للمترشحين الاحرار... [الأرشيف] - منتديات الجلفة لكل الجزائريين و العرب

مشاهدة النسخة كاملة : للمترشحين الاحرار...

Nour el houda93

2012-07-03, 11:19

السلام عليكم ورحمة الله وبركاته:
حياكم الله وبياكم وجعل الجنة مثواي ومثواكم
اخوتي اخواتي في الله....أولا..اهنئ كل الناجحين في الباكالوريا واتمنى حظا أوفرالعام المقبل لمن رسب....
كتبت هذا الموضوع لتبادل المعلومات فيما يخص التسجيلات والتوجهات...
فبعد ان قمت بسحب كشف نقاطي أين يجب علي التوجه لاحظار دليل الباكالوريا وورقة الوثائق المطوبة للتسجيل في الجامعة؟

بانتظار اجاباتكم...
اتمنى من الادارة تثبيته

Rami

2012-07-03, 11:24

l'académie tout simplement ^^

la jolie

2012-07-03, 11:58

ووي ختي روحي لاكاديمي

Nour el houda93

2012-07-03, 12:19

شكرا لكما زميلاي في المنتدى جزاكما الله خيرا
كيف حالك اختي la jolie
ما هو معدلك؟
هل احظرت الدليل من المديرية ام لا؟
وماذا يجب ان تاخذي معك

sniper0771

2012-07-03, 12:22

لاكاديمي انا خلاص راني جبتهم

Nour el houda93

2012-07-03, 12:28

لاكاديمي انا خلاص راني جبتهم

شكرا اخي ......
واش ديت معاك وقتاش نبداو التسجيلات؟؟

billel25-dz

2012-07-03, 14:53

واش كاشما كرموكم

alisadr

2012-07-03, 15:06

ايه من لاكاديمي ،، أنا مازال ماجبت والو ...
أريد الاستفسار ... هل يتم تكريم الأحرار المتفوقون أو لا ؟؟؟

دراغاو

2012-07-03, 15:53

الكشوف + الدليل : بالنسبة للأحرار يأخذونها من الأكاديمية ببطاقة اللتعريف الوطنية

شهرزاد 25

2012-07-03, 16:15

zizou93

2012-07-03, 16:26

سؤال هل يتم تكريم الاحرار ام لا

Rami

2012-07-03, 16:36

وي ختي انا ديت الباك لعام لي فات حبيت مدسين و ما كتبتش
هاد العام راني مشوكي جبت معدل اقل u______u"
13.37 مانيش عارف واش ندير بيه قاع
واقيلا نقاجي ههه

Rami

2012-07-03, 16:36

في ما يخص تكريم الاحرار لا اظن !!!

sniper0771

2012-07-03, 17:07

ديت معايا لاكارت ناسيونال
اختي كي تجيبي الباك تاعك من لاكاديمي راكي توللي كي نتي كي النضاميين
اذا تحبي موعد التسجيلات تبعي واش كاين عند النضاميين
انا جبت الباك الحمد لله ب 14,79 شعبة تقني رياضي
و هاذ العام تأكدت بللي الأحرار ما يديولهمش حقهم فالتصحيح كيما كانو يقولو

sniper0771

2012-07-03, 17:09

مع العلم انا معدلي العام لي فات هو 12
و هاذ العام ما قريتش فالجاميعة قريت غير للباك

المُـسْتَحِيـلْ

2012-07-03, 17:14

federer4ever

2012-07-03, 17:15

من لاكاديمي

نسيبةB

2012-07-03, 17:31

السلام عليكم يا لبنات

أنا حرة مجحت لعام للي فات وحبيت طب

مي ماكتبش ربي لعام هذا معدلي هبط وجبت 14,27 خلاص راني رايحة نمووت راحت آمالي كامل

ماقريتش في لجامعة وضرك راني حايرة في لمدارس العليا ياريت تفيدوني باي مادة مليحة فيهم ؟؟
مدرسة عليا في الإعلام الآلي
.......لاتفقدي الأمل
نعرف وحدة عاودت حرة وهبط معدلها لكن المفاجأة كانت بانخفاض معدلات القبول وهدا كان في 2009
معدل الطب 12.66 وكان أقل من البيطرة والصيدلة
وحده الله القادر على كل شيء

kiko3411

2012-07-03, 17:48

انا السنة هذي ديت 15,31مع العلم ان مستواي اكثر بكثير والكل توقع لي التفوق منعرف السنة تهبط المعدلات للقبول ولا لا ولكن مهبطتش تنصحوني يا جماعة الاحرار بالاعادة وندير لي كور ولا لا

kiko3411

2012-07-03, 17:52

وش نقدر ندير بيه 15'31مع العلم اني ديت 17.5 في العلوم 17 في الرياضيات و15 في الفيزياء.نقدر ندير صيدلة ولا جراحة اسنان ولا المدرسة العليا للتكنولوجيا؟

hocine4alg

2012-07-03, 17:58

هاذ العام تأكدت بأن أوراق الأحرار لاتعامل معاملة خاصة على خلاف أوراق النظاميين بالتالي ليس كل ما يقوله الناس صحيح و ان شاء الله التوجيه يكون مليح السنة و معدلات القبول هابطة

دنيا الافراح

2012-07-03, 19:30

السلام عليكم أنا من شعبة علوم تجربية تحصلت على 14.2 كنت اود التسجيل في كلية الطب لكن لا أظن ستنحقق رغبتي
لذا اود اعادة الباكالوريا بالمراسلة فما رايكم فالكثير قال لي ربما لنن تتفوقي لان الدراسة بالمراسلة تختاف
ارجوا الافادة

adminismhazel

2012-07-03, 20:02

أبعثولي المعلومات حول تخصص علوم دقيقة للمدارس العليا

لقد تحصلت على معدل 12.38 علوم تجريبية من ولاية الأغواط

والمواد :

رياضيات 15 - فيزياء 15.5 - علوم 14 .

العلم حياتي

2012-07-03, 20:19

ألف مبروك للناجحين
الكشوف من وين نجيبوهم
شكر

sweety-amona

2012-07-03, 20:46

شكون قالكم بلي الأحرار ما يتكرموش لي عندوا معلومة مؤكدة يقلي ؟؟

sweety-amona

2012-07-03, 20:47

انا الأولى في الجزائر العاصمة- وسط جبتوا ب 16.50

نتكرم ولا لالا رجعولي ربي يخليكم؟؟

sabrina931

2012-07-03, 20:55

slm ana dite 15.69 w l'anné passé g eu 15.24 ms krite fi jami3a machi kalb w reb ms krite ms wallah maysahoulna (libre) mlih ana g eu un 12.5 é un 13.5 fi fran é l'arabe imagéni vs !!! w tkoulouli kifkif je pense ps

tamimkhaled

2012-07-03, 20:55

الذين يكرمون هم من يتحصلون على 18 المعدل ، امتياز فقط، نظامي او حر.

zizou93

2012-07-03, 21:03

الذين يكرمون هم من يتحصلون على 18 المعدل ، امتياز فقط، نظامي او حر.
اخي قالو بلي مايكرموهمش
علاه كاش ماعندك واحد حر وكرموه و شكون قالك
شكرا على المرور

billel25-dz

2012-07-03, 22:24

انا نظن بلي الحر لو يجيب 18 بسيف عليهم يكرموه

zizou93

2012-07-03, 22:50

انا نظن بلي الحر لو يجيب 18 بسيف عليهم يكرموه
ماكان حتى خبر على هاذ المعلومة المشكل
يعني يعني يكرموه

tamimkhaled

2012-07-04, 08:59

يعني هي نادرا ما يجيب واحد حر 18، واذا جابها راح يتكرم عادي.

zizou93

2012-07-04, 09:41

يعني هي نادرا ما يجيب واحد حر 18، واذا جابها راح يتكرم عادي.
لكن ممكن واحد دائما يجيب 17 و الباك الثاني نتاعو حر جاب18 كيمة وحدة تقرا معايا تتكرم ولا لالا باسكو عمبالي راح دير القلب وتجيبها العام الجاي

lounamouna

2012-07-04, 09:47

انا السنة هذي ديت 15,31مع العلم ان مستواي اكثر بكثير والكل توقع لي التفوق منعرف السنة تهبط المعدلات للقبول ولا لا ولكن مهبطتش تنصحوني يا جماعة الاحرار بالاعادة وندير لي كور ولا لا

لا انصحك بعادة الباك على ما اظن الاختيارات لي رايحة ديريها يمدوهلك او ربي ينجح

billel25-dz

2012-07-04, 11:43

ما كانش الاحرار لي نسقسيوهم ؟

نسيبةB

2012-07-04, 12:08

أنا مترشحة حرة

zizou93

2012-07-04, 12:22

أنا مترشحة حرة

نسيبة هل الاحرار يكرمون و معنيون برحلة تركيا

محفوظ البسكري

2012-07-04, 12:24

انا حاب نترش للمرة الثالثة العام الجاي اذن الله

zizou93

2012-07-04, 12:25

ربي يوفقك محفوظ

نسيبةB

2012-07-04, 12:31

نسيبة هل الاحرار يكرمون و معنيون برحلة تركيا
في السنوات الماضية ايه

Nour el houda93

2012-07-04, 12:41

السلام عليكم ورحمة الله وبركاته:
اسعدتني مشاركاتم كثيرا في الموضوع
لا اعتقد انه يتم تكريم المترشحين الاحرار علما اني مترشحة حرة

Nour el houda93

2012-07-04, 12:41

في السنوات الماضية ايه

واش راكي نسيبة جبتي الباك ؟؟

نسيبةB

2012-07-04, 12:43

واش راكي نسيبة جبتي الباك ؟؟
ايه وأنتي ؟ العام هدا خير؟

نسيبةB

2012-07-04, 12:46

نسيبة هل الاحرار يكرمون و معنيون برحلة تركيا
وحدة من لافامي تاعنا عاودت علاجال هدا التكريم مي ماجابتش المعدل اللازم في عام 2006 و2007 ونورمالمو كانت متأكدة

zizou93

2012-07-04, 12:55

وحدة من لافامي تاعنا عاودت علاجال هدا التكريم مي ماجابتش المعدل اللازم في عام 2006 و2007 ونورمالمو كانت متأكدة
شكراااااااااااا
اسفة

Nour el houda93

2012-07-04, 12:55

ايه وأنتي ؟ العام هدا خير؟

الحمد لله جبتو 15.05
ونتي شحال المعدل

نسيبةB

2012-07-04, 13:03

الحمد لله جبتو 15.05
ونتي شحال المعدل
مبروك عليك أختي

djalil tlemceni

2012-07-04, 15:00

ياااااااااااااه سبحان الله راهي تولي لي ذكريات تع بداية السنة الدراسية كنت مدمر و كاااااره و حاس بلي مظلوم لأني جبتو العام اللي فات ب14 و حسيت بلي 14=10 و درنا موضوع تع تعارف للجامعيين المترشحين احرار و عاوننا بعضنا و الحمد لله ربي أكرمنا و ما خلاش التعب تعنا يروح باطل ....شكرراااااا لكم جميعاااا...
بخصوص التكريم ما عندي أدنى فكرة بصح نظن أنه من الظلم أن الأحرار اللي جابوا تقدير جيد جدا ما يتكرموش لأنهم و بكل صراحة تعبوا و شقاو أكتر من النظاميين و الفرق واضح بين الي يقرا في الليسي و الي يظل يجري مور صحاب الليسي باش يعطيولو الدروس...

vive-nad

2012-07-04, 15:20

moi aussi condidate libre l'annee passee je eu mon BAC avec 12.66 et j'ai etudie a l'universite Biologie en ce Bac j fe tout mes efforts pr obtenir le choix de medecine mais la moyenne me choc vraiment cette annee j ai participe comme condidate et j ai continue mon etude a l'universite et j ai eu mon 2 eme Bac avec 12.98 encore heheheheh
je veux faire optique j;espere bien vous me donne votre opinions sur cette bronche
merci d'avance

alisadr

2012-07-04, 16:41

أنا مترشحة حرة جبت 16.60 معالعلم أني استفسرت و لقيت روحي بين 10 الأوائل على مستوى الولاية ،، استنيت كاش حاجة ولائية .. بصح ماعيطولي ماقيموني :1: على حساب ماراني نشوف ماكان لا تكريم ولا هم يحزنون .. لاعلينا الحمد لله على النجاح والباقي لا يهم كي يتكرم الواحد من طرف والديه و العائلة تاعو c déja bcp

انا الذي

2012-07-04, 16:49

انا حاب نترش للمرة الثالثة العام الجاي اذن الله

ههههه واش عمي محفوظ لقيتها خابزة وقيل

ربي يكون معاك حبيبي

محفوظ البسكري

2012-07-04, 17:10

هههههههه ايا قلت انا النفس خارجة خارجة
واش راك داير فيها حبيبي
راك مع الملفات وشهادات الميلاد ولا مزال

ღ أمليے بالله كبيرے ღ

2012-07-04, 22:05

السلااام عليكم ورحمة الله وبركاته

أنا كنت حابة ندير طب مي الله غالب جبت 13.52 برك

وراني حايرة واش ندير بمعدل كيما هذا

بإذن الله سأعيد للمرة الثالثة هههههه

نسأل الله التوفيق

العيد71

2012-07-04, 22:48

الحمدلله تحصلت على البكالوريا لمرتين متتاليتين العام الماضي بمعدل 10.40 و هذا العام بمعل 11.23 علما أن أول بكالوريا نظامية لي تحصلت عليها سنة1990 بمعدل 12.56.

العيد71

2012-07-04, 22:50

انشاء الله العام القادم بمعل 14.50.

lianiasmaa

2012-07-05, 11:41

chui étudiante fi medecine 3am lifat,,, j'ai eu mon bac avec 17.2,,, et j'aimerai refaire le bac,,,, wa 3awadtah hada l3amm et j'ai bien travaillé mais 3yit medecine chargéééééééééééééeeeeeee bzfff en plus bac,,,,,,,,,,, HMD rabi kane m3aya,,,,,Bala3t 3ami wa rbahti baki bi 17.54 wa ana rani la 1ere fi les candidats libres de SBA HMD,,,,,Ida ta3arfou 3la haja 3la Takrimmmmm 9oulouli...
Wa li rah bari ydir Medecine il faut travailler et etre ajournééééééééé

sara.k

2012-07-06, 09:19

السلام عليكم
انا تحصلت على معدل 12.60 و حبيت نعاود العم الجاي مع الاحرار
افيدوني بخصوص طرق المتبعة في الدراسة و كيفاش قريتو العام هذا لاتحصل على معدل يرضيني

أبو أنس محمد

2012-07-06, 10:10

السلام عليكم ورحمة الله وبركاته

عجبا لأمركم أيها الطلبة الأحرار، قبيل أشهر كنتم تقولون أن هدفنا الأول من إعادة البكالوريا هو الوصول إلى هدفنا لا غير، ثم الآن نجد في كل طية من طيات هذه الصفحات تركيزا شديدا على كلمة تكريم، تكريم، تكريم.....؟؟؟؟؟؟؟؟ فلمذا لا يكون الإنسان قنوعا ولو قليلا قليلا، بل ولماا لا يكون الإنسان راضيا بما أنعم الله عليه من خير في حصول هدفه ومبتغاه، في حين أنه من الناس من أصابته الصدمة الشديدة.

أيها الإخوة، لماذا لا ننظر إلى الواقع بنظرات موضوعية نجتب فيها الذاتية؟!!!! نحن نحتاج إلى تفكير عميق ومعمق فيما حولنا..... فالمجال مازال مفتوحا - إن شاء الله - لتكريمات أفضل بكثير وكثير وكثير من تكريم البكالروريا هذا، نعم، ألا يمكن أن ندرك تمام الإدراك أن المرحلة القادمة هي المرحلة الأهم والأكثر جدية التي سنرسم فيها طموحاتنا ومستقبلنا "إن شاء الله" فالبكالوريا ما هي إلا نهاية لبداية طريق طويل ليس في زمنه وإنما في سعته التي لا تنتهي عند حد معين، أيها الإخوة، الواقع يخبرنا ويؤكد لنا أن من الناس من كان بالأمس القريب يُكرم ويُذكر اسمه في كل مكان، لكن ما فتئ أن أضحى اليوم يتخبط بين رسوب وآخر، ف-ينبغي النظر في كل هذا.

أيها الزملاء، من الممكن جدا أن تكون هذه التكريمات بابا مفتوحا للغرور وحب الظهور (البطر)، لكن دون أن ننكر أنها شرف لصاحبها لكن الغالب عليها هو شهوة الشهرة والتشهير ورضا الناس، فرحم الله الحسن البصري إذ قال: لا يخطب الإنسان رضا الناس لأن الناس لم يرضوا حتى عن خالقهم فكيف يرضوا عن مخلوق مثلهم؟ -انتهى- فالله عز وجل بقدر ما يعطي للعباد من خير إلا أنهم لا يرضون يذلك ويستزيدون كل عشية وصبحة................فهل من عاقل فقيه؟

وخير الكلام قوله تعالى: "لا يَسْأَمُ الإِنْسَانُ مِنْ دُعَاءِ الْخَيْرِ وَإِنْ مَسَّهُ الشَّرُّ فَيَئُوسٌ قَنُوطٌ" فصلت 49

والله المستعان في كل خير

~بُوبَكر~_~الجَزائرِي~

2012-07-06, 18:16

والله احييك اخي ابو انس على كلام الذهبي والله يستحق كل تقدير واحترام
انا لايهمني التكريم بقدر مايهمني النجاح واسعاد اهلي ومجتمعي
الحمد لله انا جبت الباك العام اللى فات ب 11.46 وهذا العام تحديت وفرطت
فى الجامعة وكتب لي ان اكون قنوعااا ب 14.76 والحمد لله على كل حال

bleu flower

2012-07-06, 23:38

البلبلة

2012-07-07, 01:42

ممكن تفهمونا كيفاه قريتو؟

زكيفاه وفقتو بين الباك والجامعة؟

واسكو لي يبلوكي خير ولا كيف كيف

واعطونا طرقكم في الدراسة واحسن الكتب اللي اعتمدتو عليها

في الانتظاااااااااار

سلام

أبو أنس محمد

2012-07-07, 09:22

ممكن تفهمونا كيفاه قريتو؟

زكيفاه وفقتو بين الباك والجامعة؟

واسكو لي يبلوكي خير ولا كيف كيف

واعطونا طرقكم في الدراسة واحسن الكتب اللي اعتمدتو عليها

في الانتظاااااااااار

سلام

السلام عليكم ورحمة الله وبركاته

أخي، من الممكن جدا أن لا تستطيع التوفيق بين الدراسة الجامعية والتحضير للبكالوريا، لذلك أنصحك أخي أن تقف عند هذا الأمر بحكمة وتتخذ قرار صائبا يعود عليك بالنفع - إن شاء الله - فإذا كانت لديك رغبة قوية في الحصول على البكالوريا بمعدل جيد وتطمح إلى هدف معين فاللهم عليك أن تنظر في تجميد السنة الدراسية، وتجربتي هذا العام أكدت أن النجاح في امتحان البكالوريا بمعدل جيد يحتاج إلى تضحيات وأول التضحيات الإفراط في العام الدراسي الجامعي وذلك من أجل التفرغ التام للتحضير لامتحان البكالوريا وأعرف أشخاصا ممن حاولوا التوفيق بين الأمرين لكنهم فشلوا في أحد الأمرين أو كليهما .

أما إذا أردت الدراسة في الجامعة والتحضير لامتحان البكالوريا فأول شيء أنصحك به هو الإقامة الجامعية لأنها تساعد كثيرا كثيرا كثيرا على التوفيق بين الأمرين، فالإقامة الجامعية تعلمك الجهاد والمثابرة في التحصيل العلمي لكن مع التزام الصرامة مع النفس، وحقا فالإقامة الجامعية حيث تكون بعيد عن المنزل والشواغل كالتلفيزيون والأنترنت وغيرها علمتني كيف أقضي الليل كله في المراجعة وعلمتني كيف أستفيد من وقتي الكثير في التوفيق بين الأمرين والحمد لله نجخت في كليهما (معدل البكالوريا 15.65) المعدل السنوي في الجامعة (12.23)

أما فيما يخص التحضير البيداغوجي فقد اعتمد أساسا على حل أكبر عدد ممكن من التمارين والموضيع المحلولة بقصد تدارك الأخطاء وتصحيح المنهجيات في الإجابة مع اعتماد أسلوب التخليص في المراجعة الأولية للدروس.

في العلوم أنصحك وبشدة بكتابي أحمد أمين خليفة لأنه رائع جدا وذو مستوى عال، قد يبدو لك غامضا في البداية وحله غير دقيق أو غير مفهوم لكن إذا تتبعت حلوله بدقة وحاولت توظيفها في تمارين أخرى فستعرف مدى روعة المنهجية التي يجيب بها المؤلف، فالذي أنصحك به هو حل أكبر عدد ممكن من التمارين من هاذين الكتابين يوجد حوالي 315 تمرين وهي كافية، حللت منها 223 تمرين والحمد لله تخصلت على 17.5 في هذه المادة.

في مادة الريضيات والفيزياء بدأت أولا بحل تمارين الكتاب المدرسي كلها كطريقة للمراجعة الأولية ثم لجأت إلى المواضيع المحلولة، وأنا أركز على كلمة محلولة لتدراك الأخطاء المنهجية واكتساب الحس العلمي في الإجابة والدقة.

في اللغات عليك بالموضيع المحلولة أيضا، عليك أن تحل أكبر قدر ممكن وحاول أن تتدون كل فائدة تجدها في هاته المواضيع، وإذا وجدت كلمات جديدة أو مصطلحات جديدة في اللغات الأجنبية فاجمعها واحفظها.

في مواد الحفظ عليك بحفظ الدروس كخطوة أساسية مع حسن اختيار المرجع وهذا أمر مهم، والذي أنصحك به أن تجعل لنفسك مرجعا خاصا بك تستجمعه من أربع مراجع فأكثر ، مع إعطاء أهمية بالغة لجانب الفهم.

هذا وفي الأخير، فإن أكبر عدو لك في مسار التحضير هذا هو التخاذل والتكاسل وطول الأمل ومحاولة إشغال النفس بأمور تستهويها فعليك وعليك وعليك أخي بان تكون صارما صارما صارما مع نفسك وتحضر لامتحانك هذا بكل جدية وسلاسة مع تخطي العقبات والمعيقات والآراء المعوقة فحذار وحذار

والله الموفق وبيده الخير كله

orchid_girl

2012-07-07, 18:53

أختي نور الهدى مبروك عليك و ان شاء الله تلحقي الطب و تحققي الامنية تاعك كنت حابة نسقسيك راح ديري الاختيارات تاعك في جامعة قسنطنة؟؟؟؟

~بُوبَكر~_~الجَزائرِي~

2012-07-07, 19:19

ممكن تفهمونا كيفاه قريتو؟

زكيفاه وفقتو بين الباك والجامعة؟

واسكو لي يبلوكي خير ولا كيف كيف

واعطونا طرقكم في الدراسة واحسن الكتب اللي اعتمدتو عليها

في الانتظاااااااااار

سلام
سلام اختى
والله اقدم لك تجربتي
فانا فرطت فى الجامعة واجتهدت طوال العام مع الباك والذي ساعدني كثيرااا هو غرفتي فى الاقامة والله اشكرها لانها وفرت لى الراحة والاطمئنان والهدوء وابعدتني عن المشاغل كلها فان كانت لديكي ارادة كبيرة فتستطيعين ان توفقي بين الجامعة والباك فانا استسلمت للجامعة لسبب هو اني لم اكن اريد التخصص الذي وضع لي ففشلت واجتهدت للباك فقط
ونرجوا لك التوفيق والسداد

aidi7

2012-07-07, 19:53

مرسي وشكرا كثيرااا

Nour el houda93

2012-07-07, 21:10

أختي نور الهدى مبروك عليك و ان شاء الله تلحقي الطب و تحققي الامنية تاعك كنت حابة نسقسيك راح ديري الاختيارات تاعك في جامعة قسنطنة؟؟؟؟

يبارك فيك اختي ...
ونتي ثاني مبروك عليك ختي على المعدل المتالق لي جبتيه .......واش باغية ديري ان شاء الله..........
اما بالنسبة لاختياراتي ان شاء الله سطيف لانها هي الاقرب ليا واذا مكانش نولي ندير قسنطينة خصوصا اقامة لخروب لاني نعرفها وعندي صحاباتي بزاف ثما
ان شاء الله ربي يوفقنا ويكتبنا لي فيها لخير

البلبلة

2012-07-08, 01:56

الاخ ابو انس محمد واعبللة بوركر ارك الله كما

عاونتوني بزااااااااااف

ربي يوفقنا كامل ان شاء الله

~بُوبَكر~_~الجَزائرِي~

2012-07-08, 08:01

العفو اختى
تمنياتنا لك بالتوفيق والنجاح

أبو أنس محمد

2012-07-08, 09:22

لا شكر على واجب أختنا"البلبلة"، والله ولي التوفيق

اميرة زماني

2012-07-08, 10:06

جماعة باغا نجبد كشف نقاط لمترشح حر

تقدرو تساعدوني

8063512

orchid_girl

2012-07-08, 15:40

يبارك فيك اختي ...

ونتي ثاني مبروك عليك ختي على المعدل المتالق لي جبتيه .......واش باغية ديري ان شاء الله..........
اما بالنسبة لاختياراتي ان شاء الله سطيف لانها هي الاقرب ليا واذا مكانش نولي ندير قسنطينة خصوصا اقامة لخروب لاني نعرفها وعندي صحاباتي بزاف ثما

ان شاء الله ربي يوفقنا ويكتبنا لي فيها لخير

يبارك فيك اختي
بالنسبة ليا حابة ندير طب الأسنان و أقرب جامعة لينا لدراسة الطب قسنطينة و باذن الله راح نقرا ثم و الاقامة الجامعية انا ثاني رايحة للخروب لان اختي ثم سنة سادسة صيدلة
ان شاء الله نتوفقوا كامل للشعب اللي حابينها و اذا حب ربي حنا نتلاقاو

عبد الفتاح8

2012-07-08, 15:55

سلام الله عليكم: عندي سؤا
ممكن نسجل بالباك الثاني نتاعي تخصص جديد في الجامعة مع العلم أني سجلت مدرسة عليا بالباك إلي فات وفي نفس الولاية وكيفاش رايحين يعرفو بلي راني ندرس 2 نتاع التخصصات في عام واحد وفي ولاية وحدة أرجو الإفادة وشكرا

مروج الوفاء 07

2012-07-08, 20:56

ارجو منكم يااخوني تعطون انواع الكتب الخارجية التي استفدتم منها في الباك لاني عام جاي باك حرة اريد ان انال شهادة البكالوريا

sara.k

2012-07-08, 21:24

انا نحب نترشح العام الجاي احرار و ما نذهبش للجامعة
هل نقدر نبلوكي العام اذا اخترت مدرسة عليا للاساتذة؟
ارجوكم ردو عليا لانوا الغد راح نضع اختيارات

orchid_girl

2012-07-08, 21:42

انا صراحة عاودت العام مرشحة حرة وكنت دايرة هندسة معمارية و كي حطيت ملف البلوكاج دارولي مشاكل ياسر و ميش غير انا بل لجميع اللي حبوا يبلوكيو كي كثرو عليا مازدتش رجعت و خليتهم لحد الساعة لا علاباليلا بلةكاولي لا خرجوني exclue على كل هاذاك الباك ميش راح نرجعلوا مادام راح نستعمل الجديد