صديقتي في حيرة

[مشكلتي]

السلام عليكم
عيطتلي صحبتي تسقسي فيا على أمر شوفوا معايا،هي تعرفت على واحد ناوي يخطبها ولا نقولكم هو تقدملها أيا الوالد ابدى موافقته بعد مااستشارها،لكن مازال ماجاوش للدار،المهم هي تخدم في نفس المكان لي يخدم هو فيه على هكذاك قالها ارواحي تروحي معايا في سيارتي واذا ما وافقتيش رايح نزعف بزاف وحتى نهار الخاتم ونهار الخطبة ومانجيش نخلي غير عايلتي تجي،قالها اذا ماوافقتيش تركبي معايا معناتها راكي تشكي فيا وأنا والله ماراني ناوي فيك غير الحلا ومتنمي نشوفك قدامي ونحكي معاك بلا واحد مايكون معانا،هي أكيد رفضت وكي سقساتني أكيد رفضت،المهم بغيت نتوما تعطوني آراء باش تقنع هذاك الانسان ومايصراولهمش مشاكل من ضروك وزيد هي راهي بين نارين كيما قالت خاطر ماهيش باغية تخسروا خصوصا كي تقدملها رسميا
المهم قولولي واش نقولها تعيشوا هي راهي رافضة بالصح مازال هو يقنع فيها واش رايكم في القصة
تحياتي للجميع وراني نقارع في الجواب

[الدكتور سام]

الرفض ثم الرفض.و ادا ما عجبوش الحال يروح.لازم تكون هكدا لانه ادا ركبت معاه رايح يشك فيها تركب مع الاخرين

[aissam .3820]

ترفض خير..ممكن راه يجرب فيها برك.....



...

[نجمة ساطعة]

هذي محتاجة سؤال ؟؟؟؟؟؟؟؟؟؟؟ باين نيتو خاسرة و قولها تتمسك برفضها و يدز معاهم خوتو في السوق ياسر

[imi02i]

السلام عليكم ورحمـة الله وبركـاته.
يا اختي الخلــــــــوة بين الرجال والنساء حرام إلا إذا كان هو محرم لها
وإلى حد الآن لم يأت بأهلـه اصلا
لذا لايحـق لها أن تختلي معــــه
حاولي تقنعيها بجانب من جوانب الدين
وإذا زعف عليها كاين الحيوط والملح والرجال راهم بزاف

[ريمة14]

ترفض رفض قااااااااااطع ويلا راح كاين خوه

[gomplayer]

الرفض ثم الرفض.و ادا ما عجبوش الحال يروح.لازم تكون هكدا لانه ادا ركبت معاه رايح يشك فيها تركب مع الاخرين

كلامك صحيح ، ربما يختبر فيها و يشوف اذا هي بنت عايلة أو لا، نصيحة للبنات: إياكم من هذا الأمر

[hero04dz]

مستحيــــــــــــل مالزمش تركب معاه وما يهمش نيتو أسكو يجرب فيها ولا لا المهم لازم ترفض وتقولو اذا حاب تهدر أهدر قدام الناس و لا شوف بلاصة تساعدك

[soumia-88]

قوليلها تـــــــــــــــــــرفض ممكن راهو اجرب ............ ترفض وتتوكل على ربي

[الجواهر]

اولا : الخلوة حرام
ثانيا : هل تعرف نيته الحقيقية ؟؟ ربما يريد بها الفاحشة
هناك من خطب و قرا الفاتحة و عقد و لما .........فسخ كل شيء و لم تستطع المسكينة فضحه لانها ستفضح نفسها
حذاري حذاري حذاري
اذا لم يعجبه الامر فليذهب و تنتظر مكتوبها

[أم معاذ أم معاذ]

إضافة لكلام الأعضاء اللي قبلي على أن الخلوة حرام
قولها تقولو يسقسي باباها إذا وافق تركب معاه

الله يهدي

[~~ أغيلاس ~~]

أَرْضِـ الله أولا أما رضا الخلق فسيأتي تبعا لا محالة .

إياكِ ثم إياكِ أن تلبي طلبه، و كوني على ثقة أنه إن انسحب لهذا السبب اللامعقول فسيعوضك الله بخير منه .

عن عائشة رضي الله عنها قالت: قال رسول الله صلى الله عليه وسلم
" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس " رواه الترمذي .

[دكتورة بإذن الله]

راني نقرا في قصتك و نعاود و نعاس قتلني و فوق هذا راني شابعا ضحك من المقطع

[ اذا ماقبلتش راهو يزعف بزاف ؟!! ]والله ياذاك الزعاف

عفوا اختي لكن شر البلية ما يضحك

اسمعيني زين ماتهدر معاه ما تقيمو تقول لوالدها بلي فلتان مانيش حابة نرتبط به و خلاص

و كي يقوللها الاب وعلاه تقلو لحكاية كاملة

كيعادت عوايدو كيما هاك ماهوش راجل ...

و تخسرو خيرمن تخسر دينها ..و ربي يرزقها ماخير منو براجل يفهم و شنهو الدين و شنهي عايلات لازم يحترمها

و كي يحوس يختبرها ويشوف معدنها يسقسي ...ماشي يدير خطة تاع الذئاب البشرية !!

وربي يجيب الخير اختي ..

[selma sosou]

لازم ترفض بالاك راه يسيي فيها

[رفيف الاجنحه]

هذا الرجل كذاب لو صادق يروح لبيت ابوها ويخطبها

غير هذا اياك ثم اياك اياك تصدقيه

تحياتي

[أم البشائر]

الرفض بدون اي مناقشة

[sarl02]

انا متاكد انه اي وحدة في مكانها ما اتقولش لالا بسهولة خصوصا في الوقت الي رانا فيه ويعطيك ما قال المتدخل الاول لالا جركم قاع موراه لالا لالا ....واش هذا ؟؟...علاه ما تنظروش للموضوع من زاوية اخرى بلاك هذا الشخص نيته سليمة و اغير بزاف على هذه الفتاة وحاب اعاملها من ذرك كانها زوجته ...هنا القتاة هذه لازم تكون ذكية وما تخسرش هذا الشاب بسهولة خصوصا انها تعرفه جيدا بحكم عملها معه ...يعني اتحاول تاجل الموضوع بطريقة مهذبة ولبقة ودهاء النسوة في مثل هذه الامور الى حين اتمام مراسيم الخطبة الرسمية والفاتحة وبعدها راهي زوجته شرعا ويحل المشكل نهائيا.

[ahlam92]

على اي اساس تركب معه السيارة هل هو محرم ربما يريد تدميرها الله يهديه و يستر بناتنا

[نجمة ساطعة]

انا متاكد انه اي وحدة في مكانها ما اتقولش لالا بسهولة خصوصا في الوقت الي رانا فيه ويعطيك ما قال المتدخل الاول لالا جركم قاع موراه لالا لالا ....واش هذا ؟؟...علاه ما تنظروش للموضوع من زاوية اخرى بلاك هذا الشخص نيته سليمة و اغير بزاف على هذه الفتاة وحاب اعاملها من ذرك كانها زوجته ...هنا القتاة هذه لازم تكون ذكية وما تخسرش هذا الشاب بسهولة خصوصا انها تعرفه جيدا بحكم عملها معه ...يعني اتحاول تاجل الموضوع بطريقة مهذبة ولبقة ودهاء النسوة في مثل هذه الامور الى حين اتمام مراسيم الخطبة الرسمية والفاتحة وبعدها راهي زوجته شرعا ويحل المشكل نهائيا.

صراحة صدمني ردك .... و نحب نجاوبك فقط الحرة بنت الاصل والله ما تركب معاه سوا نيتو زينة و الا شينة

ثانيا حتى لو فتح عليها مهوش راجلها ماازال نعرف ياسر قصص صراتلهم كوارث بسبب الفاتحة حتى وصل

الامر لوجود اطفال من الناحية الشرعية اولاد حلال من الناحية القانونية اولاد بدون وثائق

[عذراء الجبل18]

الرفض ولا خيار آخر , لازم تبقى متمسكة بمادئها وتفرضهم
واصلا هذا سبب تافه ياتركبي معايا في السيارة يا منجيش في الخطبة و.. ..

[باهي جمال]

قد تكون نيته ونيتك سليمة جدا لكن العبرة بالخواتيم وقد تختليان ببعضكما البعض ويفعل الشيطان بكما ما لم تكونا تخططان له لا احد يمكنه اعطاء ضمانات لانه وببساطة عهد الانبياء المعصومين قد ذهب دون رجعة

[أكوام الورد]

هاد المرة قالها تركب معاه فالسيارة و المرة الماجية منعرف واسم يقولها
ربما راه يختبرها و يعرف حقيقتها و ربما هو عقليته هاكا المهم ثم المهم مالازامش تركب معاه و ترفض بلا أي حجة و لا سبب
الصح راه باين و الغلط باين و ربي يوفقها

[ام احمد الغالي]

انا عندي فكرة روعة كون هي فكرت فيها وهو يطلب منها تطلع معاه في نفس الوقت تصل بابوها -وطبعا الكل بالموبايل -وتقوله بابا والله فلان قالي اذا تطلعي معايا في السيارة وش رايك وخليه يشرب المقلب لانه يستاهل ومش ناوي الخير واللي ناوي الخير ما يختليش مع وحدة مازالت مش زوجته

[loubna2]

ترفض وسترين كيف ستعلوا اكثر في نظره
ماش معقولة طلبه اكيد يختبر في اخلاقها
وان كان جادا ولا يختبر فيها
حتى ولو غضب منها سيراجع نفسه ويجدها على صواب

[عبدالله بولنوار]

سبحان الله الحيرة بين الحلال و الحرام

قوليها
قال الله تعالى (ومن يتّق الله يَجْعَل لَهُ مَخْرجاً. ويَرْزُقَهُ من حيث لا يَحْتَسب) [سورة الطلاق: 2 ـ 3].

و قوليلها :
عن أبي بن كعب رضي الله عنه قال: ما من عبد ترك شيئاً لله إلا أبدله الله به ما هو خير منه من حيث لا يحتسب، ولا تهاون به عبد فأخذ من حيث لا يصلح إلا أتاه الله بما هو أشد عليه.

[lilou f lilou a]

ترفض خير..ممكن راه يجرب فيها برك

[عُضو مُحترم]

راه يتمسخر

قوليلها غير اخطيك

[achraf19]

انا في رايي ترفض لازم تكون صارمة معاه من دك ممكن يكون يجرب فيها

[الوداع]

يجب أن تكون صارمة وتبين له أنه مبدأها وأنها لن تتراجع عن مبادئها ولا تترك له فرصة المساومة وليفعل ما يشاء بعدها، حتى وإن كان زوجها ويسكنان في بيت واحد يجب أن يكون لها رأي ولا تسمح له بأن يساومها لأن هذا الأسلوب في نظري رخيس جدا ومن يتبعه إنسان محتال نيته ليست صافية، الزواج تفاهم ورضا وليس مساومات ومناورات