قولولي راني غالطة كي نصحتها؟

[soha1987]

عندي بنت عمي وصاحبتي من الصغر تعرفت على واحد بوليسي من نهار عرفاتو وهو عقابها تخرجي معايا وركبي معايا الطوموبيل و.........بصح هي ضدو ومن مشكل صغير يدير مشكل وشهر شهرين يتفارقو ويولي يرجع وتسامحو ومرات هي ترجع انا قوتلها خطيه بصح هي شادة فيه وكي تقولو اخطبني يدير الف سببب ؟
قاتلي قولي كيفاه ندير باش نخليه يجي يخطبني قتلها عيطيلو وقوليلو جاو يخطبوني وشوفي واش راه يقولك وكي عيطت ماهزش بعثت ميساج ماردش وظلت تعيط مايريبونديش وهادو يومين ما كان والو
انا دبرت عليها بصح خفت نكون فسدت عليها كلش ؟

[الحنان المفقود]

لعله متزوج قولي لها أن تتأكد من هذه النقطة بالذاااااااات لكي لا يحدث لها ما حدث لي.

[soha1987]

شكرا على ردك اختي الحنان المفقود
هي ما علابالهاش لكان مزوج ولا لا كيفاه تعرفو؟
قوليلو لحوايج لي يبينوه مزوج باش نسقسيها

[soso sirin]

عندك الصح كي قلتيلها هكا كون جا بعينو يجي ليها كان جا خطبها و راكي تقولي راه خدام معنتها واش راه يستنى و لا راح يديرلها العرس في الهيلتون و لا الشيراتون و راه يلم في الدراهم و ديجا ماراهي عارفة عليه والو و زيد الي يبغي وحدا صح و باغيها لدارو والله مايقلها ركبي معايا في الطونوبيل و مازال حتا ماخطبها قولي لبنت عمك تستنى واش يقلها و لا تنحيه كامل من دماغها هو واش راه خاسر هدرة تيليفونات و كون ساعفاتو كون حتا خرج معاها الحرام راه يجيهم ساهل و حتى و يخسرو دراهمهم مي حاجة الحلال راهي تبانلهم صعيبة بزاف هاذو ناس الي مايبغوش يتحملو المسؤولية

[الحنان المفقود]

شكرا على ردك اختي الحنان المفقود
هي ما علابالهاش لكان مزوج ولا لا كيفاه تعرفو؟
قوليلو لحوايج لي يبينوه مزوج باش نسقسيها
يا ختي المتزوج يطلب يخرج ويروح لأي مكان....
يعني طلباتو غريبة

قد كان يقول لي من كنت على علاقة به : اختاري يوما وأذهب فيه أنا وأنتِ إلى أمي لكي تريها وتراك .....هذا بعد طلبه في أن معه وأن نذهب لكي نتناول وجبة الغداء و....

يا أختي قولي لها تسأل عنه
وترى بطاقة هويته
تسأل عنه في أي مكان قد يكون فيه وأين يسكن أيضا
أرجوكي لا أريدها أن تنصدم كما صدمت

[soha1987]

شكرا سوسو على الرد انا قتلها كيما قلتي كي كانت معاه في العام لول بصح ماسمعتش هدرتي وهادو ثلاثة ايام ما عيطلها وما بعث ميساج قاعدة حدا الموبيل تستنى والله شفتني هادوهما الرجال لي مايحشموش
حنونتي الحنان المفقود على معلوماتو هو عطاها النهار الاول كي جاها لبارمي وبطاقة الشرطة تشوفهم وقاتلي قعدت نحفظ ماش نقرا وتقارن بينو و بين لفوتو بصح ضرك تقلب عليها مرات يسيبها كي تعيطلو ما فهمت والو المسكينة

[عبد العزيز البدري]

وش رها تتنتضر هادا راه يتمسخر بيها واحب وتمتع بيها ويرميها كي يكره منها
قوليلها غير اخطيك
قوليلها رفيقي راكي غافلة
مش عارف كيفاش تكرو نتموا
الراجل باين بلي يتمسخر
المثل يقولك الشاري تجي عينو حمرة

[سنوم 33]

ماكيش غالطة......هذا هو الصح اذا كان عينو فيها قدامو الباب

[fafou12]

يا اختي مكيش غالطة .رانا كامل عارفين الراجل هو اللي يجري مورا المرا ماشي العكس .انا نقلها اخطيك منو حتي الا كانت تحبو لازم تحب كرامتها اكتر هدى مزالت على البر غير متتبحر اللي كاتبو ربي رايح يكون . الحرص ميبدلش القدر .و ربي يكون معاها

[soha1987]

شكرا لكم على رودودكم

[djazia94]

انا نقول لازم تخطيه
وتشوف وحداخور لي تكون متاكدة بلي ماراوش يلعب بيها
يكون يقرا معاها مثلا
ولى جارها ولى من لافامي
خاطش اليوم كيما اديري ماتقدريش تعرفي ادا راو يكدب ولى من نيتو
وبالاكي يخدعها بالكلام الحلو ولى بشوية كادووات
والله يبعد علينا ولاد الحرام

[b.mayssouna]

اختي بارك الله فيك وربي يكتر من امثالك درتي لي عجزو بزاف باه يديروه علابالك علاه حاسة روحك غالطة ولا تلومي في روحك
باسك في وقتنا هادا ماكانش لي يجي ينصحك بهاد النصيحة قلييييييييييييييييل جدا
المهم انا في رايي انك عملت الصح خاطر علاقتهم اصلا حرام في حرام ولوكان جات عندو نية مليحة او جا خطبها بلا ماتطلب مي كي ولات في وقت الصح هرب
الجواب باين من عنوانو قوليلها تستغفر مولاها باه ربي يضى عليها ويعوضهى
بالاك كان كف بلاء وكي حبست هنا احسن

[حفيظة 1]

عندي بنت عمي وصاحبتي من الصغر تعرفت على واحد بوليسي من نهار عرفاتو وهو عقابها تخرجي معايا وركبي معايا الطوموبيل و.........بصح هي ضدو ومن مشكل صغير يدير مشكل وشهر شهرين يتفارقو ويولي يرجع وتسامحو ومرات هي ترجع انا قوتلها خطيه بصح هي شادة فيه وكي تقولو اخطبني يدير الف سببب ؟
قاتلي قولي كيفاه ندير باش نخليه يجي يخطبني قتلها عيطيلو وقوليلو جاو يخطبوني وشوفي واش راه يقولك وكي عيطت ماهزش بعثت ميساج ماردش وظلت تعيط مايريبونديش وهادو يومين ما كان والو
انا دبرت عليها بصح خفت نكون فسدت عليها كلش ؟


كفاش فسدتي عليها؟؟؟؟؟؟؟؟؟؟؟؟هو اصلا باين فاسد من لميزو لوكان عينو فيها لوكان جاها وخطبهاااااااااااااااااااااااااااااااا
قولها غييييييييييييييير افوتو وتشوف حياتها خير لها

[تالا تسنيم]

قولي لها يا أختي اخطيك منه .......... باين نيته ماشي صافية.............. ربي يرزقها بزوج صالح......... وزيدي قولي لها اخطيك من هذه العلاقات........... الي باغيك يجيك للدار............. الله يهني الجميع

[soha1987]

شكرا اخواتي على الرد وتفاعلكم وحبيت نقولكم من هداك النهار جبد عليها وهي راهي عيات تصدق هادوهوما الرجال نتاع دورك ربي يهديهم

[hamsa1987]

السلام علييكم
زعمة هذا اللي يمد للناس القدوة راهو داير المنكر . او باين بلي يتمسخر مالا قولي لصاحبتك تنساه و كرامتعا فوق كل شيء ما تزيدش تعاود تعيطلو و من الاحسن تبدل الرقم تاعها و طريق السد لهذا الذئب اللعوب

[الكـ الطيبة ـلمة]

ربي يهنيها منو هذا راه لعوب

و لا عندوش علاقة بالجدية

[صفاء الروح]

هيه عندك الحق كي نصحتيها قوليلها ترد بالها منو باين عليه ديب وحباب صلاحو