طبيعة الاسئلة التي تطرح فالامتحانات(تعتمد على الحفظ ام الفهم) ؟ كنت تحفظي كلشييي ولا تلخصي؟ شحال تقراي من ساعة فاليوم؟؟

[selma-chirdent]

اختي تحتاااااااااااجي درس الاحتمالات نعم ..... هادي المشكلة لي واجهتنا كااامل للاسف :(((

كل مودول وكيفاه كاين لي مودول تاع حفاااااااظة برك وكاين حفاظة وفهامة والاسئلة عادية يعني تقريبا تقدري تقولي مباشرة الا في بعض الاحيان ماتخافيش

كل واحد وطريقتو اختي كيما انا نحفظ بدون ما نلخص لاني كل مانلخص مانحفظش تلخيصي ههههههه افضل نحفظ ديراكت افضل من تضييع الوقت + الدروس ماهيش طويلة بزاف تقدري تحفظيها ديراكت

وبالنسبة للبرنامج يا اختي كل واحد وكيفاه شوفي انت واش تخرج عليك .... كي تدخلي تقدري تنظمي وقتك

وبالتوفيق

[راجـيـة الفـردوس]

شكراااا لك اختي selma-chirdent هل نحتاج الى كتب خارجية ام لا ؟؟

[selma-chirdent]

في الغالب لا لانو قدام المركز الجامعي تاع درقانة هناك مكتبة تبيع كل الامتحانات تاع الاعوام السابقة يعني كي ديري هادوك وتكمليهم تكوني فووووووووووور :))

+ كاين مكتبة فالجامعة فيها كتب ملاح بزاااف تقدري تستفيدي منهم

وماتشري حتى حاجة غير الكتب لي يقولولك عليهم الاساتذة لاحقا

[راجـيـة الفـردوس]

بارك الله فيك و ربي يحفظك...عندي سؤال اخر:1: و اسمحيييييييلي اذا كثرت عليك علاه يقولو بلي الدراسة فالعاصمة اصعب من الولايات الاخرى؟؟

[selma-chirdent]

هههههههههههه لالا ماتحشميش استمتع بالرد عليكم :)

هههههههه لانو الدراسة فالعاصمة اصعب يا اختي اظن اصعب من كل الولايات هاكا كاين لي يقولو اما لي عارفاتو وقالولي عليه صحاب البرج انو القراية في سطيف ساهلة
اما هنا جراحة الاسنان والله ما ساهلة ههههه بالعكس

بصح حلوووووووووووووووة ^________^

[راجـيـة الفـردوس]

نورمالمو راهم يقراو نفس لقراية واش هو لي يخلي لقراية صعيبة فالعاصمة؟؟؟

[selma-chirdent]

لالا اصلا مش نفس لي مودول يعني كاين تغيير
+ هنا مزيرينا بزااااااااف يعني ديري حسابك خصوصا كي تطلعي سنة 2 ان شاء الله

+++ كيما سطيف صحاب البرج هوما لي قالولي لقراية ساهلة في سطيف

+ حتى اذا كانو نفس لي مودول الدروس تختلف يا اختي ماكاش برنامج كيما فالليسي ولا هنا كل واحد يقري كيما يحب ويدير سوجي كيما يحب راسو خخخخخخ
وهنا مزيرينا خصووووصا فالتيبييات -الاعمال التطبيقية- وزيدي اسألي وشوفي واش يقولولك

بالتوفيق

[راجـيـة الفـردوس]

يعطيك الصحة ....... و ربي يوفقك:)

[hichem98]

انا ندبر عليك علاه راكي تلعي وتهبطي ريحي في دارك اسناي مكتوبك خير للجميع