مقهورة

[amira2020]

هذه المرة الثانية للباك ومنجحتش ياربي والله غير درت لي عليا وقريت اكثر وفي الاخير نلقى نفس النتيجة صدمة كبيرة ليا والاهل لي كانوا كامل ينتظرون النتيجة بفراغ الصبر والله تقهرت يا جماعة ومعرفتش واش ندير مستقبلي ضاع واحلامي تبخرت راني في حيرة قولولي واش ندير والله مقهورة

[مناجير]

لماذا مقهورة؟؟؟
هل المستقبل في الباك فقط؟
لا في هذه الحياة ربي خلقنا كل واحد عندو حاجة فيها
وماشي غي الباك اللي كاين في حياتنا عادي العام الجاي تجيبيه ان شاء الله
نعرف جارنا للمرة الثامنة باه جاب الباك .علاه صبر نال
الصبر مفتاح الفرج.....
ربي يوفقنا ان شاء الله في ما يحبه ويرضاه

[hayet04]

هذه المرة الثانية للباك ومنجحتش ياربي والله غير درت لي عليا وقريت اكثر وفي الاخير نلقى نفس النتيجة صدمة كبيرة ليا والاهل لي كانوا كامل ينتظرون النتيجة بفراغ الصبر والله تقهرت يا جماعة ومعرفتش واش ندير مستقبلي ضاع واحلامي تبخرت راني في حيرة قولولي واش ندير والله مقهورة

يا اختي مالازمش تفقدي الامل و ادا راكي صح صح حاباتو كوني متاكدة بلي لنشاء الله تديه
انا فوتو3 مرات منجحتش و في 4 ديتو لاني كونت حابا تديه و ديتو و قريت في الجامعة وتخرجتى و راني تخدم ادماج و الحمد لله :d:d:d ماتقلقيش ادا كتيهولك ربي راكي تديه و كيما اليوم تجي امشاء الله اهدا المنتدى و في هدي الصفحة و تقوليلنا باركولي راتي ديت الباك ربي يسهلك و ما تيأسيش لبداااااا وراه وراه و الزمن طويل:19::19::19::19:

[قضــــــــــــ وقدر ـــــــــــاء]

السلام عليكم
أختي الكريمة يمكنك أن تسجلي مع الأحرار العام المقبل
وسيكون النجاح حليفك بإذن الله
وإن شاء الله هذه عثرة
فلا تفقدي الأمل
والحمد لله ضميرك مرتاح لأنك اجتهدت وعملت ما باستطاعتك
أما الأهل صحيح كل واحد منا يتمنى أن يدخل الفرحة على قلوبهم
لكن الحياة مازالت مستمرة
وسيحصل ذلك العام القادم إن شاء الله
تحياتي لك

[الفتاة الحزينة]

علاه تنقهري مازالك صغيرة وتعاوديه ماكان حتى مشكل وكل عطلة فيها خير و خيرها فغيرها
والله هو المستعان

[امينة 1991]

لا يا اختي لا تقولي هكذا عندي صديقتي جوزاتو 3 مرات وما جابتوش وهذي المرة خصتها نص نقطة وتجيبو ومازال عندها امل في السنة المقبلة وما فقدتش الامل كوني مثلها وما تيأسيش ادعي من ربي وقراي ربما يكون هناك شيء ليس في صالحكي لو نجحتي في الباك يعني كي ما جبتيش الباك هذي حاجة لمصلحتك ولا يعلمها الا الله عز وجل الذي قال في كتابه الكريم " عسى ان تكرهوا شيئا وهو خير لكم, وعسى ان تحبوا شيئا وهو شر لكم " يعني لا يصيبنا الا ما كتبه الله لنا واي حاجة يكتبهالنا ربي سواءا تعجبنا ولا ما تعجبناش فهي لمصلحتنا غير حنا احيانا نفقدو الامل .ثقي في الله وربي معاك

[malak achark]

يا اختي هذا قدر الله ممكن لم يرى الله لك فيه خير وربما تتحصلين عليه في فرصة اخرى وبمعدل جيد
لكن اختي انظري من حولك الى النعم الاخرى التي اعطاك الله اياها ان الله سبحانه وتعالى ما ان يحرمك من شيء الا وعوضك بشيء خير منه
لا تقنطي من رحمة الله
وفقك الله اختي لما فيه خير
تقبلي مروري

[سعاذ]

سلام عليكم
تاكدي اختي ان الله مافيه غير الخير
واكيد كي ماجبتيهش هذي الخطرة رغم اجتهادك
ان الله عندوا حكمة في ذلك
واحد ماعلابالوا خير من يجيه
ثقي في ربي سبحانوا وتاكدي بلي ماريحش يخيبك
انت عاودي الباك وفي نفس الوقت ديري تكوين
في اي مجال راكي مايلا ليه
وبربي ان شاء الله عام جاي جيبي باك بمعدل عالي
وثانيتك دبلوم نعرف بزاف داروا هكذا
والله غير خرجوا رابحين اكثر من لي جابوا الباك في عامهم
دمت اختي في رعاية الله وحفظه
سلام

[بومزراق يسرى]

السلام عليكم و رحمة الله تعالى و بركاته اختي الغالية ..عليك اولا أن تعلمي أن عدم النجاح في شهادة البكالوريا هو مجرد حدث ولا يعني أبدا أكثر من هذا....يعني من الآن فصاعدا عليك أن تستخلصي العبر من هذه الدورة و تبدأي التحضير للدورة المقبلة ان شاء الله...هاته هي الحياة ...فكم من عالم فشل في المرة الوالى و الثانية و الثالثة....الخ ونجح في الأخير.....وكنصيحة أخيرة مني لك لا تهتمي لكلام الناس .... ان شاء الله تكوني من الناجحين العام المقبل و نرى موضوع آخر لك تخبرينا فيه عن نجاحك بمعدل ممتاز ...

[amira2020]

ربي يخليكم يا ربي والله كلامكم زادني ثيقة ربي يحفظكم ويعطيكم الف الف صحة والله فرحت شكرا شكرا ليكم

[MIWAKE]

سمحولي ولكن انا عندي قناعة و ايمان كبير ان الانسان اتعب و جتهد و راجع كيما لازم و الله و الف و الله راح ينجح لان الله عادل و لايظلم ابدا ابدا عباده فانا متحصل على بكلوريا 2006 وكانت اول مشاركة لي و تحصلت على معدل 13 و اضيف شيئ بعد خروجي من اخر امتحان كان مادة الفرنسية كنت فرحان و مرتاح نفسيا و متاكد انني سأنجج ب 99 بامائة و خليت 1بالمائة قلت ربما ميفهموش كتابتي او ورقة الاجابة لايجدونها او تشعل النار في مركز التصحيح و هذا ليس تكبر وانما كان ايماني كبير بللله سبحانه و تعالى و اانني قدمت كل ملدي من جهد و سهر و تركيز و المراجعة المنتظمة و لاستطيع ان افعل اكثر من دلك
بينما اللدين لاينجحون في البكالوريا 1-2-3-4.. معناه انهم لم يدرسوا جيد ام انهم اجتهدوا لكنهم لم ينجحوا ما معنى هذا معنى هذا الله ضلمهم لا هذا من المستحيلات الله لايظلم عباده
واستتني الطلبة الذين كانت لديهم مشاكل عائلية او مرض اثر على نجاحهم اما البقية ما الوموا الا انفسهم بدل رد سبب الفشل في الاستاد المصحح