هل هذا اعجاب ام انا اتخيل؟

[مشكلتي]

السلام عليكم
انا شاب جامعي عمري 24 سنة العام القادم اناقش مشروع تخرجي
المهم مشكلتي تعود الي اني تفطنت الى وجود اخت انسة وهي استاذة جامعية تتابعني علما انا ليست كبيرة فى السن قد يكون بيننا اربع او خمس سنوات على الاكثر
لم يسبق لهذه الاستاذة ان درستني فى الجامعة لكني اجدها فى كل مكان فى معهدي الذي اكون فيه وبصفة يومية
تعرفون الشعور الذي يقول لك ان احد ما راه ينظر اليك فى هذه اللحظة
انظر امامي او ورائي فاجدها هيا ترمقني بنظرات ومرات تتحجج بالتحدث مع اختها بعد ان اركز نظري عليها لتتأكد لكن هذا لم يمنعها من القاء نظرات بريئة
العملية مجرد النظر
بطيعي انا لا احب اللعب بمشاعر الناس فى الامور الهامة خصوصا ان كانت بنت فان كان هنالك مكتوب ديراكت لبيت الاهل الخاص بيها
وانا لا احب لاختلاط ولم يسبق لي فى دراستي الجامعية ان وقفت مع بنت بصفة او بدون صفة احتراما وتقديرا فقط
فنحن هنا لتكوين انفسنا ليس لتمثيل المسرحيات الرخيصة المعروفة النهاية
نعود لموضعنا الامر يتطلب مني السؤال عليها عند استاذات زميلات لها
والقيام يهذه المحاولة راح يجلب لي حرجا كبير وحرجا اكبر لها اريد ان اجنبها هذا
خصوصا انه يمكن ان يؤثر على صورتها فى المعهد
وانا بعد مناقشتي مشروع التخرج منزيدش نغفس هنالك
لمن وقعوا غى هذه الحالة كيف تعاملتم معها
وشكرا لكم

[saadi saif]

عاااااااااااااااادي روح اسألها علاه دايما تنظر لك وشوف الجواب ولازم تكونو في حالة الانفراد نوعا ما اي تتكلمو بدون ان لا يعرف المحيطون بكم اي شيء عن الموضوع

[Lam!ne]

تشجع و اسالها عن السبب

[لحن الفرح]

.............................
اخي انصحك الابتعاد عنها ولا تنظر اليها ابدا تجاهلها كليا وزير وجهك عليها . وركز في المذكرة التخرج تركيز كلي وان شاء الله تسهالك وتتخرج وتتحصل على الديبلوم .
اخي لما تريد الارتباط اتربط مع فتاة قدك في السن او اصغر منك . وانت تختارها .

[صُبح الأندلس]

أي زمن هذا حين تنظر الأستاذة إلى طالب و إن كان أكبر منها سنا فمابالك لو كان أصغر منها ؟ الأستاذ له هيبته فليحترم ذلك
و إن كنت أرجح أنك تتخيل فقط لأنه بصراحة لم أستوعب الأمر

[EVE]

ههههههههه لو كان جيت بلاصتك انروح نقوللها استاذة معليش تحكملي الميموار ديالي لعام الجاي او مباعد ارواح قولنا واش صرا

----- تسجيل متابعة

[lilou f lilou a]

تشجع و اسالها عن السبب

[السَّحابة البيضاءْ]

هي مجرد نظرات ، الصدفة المحرّك الآكبر لها

لا تكترث للأمر كثيراَ

[نجمة ساطعة]

صدقني والله لم أفهم مشكتلك ........

[lilou f lilou a]

ربي يكون الخير

[minanfel]

لعلها تعاني من نفس الوساوس
بالاك انت لي تشوف فيها بزاف حتن وسوستها ، واظن ان نظراتها بريئة اتجاهك
واذا راكي ناوي الحلال من جيهتها تقدم لها بطريقة مباشرة لا داعي للتساؤلات التي لا تجدي نفع لكلاكما ، حتى ولو كانت اكبر منك هذا ليس مانع للزواج

ربي يقدم الخير لكلاكما ولا داعي للتخيلات لكي لا تسقط في ما لا يحمد عقباه

[حنان شلفية]

وعلاش تكبر فيها بلاك تكون تشبه لواحد تعرفو
كاين الف سبب وعلاش رحت خممت انو معجبة بيك وحتى اذا لو كانت معجبة فيك واش فيها انت طيرلك استاذة جامعية وتزيد تتقلش ههههههههههههههه بوس يدك وحمد ربي
ربي يوفقك وقرا مليح وتخرج ومن بعد ربي يجب الخير
واذا اي واحد شافنى شعال من خطرة نقولو اعجاب املا كامل ناس يحبونا
جرب تبعد على جامعة او ماتضهرلهاش وشوف اذا حوست عليك

[soumia 02]

تشجع واسالها عن السبب

وربي يجيب غير لي فيه الخييييييييير

ان شاء الله

[abdel02]

لأنك أنت معجب بيها راه صاريلك هكذا....دير التحريات تاعك ربما تكون متزوجة وانت غير تطلع في الحسابات...

[MALAK92]

ممكن تكوووووووووون صدفة لا اكثر

[oum tesnime]

ههههههه دحكوني الردود تاع الأعضاء

إيه صح أخي هادي سور راهي تشبه فيك لقاش واحد إفتقدتو أو تحبو

توكل على الله وروح أسألها عن السبب وأضن انو ليس عيبا إدا وقف التلميد مع معلمته

أيوااا بركاك ما طلع في الحسابات غادي تنضر

[manels]

السلام عليكم

يا اخي انا استاذة بالجامعة والكثير من طلبتي افوقهم الا بعام او اعامين ومنهم من اكثر مني بالسن لكن لا انظر ولا لطالب الا في المجال العلمي يعني علاقة طالب باستاذه وهذا تصرف كل زميلاتي وهن من دفعتي ايضا يعني يا اخي اخطيك اهتم بدراستك وحسب لانه ما الهدف من السؤال رايح تخطبها اكيد لا راهي كبيرة عليك

اهتم بدراستك وحسب ولا تعرها اي اهتمام ولتعلم ان الاستاذ الحقيقي لا يتصرف بهذه الطريقة

تحياتي

[وجدان الخواطر~]

انا نشوف عندك تروح و تسقسيها ماراكش عارف وش رح تقولك يمكن تكون مخطئ و تردلك رد سيء يشوه لكـ سمعتك امام الناس و الناس راها ما ترحمش مالا تعود حاصل معاها انت كمل قرايتك وما تزيدش تعفسها وخلاص , وخاصة انها اكبر منك يعني مش رح تنجح العلاقة اذا خطبتها كيما راك تقول

ربي يكون في عونك و يجيبلك بنت الحلال لانك ذو اخلاق عالية ما عادتش متوفرة عندنا

[Rolondo]

راك تتخيل برك

بالاك نتا لي راك مكونسونتري معاها بزاف سي بور سا تشوف بلي راها تشوف فيك

دير الميموار يا حبيبنا و منبعد لي جابو ربي هاداك هوا

ايا بون كوغاج

[hayet04]

يا اخي انا في راي تحاول تعرف سبب النظرة و ادا لقيتيه اعجاب و الطفلة عجباتك توكل على ربي و السن عمرو ما كان عائ الا عند تاقصين عقول و دين و الرسول عليهىالصلاة و السلام ازوج و هي اصغر منه
سال على الصلاح و الهناء وربي يكتبلك الي فيه ال خير :)

[faty05]

و كيف علابالك تجي عند أختها؟
باين نتا لي تظل تحوس عليها و تشوف معاها؟
الجامعة كبيرة و هي تروح وين تحب
و زادا اذا شفت معاها بالطبع هي راح تشوف معاك و ذالك سيولد تبادل نظرات
ثم تبدا تخدملك في رأسكم مليح مليح
نصيحتي اهتم بدراستك
و كيما بدأت دراستك بالجدية انهيها بالجدية
الا اذا الا اذا الا اذا انك معجب فيها هذي قصة اخرى
هنا سقسي عليها مليح في الجامعة و خارجها

[نور اليقين جيداء]

بلاك مكان والو متعمرش راسك بزاف ولا قلها و شوف الجواب راه عندها

[الجواهر]

عندما كنت صغيرة كنت اتشاجر مع اختي
فتقول لي " لماه تْشُوف معايا "
نقولها " انت الي تشوفي معايا "
تقول " كون ما شَفْتِيش معايا ما نشوفش معاك "
اقول " علابالي بلي تشوفي معايا و حبيت نتاكد و لقيتك تشوف معايا "
و لا ننتهي ابدا " يا ربي تفهم اللهجة "
يا اخي استاذة في الجامعة لم تنظر الى طالب و الابواب مفتوحة على مصراعيها ؟؟
ربما تتوهم فقط و تلعب الصدفة دورا كبيرا و ما دمت ستتخرج من الجامعة حاول تجنبها و ستنساها بمجرد الدخول في سباق البحث عن العمل

[ايمان فلاور]

علاة مدريش الميموار عندها هههههههههههههههه ...اظن انها تشبهك لشخص ما

[malak achark]

يااخي ابتعد على نظرات الزنى وسلم امرك لله سبحانه وتعالى واساله ان كان فيها خير يقرب بينكما وان العكس يباعد بينكما
اما سؤالك انه اعجاب ام لا فان كانت لك الجراة فاسالها وحدد موقفك معها طبعا في الحلال