بهذا المعدل !!!!!!!!!!!

[تقوى الله 07]

السلام عليكم
اخوتي حفظكم الله
هل معدل 14.30 يؤهل لدراسة الطب
رجاءا اجيبوني

[أمينة1994]

لا اعتقد ذلك

ربي يجيب لي فيه الخير

[تقوى الله 07]

شكرا لك اخيتي
ان شاء الله اللي فيه الخير كيما قلتي

[تقوى الله 07]

رجاءا افيدوني

[أسيرة الغموض]

السلاآآم عليكم

مممممممم ،، لا أظن أختي لأنو في السنوات الأخيرة لم ينزل تحت 15 و الله أعلم

ربي يكتبلك لي فيه الخير ان شاء الله


دمتـــ فــــي حفـــــــظ الرحمــــــــــــــآن

[تقوى الله 07]

شكرا لك اختي
انا و الله خدمت على معدل 17 وكنت في الامتحانات ما نهبط على15 وانصدمت بمعدلي وكأن الاوراق التي صححت ليست اوراقي لكن المكتوب واللي جابها ربي مرحبا بيها بصح الآن في التوجيه حصلت لا مدرسة عليا و لا طب و لا صيدلة و لا جراحة اسنان و لا ولا ولا ...................................

[samira 1993]

2064027...............

[تقوى الله 07]

عذرا اخيتي لا استطيع افادتك بكشف النقاط لان الكونكسيون عندنا ميتة

[ابتسام123]

راهم دارونا في الدليل الطب والصيدلة 14 فما فوق

[hakim lyonnais]

التحصل على معدل 14 كأنك تحصلت على 12 في الجزائر , يجب التحصل على 15.70 فما فوق باه تحصل على خيارات التي تحبها

[اللؤلؤة مريم]

ممكن تدرسي طب خلي أملك في ربي كبير خاصة و أن المعدلات الجيدة نقصت ،أنا العام لي فات تحصلت على44 ،14 و ما كتبليش ندير طب و العام هذا تعبت في القراية و لما شفت التصحيحات قلت معدلي لن يكون أقل من 16 لكن فوجئت ب57، 14 و أنا عندي أمل كبير في دراسة الطب لكن الخطأ الذي إرتكبته العام الماضي أني درت أمل كبير في دراسة الطب و جراحة الأسنان يعني لم أحاول تقبل أي تخصص آخر و يوم عرفت أني لم أقبل تعبت نفسيا لذلك نقولك سجلي طب لكن أعرفي تخايري بعد الطب ضعي تخصصات مليحة و تقبليها و إن شاء الله تدرسي طب خاطر باينة تعبتي

[تقوى الله 07]

ممكن تدرسي طب خلي أملك في ربي كبير خاصة و أن المعدلات الجيدة نقصت ،أنا العام لي فات تحصلت على44 ،14 و ما كتبليش ندير طب و العام هذا تعبت في القراية و لما شفت التصحيحات قلت معدلي لن يكون أقل من 16 لكن فوجئت ب57، 14 و أنا عندي أمل كبير في دراسة الطب لكن الخطأ الذي إرتكبته العام الماضي أني درت أمل كبير في دراسة الطب و جراحة الأسنان يعني لم أحاول تقبل أي تخصص آخر و يوم عرفت أني لم أقبل تعبت نفسيا لذلك نقولك سجلي طب لكن أعرفي تخايري بعد الطب ضعي تخصصات مليحة و تقبليها و إن شاء الله تدرسي طب خاطر باينة تعبتي
بارك الله فيك اخيتي فقد زدتي من معناوياتي كما اشكرك جزيل الشكر صحيح انا تعبت كثييييييييييييييرا لاجل البكالوريا و قريت فوق طاقتي كما اني لم اذهب اية لحظة الا و استغليتها للنجاح بتفوق لكن الحظ لم يحالفني

[أواه منيب]

انظم الى اصحاب 14 راني كي بحالتكم


هل عندكم ما تقولوا ؟

[تقوى الله 07]

و الله ما ني عارفة انا من جماعة 14 راني في ورطة

[أواه منيب]

خليـــنا نفهم حاجة ...

أصحاب 14 يعمرو 10 خيــارات ...هذا امر ُ ُ معلووم


لاختيار التخصصات يعتمد على الدليل ....المعدلات منخفضة ؟ لكن معدلات القبوول الجامعات مرتفعة

ما فهمنا والووووووووو



سؤال ممكن توضحينا رغباتك لعلنا نستفيد ؟

[نسيبةB]

(ولسوف يعطيك ربك فترضى)
ادعي ربي هو قادر على كل شيء

[الجريح الصامت]

انا جبت 12.32 كنت حاب ندير هندسة معمارية مي كلشي تبخر

[~ فآيـزة ~]

سلام

خليها على ربي اختي .. ادا حبلك ربي تقراي طب رايح ينخفض معدل القبول الى 14.30 :) ...

[تقوى الله 07]

ان شاء الله اختي ربي يسمع منك سبحانه هو العلي القدير

[ღأُسَامَةُღ]

الله أعلــم لكــن إحتمآل ضئيـل جد بالرغـم من إنخفاض المعدلات هذه السنــة
(أخذتي 14 إذا أستدعيتــي للتكريم بالمتقن يوم الجمعة)

[تقوى الله 07]

هل التكريم لاصحاب 14 فما فوق فقط ؟ و ماذا سيكون فيه ؟

[ღأُسَامَةُღ]

نعم لأصحآب 14 فمآ فوق ،لكــن لا أدري ماذا سيكون فيه ،+يجـب علــكي إستلام إستدعآئكـ سيكون في ثآنويتكـ على ما أظن

[تقوى الله 07]

شكرا جزيلا

[mr.berns]

لا ابدا بالعكس سيرتفع هذه السنة

[تقوى الله 07]

لا ابدا بالعكس سيرتفع هذه السنة
لم كل هذا التاكد ؟؟؟

[mr.berns]

لم كل هذا التاكد ؟؟؟

لاحظي بنفسك واستنتجي
المعدلات طاحو
و لكن

جماعة 14 كامل طامعين في الطب و شوفى عددهم ماشاء الله + جماعة 15 و16 و17 رح يكون اقبال اسطوري هاذ السنة على الطب طمعا في انخفاظ معدل القبول وقيسي بنفسك حاجة مطلوبة تندر و ترتفع قيمتها
ماشاء الله عندك معدل 14 جربي حظك معا حوايج اخرى علاه تريحي واحد من العشرة اختيارات تاعك باطل
لو الناس كامل تخير طب الدنيا ما تتحركش
وعذرا لو كلامي ماعجبكش

[نسيبةB]

خلاص آسيدي ادا كامل دارو طب ديري صيدلة أحسن

[manel dima]

ايه أختي ، 14 هو المعدل المطلوب لكن أنت وزهرك لأن الترتيب يكون حسب الأولوية ، يعني إذا كان الطلب عليه بزاف رايحين يقبلوا أولا صحا 16 فما فوق ومن بعد يشوفوا مع صحاب 14

[yazid chinoui]

رانا كيف كيف انا ايضا عاودت الباك حر كنت متوقع نجيب الباك ب 15 والفوق ... لكن انصدمت كي شفت 14.17 لكني درت غلطة كي مابلوكيتش العام في الجامعة ... يعني حاولت التوفيق بين الباك والجامعة ....المهم الحمد لله على كل شيء ولي فيها الخير ربي يجيبها ..... وهناك العديد من التخصصات الملاح من غير الطب

[تقوى الله 07]

انا لا اريد الطب كرغبة وحيدة لا يوجد غيرها لكن هذه رغبة والداي و انتم تعرفون كثيرا الوالدين و احساسهم
الله اعلم بما يكتبه لي سبحانه